ARYNews.tv | Urdu – Har Lamha Bakhabar

Tag: کروناوائرس

  • ’’کروناوائرس کو عالمی وبا قرار نہیں دیا جاسکتا‘‘

    ’’کروناوائرس کو عالمی وبا قرار نہیں دیا جاسکتا‘‘

    جنیوا: عالمی ادارہ صحت کا کہنا ہے کہ کروناوائرس کو ابھی تک عالمی وبا قرار نہیں دیا جاسکتا۔

    اے آر وائی نیوز کے مطابق عالمی ادارہ صحت (ڈبلیو ایچ او) کے گلوبل وبائی امراض بچاؤ مرکز کے سربراہ سلوئی برائینڈ کا کہنا ہے کہ کرونا وائرس کو ابھی تک عالمی وبا قرار نہیں دیاجاسکتا۔

    سلوئی برائینڈ نے کہا کہ کروناوائرس چین کے صوبے ہوبائی میں تیزی سے پھیلا۔ موجودہ صورت حال ’’عالمی وبا‘‘ کے زمرے میں نہیں آتی، وائرس کنٹرول کے لیے چینی حکومت کے اقدامات قابل تعریف ہیں۔

    ان کا مزید کہنا تھا کہ امید ہے دنیا اس کرونا وائرس پر قابو پالے گی، وبا کے ساتھ جو غلط باتیں پھیلی اسے روکنے کی ضرورت ہے۔ دوسری جانب ڈبلیو ایچ او کے ڈائریکٹر جنرل ڈیڈروس ادھامن نے سوشل میڈیا صارفین سے مطالبہ کیا ہے کہ وہ کروناوائرس سے متعلق افواہوں سے گریز کریں۔

    کروناوائرس سے متعلق افواہیں، گوگل میدان میں آگیا

    ایک رپورٹ کے مطابق ڈبلیو ایچ او گوگل کے ساتھ اس امر پر کام کر رہا ہے جس کے تحت سربراہ عالمی ادارہ صحت کا مشورہ کرونا وائرس سے متعلق تلاش کیے گئے مواد میں سرچ انجن کے اوپری حصے پر آئے گا۔

    حالیہ دنوں ڈائریکٹر جنرل نے انٹرنیٹ اور سوشل میڈیا صارفین کو ناصرف مشورہ دیا بلکہ مطالبہ بھی کیا وہ کروناوائرس سے متعلق صرف حقیقی خبروں پر توجہ دیں جبکہ افواہوں اور من گھڑت باتوں سے گریز کریں۔

  • کروناوائرس سے پریشان حکومت کی مشکلات کم ہونے لگیں

    کروناوائرس سے پریشان حکومت کی مشکلات کم ہونے لگیں

    اسلام آباد: کروناوائرس سے پریشان حکومت کی مشکلات کم ہونے لگیں، کروناوائرس کی تشخیصی کٹس کی نئی کھیپ پاکستان پہنچ گئی۔

    اے آر وائی نیوز کے مطابق ذرائع کا کہنا ہے کہ کورونا کی 10 تشخیصی کٹس جاپانی حکومت نے پاکستان کو عطیہ کی ہیں، جاپانی سفارت خانے نے کرونا کی کٹس این آئی ایچ حکام کے حوالےکر دیں۔

    پاکستان نے جاپان سے کرونا ٹیسٹنگ کٹس فراہمی کی درخواست کی تھی، ایک ٹیسٹنگ کٹ کی مالیت 2ہزار امریکی ڈالر اور 50 ٹیسٹ ممکن ہوں گے، کرونا ٹیسٹنگ کٹس 31 جنوری کو پاکستان کے لیے روانہ ہونا تھیں۔

    ذرائع کے مطابق چین سے فضائی آپریشن معطل ہونے کے باعث کٹس پہنچنے میں تاخیر ہوئی، جاپان سے کرونا ٹیسٹنگ کٹس 2 فروری کو پاکستان پہنچنا تھیں۔

    خیال رہے کہ چین میں کرونا وائرس پر قابو پانا مشکل ہوگیا، ایک ہی دن میں 64 افراد جان سے گئے، جس کے بعد ہلاکتوں کی تعداد425 ہوگئی ہے جبکہ چین نے کرونا وائرس سے نمٹنے میں کوتاہیوں کا اعتراف کرلیا۔

