Tag: کروناوائرس

اسلام آباد: وزیراعظم عمران خان نے کہا ہے کہ بہتر حکمت عملی کے تحت ملک میں خوف کی فضا ختم ہو رہی ہے، معاشی عمل تیز کرنے کیلئے بڑے اقدامات کرنے جارہے ہیں۔

تفصیلات کے مطابق وزیراعظم عمران خان سے مشیر پارلیمانی امور ڈاکٹر بابر اعوان نے ملاقات کی، اس موقع پر ملکی موجودہ صورت حال سمیت آئینی اور قانونی امور پر تبادلہ خیال کیا گیا۔

اہم ملاقات میں گڈگورننس اور انتظامی معاملات میں بہتری کے لیے مختلف تجاویز پر مشاورت ہوئی، کروناوائرس کے پیش نظر عوامی ریلیف کے لیے حکومتی فیصلوں پر بھی گفتگو ہوئی۔

اس موقع پر وزیراعظم کا کہنا تھا کہ کروناکنٹرول کے لیے تمام وسائل استعمال کررہے ہیں، بہتر حکمت عملی کے تحت خوف کی فضا ختم ہو رہی ہے، سب سے بڑا چیلنج عام آدمی تک فوری ریلیف پہنچانا تھا۔

وزیراعظم عمران خان کی نوجوانوں کو لاک ڈاؤن میں فِراس الخطیب کی کتاب پڑھنےکی تلقین

انہوں نے کہا کہ خوشی ہے معاشی ٹیم نے بروقت ہنگامی ایکشن پلان ترتیب دیا، ملک میں معاشی عمل تیز کرنے کے لیے بڑے اقدامات کرنے جارہے ہیں، ملکی تاریخ میں پہلی بار غریب دوست ریلیف پیکجز دیے گئے ہیں۔

دریں اثنا بابر اعوان کا کہنا تھا کہ مشکل صورت حال میں حکومت نے تدبر کا مظاہرہ کیا ہے، اپوزیشن کے پاس عوامی منشور نہیں صرف الزام کی سیاست کررہی ہے، پارلیمنٹ کا اجلاس بلانے سے پہلے حفاظتی انتظامات کو یقینی بنانا ہوگا۔

وزیراعظم کورونا ریلیف فنڈ میں 3ارب روپے سے زائد رقم جمع

انہوں نے بتایا کہ معاملے پر این ڈی ایم اے اور این سی اوسی سے رابطے میں ہیں، انتظامات تسلی بخش ہوئے تو قانون سازی کو بلاتا خیر شروع کیا جائے گا۔ اس موقع پر بابراعوان نے پارلیمنٹ میں قانون سازی کے لیے مختلف آپشنز سے بھی آگاہ کیا، پارلیمنٹ کا اجلاس بلائے جانے کے معاملے پر بھی گفتگو ہوئی۔

اسلام آباد: وزیرخارجہ شاہ محمود قریشی کا ایرانی ہم منصب جواد ظریف سے ٹیلی فونک رابطہ ہوا اس دوران علاقائی صورت حال اور کرونا سے نمٹنے سے متعلق مختلف پہلوؤں پر تبادلہ خیال کیا گیا۔

تفصیلات کے مطابق ٹیلی فونک رابطہ کے دوران وزیرخارجہ نے اپنے ایرانی ہم منصب کو رمضان کی مبارک باد دی۔ شاہ محمود نے ایران میں کرونا سے ہونے والے جانی نقصان پر دکھ کا اظہار کیا۔

وزیرخارجہ شاہ محمود قریشی نے ایرانی حکومت اور عوام سے اظہار یکجہتی کیا۔ ان کا کہنا تھا کہ ایران حکومت اور عوام بہادری سے کرونا کا مقابلہ کررہے ہیں، دونوں وزرائے خارجہ میں افغان امن عمل سمیت علاقائی صورت حال پر گفتگو ہوئی۔ مقبوضہ کشمیر پر پاکستان کے مؤقف کی حمایت پر ایرانی وزیر خارجہ کا شکریہ ادا کیا۔

وزیر خارجہ کا نیوزی لینڈ کے ہم منصب سے ٹیلیفونک رابطہ

قبل ازیں وزیر خارجہ شاہ محمود قریشی کا نیوزی لینڈ کے وزیر خارجہ وینسٹن پیٹرز سے ٹیلیفونک رابطہ ہوا جس میں وزیر خارجہ نے نیوزی لینڈ میں کرونا وائرس کے پھیلاؤ کو روکنے کے لیے نیوزی لینڈ حکومت کی جانب سے اقدامات کو سراہا۔

اس موقع پر شاہ محمود کا کہنا تھا کہ نیوزی لینڈ کے ساتھ تعلقات کو قدر کی نگاہ سے دیکھتے ہیں، کرونا چیلنج سے نبردآزما ہونے کے لیے مشترکہ کاوشوں کی ضرورت ہے، کرونا کے غیرمعمولی پھیلاؤ سے دنیا معاشی بحران کی جانب بڑھ رہی ہے۔

