Tag: کرن جوہر

ممبئی: بالی ووڈ باربی ڈول کترینہ کیف نے کہا ہے کہ محبت کو پانے کے لیے بغیر کچھ سوچے اپنا کرئیر قربان کردوں گی، اگر کیریئر اور محبت میں سے کسی ایک کا انتخاب کرنا پڑا تومحبت کے آگے کیریئر قربان کر دوں گی۔

بالی ووڈ کی معروف اداکارہ کترینہ کیف کا کہنا تھا کہ اگر کسی کی محبت میں گرفتار ہوجاتی ہوں اور اس کے ساتھ شادی کی خواہش بھی ہو تو کچھ بھی سوچے سمجھے بغیر شادی رچا لوں گی اور گھرپررہ کر بچوں کوسنبھالوں گی۔

ان کا کہنا تھا کہ بہت سی خواتین ایسی بھی ہوتی ہیں جو شادی کرنے کے بجائے اپنے کیرئیر پر زیادہ توجہ دینے کی خواہشمند ہوتی ہیں لیکن اگر فطری طور پر بات کی جائے تو خواتین زیادہ اپنے خاندان کی جانب مائل ہوتی ہیں اور اپنے شوہر اور بچوں کا خیال رکھتی ہیں، اگر مجھ سے اس حوالے سے پوچھا جائے تو میں ان دونوں چیزوں کو منتخب کرنا چاہوں گی۔

واضح رہے کہ بالی ووڈ کی باربی ڈول مختلف اداکاروں کے ساتھ گہری دوستی کے باعث خبروں کی زینت بنی رہتی ہیں، کچھ عرصہ پہلے ہی ان کا رنبیر کپور سے طویل معاشقے کے بعد بریک اپ ہوا ہے، یہ بریک اپ اس وقت ہوا کب ان کی شادی کی خبریں بھی آرہی تھیں، اس بریک اپ کے بعد اداکارہ ٹوٹ گئی ہیں۔

ممبئی: باصلاحیت پاکستانی اداکار فواد خان کا بالی ووڈ میں بلندیوں کا سفر جاری ہے اور شنید ہے کہ وہ اپنی اگلی فلم میں کترینہ کیف کے ساتھ کام کرنے جارہے ہیں۔

اس بارے میں سب سے پہلے فلم فیئر ایوارڈز کے ایڈیٹر جتیش پہلائی نے ٹوئٹ کرتے ہوئے آگاہ کیا۔

More on Fawad khan, word has it that he’s been reportedly signed for a dharma-Fox film with Katrina Kaif! Directed by debutant Aditya Dhar!

— J (@jiteshpillaai) July 17, 2016

انہوں نے بتایا کہ ممکنہ طور پر فلم کے ڈائریکٹر ادیتیہ دھر ہوں گے جن کی بطور ڈائریکٹر یہ پہلی فلم ہوگی۔

فواد خان کچھ عرصہ قبل ہی آئیفا ایوارڈز کی میزبانی کر چکے ہیں۔ ان کی 2 بالی ووڈ فلمیں ’خوبصورت‘ اور ’کپور اینڈ سنز‘ ریلیز ہوچکی ہیں جبکہ وہ کرن جوہر کی فلم ’اے دل، ہے مشکل‘ میں بھی ایک مختصر کردار ادا کر رہے ہیں۔

فواد خان کی اداکاری کو بھارت میں کافی پسند کیا جارہا ہے۔ بھارتی چینل ’زندگی‘ سے ان کے ڈرامے تواتر کے ساتھ نشر کیے جارہے ہیں جبکہ یہ چینل ایک ماہ قبل ’فواد فیسٹیول‘ بھی منا چکا ہے جس کے دوران فواد خان کے ڈرامے دکھائے گئے۔