  • کروناوائرس کا ڈرامہ، خاتون کی عزت بچ گئی، جنسی درندہ فرار

    کروناوائرس کا ڈرامہ، خاتون کی عزت بچ گئی، جنسی درندہ فرار

    بیجنگ: چینی خاتون نے کروناوائرس کا ڈرامہ رچا کر اپنی عزت بچالی، جنسی درندہ خوف زدہ ہوکر فرار ہوگیا۔

    غیرملکی خبررساں ادارے کی رپورٹ کے مطابق یہ واقعہ چین کے صوبے جنگشن میں پیش آیا، متاثرہ خاتون نے ملزم کے سامنے کھانستے ہوئے ڈرامہ کیا کہ وہ کروناوائرس کی متاثرہ ہے، جس پر درندہ خوف زدہ ہوگیا اور موقع دیکھ کر راہ فرار اختیار کرلی۔ پولیس نے کارروائی کرتے ہوئے ملزم کو گرفتار کرلیا۔

    پولیس کا کہنا ہے کہ ملزم خاتون کے 339 پاؤنڈ لوٹ کر فرار ہوا۔ پولیس نے تحقیقات کے بعد کامیاب کارروائی کی جس کے نتیجے میں ملزم کی گرفتاری عمل میں آئی۔ متاثرہ خاتون کی شناخت ’یی‘ کے نام سے ہوئی ہے۔

    کورونا وائرس، باپ اسپتال منتقل، معذور بیٹا بھوک سے ہلاک

    خاتون نے بتایا کہ ملزم رات کی تاریکی میں گھر میں گھسا اور مجھ سے زیادتی کی کوشش کی، جس پر میں نے چلاتے ہوئے خبردار کیا کہ میں کروناوائرس کی متاثرہ ہوں اسی لیے تنہا یہاں رہائش پذیر ہوں، اس دوران کھانسے کا بھی ڈرامہ کیا۔ مذکورہ خاتون نے اس بات کا اعتراف بھی کیا کہ وہ کروناوائرس سے متاثر رہ چکی ہے۔

    پولیس نے بتایا کہ خاتون نے افرا تفری مچاتے ہوئے ملزم کو یہ بھی کہا تھا کہ وہ چینی شہر ووہان سے تعلق رکھتی ہے، گرفتار ملزم کی شناخت ژاؤ کے نام سے ہوئی۔

  • کروناوائرس سے متعلق افواہیں، گوگل میدان میں آگیا

    کروناوائرس سے متعلق افواہیں، گوگل میدان میں آگیا

    جنیوا: عالمی ادارہ صحت (ڈبلیو ایچ او) کے ڈائریکٹر جنرل ڈیڈروس ادھامن نے سوشل میڈیا صارفین سے مطالبہ کیا ہے کہ وہ کروناوائرس سے متعلق افواہوں سے گریز کریں۔

    غیرملکی خبررساں ادارے کی رپورٹ کے مطابق ڈبلیو ایچ او گوگل کے ساتھ اس امر پر کام کر رہا ہے جس کے تحت سربراہ عالمی ادارہ صحت کا مشورہ کرونا وائرس سے متعلق تلاش کیے گئے مواد میں سرچ انجن کے اوپری حصے پر آئے گا۔

    ڈائریکٹر جنرل نے انٹرنیٹ اور سوشل میڈیا صارفین کو ناصرف مشورہ دیا بلکہ مطالبہ بھی کیا وہ کروناوائرس سے متعلق صرف حقیقی خبروں پر توجہ دیں جبکہ افواہوں اور من گھڑت باتوں سے گریز کریں۔

    عالمی ادارہ صحت کا کروناوائرس سے متعلق اہم اجلاس ہوا۔ جس میں کہا گیا ہے کہ فیس بک، ٹوئٹر سمیت ٹک ٹاک بھی مہلک وائرس کے حوالے سے جھوٹی خبروں پر ایکشن لے رہا ہے، ممکنہ طور پر ایسے مواد کو بھی ہٹا دیا جائے گا جس میں دیگر مرض کو بھی کروناوائرس بتایا گیا ہے۔

    کروناوائرس سے متاثرہ خاتون کے ہاں بچی کی پیدائش

    خیال رہے کہ نہ صرف پاکستان بلکہ دنیا بھر میں شہری بغیر تصدیق کیے جان لیوا مرض کے حوالے سے جھوٹی خبریں پھیلا رہے ہیں، جبکہ اس کی روک تھام کے لیے ڈیلیو ایچ او نے حکمت علمی اپناتے ہوئے گوگل سے مدد طلب کی۔

