ARYNews.tv | Urdu – Har Lamha Bakhabar

Tag: کرن راؤ

  • عامر خان اور کرن راؤ کی فلم ’لاپتا لیڈیز‘ آسکر کی دوڑ سے باہر

    عامر خان اور کرن راؤ کی فلم ’لاپتا لیڈیز‘ آسکر کی دوڑ سے باہر

    بالی ووڈ کے مسٹر پرفیکشنسٹ عامر خان اور انکی سابقہ اہلیہ اور ہدایتکار کرن راؤ کی مشہور فلم لاپتا لیڈیز آسکرز کی دوڑ سے باہر ہوگئی۔

    دی اکیڈمی آف موشن پکچر آرٹس اینڈ سائنسز نے منگل کو 97ویں آسکرز کے لیے 10 کیٹیگریز کی شاٹ لسٹس جاری کی ہیں، اس شارٹ لسٹ میں عامر خان اور کرن راؤ کی فلم ’لاپتا لیڈیز‘ کو شامل نہیں کیا گیا۔

    بھارتی میڈیا کے مطابق گونیت مونگا کپور کی فلم ’انوجا‘ نے لائو ایکشن شارٹ فلم کیٹگری میں جگہ بنانے میں کامیاب ہوگئی، فلم انوجا گارمنٹ انڈسٹری میں کام کرنے والے بچوں کی مجبوری کی پر مبنی چائلد لیبر کی کہانی ہے۔

    یاد رہے کہ لاپتہ لیڈیز کو ستمبر 2024 میں آسکرز کے لیے بھارت کی آفیشل انٹری منتخب کیا گیا تھا، جس میں دو نوجوان دلہنوں کی معاشرتی زندگی کی داستان پیش کی گئی ہے۔

    عامر خان کی سابقہ اہلیہ کرن راؤ کی اس فلم کی کہانی ایک اعزازی کہانی پر مبنی ہے جو بپلوپ گوسوامی نے لکھی تھی، اور اس میں راوی کشن، نیتنشی گوئل اور پرتیبھا رنتا نے اہم کردار ادا کئے ہیں۔

    لاپتا لیڈیز کو عامر خان، کرن راؤ، اور جیوتی دیشپانڈے نے عامر خان پروڈکشن، کنڈلنگ پکچرز، اور جیو اسٹوڈیو کے بینرز تلے پروڈیوس کیا تھا۔

    https://urdu.arynews.tv/kareena-kapoor-saif-ali-khan-reunite/

  • آسکر نامزدگی کے بعد فلم ’لاپتہ لیڈیز‘ کو نیا نام مل گیا

    آسکر نامزدگی کے بعد فلم ’لاپتہ لیڈیز‘ کو نیا نام مل گیا

    بالی ووڈ کی مایہ ناز فلم ڈائریکٹر اور اداکار عامر خان کی سابقہ اہلیہ کرن راؤ نے اپنی فلم ’لاپتہ لیڈیز‘ کو آسکر میں نامزدگی کا اعزاز ملنے کے بعد فلم کا ٹائٹل تبدیل کردیا۔

    بھارتی میڈیا کے مطابق کرن راؤ کی فلم کو ’لاپتہ لیڈیز‘ کو بھارت کی  آفیشل سرکاری انٹری کے طور پر آسکر 2025 کیلئے منتخب کیا گیا تھا۔

     

    View this post on Instagram

     

    A post shared by Lost Ladies (@lostladiesfilm)

    آسکر ایوارڈز میں نامزدگی کے بعد ایوارڈ کی اہم شرائط میں سے ایک کو پورا کرتے ہوئے فلم ’لاپتہ لیڈیز‘ کے میکرز کی جانب سے فوٹو اینڈ ویڈیو شیئرنگ ایپ انسٹاگرام پر مداحوں کو فلم کے نئے نام اور  پوسٹر سے آگاہ کیا گیا۔

     فلم ’لاپتہ لیڈیز‘ کے میکرز عامر خان پروڈکشن کی جانب سے فلم کے نام کو ہندی سے انگریزی میں کنورٹ کرتے ہوئے آسکر 2025 کیلئے فلم کا نام لاپتہ سے‘لوسٹ لیڈیز‘ میں تبدیل کیا گیا ہے۔

    عامر خان پروڈکشن کی جانب سے انسٹاگرام پر شیئر کی گئی پوسٹ کو کیپشن دیتے ہوئے فلم لاپتہ لیڈیز کے میکرز کا کہنا تھا کہ ’انتظار کی گھڑیاں ختم ہوئیں، لوسٹ لیڈیز  کے نام سے فلم لاپتہ لیڈیز  کا نیا پوسٹر آسکر میں کمپیٹ کرنے کیلئے تیار ہے‘۔

    واضح رہے کہ فلم ’لاپتہ لیڈیز ‘ بپلاب گوسوامی کی ایک ایوارڈ یافتہ کہانی پر بنائی گئی ہے جس میں پرتیبھا رانتا، سپارش شریواستو، اور نیتانشی گوئل نے اداکاری کے جوہر دکھائے۔

    فلم میں ایک ایسے شخص کی کہانی بیان کی گئی ہے جس کی دلہن ٹرین سفر کے دوران گم ہوجاتی ہے، اور اس کا دلہا گھونگھٹ کی وجہ سے پہچان نہ پانے پر دوسری دلہن کو ساتھ گھر لے آتا ہے۔

