Tag: کروناوائرس

جینیوا: عالمی ادارہ خوراک نے خبردار کیا ہے کہ وبا کے باعث بھوک کا سامنا کرنے والوں کی تعداد دگنی ہوسکتی ہے۔

تفصیلات کے مطابق عالمی ادارہ صحت کی جانب سے جاری کردہ رپورٹ میں متنبہ کیا گیا ہے کہ وبائی مرض کی وجہ سے لوگوں کو بھوک کا سامنا کرنا پڑے گا، کھانے کی قلت کا سامنا کرنے والوں کی تعداد 265 ملین تک پہنچ سکتی ہے۔

عالمی ادارہ صحت نے فوڈکرائسز سے متعلق چوتھی سالانہ رپورٹ میں انکشاف کیا ہے کہ عالمگیروبا بحران پیدا کرسکتی ہے۔ 2019 میں بھوک کا سامنا کرنے والے افراد تعداد 130 ملین سے بڑھ کر135ملین تک پہنچ گئی تھی۔

‘بدترین وقت ابھی آیا نہیں آنے والا ہے’عالمی ادارہ صحت نے دنیا کو بڑے خطرے سے خبردار کر دیا

’کرونا وبا پھیلنے سے پہلے ہی خوراک کے عدم تحفظ میں اضافہ ہوا تھا‘۔

قبل ازیں کرونا وائرس کے پیش نظرعالمی ادارہ صحت (ڈبلیو ایچ او) کے سربراہ ڈاکٹر ٹیڈرس کا اپنے ایک بیان میں کہنا تھا کہ بدترین وقت ابھی آیا نہیں آنے والا ہے، کرونا ایک حقیقت ہے، جسے لوگ سمجھ نہیں رہے۔

ان کا یہ بھی کہنا تھا کہ ساری دنیا کو متحدہ ہو کر اس وائرس سے لڑنا ہوگا، کوروناوائرس 100سال کے دوران پہلی بار آیا ہے، 1918 میں انفلوئنزہ سے 10کروڑ افراد ہلاک ہوئے تھے، اگر لاک ڈاؤن کی پابندیوں کو عجلت میں ہٹا دیا گیا تو اس سے وبا کے پھیلاؤ میں اضافہ ہو سکتا ہے۔

بیجنگ: چین کے زیرانتظام شہر ہانگ کانگ میں گزشتہ 24 گھنٹوں کے دوران کروناوائرس کا ایک بھی کیس سامنے نہیں آیا، اسپتال انتظامیہ اور عملے نے اسے وبائی مرض کے خلاف کامیابی قرار دے دیا۔

غیرملکی خبررساں ادارے کی رپورٹ کے مطابق رواں سال فروری کے اختتام کے بعد سے آج وہ واحد دن ہے کہ جس روز ہانگ کانگ میں عالمگیر وبا کا ایک بھی کیس ریکارڈ نہیں کیا گیا۔

رپورٹ میں کہا گیا ہے کہ حکومت کی بروقت حکمت عملی اور شہریوں کی جانب سے احتتاطی تدابیر اپنانے سے ہانگ کانگ میں مہلک وائرس قابو میں ہے، ہرشہری سماجی فاصلے کو ہر صورت یقینی بنارہا ہے۔

جنگِ عظیم دوم کے سپاہی نے کرونا کو شکست دے دی، گارڈ آف آنر پیش

ملک میں مجموعی طور پر کرونا کے 1025 کیسز سامنے آئے جن میں سے 4 افراد کی موت واقع ہوئی۔ وائرس کے پیش نظر دنیا بھر کی طرح ہانگ کانگ میں بھی نجی وسرکاری دفاتر اور تمام اسکولز بند ہیں۔