    واضح رہے کہ چین میں کورونا وائرس کی تباہ کاریاں جاری ہے ، مختلف شہر ویرانے کا منظرپیش کررہے ہیں، کورونا وائرس سے اموات کی تعداد361 ہوگئی ہے جبکہ سترہ ہزارسے زائد افراد وائرس سے متاثر ہیں۔

  • کروناوائرس سے متاثرہ خاتون کے ہاں بچی کی پیدائش

    کروناوائرس سے متاثرہ خاتون کے ہاں بچی کی پیدائش

    بیجنگ : چین میں کروناوائرس سےمتاثرہ  خاتون نے بچی کو جنم دیا، چینی حکام کا کہنا ہے کہ بچی صحت مند اورکرونا وائرس سےمحفوظ ہے۔

    تفصیلات کے مطابق شمال مشرقی چین کے صوبہ ہیلونگ ژیانگ کے اسپتال میں کرونا وائرس سے متاثرہ خاتون کے ہاں بچی کی پیدائش ہوئی ، چینی حکام کا کہنا ہے کہ بچی صحت مند اورکرونا وائرس سےمحفوظ ہے۔

    صوبائی دارالحکومت میں واقعہ سٹی ہربن کے اسپتال کے نائب سربراہ نے پریس کانفرنس میں بتایا کہ 38ہفتہ کی حاملہ خاتون کو  بخار ہوا تھا، جس کے بعد انہیں جمعرات کواسپتال میں داخل کرایاگیا تھا، جہاں کرونا وائرس ٹیسٹ پوزیٹو آیا تھا۔

    خیال رہے چین میں کورونا وائرس کی تباہ کاریاں جاری ہے ، مختلف شہر ویرانے کا منظرپیش کررہے ہیں، کورونا وائرس سے اموات کی تعداد361 ہوگئی ہے جبکہ سترہ ہزارسے زائد افراد وائرس سے متاثرہیں۔

    مزید پڑھیں : چین میں کرونا وائرس سے اموات کی تعداد 361 ہو گئی

    ایک کروڑ آبادی کا شہرووہان گھوسٹ سٹی میں تبدیل ہوگیا۔لوگ گھروں میں محصورہیں، سڑکیں ویران ہیں۔بیجنگ میں بھی میڑواسٹیشنزسنسان اورسڑکیں ٹرانسپورٹ سے خالی ہیں۔

    مختلف ممالک نے چین کے ساتھ سرحد بند اورپروازیں معطل کردی ہیں جبکہ انڈونیشیا کے دارالحکومت جکارتا کے ائیرپورٹ پرووہان سےجکارتا آنےوالےمسافروں پر جراثیم سےبچاؤکیلئےاسپرے کیا جارہا ہے اوراسکریننگ کی جارہی ہے۔

  • چین میں کرونا وائرس سے اموات کی تعداد 361 ہو گئی

    چین میں کرونا وائرس سے اموات کی تعداد 361 ہو گئی

    بیجنگ: چین میں کرونا وائرس سے اموات کی تعداد 361 ہو گئی ہے، چین کے مختلف شہروں میں لاک ڈاؤن کر دیا گیا ہے، متعدد ممالک نے چین کے ساتھ اپنی سرحد بند کر دی ہے۔

    تفصیلات کے مطابق چین میں فلو جیسا ہلاکت خیز وائرس تباہ کن ثابت ہو گیا ہے، چین میں اس سے ہونے والی اموات میں مسلسل اضافہ ہو رہا ہے، چینی حکومت کی جانب سے اس کی روک تھام کے لیے ہنگامی اور بھرپور اقدامات کے باوجود وائرس سے اموات کے سلسلے کو روکا نہیں جا سکا۔

    غیر ملکی میڈیا کے مطابق چین میں کرونا وائرس سے 17 ہزار سے زائد افراد متاثر ہو چکے ہیں، جب کہ روک تھام کے لیے فوجی میڈیکل ٹیمیں انتظامیہ سے مل کر کام کر رہی ہیں، چین میں کئی اسپتال بھی محض چند دنوں میں قائم کیے جا چکے ہیں، جس سے چینی ہنر مندوں کی مشاقی کا ایک اور ثبوت فراہم ہوتا ہے۔