  • کرن راؤ کی فلم ’لاپتہ لیڈیز‘ کے نام بڑا اعزاز

    کرن راؤ کی فلم ’لاپتہ لیڈیز‘ کے نام بڑا اعزاز

    بالی ووڈ اسٹار عامر خان کی سابقہ اہلیہ کرن راؤ کی ہدایتکاری میں بننے والی فلم ’لاپتہ لیڈیز ‘ نے بڑا اعزاز اپنے نام کرلیا۔

    بھارتی میڈیا کے مطابق فلم فیڈریشن آف انڈیا کی جانب سے اعلان کیا گیا ہے کہ فلم ’لاپتہ لیڈیز ‘ کو آسکر ایوارڈز 2025 میں انٹرنینشل فلم کیٹیگری کے لیے نامزد کیا گیا ہے۔

    رپورٹ میں بتایا گیا کہ عامر خان کی پروڈکشن میں بننے والی فلم ‘لاپتہ لیڈیز’ کو رنبیر کپور کی اینیمل اور دیگر 12 ہندی فلم، 6 تامل اور 4 ملیالم فلموں میں سے منتخب کیا گیا ہے۔

    رپورٹ کے مطابق بھارت کو اس فلم سے بہت امیدیں ہیں کیونکہ فلم کو ناقدین کی جانب سے خوب پزیرائی ملی ہے۔ فلم کا موضوع بھی انتہائی دلچسپ ہے اور اس میں موجود سبھی اداکاروں نے بہترین کام کیا ہے۔

    ’لاپتہ لیڈیز‘ نے رنبیر کپور کی ’اینیمل‘ کو پیچھے چھوڑ دیا (arynews.tv)

    اس سے قبل کرن راؤ نے بھارتی میڈیا سے گفتگو کرتے ہوئے کہا تھا کہ اگر اُن کی فلم آسکر ایوارڈز کے لیے نامزد ہوجائے گی تو اُن کا خواب پورا ہوجائے گا۔

    واضح رہے کہ فلم ’لاپتہ لیڈیز ‘ بپلاب گوسوامی کی ایک ایوارڈ یافتہ کہانی پر بنائی گئی ہے جس میں پرتیبھا رانتا، سپارش شریواستو، اور نیتانشی گوئل نے اداکاری کے جوہر دکھائے۔

    فلم میں ایک ایسے شخص کی کہانی بیان کی گئی ہے جس کی دلہن ٹرین سفر کے دوران گم ہوجاتی ہے، اور اس کا دلہا گھونگھٹ کی وجہ سے پہچان نہ پانے پر دوسری دلہن کو ساتھ گھر لے آتا ہے۔

  • ’بیٹے آزاد کی پیدائش سے قبل 5 سال تک حمل۔۔۔۔‘ کرن راؤ نے کیا کہا؟

    ’بیٹے آزاد کی پیدائش سے قبل 5 سال تک حمل۔۔۔۔‘ کرن راؤ نے کیا کہا؟

    بالی ووڈ فلم انڈسٹری کے معروف اداکار و مسٹر پرفیکشنسٹ عامر خان کی سابقہ اہلیہ کرن راؤ نے انکشاف کیا کہ بیٹے آزاد کی پیدائش سے قبل  متعدس مِس کیرج ہوئے۔

    عامر خان کی سابقہ اہلیہ کرن راؤ نے حالیہ انٹرویو میں صحت سے متعلق مسائل اور بیٹے کی پیدائش سے متعلق گفتگو کی ہے۔

    عامر خان کی سابقہ اہلیہ کرن راؤ نے انکشاف کیا ہے کہ آزاد کی پیدائش، ان ویٹرو فرٹیلائزیشن کے ذریعے ہوئی تھی، میں نے 5 سال تک متعدد بار حمل ضائع ہونے کا دکھ بھی جھیلا ہے۔

    کیا عامر خان کی پہلی شادی کرن راؤ کی وجہ سے ناکام ہوئی تھی؟

    کرن راؤ نے  مزید کہا کہ ’جس سال انہوں نے  فلم ’دھوبی گھاٹ‘ بنائی تھی اُسی سال اُن کے ہاں آزاد کی پیدائش ہوئی تھی اور اس سے قبل 5 سال اُنہوں نے اپنی صحت سے متعلق معاملات درست کرنے اور صحت مند طریقے سے ماں بننے کے لیے بہت کوشش کی تھی‘۔

    انٹرویو میں کرن سے پوچھا گیا کہ کیا انہیں گزشتہ 10 برسوں میں بیٹے آزاد کی پرورش کے لیے اپنے کیریئر کو روکنے پر پچھتاوا محسوس ہوا؟

    کرن راؤ نے مزید کہا کہ آزاد کی پیدائش کے بعد میں نے انڈسٹری سے 10 سال کا وقفہ لیا تھا، کام سے وقفے کا مقصد اپنے بیٹے کے ساتھ وقت گزارنا تھا اور انڈسٹری سے دوری پر مجھے کوئی پچھتاوا نہیں ہے۔

    کرن راؤ نے کہا ہے کہ میں نے آزاد کو 10 سال تک بھرپور وقت دیا ہے اور اس وقت سے وہ خوب لطف اندوز بھی ہوئی ہیں۔

    واضح رہے کہ  عامر خان اور کرن نے 2011 میں سیروگیسی کے عمل کے ذریعے بیٹے آزاد کا استقبال کیا، اب جوڑے کی طلاق ہوچکی ہے اور وہ اب مشترکہ طور پر آزاد کی پرورش کررہے ہیں۔