Tag: کروناوائرس

لندن: کروناوائرس کے پیش نظر برطانوی دارالحکومت میں فوج کی مدد سے عارضی اسپتال بنانے کا کام شروع کردیا گیا۔

تفصیلات کے مطابق لندن میں ممکنہ طور پر تیار کیے جانے والے عارضی اسپتال میں 4ہزار مریضوں کی گنجائش ہوگی۔ اسپتال میں ابتدائی طور پر 500وینٹی لیٹر لگائے جائیں گے۔

عارضی اسپتال لندن کے ایکسیل سینٹر میں قائم کیا جارہا ہے۔ عارضی اسپتال میں صرف کرونا کے مریضوں کا علاج ہوگا۔

ادھر برطانوی وزیراعظم بورس جانسن کا کہنا ہےکہ کروناوائرس کے پھیلاؤ کو روکنا ہے، این ایچ ایس کے لیے 4لاکھ سے زائد رضاکاروں نے خدمات پیش کردیں، ہماری بنیادی پالیسی ہے گھر پر رہیں۔

برطانیہ: گھروں میں کروناوائرس ٹیسٹ کی سہولت

انہوں نے بتایا کہ ٹیسٹنگ کے لیے بڑا نیٹ ورک تیاری کے قریب ہے۔

دوسری جانب برطانیہ میں پبلک ہیلتھ انگلینڈ نے سائنس اینڈٹیکنالوجی کمیٹی کو بریفنگ دیتے ہوئے کہا کہ جلد لندن میں کروناوائرسٹ ٹیسٹ کی سہولت گھروں میں فراہم کی جاسکے گی۔

کٹ کے ذریعے گھر بیٹھے 15منٹ میں ٹیسٹ ہوجائے گا۔ کروناوائرس کٹ امازون یاہائی اسٹریٹ سے خریدی جاسکے گی۔ جس پر کام جاری ہے جلد عمل درآمد یقینی بنایا جائے گا۔

بیجنگ: چین میں رہائشی عمارت کی سیڑھیوں سے کروناوائرس مبینہ طور پر شہری میں منتقل ہوگیا۔

غیرملکی خبررساں ادارے کی رپورٹ کے مطابق رہائشی فلیٹ کی سیڑھیاں کروناوائرس کا ’’لی‘‘ نامی مریض استعمال کرچکا تھا جس کے باعث وائرس اس کے پڑوسی میں منتقل ہوگیا۔ اسی کے پیش نظر عمارت میں رہنے والے تمام افراد کے کروناوائرس ٹیسٹ کیے جارہے ہیں۔ یہ واقعہ چینی دارالحکومت بیجنگ میں پیش آیا۔

بیجنگ میں کروناوائرس کا یہ دوسرا کیس ہے۔ ’’لی‘‘ نامی شہری حال ہی میں برطانیہ سے بیجنگ پہنچا تھا اور فلیٹ میں رہائش اختیار کی تھی اس دوران اس نے عمارت کی سیڑھیاں استعمال کیں اور بعد میں وائرس کی تشخیص ہوئی۔

دریں اثنا اس کا پڑوسی ’’لیو‘‘ بھی مذکورہ سیڑھیاں گھر میں داخلے اور انخلا کے لیے استعمال کرتا تھا جیسے ہی اسے خبر ملی کہ ’’لی‘‘ کرونا کا شکار ہوچکا ہے تو فوراً اس نے بھی اپنا ٹیسٹ کروایا جو مثبت آیا۔

چین کی کروناوائرس کے خلاف بڑی کامیابی

اس واقعے کے بعد لیو کی بیوی نے بھی اپنا ٹیسٹ کروایا جو منفی آیا۔ جبکہ عمارت کے تمام رہائشیوں کے ٹیسٹ کیے جائیں گے۔ خیال رہے کہ دونوں شہریوں کو قرنطینہ میں رکھا گیا ہے جہاں ان کی حالت بہتر ہے۔

خیال رہے کہ دنیا بھر میں تیزی سے پھیلنے کے بعد کووِڈ نائنٹین کی ہلاکت خیزی کو تاحال نہیں روکا جا سکا ہے، اموات کی تعداد تیزی سے بڑھتی جا رہی ہے، اب تک وائرس سے 422,945 افراد متاثر ہو چکے ہیں جن میں انیس ہزار کے قریب لوگ جان کی بازی ہار گئے، جب کہ 1 لاکھ 9 ہزار افراد صحت یاب ہو چکے۔