    بد قسمت چین ابھی کرونا وائرس کی ہلاکت خیزیوں سے چھٹکارا نہیں پا سکا ہے کہ اچانک صوبے ہنان میں برڈ فلو نے اپنے پنجے گاڑ لیے ہیں، ایچ 5 این 1 انفلوئنزا چینی صوبے میں ساڑے 4 ہزار مرغیاں ہلاک ہو چکی ہیں جب کہ پولٹری فارم میں بچ جانے والی 17 ہزار سے زائد مرغیوں کو احتیاطاً تلف کرنا پڑا۔ ماہرین کا کہنا ہے برڈ فلو جانوروں سے انسانوں کو بھی لگ سکتا ہے تاہم ایک انسان سے دوسرے کو منتقل نہیں ہوتا۔

    کرونا کے بعد چین میں ایک اور وبا پھوٹ پڑی

    ادھر فلپائن میں کرونا وائرس سے پہلے مریض کی موت کی تصدیق کی گئی ہے، یہ اس وائرس سے چین سے باہر پہلی ہلاکت ہے۔ دوسری طرف ہانک کانگ نے اگرچہ چین کے ساتھ اپنی سرحد بند کر کے فیری اور ریل سروس روک دی ہے تاہم ہیلتھ ورکرز نے مطالبہ کیا ہے کہ سرحد کو مکمل طور پر بند کر دیا جائے تاکہ کوئی آمد و رفت نہ ہو سکے۔

    چین کے نیشنل ہیلتھ کمیشن کا کہنا تھا کہ نئی 57 ہلاکتیں اتوار کو صوبے ہوبائی میں ہوئی ہیں جسے گزشتہ ایک ہفتے سے باقی ملک سے کاٹ کر مکمل طور پر سیل کیا جا چکا ہے۔

  • چین کے لیے فضائی آپریشن بحال، پہلی پرواز اسلام آباد پہنچ گئی

    چین کے لیے فضائی آپریشن بحال، پہلی پرواز اسلام آباد پہنچ گئی

    اسلام آباد: چین کے لیے فضائی آپریشن بحال کر دیا گیا ہے، پہلی پرواز نے اسلام آباد ایئر پورٹ پر لینڈنگ کر لی۔

    تفصیلات کے مطابق پاکستان اور چین کے درمیان فضائی آپریشن آج سے بحال ہوگیا، فضائی آپریشن کرونا وائرس کے باعث بند کیا گیا تھا، آج 9 بجے ارومچی سے سدرن چائنا ایئر کی پرواز سی زیڈ 6007 اسلام آباد پہنچی۔

    اے آر وائی نیوز کے مطابق چین سے آنے والی پرواز کے ذریعے 61 پاکستانی وطن واپس پہنچے ہیں، ایئرپورٹ پر معاون خصوصی ڈاکٹر ظفر مرزا بھی موجود تھے جو اسکریننگ کی نگرانی کر رہے ہیں، ان کے ساتھ سیکریٹری ہیلتھ اللہ بخش بھی موجود تھے۔ چین سے دوسری پرواز صبح ساڑھے 9 بجے اسلام آباد پہنچے گی، خیال رہے کہ 40 طلبہ رات گئے دوحا سے پرواز کیو آر 632 میں اسلام آباد ایئر پورٹ پہنچے تھے۔ مجموعی طور پر چین سے 101 پاکستانی اسلام آباد ایئر پورٹ پہنچ

    چین سے پہنچنے والے مسافروں کی اسلام آباد ایئرپورٹ پر اسکریننگ کی جا رہی ہے

    گئے ہیں۔

    پاکستان نے کرونا وائرس کی وجہ سے چین کے لیے 29 جنوری کو فضائی آپریشن عارضی طور بند کر دیا تھا، براہ راست فضائی آپریشن معطلی کا لیٹر 2 فروری تک کے لیے جاری کیا گیا تھا۔

    کرونا وائرس کے علاج میں ابتدائی کامیابی، حوصلہ افزا نتائج

    سینئر جوائنٹ سیکریٹری ایوی ایشن ڈویژن عبدالستار کھوکھر نے بتایا کہ فضائی آپریشن پر پابندی میں مزید اضافہ نہ کرنے کا فیصلہ کیا گیا ہے۔

