Tag: کروناوائرس

ایڈنبرگ: اسکاٹ لینڈ کے ایک عینک ساز نے فیس ماسک پہننے کے بعد پیش آنے والی دشواریوں سے چھٹکارے کا حل بتا دیا، خصوصی ترکیت درج ذیل ویڈیو میں ملاحضہ کیجیے۔

غیرملکی خبررساں ادارے کی رپورٹ کے مطابق بعض شہریوں کو فیس ماسک پہننے کے بعد سانس لینے میں مشکلات ہوتی ہیں جبکہ عینک لگانے والے افراد اگر ماسک پہن لیں تو چشمے کے شیشے آکسیجن کے باعث دھندا جاتے ہیں۔

اسکاٹش عینک ناز نے مذکورہ صورت حال سے نکلنے کا طریقہ بتا دیا۔ انہوں نے اپنی ویڈیو میں تین ایسی کارآمد ترکیب بتائی جس کے ذریعے ان مشکلات سے چھٹکارہ حاصل کیا جاسکتا ہے۔

1) عینک لگانے والے افراد کا چشمہ اگر فیس ماسک پہننے سے دھندا جاتا ہے تو وہ پہلے ماسک لگائیں اور اس کے اوپر سے چشمہ پہنیں اور ماسک کی اوپری سطح کو عینک سے دبا دیں۔

2) ماسک پہننے کے بعد اگر سانس لینے میں دشواری پیش آتی ہے تو ایک ٹشو ماسک کی اوپری سطح پر رکھ دیں اس کے بعد ماسک کے استعمال سے سانس کی روانی مکمل طور پر عام رہے گی۔

3) آکسیجن کی پریشانی سے بچنے کے لیے ماسک کے دونوں حصوں کے لاسٹک کو اچھی طرح گرہ لگا دیں، اس طرح فیس ماسک کا اندرونی حصہ ابھر آتا ہے اور سانس کی پریشانی حل ہوجاتی ہے۔

نئی دہلی: بھارت میں کرونا مریضوں کو صحت یابی میں مدد فراہم کرنے کے لیے ڈاکٹرز یوگا بھی کروارہے ہیں۔

غیرملکی خبررساں ادارے کی رپورٹ کے مطابق بھارت میں وبائی مرض سے لڑنے والے مریضوں کو خصوصی طور پر ڈاکٹرز یوگا بھی کروا رہے ہیں تاکہ وہ جسم کے ساتھ اپنی ذہنی صحت بھی برقرار رکھ سکیں۔

رپورٹ کے مطابق بھارتی دارالحکومت دہلی میں قائم ایک اسپورٹ کومپلکس کو عارضی طور پر کرونا سینٹر میں تبدیل کردیا گیا ہے جہاں درجنوں مہلک وائرس کے شکار مریضوں کو رکھا گیا ہے۔

#India – A doctor instructs patients as they perform yoga inside a ward at the Commonwealth Games (CWG) Village sports complex, temporarily converted into a COVID-19 coronavirus care centre, in New Delhi. #AFP@Money_Sharma pic.twitter.com/8VSMdEZ4ga

— AFP Photo (@AFPphoto) July 16, 2020

روزانہ کی بنیاد پر مریضوں کی دیکھ بھال کی جاتی ہے، کھانے پینے کے علاوہ ذہنی اور جسمانی ورزش کے لیے تمام تر سہولتیں موجود ہیں، ڈاکٹرز کے مطابق اس اقدام کے ذریعے مریض خود کو بہتر اور تازہ ذہن محسوس کرتے ہیں۔

خیال رہے کہ یوگا نفس پر قابو پانے، ذہنی تازگی اور صحت مند رہنے کے لیے کیا جاتا ہے۔ تحقیق کے مطابق یوگا جسمانی اور نفسیاتی ورزش کا طریقہ ہے جو انسانی صحت پر خوشگوار اثرات مرتب کرتا ہے۔

یوگا ایک ایسی ورزش ہے جو جسم کے تمام افعال کو بہتر بناتی ہے اور ذہنی و نفسیاتی صحت پر بہترین اثرات مرتب کرتی ہے۔ باقاعدگی سے یوگا کرنا طویل عمر تک جوان، متحرک اور صحت مند رکھتا ہے۔

واشنگٹن: منگولیا میں ’ببونک طاعون‘ کا نیا کیس رپورٹ ہونے کے بعد اب امریکی ریاست کلوراڈو میں ایک گلہری طاعون وبا کا شکار ہوچکی ہے۔

غیرملکی خبررساں ادارے کی رپورٹ کے مطابق گلہری میں ببونک طاعون کا پازیٹو رپورٹ آنے کے بعد محکمہ صحت نے وارننگ جاری کردی جس میں مذکورہ وبائی مرض کی افزائش کا خدشہ ظاہر کیا گیا ہے۔

طبی ماہرین کا کہنا ہے کہ فی الحال بروقت احتیاطی تدابیر اور حکمت عملی سے ببونک طاعون کنٹرول میں ہے۔

رپورٹ کے مطابق اس سے قبل کلوراڈو میں ہی مذکورہ طاعون کا ایک اور کیس رپورٹ ہوچکا ہے، جس کے بعد ریاست میں یہ نئی وبا کا دوسرا کیس ہے، ببونک انسانوں کے علاوہ جانوروں کو بھی متاثر کرتا ہے۔

کرونا کے بعد نئی بیماری سر اٹھانے لگی، روس کا بڑا ایکشن

ماہرین کا ماننا ہے کہ اگر یہ وبا کسی جانور میں ہوئی تو بہ آسانی انسانوں میں بھی منتقل ہوسکتی ہے، اور اگر بروقت علاج کرکے بیماری کا جسم میں پھیلاؤ نہ روکا گیا تو 24 گھنٹے کے اندر متاثرہ شخص مر بھی سکتا ہے۔

واضح رہے کہ ببونک وائرس سے بچنے کے لیے روس نے بھی حکمت عملی تیار کرلی ہے۔ ببونک طاعون کے کیسز اس سے قبل بھی سامنے آتے رہے ہیں۔ سنہ 2017 میں مڈغاسکر میں طاعون کے 300 کیسز سامنے آئے تھے۔