کراچی: وزیراعلیٰ سندھ سید مراد علی شاہ نے کہا ہے کہ 24 گھنٹے میں صوبے میں کروناوائرس سے مزید 12 اموات ہوئیں، یہ اموات 24 گھنٹے کے دورانیے میں سب سے زیادہ ہیں، اور مہلک وائرس کے 358 نئےکیسز رپورٹ ہوئے۔

تفصیلات کے مطابق وزیراعلیٰ سندھ سید مراد علی شاہ کا کرونا وائرس کی صورت حال سے متعلق اپنے تازہ پیغام میں کہنا تھا کہ سندھ میں کرونا کے مزید 53 مریض صحتیاب ہوگئے، مریضوں کی مجموعی تعداد 6053 ہوگئی ہے، 53صحتیاب مریضوں کے برعکس 358 نئے کیسز آنا پریشان کن ہے، کرونا کے 24گھنٹے میں مزید 2578 ٹیسٹ کیے گئے۔

انہوں نے بتایا کہ سندھ بھر میں اب تک54377 ٹیسٹ ہوچکے ہیں، اب تک 1222مریض صحتیاب ہوئے جو کل تعداد کا20.2 فیصد ہیں، سندھ میں کرونا سے اموات کی مجموعی تعداد 112 ہوگئی، صوبے میں مہلک وائرس کے 4721 مریض زیر علاج ہیں، عالمگیر وبا کے 3473مریض گھروں میں آئسولیٹ ہیں، 741مریض آئسولیشن مراکز، 505اسپتالوں میں زیرعلاج ہیں۔

پاکستان میں کورونا سے ایک دن میں 19 اموات ، تعداد 346 تک جاپہنچی

وزیراعلیٰ نے کہا کہ 30مریضوں کی حالت تشویشناک ہے، 17مریض وینٹی لیٹرز پر ہیں، 358 نئے کیسز میں 284 کیسز کا تعلق کراچی سے ہے، کراچی جنوبی میں72، شرقی62، غربی میں 58 کرونا کے نئے کیسز آئے۔ جبکہ ضلع وسطی میں45، کورنگی میں 32، ملیر میں کرونا کے 15 نئے کیسز سامنے آئے ہیں۔

ان کا کہنا تھا کہ سندھ کے دیگر شہروں میں نئے کیسز کی تعداد 58 ہے، شکارپور 34، دادو 6، حیدرآباد5، سانگھڑ 4 اور سکھر میں 3 نئے کیسز رپورٹ ہوئے۔ جیکب آباد 2، جامشورو، مٹیاری، نوشہرو فیروز ،ٹھٹھہ میں ایک ایک نیا کیسز رپورٹ ہوا، کرونا کے باعث انتقال کرنے والے 43مریضوں کی عمر60سے69سال تھی۔

مراد علی شاہ نے مزید بتایا کہ 27 انتقال کرنے والوں کی عمر70سال تھی، 26 انتقال کرنے والوں کی عمر50 سے59کے درمیان تھیں، 9انتقال کرنے والوں کی عمر 40 سے 49 کے درمیان تھیں،کرونا سے اموات میں 73 فیصد مرد ہیں۔

اسلام آباد: وزیراعظم عمران خان کا ایرانی صدر حسن روحانی اور مائیکروسافٹ کے بانی بل گیٹس سے ٹیلی رابطہ ہوا اس دوران عالمگیر وبا سے متعلق تبادلہ خیال کیا گیا۔

تفصیلات کے مطابق وزیراعظم اور ایرانی صدر کے درمیان ہونے والی گفتگو کے دوران حسن روحانی نے عمران خان کو رمضان المبارک کی مبارکباد دی اور سرحدی علاقوں میں کرونا کی صورتحال پر تبادلہ خیال کیا۔

بعد ازاں وزیراعظم عمران خان کا مائیکروسافٹ کے بانی بل گیٹس سے ٹیلی فونک رابطہ ہوا، اس دوران دنیا بھر میں کروناوائرس کی صورت حال اور اس کےا ثرات پر گفتگو ہوئی۔

کروناوائرس: وزیراعظم کا جرمن چانسلر سے اہم ٹیلی فونک رابطہ

وزیراعظم عمران خان نے گیٹس فاؤنڈیشن اور عالمی پارٹنرز کی جانب سے مدد کو سراہا۔ عمران خان کا کہنا تھا کہ پاکستان کرونا سے نمٹنے کے لیے مشترکہ کاوش پر مبنی اقدامات سمیت غریب طبقے پر اس کے اثرات کا بھی مقابلہ کررہا ہے۔

وزیراعظم نے بل گیٹس کو آگاہ کیا کہ حکومت پاکستان نے 8ارب ڈالر کا امدادی پیکیج کا اعلان کیا ہے، حکومتی اقدامات کی بدولت کروناوائرس کا پھیلاؤ روکنے میں مدد ملی ہے۔