Tag: کروناوائرس

لاہور: پنجاب میں عالمگیروبا کروناوائرس کے مزید 336 نئے کیسز سامنے آگئے۔

تفصیلات کے مطابق محکمہ صحت پنجاب نے صوبے میں نئے کیسز کی تصدیق کرتے ہوئے کہا ہے کہ کرونا کے کنفرم مریضوں کی مجموعی تعداد 13561 ہوگئی ہے۔

ترجمان پرائمری اینڈسیکنڈری ہیلتھ کیئر کا کہنا ہے کہ لاہور میں وبا کے 178 نئے مریض سامنے آئے، کرونا سے کل 223 اموات ہوئیں جبکہ 4636 افرادصحت یاب ہوچکے ہیں، صوبے میں اب تک 145577 ٹیسٹ کیے جاچکے ہیں۔

پاکستان میں کورونا سے 770 اموات ، کیسز کی تعداد 35 ہزار 700 تک جا پہنچی

دوسری جانب وزیراعلیٰ سندھ مراد علی شاہ نے سندھ میں آج کرونا کے758 نئے کیسز رپورٹ ہونے اور 9 افراد کی اموات کی تصدیق کردی، جس کے بعد صوبے میں کورونا سے متاثر افراد کی تعداد 14000 سے تجاوز کر گئی جبکہ اموات کی تعداد 234 ہوگئی ہے۔ مزید مریضوں کی افزائش کا خدشہ ہے۔

خیال رہے کہ پاکستان میں لاک ڈاؤن میں نرمی کے بعد کوروناوائرس کےحملوں میں تیزی آنے لگی، گزشتہ گھنٹوں میں 1452 کیسز رپورٹ ہوئے جبکہ 33 افراد جاں بحق ہوئے، جس کے بعد اموات تعداد 770ہوگئی ہے۔

کراچی: ڈائریکٹر جنرل رینجرز سندھ میجر جنرل عمر بخاری کی سربراہی میں اجلاس ہوا جس میں کراچی سمیت سندھ بھر میں سیکیورٹی صورت حال پر تبادلہ خیال کیا گیا۔

تفصیلات کے مطابق ترجمان رینجرز کا کہنا ہے کہ اجلاس میں کراچی اور اندرون سندھ کے سیکیورٹی پلان کا جائزہ لیا گیا، لاک ڈاؤن، اسٹریٹ کرائم اور دہشتگردی سے نمٹنے کی حکمت عملی بنائی گئی۔

سندھ رینجرز نے صوبائی احکامات پر ضابطہ اخلاق کی پاسداری کو یقینی بنانے پر زور دیا۔ ترجمان کے مطابق سیکیورٹی ادارے رمضان میں امن وامان یقینی بنانے کے لیے اقدامات کریں۔

رینجرز حکام نے عوام سے اپیل کی کہ امن برقرار رکھنے کے لیے قوانین کی پاسداری کریں۔

واضح رہے کہ کرونا وائرس سے پھیلاؤ کو روکنے کے کراچی میں لاک ڈاؤن کیا گیا ہے جس کے سبب پولیس اور رینجرز کی بھاری نفری مختلف سڑکوں پر تعینات ہے ایسے میں شہر میں جرائم کی وارداتیں کم ہوگئی ہیں۔

پشاور: کروناوائرس کے خدشات کے پیش نظر پشاور ہائی کورٹ کو 31 مئی تک بند کرنے کا فیصلہ ہوگیا۔

تفصیلات کے مطابق رجسٹرار آفس کی جانب سے جاری کردہ اعلامیہ میں کہا گیا ہے کہ پشاور ہائیکورٹ کل سے 31 مئی تک بند رہے گی اس دوران عدالتیں، بارروم، ڈسنپسری اور دیگر دفاتر بھی بند رہیں گے۔

اعلامیہ کے مطابق 2سنگل بنچ ضمانت کی درخواستیں نمٹانے کے لیے کام کرتے رہے گے، پشاور ہائیکورٹ میں کرونا وائرس کے کیسز آنے کے بعد فیصلہ کیا گیا، متاثرہ ملازم کو دوبارہ کام پر آنے سے قبل رپورٹ پیش کرنی ہوگی۔

پشاور ہائیکورٹ مینگورہ بینچ کے 7 ملازمین کرونا کے شکار

واضح رہے کہ حالیہ دنوں پشاور ہائی کورٹ میں کروناوائرس کے کیسز رپورٹ ہوئے۔ ترجمان ہائی کورٹ کا کہنا تھا کہ ایک ملازم میں کرونا کی تصدیق پر دیگر کے ٹیسٹ کرائے گئے، مزید ٹیسٹ کرانے پر7اہلکاروں میں وائرس کی تصدیق ہوئی، کروناوائرس کے شکار ملازمین نے خود کو قرنطنیہ کردیا ہے۔

پشاور ہائیکورٹ مینگورہ بنچ کے دیگر عملے کے ٹیسٹ بھی کیے جارہے ہیں۔

خیال رہے کہ عالمی وبا سے ملک میں تقریباً تمام شعبوں کے ملازمین متاثر ہیں جن میں پولیس، صحافت اور عدالت بھی شامل ہیں، تمام متاثرین کو قرنطینہ میں رکھا گیا ہے۔

لاہور: صوبہ پنجاب میں عالمگیر وبا’کروناوائرس‘ کے مزید 301 نئے کیسز سامنے آگئے۔

تفصیلات کے مطابق نئے کرونا کیسز رپورٹ ہونے کے بعد پنجاب میں مریضوں کی مجموعی تعداد 11868 ہوگئی ہے، ڈاکٹروں نے خدشہ ظاہر کیا ہے کہ آئندہ دنوں مزید نئے مریض سامنے آئیں گے۔

ترجمان ہیلتھ کیئر کا کہنا ہے کہ کرونا کے نئے مریضوں میں سے زیادہ کا تعلق لاہور سے ہے جس کی تعداد 194 ریکارڈ کی گئی۔ وبا کے باعث 211 اموات ہوئیں اور 4452افراد صحت یاب ہوچکے ہیں۔

خیال رہے کہ پاکستان میں کرونا وائرس سے گزشتہ چوبیس گھنٹوں کے دوران مزید 39 افراد جان کی بازی ہار گئے، جس کے بعد اموات کی تعداد 706 ہو گئی ہے۔

پاکستان میں کرونا کے 3 لاکھ ٹیسٹ مکمل، 32081 مثبت، 706 مریض جاں بحق

نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین کی عالمگیر وبا سے پاکستان بھر میں 32,081 افراد متاثر ہو چکے ہیں۔

ملک کے مختلف شہروں میں اس وقت کرونا کے زیر علاج مریضوں کی تعداد 22 ہزار 820 ہے، پاکستان میں 24 گھنٹوں کے دوران کرونا کے 1,140 نئے کیسز رپورٹ ہوئے۔