Tag: کروناوائرس

نئی دہلی: بھارت میں کروناوائرس کے بڑھتے کیسز کے باعث اسپتالوں نے دیگر مرض میں مبتلا مریضوں کا داخلہ لینے سے انکار کردیا، ایک معذور بچی اپنے علاج کے لیے تڑپتی رہی۔

غیرملکی خبررساں ادارے کی رپورٹ کے مطابق بھارت کے اسپتال کرونا کے سبب دیگر مریضوں کا داخلہ نہیں کررہے، جس کی وجہ سے عام مریضوں کا کوئی پرسان حال نہیں ہے، ریاست مہاراشٹر کے ضلع اورنگ آباد میں والدین اپنی بیمار بچی کو لے مختلف اسپتالوں میں دربدر کی ٹھوکریں کھاتے رہے۔

رپورٹ کے مطابق کسی اسپتال نے 15 سالہ معذور بچی کو داخل نہیں کیا، والدین سرکاری کے علاوہ پرائیوٹ اسپتال بھی گئے لیکن کہیں شنوائی نہ ہوئی۔ اہل خانہ نے اسپتالوں کے خلاف حکومت کو شکایت درج کروا دیا ہے۔

بھارت: کرونا وائرس کے مریض کی اسپتال کی ساتویں منزل سے کود کر خودکشی

متاثرہ بچی کے والد نے کہا ہے کہ ان کی بچی کو کوئی مرض لاحق نہیں، وہ ذہنی طور پر معذور ہے اور 4 سے 5 مہینے میں ایک مرتبہ اس کی پیشاب کی تھیلی’گولڈ بلاڈر‘ تبدیل کرنا ہوتی ہے، لیکن اب کوئی اس کا علاج نہیں کررہا۔

والدین کی شکایت پر میونسپل کارپوریشن نے پرائیوٹ اسپتالوں کی اس مجرمانہ روش کا سختی سے نوٹس لے لیا ہے۔

بنکاک: تھائی لینڈ میں گزشتہ 3 دن کے دوران کروناوائرس کا ایک بھی کیس سامنے نہیں آیا اور نہ ہی کوئی موت واقع ہوئی، ڈاکٹروں نے اسے وبائی مرض کے خلاف اہم پیش رفت قرار دے دیا۔

غیرملکی خبررساں ادارے کی رپورٹ کے مطابق تھائی لینڈ میں ایسا پہلی مرتبہ دیکھا گیا کہ لگاتار 3 دن کروناوائرس کا کوئی کیس رپورٹ نہیں ہوا اور نہ ہی کسی مریض کی موت واقع ہوئی، ملک میں گزشتہ 23 دن کروناوائرس کے خلاف بہت مثبت رہے، ماضی کے مقابلے میں بہتر انداز میں وائرس پر قابو رہا۔

کوویڈ 19 ایڈمنسٹریشن سینٹر کے حکومتی ترجمان کا کہنا ہے کہ ملک میں اب تک مجموعی طور پر کروناوائرس سے 58 اموات ہوئیں، اور 3135 وبا کے مریض سامنے آئے جن میں سے دو ہزار سے زائد صحت یاب بھی ہوچکے ہیں۔

کرونا وائرس ویکسین: تھائی لینڈ سے بڑی خبر آگئی

تھائی لینڈ نے دیگر ممالک کی بنسبت کروناوائرس پر کنٹرول کیا ہوا ہے۔

ملک میں گزشتہ ہفتے جو کیسز رپورٹ ہوئے وہ تمام افراد بیرون ممالک سے سفر کرکے تھائی لینڈ پہنچے تھے، جبکہ تمام مریضوں کو قرنطینہ کردیا گیا ہے جہاں ان کا علاج جاری ہے۔

یاد رہے کہ گزشتہ ماہ تھائی لینڈ کے ایک سینئر عہدیدار نے غیر ملکی خبررساں ایجنسی کو بتایا تھا کہ کرونا ویکسین کی چوہوں پر آزمائش کی گئی جس کے مثبت نتائج سامنے آئے ہیں اور توقع کی جا رہی ہے کہ اگلے سال تک کرونا وائرس کی ویکسین تیار کر لی جائے گی اور ممکنہ طور پر اسپتالوں کو فراہم کی جائے گی۔