    خیال رہے کہ چین میں موجود پاکستانیوں نے کرونا وائرس سے نمٹنے کے اقدامات پر اطمینان کا اظہار کر دیا ہے، کراچی کے رہایشی محمد آفتاب نے اہلیہ اور دو بیٹیوں کے ساتھ اپنے پیغام میں کہا کہ یہاں صحت کی بہتر سہولتیں ہیں، علاج ہو رہا ہے، کراچی آئے تو وائرس کے پھیلاؤ کا خدشہ ہے، دعا کریں کہ جلد یہ وائرس ختم ہو۔

    خیال رہے کہ چین میں کرونا وائرس سے ہلاکتوں کی تعداد 304 ہو گئی ہے، جب کہ 15 ہزار سے زائد افراد اس سے متاثر ہو چکے ہیں، چینی ماہرین نے ان تھک محنت سے آٹھ روز میں ایک ہزار بستروں پر مشتمل اسپتال تیار کر لیا ہے۔

  • کروناوائرس کا خطرہ، چین سے وطن واپس پہنچنے والے 324 مسافر کہاں گئے؟

    کروناوائرس کا خطرہ، چین سے وطن واپس پہنچنے والے 324 مسافر کہاں گئے؟

    نئی دہلی: چین سے خصوصی پرواز کے ذریعے 324 مسافر بھارت پہنچ گئے، مسافروں کو 7 دن کے لیے کروناوائرس سے متعلق قائم کیے گئے کیمپ میں رکھا گیا ہے۔

    بھارتی میڈیا کی رپورٹ کے مطابق سینکڑوں مسافر چینی شہر ووہان سے خصوصی پرواز کے ذریعے دہلی پہنچے ہیں۔ مسافروں کو ایئرپورٹ پر اسکریننگ کے مراحل سے گزارنے کے بعد قائم کیے گئے مخصوص کیمپ میں رکھا گیا ہے، اس دوران انہیں اپنے عزیز واقارب سے بھی ملنے کی اجازت نہیں ہے۔

    بھارت میں کروناوائرس کے پھیلاؤ کی روک تھام کے لیے یہ اقدامات کیے گئے، دہلی پہنچنے والے مسافروں میں 211 طالب علم اور 110 مزدور شامل ہیں۔ جبکہ طیارے میں کچھ بچے بھی تھے۔ تمام افراد کو خصوصی کیمپ میں رکھا گیا ہے۔

    چین میں کرونا وائرس سے ہلاکتوں کی تعداد 250 سے تجاوز کرگئی

    چین سے بھارت آنے والی خصوصی پرواز میں ڈاکٹروں کا پینل بھی مسافروں کے ساتھ موجود رہا۔

    خیال رہے کہ چین میں کروناوائرس سے 259 افراد زندگی کی بازی ہار گئے جبکہ 12 ہزار افراد متاثر ہوئے، چین کے مختلف شہروں میں نظام زندگی مفلوج ہے ، چودہ صوبوں میں چھٹیاں اور لوگ گھروں میں محدود ہیں جبکہ چین کی معشیت کو اربوں ڈالر کے نقصان کا سامنا ہے۔

    کروناوائرس سے دنیا بھر میں خوف وہراس پھیلا ہوا ہے، اب تک 23 ممالک میں کیسز رپورٹ ہوچکے ہیں ، امریکا اور اٹلی نے کرونا وائرس کے بعد ہیلتھ ایمرجنسی نافذ کردی اور ساتھ ہی چین کے ساتھ فلائٹ آپریشن بھی معطل کردیا ہے جبکہ سوئیڈن میں کرونا وائرس کاکیس سامنے آگیا ہے۔

  • پاکستان میں داخل ہونے کے لیے ہیلتھ ڈیکلریشن فارم پُر کرنا لازمی قرار

    پاکستان میں داخل ہونے کے لیے ہیلتھ ڈیکلریشن فارم پُر کرنا لازمی قرار

    کراچی: پاکستان میں داخل ہونے کے لیے ہیلتھ ڈیکلریشن فارم پُر کرنا لازمی قرار دے دیا گیا۔

    تفصیلات کے مطابق وزارت صحت کی جانب سے ہدایت جاری کی گئی ہے کہ پاکستان میں داخل ہونے والے تمام مسافروں کو ہیلتھ ڈیکلریشن فارم جمع کروانا ہوگا، جس میں رابطے کی تفصیلات اور سفر کی مختصر تاریخ شامل ہوگی۔

    اے آر وائی نیوز کے مطابق جہاز کا عملہ تمام مسافروں میں ہیلتھ ڈیکلریشن فارم تقسیم کرے گا، اس سلسلے میں وزارت صحت کی جانب سے تمام ایئر لائنز کو مذکورہ فارم بھی فراہم کر دیا گیا ہے۔

