Tag: کروناوائرس

اسلام آباد: وزیراعظم کے معاون خصوصی برائے صحت ڈاکٹر ظفر مرزا نے کہا ہے کہ کروناوائرس کے دونوں مریضوں کی حالت خطرے سے باہر ہے۔

اے آر وائی نیوز کے مطابق پاکستان میں کروناوائرس کے رپورٹ ہونے والے دونوں کیسز میں مریضوں کی حالت خطرے سے باہر ہے۔ ڈاکٹر ظفر مرزا کا کہنا ہے کہ متاثرہ مریضوں کے اہلخانہ اور دوستوں کے ٹیسٹ بھی منفی آئے۔

ادھر کروناوائرس سے متاثرہ 22سالہ نوجوان یحیی جعفری جامعہ کراچی کا طالبعلم نکلا اور یحییٰ کے وائرس سے متاثر ہونے کے بعد بھی کلاسز لینے کا انکشاف سامنے آیا۔

کرونا وائرس کا خطرہ، پاکستان اور ایران میں براہ راست پروازوں پر پابندی عائد

جامعہ کراچی کے ترجمان نے اپنے بیان میں کہا ہے کہ متاثرہ مریض ایم اے پر یویس بین الاقوامی ایوننگ پروگرام میں زیرتعلیم ہے۔

ترجمان کا کہنا تھا کہ کرونا کے مریض کے تمام کلاس فیلوز کا معائنہ کیا جائے گا، جامعہ کراچی کے سینئر میڈیکل آفیسر مریض کے دوستوں کا معائنہ کریں گے، مشیر امور طلبا ڈاکٹر سیدعاصم علی تمام طلباسے رابطے میں ہیں، کسی طالب علم میں تشخیص ہوئی توعلاج جامعہ کراچی کرائے گی۔

کراچی: ملک میں کروناوائرس سے بچنے کے لیے استعمال ہونے والے سرجیکل ماسک شہریوں کی پہنچ سے دور ہوگئے۔

اے آر وائی نیوز کے مطابق سرجیکل ماسک مارکیٹ سے غائب ہوگئے، کسی کے کان پر جوں تک نہ رینگی، مارکیٹ میں سرجیکل ماسک کا باکس1000روپے کا ہوگیا۔

ذرائع کا کہنا ہے کہ جس کے پاس ماسک ہے وہ بلیک کررہا ہے، ماسک کی بیرون ملک اسمگلنگ ہورہی ہے، مارکیٹ میں ہر گھنٹے بعد ماسک کے ریٹ تبدیل ہورہے ہیں۔

پاکستان میں کرونا وائرس سے شکار ہونے والے دو افراد کی تفصیلات سامنے آگئیں، کراچی میں رپورٹ ہونے والے کرونا وائرس کے شخص کی شناخت یحییٰ جعفری کے نام سے ہوئی ہے جو زیارت کر کے چند روز قبل ایران سے کراچی پہنچا تھا۔

کرونا وائرس، کراچی سمیت سندھ کے اسکول آج اور کل بند رکھنے کا اعلان

دوسرے شخص کا تعلق قبائلی علاقے سے ہے اور وہ بھی ایک ہفتے قبل ایران سے لاہور پہنچا تھا، متاثرہ شخص میں کرونا وائرس کی علامات ظاہر ہونے پر اسلام آباد کے پمز اسپتال منتقل کیا گیا جہاں خون کے نمونے لے کر قومی ادارہ صحت بھیجے گئے۔

خیال رہے کہ ممکنہ خطرے کے پیش نظر بلوچستان اور سندھ نے تعلیمی ادارے بند رکھنے کا اعلان کیا ہے۔

اسلام آباد: پاکستان میں جان لیوا کروناوائرس کے منتقل ہونے پر ایئرپورٹ اور بارڈرز پر مسافروں کی اسکریننگ پر سنگین سوالات اٹھ گئے۔

اے آر وائی نیوز کے مطابق ایئرپورٹ اور بارڈرز انتظامیہ پر سوالات اٹھائے جارہے ہیں، ایران میں کرونا کی علامت کے باوجود متاثرہ شخص ایئرپورٹ سے کلیئر کیسے ہوگیا؟

