Tag: کروناوائرس

سکھر: کروناوائرس کے پیش نظر بلوچستان کے سرحدی علاقے تفتان سے مزید 29 زائرین کو سکھر قرنطینہ سینٹر منتقل کردیا گیا ہے جہاں ان کے کرونا ٹیسٹ کیے جائیں گے۔

تفصیلات کے مطابق سکھر اور ڈیرہ غازی خان قرنطینہ سینٹرز میں سیکڑوں زائرین موجود ہیں جبکہ وہ افراد جو صحت یاب ہوچکے اور جن کے کرونا ٹیسٹ منفی آئے انہیں گھر بھیجنے کا عمل بھی شروع کردیا گیا ہے۔

انچارج قرنطینہ سینٹر سکھر کا کہنا ہے کہ تفتان بارڈر سے سکھر قرنطینہ سینٹر میں مزید 29زائرین کو منتقل کیا گیا ہے، سینٹر منتقل کیے گئے 29افراد میں بس ڈرائیور بھی شامل ہے۔

ڈیرہ غازی خان قرنطینہ سے 755 زائرین صحتیابی کے بعد گھر واپس لوٹ گئے

انہوں نے بتایا کہ کروناوائرس کی تشخیص کے لیے زائرین کے نمونے لینے کا عمل بھی شروع کردیا گیا ہے۔ تمام نمونے کرونا تشخیص کے لیے کراچی بھجوائے جائیں گے، جبکہ زائرین ٹیسٹ نتائج کے اعلان تک قرنطینہ میں ہی رہیں گے۔

یاد رہے کہ گزشتہ روز صوبہ پنجاب کے شہر ڈیرہ غازی خان کے قرنطینہ سے 175 کرونا وائرس کے مریضوں سمیت 755 زائرین صحت یابی کے بعد گھر واپس لوٹے، ڈی جی خان قرنطینہ میں اب صرف 74 زائرین رہ گئے ہیں۔

گلگت: وزیراعلیٰ گلگت بلتستان حفیظ الرحمان نے کہا ہے کہ صوبے میں کورونا کیسسز کی تعداد230ہوگئی ہے جبکہ 155مریض صحتیاب ہوئے، ایکٹیوکیسز کی تعداد 72 ہے۔

تفصیلات کے مطابق پریس کانفرنس کرتے ہوئے وزیراعلیٰ کا کہنا تھا کہ گلگت بلتستان واحد صوبہ ہے جہاں کرونا ٹیسٹ فری ہورہا ہے، وائرس اسپتالوں کو متاثر نہیں کیا، ہوٹلز کو قرنطینہ اور آئسولیشن وارڈ بنایا گیا ہے۔

انہوں نے بتایا کہ تمام ٹریولنگ ہسٹری کے ٹیسٹ مکمل ہوچکے ہیں، چھپنے والے کرونا مریضوں پر 50ہزار تک جرمانہ ہوگا، گلگت بلتستان میں 50ہزار مستحق افراد میں راشن تقسیم کیا جائے گا۔

پاکستان میں کرونا وائرس سے ہلاکتوں کی تعداد 93 ہو گئی

ان کا مزید کہنا تھا کہ 11ہزار مستحقین میں راشن تقسیم کرچکے ہیں۔ خیال رہے کہ پاکستان میں کرونا کا وار جاری ہے، چوبیس گھنٹوں کے دوران 7 افراد چل بسے، اموات کی تعداد 93 ہو گئی، 44 مریضوں کی حالت تشویش ناک بتائی جا رہی ہے۔ گزشتہ 24 گھنٹوں میں 336 نئے کیسز رپورٹ ہوئے ہیں۔

ملک بھر میں کو وِڈ نائنٹین کے مریضوں کی تعداد 5374 ہو گئی ہے، ملک میں کرونا کے 4111 مریض زیر علاج ہیں، وائرس سے متاثرہ 1095 مریض صحت یاب ہو چکے ہیں۔