    کرونا وائرس کی وبا کے پیشِ نظر ڈیکلریشن فارم میں معلومات کا اندراج کرنا اور اس فارم کو لاؤنج میں ہیلتھ اسٹاف کے حوالے کرنا لازمی قرار دیا گیا ہے، بہ صورت دیگر پاکستان میں داخلہ اور امیگریشن کی اجازت نہیں دی جائے گی۔

    چین میں کرونا وائرس سے ہلاکتوں کی تعداد 250 سے تجاوز کرگئی

    ڈیکلریشن فارم میں نام، پاسپورٹ نمبر اور پتا، مختلف ممالک میں قیام اور مسافر کی صحت سے متعلق تفصیلات طلب کی گئی ہیں، یہ فارم عوام کی آسانی کے لیے بنایا گیا ہے۔ فارم میں مسافروں کو بتانا ہوگا کہ وہ گزشتہ 14 دنوں میں چین اور چین کے شہر ووہان، افریقا اور جنوبی امریکا تو نہیں گئے، مسافر کو بخار، کھانسی یا سانس میں تکلیف تو لاحق نہیں ہے۔

    خیال رہے کہ ملک کے تمام ایئرپورٹس پر کرونا وائرس سے متعلق اسکریننگ کے انتظامات پہلے ہی کیے جا چکے ہیں، اور تمام مسافروں کو اس حوالے سے چیک کیا جا رہا ہے، پاکستان کے 7 بین الاقوامی ایئر پورٹس پر فوکل پرسن بھی تعینات کیے گئے ہیں۔

  • کروناوائرس کی وجہ بننے والے جانوروں کی فروخت تاحال جاری

    کروناوائرس کی وجہ بننے والے جانوروں کی فروخت تاحال جاری

    بیجنگ: کروناوائرس کے خطرے کے پیش نظر چینی حکومت کی جانب احکامات اور پابندیوں کی جانور فروشوں نے دھجیاں اڑا ڈیں، بازاروں میں تاحال جنگلی جانور فروخت کیے جارہے ہیں۔

    غیرملکی خبررساں ادارے کی رپورٹ کے مطابق کروناوائرس کے مزید پھیلاؤ سے بچنے کے لیے چینی حکومت نے ملک میں جنگی جانوروں کی فروخت پر پابندی عائد کررکھی ہے۔ حالیہ دنوں ماہرین نے انکشاف کیا تھا کہ چمگادڑ، خنزیر اور دیگر جنگلی جانوروں سے کروناوائرس کا آغاز ہوسکتا ہے۔

    چین میں لوگ چوہے، چمگاڈر، لال بیگ اور سانپ سمیت دیگر جنگلی جانوروں کو شوق سے کھاتے ہیں، تاہم کروناوائرس کے پیش نظر چینی حکومت نے ایسے تمام مارکیٹوں پر پابندی عائد کی تھی جو اس طرح کے جانور فروخت کررہے ہیں۔

    حکومت کی پابندیوں کا کوئی اثر نہ ہوا اور مارکیٹوں میں تاحال جنگلی جانور فروخت کیے جارہے ہیں۔ غیرملکی میڈیا نے اپنی رپورٹ میں انکشاف کیا ہے کہ چینی صوبے ہوبائی گوانگڈونگ میں دھڑلے سے زندہ جنگلی جانور فروخت کیے جارہے ہیں۔

    ’کرونا وائرس چمگادڑ کی وجہ سے پھیلتا ہے‘: انکشاف

    خیال رہے کہ گزشتہ روز ایکو ہیلتھ الائنس کے صدر ڈاکٹر پیٹرڈسزاک نے انکشاف کیا تھا کہ چمگادڑ کی وجہ سے سالانہ ہزاروں لوگ موت کے منہ میں چلے جاتے ہیں اور دنیا بھر میں کرونا وائرس پھیلنے کی وجہ بھی یہی ممالیہ ہے۔

    بین الاقوامی میڈیا رپورٹ کے مطابق ڈاکٹرپیٹر کا کہنا تھا کہ یہ وائرس جانوروں سے انسانوں میں منتقل ہوا، اور اس بات کو وثوق کے ساتھ کہا جاسکتا ہے کہ انسانوں میں وائرس پھیلنے کی بڑی وجہ چمگادڑ ہی ہے۔