دوران پرواز یحیٰ جعفری کو الٹی آنے کا نوٹس کیوں نہیں لیا گیا؟ کلیئر کیسے ہوا؟

ادھر ڈی جی سول ایوی ایشن نے تمام ایئرپورٹ منیجرز کو نئے احکامات جاری کردیے۔ ڈجی جی سی اے کا کہنا ہے کہ تمام منیجرز بیرون ملک سے آنے والی پروازوں کی خود نگرانی کریں۔ کراچی، پشاور، اسلام آباد اور لاہور ہوائی اڈوں پر اسکریننگ کا عمل مزید سخت کردیا گیا۔

کروناوائرس: تعلیمی ادارے بند رکھنے کا اعلان

ڈی جی سی اے نے حکم دی دیا کہ مسافروں کی مکمل طور پر اسکرنینگ کی جائے، عملہ ماسک کااستعمال لازمی کرے، تمام مسافروں سے ہیلتھ ڈیکلریشن فارم لازمی وصول کیے جائیں۔

دوسری جانب کرونا وائرس سے متاثرہ شخص یحیٰی کی میڈیکل رپورٹ اے آر وائی نیوز نے حاصل کرلی۔ رپورٹ میں کہا گیا ہے کہ یحییٰ جعفری پر کرونا وائرس کی علامات مشہد میں ظاہر ہوئیں، یحیٰی جعفری کو 18 فروری کو بخار سردرد کمزوری جسم کی شکایت ہوئی، 20فروری کو دوران پرواز یحییٰ جعفری نے الٹیاں کیں۔

حکومت سندھ کی رپورٹ میں مزید کہا گیا ہے کہ 25فروری کو یحییٰ جعفری کی ناک سے پانی بہنے لگا، کھانسی بھی ہوئی۔

کوئٹہ: پاکستان میں کروناوائرس کے دو کیسز رپورٹ ہونے کے بعد بلوچستان حکومت نے احتیاطی تدابیر اپناتے ہوئے تعلیمی ادارے بند رکھنے کا اعلان کردیا۔

اے آر وائی نیوز کے مطابق محکمہ تعلیم بلوچستان کا کہنا ہے کہ بلوچستان کے تمام تعلیمی ادارے 15مارچ تک بند رکھے جائیں گے جس کا مقصد کرونا وائرس سے حفاظتی اقدام اور بچوں کا تحفظ ہے۔

محکمے کی جانب سے جاری کردہ نوٹیفکیشن کے مطابق بلوچستان بھر کے تمام مدارس بھی بندرہیں گے، تعلیمی بورڈز تعطیلات کے دوران امتحانات نہیں لیں گے، تعطیلات کے باعث پرچے بعد میں لیے جائیں گے۔

پاکستان میں کرونا وائرس سے شکار ہونے والے دو افراد کی تفصیلات سامنے آگئیں، کراچی میں رپورٹ ہونے والے کرونا وائرس کے شخص کی شناخت یحییٰ جعفری کے نام سے ہوئی ہے جو زیارت کر کے چند روز قبل ایران سے کراچی پہنچا تھا۔

پاکستان میں‌ کرونا وائرس کے 2 کیسز کی تصدیق

دوسرے شخص کا تعلق قبائلی علاقے سے ہے اور وہ بھی ایک ہفتے قبل ایران سے لاہور پہنچا تھا، متاثرہ شخص میں کرونا وائرس کی علامات ظاہر ہونے پر اسلام آباد کے پمز اسپتال منتقل کیا گیا جہاں خون کے نمونے لے کر قومی ادارہ صحت بھیجے گئے۔

ادھر ترجمان سندھ حکومت مرتضیٰ وہاب کا کہنا ہے کہ یحییٰ جعفری میں کرونا وائرس کی تصدیق ہوگئی ہے، مریض کو فوری طور پر آئسولیشن وارڈ منتقل کردیا گیا ہے۔

انہوں نے کہا کہ سیکریٹری ہیلتھ سے بات ہوئی انہوں نے تصدیق کی ہے، وفاقی حکومت کو ایئرپورٹ پر سرویلنس کی ضرورت ہے، معاملے سے نمٹنے کے لیے جو کٹس چاہیے ہوتی ہیں وہ ہمارے پاس موجود ہیں۔