کراچی: سندھ حکومت نے 50ہزار کروناوائرس ٹیسٹنگ کٹس درآمد کرلیں، ٹیسٹنگ کٹس کراچی پہنچ گئیں۔

تفصیلات کے مطابق سندھ کے ہاٹ اسپاٹ ایریاز میں کروناٹیسٹ کیے جائیں گے۔ درآمد کی گئی ٹیسٹنگ کٹس کراچی سمیت سندھ کے دیگر اضلاع میں بھیجی جائیں گی۔

ذرائع سندھ حکومت کا کہنا ہے کہ چند روز میں کرونا ٹیسٹ کی استعداد میں اضافہ کیا جائے گا، کرونا ٹیسٹنگ کسٹس سندھ حکومت نے خریدی ہیں۔ خیال ہے کہ صوبے میں ٹیسٹنگ کٹس کی قلت کا خدشہ تھا جس کے پیش نظر حکومت نے حکومت عملی اپنائی اور ہزاروں کٹس برآمد کیں۔

سندھ میں کرونا کی مخصوص ٹیسٹ کٹس کم ہونے کا خدشہ

خیال رہے کہ گزشتہ دنوں صوبائی وزیر صحت سندھ عذرا فضل پیچوہو نے برطانوی نشریاتی ادارے کو انٹرویو دیتے ہوئے انکشاف کیا تھا کہ سندھ میں کرونا کی مخصوص ٹیسٹ کٹس کم ہونے کا خدشہ ہے۔

انہوں نے کہا تھا کہ صرف 12 روز کے لیے ٹیسٹنگ کٹس بچی ہیں، سندھ حکومت اور نجی شعبے کے پاس صرف 6 ہزار کٹس رہ گئیں، یومیہ ٹیسٹ کا رجحان برقرار رہا تو صرف 12 روز کیلیے کٹس دستیاب ہیں۔

کراچی: احساس ایمرجنسی کیش پروگرام کے ذریعے رقم کی تقسیم کا سلسلہ جاری ہے، دو روز کے دوران ملک بھر میں 13.18 ارب روپے کی تقسیم مکمل ہوگئی۔

تفصیلات کے مطابق احساس پروگرام کے تحت اربوں روپے 1.098 ملین مستحق خاندانوں کو دیے جاچکے ہیں۔ رقم کی تقسیم کا سلسلہ اسی طرح کل بھی جاری رہے گا۔

ادھر عوام کی جانب سے کرپشن کی شکایات پر ایکشن بھی لیا گیا۔ کرپشن میں ملوث 40افراد کے خلاف کارروائی ہوچکی ہے۔ 34 ایف آئی آردرج اور بدعنوان ڈیوائس آپریٹرز کو گرفتار کیا گیا۔

بدعنوان عناصر 500سے1000روپے تک کی ناجائز کٹوتی کررہے تھے۔ بدعنوان عناصر کے خلاف سخت سے سخت ترین ایکشن لیا جارہا ہے۔ کوئی ڈیوائس آپریٹر کٹوتی کا مطالبہ کرے تو فور ی متعلقہ اتھارٹی کو اطلاع دیں۔

احساس پروگرام: امدادی رقم میں کٹوتی کا معاملہ، سندھ حکومت کا نوٹس

واضح رہے کہ گزشتہ روز اے آر وائی نیوز نے مستحقین کو دی جانے والی امداد میں کٹوتی کی خبر نشر کی تھی، ایس ایس پی کی ہدایت پر درج مقدمے میں 2 نامعلوم سمیت 4 ملزمان کو نامزد کیا گیا ہے۔

ادھر صوبائی وزیر تعلیم سعید غنی کا کہنا تھا کہ لوگوں میں رقم تقسیم سے متعلق سندھ حکومت کا کوئی تعلق نہیں ہے، گھوٹکی، بدین اور عمر کوٹ میں گرفتاریاں اور مقدمے درج کیے گئے ہیں، پیسے کاٹنے سے متعلق ہمیں بھی شکایات ملی تھیں جس پر ایکشن لیا ہے۔