ایڈنبرگ: نیوزی لینڈ میں کروناوائرس اور لاک ڈاؤن کے خاتمے کے بعد نئے کیسز سامنے آگئے، ملک میں نئے مریضوں نے حکومت کے لیے نیا چیلنج کھڑا کردیا ہے۔

غیرملکی خبررساں ادارے کی رپورٹ کے مطابق نیوزی لینڈ میں 25 دن کے بعد کروناوائرس کے 2 نئے کیسز رپورٹ ہوئے ہیں۔ جبکہ حکومت گزشتہ ہفتے ملک میں کرونا کا کوئی فعال کیس نہ کہہ کر لاک ڈاؤن ختم کرچکی ہے۔ کرونا کے دونوں نئے مریض حالیہ دنوں برطانیہ سے نیوزی لینڈ پہنچے تھے۔

محکمہ صحت نے نئے مریضوں کی تصدیق کرتے ہوئے کہا ہے کہ شہریوں کی آمد ورفت کے لیے بارڈر کھولنے سے وائرس دوبارہ نیوزی لینڈ میں منتقل ہوا۔ البتہ تمام شہریوں کو ملک میں داخلے کے بعد دو ہفتے قرنطینہ میں گزارنا لازمی ہے۔

پہلا ملک جس نے کرونا کو مکمل شکست دے دی، لاک ڈاؤن ختم

وزیراعظم جسینڈا آرڈرن کا پیر کے روز اپنے ایک بیان میں کہنا تھا کہ ہم نے ملک کو کرونا فری قرار نہیں دیا کیوں کہ مستقبل میں وائرس کے دوبارہ پھیلاؤ کا خدشہ ہے۔

یاد رہے کہ 8 جون کو کرونا وبا کو شکست دینے کے بعد نیوزی لینڈ کی وزیر اعظم جیسنڈا آرڈن نے ملک میں لاک ڈاؤن ختم کرنے کا اعلان کیا تھا، 75 روز کے لاک ڈاؤن کے بعد نیوزی لینڈ میں معاشی اور سماجی فاصلوں کی پابندیاں بھی ختم کی جاچکی ہیں۔ وزارتِ صحت کا کہنا تھا کہ ملک میں اب کرونا کا کوئی فعال کیس نہیں رہا۔

نئی دہلی: بھارتی شہریوں نے ملکی وزیراعظم نریندر مودی کا مذاق بنا دیا، مودی کی شکل کے ماسک دکانوں پر تیزی سے فروخت ہونا شروع ہوگئے، دکان مالکان کا کاروبار چمک اٹھا۔

غیرملکی خبررساں ادارے کی رپورٹ کے مطابق بھارتی شہر بھوپال میں مودی کی شکل کے ماسک کی مانگ بڑھ گئی ہے، شہریوں کی بڑی تعداد خصوصی ماسک خرید رہی ہے، دکانوں پر مودی کے علاوہ دیگر سرکاری اعلیٰ عہدیداروں کی شکل کے ماسک بھی پرنٹ کیے گئے ہیں۔

رپورٹ کے مطابق بھارتی ریاست مدھیا پردیش کے وزیراعلیٰ سیوراج سنگھ چوہان کے چہرے کا عکس بھی ماسک پر پرنٹ کیا گیا ہے۔ مقامی میڈیا کو انٹرویو دیتے ہوئے ایک دکان مالک کا کہنا تھا کہ وہ اب تک ہزاروں کی تعداد میں خصوصی ماسک بیچ چکا ہے اور اس کی مانگ میں مزید اضافہ ہورہا ہے۔

مدھیاپردیش کروناوائرس سے بدترین متاثرہ ریاستوں میں شمار ہوتا ہے۔ جہاں اب تک 11 ہزار کرونا کیسز رپورٹ ہوئے اور 465 کے قریب اموات ریکارڈ کی گئیں۔ تاہم مذکورہ ریاست میں بھی لاک ڈاؤن میں نرمی کی جاچکی ہے۔

حکومت نے شہریوں کو احتیاطی تدابیر اپنے پر زور دیا ہے لیکن شہری مودی سرکار کا ہی مذاق بنا رہے ہیں۔