واشنگٹن: برطانیہ کے بعد امریکا میں بھی کرونا طرز کی پراسرار بیماری کے تین کیسز سامنے آگئے۔
غیرملکی خبررساں ادارے کی رپورٹ کے مطابق وبائی مرض سے مطابقت رکھتی بیماری بچوں کو متاثر کررہی ہے۔ برطانیہ میں درجنوں کیسز سامنے آچکے ہیں جبکہ امریکا میں پہلی بار تین کیسز رپورٹ ہوئے۔
رپورٹ میں کہا گیا ہے کہ 3 بچوں میں سے ایک کی حالت تشویش ناک ہے۔ یورپی ماہرین نے نئے مرض کو چیلنج قرار دے دیا۔ سائنس دان اور ڈاکٹرز کرونا طرز کی بیماری کی تاحال شناخت نہ کرسکے۔
کئی ڈاکٹرز کا ماننا ہے کہ یہ بیماری ’کاواساکی‘ مرض کی طرح ہے جس کے باعث بچوں کے شریانوں میں سوجن پڑجاتی ہے، جلد پر لاک دھبوں سمیت جسم کے اندرونی حصے میں جھٹکے محسوس کیے جاتے ہیں۔
برطانیہ: کرونا طرز کی پراسرار بیماری سے بچوں کی اموات، حکومت کی تصدیق
امریکا میں سامنے آنے والے کیسز میں بچوں کی عمریں 6 سے 8 سال کے درمیان ہیں۔ برطانوی، اطالوی اور ہسپانوں ماہرین پیشگی ہنگامی انتباہ جاری کرچکے ہیں۔ جس میں نئے مرض کو خطرہ قرار دیا گیا ہے۔
خیال رہے کہ گزشتہ روز برطانیہ کے وزیرصحت میٹ ہینکو کا کہنا تھا کہ برطانوی اسپتالوں میں زیرعلاج مہلک مرض میں مبتلا کچھ بچے دم توڑ گئے، مذکورہ بیماری کی شناخت تاحال نہیں ہوسکی۔
بچوں میں کرونا طرز کی بیماری کا خوف، ڈاکٹروں کا ہنگامی انتباہ
انہوں نے خیال ظاہر کیا کہ نئی بیماری کا جنم کرونا کے باعث ممکن ہے تاہم ہمارے پاس ایسے کوئی شواہد نہیں جس کی بنیاد پر حتمی رائے قائم کی جائے، ماہرین تحقیق میں جٹے ہوئے ہیں۔