ہانگ کانگ میں شعبہ طب کی پاکستانی طالبہ لیلا کائنات نے ہدایت کی ہے کہ احتیاطی تدابیر سے کرونا کو شکست دیا جاسکتا ہے، شہریوں کو چاہیئے کہ گھر میں داخل ہونے کے فوری بعد ہاتھ دھوئیں اور ممکن ہو تو کپڑے بھی تبدیل کیے جائیں۔ انہوں نے خیال ظاہر کیا ہے کہ وائرس کپڑوں کے ذریعے بھی انسانوں میں منتقل ہوسکتا ہے۔

واشنگٹن: مائیکروسافٹ کے بانی اور دنیا کے دوسرے امیرترین شخص بل گیٹس نے کہا ہے کہ کروناویکسین کی تیاری میں تقریباً 18 ماہ لگیں گے، وبا کے خلاف جنگ میں جو ہوسکا کریں گے۔

غیرملکی خبررساں ادارے کی رپورٹ کے مطابق اپنے ایک انٹرویو میں بل گیٹس کا کہنا تھا کہ ویکسین کی تیاری میں رقم کو فوقیت نہیں دی جاتی، میں خوشی سے چیک لکھ رہا ہوں۔

انہوں نے کہا کہ وبائی مرض کے خلاف پیشگی کوئی تیاری نہیں تھی جس کے باعث مسائل میں اضافہ ہورہا ہے، علاج کے دریافت میں وقت ناگزیر ہے، عام طور پر ویکسین کی تیاری میں 5 سے 6 سال لگتے ہیں لیکن کرونا کی سنگینی کو دیکھتے ہوئے ویکسین کی تیاری تیزی سے جاری ہے۔

عالمی ادارہ صحت کو امریکی امداد روکنے کا معاملہ، بل گیٹس نے بڑا اعلان کردیا

امیرترین شخص کا کہنا تھا کہ وبا کے خلاف جنگ میں مال ودولت کی کوئی اہمیت نہیں، دنیا بھر میں خوشی سے عطیات دے رہا ہوں، میری فنڈنگ تنظیم اور مجھ سے جو ممکن ہوسکا کرتے رہیں گے۔

ان کا مزید کہنا تھا کہ کرونا ماضی میں آنے والی وبا کی طرح ہے جس نے 2015 میں تباہی مچائی تھی۔

لندن: کروناوائرس کے پیش نظر برطانوی حکومت نے لاک ڈاؤن میں 3 ہفتے کی توسیع کردی۔

تفصیلات کے مطابق برطانوی وزیرخارجہ ڈومینک راب نے ملک میں نافذ عمل لاک ڈاؤن میں مزید 3 ہفتے کی توسیع کا اعلان کردیا۔ مذکورہ اعلان وبائی مرض کی سنگینی کو دیکھتے ہوئے کیا گیا۔

وزیرخارجہ کا کہنا ہے کہ لاک ڈاؤن میں نرمی معیشت اور انسانی جانوں کے لیے نقصان دہ ہوگی، اسی لیے لاک ڈاؤن میں توسیع کا فیصلہ کیا گیا، شہری احتیاطی تدابیر سختی سے اپنائیں۔

لندن میں لاک ڈاؤن کے باعث چور سرگرم ہوگئے

غیرملکی میڈیا نے امکان ظاہر کیا ہے کہ تین ہفتے کے بعد لاک ڈاؤن کو مزید بڑھایا بھی جاسکتا ہے، برطانیہ میں عالمگیر وبا کی صورت حال شدت اختیار کرچکی ہے جس پر قابو پانے کے لیے ہرممکن اقدامات کیے جارہے ہیں۔

واضح رہے کہ برطانیہ میں کروناوائرس سے ہلاکتوں کی تعداد13ہزار729ہوگئی ہے۔ چوبیس گھنٹوں میں861افراد کرونا سے ہلاک ہوئے۔ برطانیہ میں کورونا کے مریضوں کی تعداد ایک لاکھ سے تجاوز کرگئی۔

این ایچ ایس میں سوا تین لاکھ افراد کے ٹیسٹ کرچکے ہیں۔