Tag: کروناوائرس

اسلام آباد: کرونا کی صورت حال سے نمٹنے کے لیے وزیراعظم عمران خان نے ٹیلی ہیلتھ پورٹل کا افتتاح کردیا۔

تفصیلات کے مطابق وزیراعظم عمران خان کا ٹیلی ہیلتھ پورٹل کے اجرا کی تقریب سے خطاب کرتے ہوئے کہنا تھا کہ ٹیلی ہیلتھ پورٹل  بہت اچھا قدم ہے، کرونا کی وجہ سے بہت زیادہ لوگ ہوئے ہیں۔

انہوں نے کہا کہ کرونا وائرس کا اصل حل ویکسین ہے، جب تک کرونا کی ویکسین نہیں آتی ہمیں اس کے ساتھ گزارا کرنا ہے، وبا کی وجہ سے ترقی یافتہ ممالک کے بہت برے حالات ہیں، بدقسمتی سے ماضی میں ہمارے ملک میں اسپتالوں اور صحت پر توجہ نہیں دی گئی، وائرس کی وجہ سے پاکستان میں دیگرممالک جیسے حالات نہیں ہیں۔

وزیراعظم کا کہنا تھا کہ کرونا وائرس اس سال رہے گا لگتا ایسا ہے اس کے ساتھ گزارا کرنا پڑے گا، پورٹل کے اجرا پر تانیہ ایدروس اور ان کی ٹیم کو خراج تحسین پیش کرتا ہوں، مغربی ممالک کے مقابلے میں پاکستان میں مریضوں کی تعداد کم ہے، انشااللہ جب کرونا ختم ہوگا تو اس کے بعد ٹیلی ہیلتھ پورٹل کی ضرورت پڑے گی۔

خطاب کے دوران عمران خان نے مزید کہا کہ بچوں کی تعلیم کے لیے پی ٹی وی پر ٹیلی اسکول کا اجرا کیا گیا، لیڈی ڈاکٹرز زیادہ سے زیادہ آگے آئیں اور پورٹل کا حصہ بنیں، وائرس کے باعث ملک پر مشکل وقت آیا ہے۔

وزیراعظم آفس کے مطابق وزارت صحت اور انفامیشن ٹیکنالوجی (آئی ٹی) کی معاونت سے ٹیلی ہیلتھ پورٹل بنایا گیا ہے۔ ٹیلی ہیلتھ پورٹل پر ماہر ڈاکٹرز مریضوں کو آن لائن دستیاب ہوں گے۔

اس اہم اقدام کے تحت ڈاکٹرز رضاکارانہ طور پر اس پلیٹ فارم پر آن لائن اپنا اندراج کرواسکتے ہیں اور مریضوں کو بلا معاوضہ تشخیص کے ساتھ ساتھ علاج کی بھی سفارش کرسکتے ہیں۔

کورونا کیخلاف جنگ ، وزیراعظم کا بیرون ملک پاکستانی ہیلتھ پروفیشنلز کیلئے بڑا اعلان

ٹیلی ہیلتھ پورٹل کے ذریعے شہری کوویڈ۔19 کے بارے میں ماہرین سے سوالات پوچھنے کے علاوہ ٹیلیفون کے ذریعے ڈاکٹروں سے رابطے میں بھی رہ سکتے ہیں تاکہ مہلک وبا کے بارے میں گاہے بگاہے آگاہی لے سکیں۔

خیال رہے کہ گزشتہ ماہ حکومت کی جانب سے بیرون ملک مقیم پاکستانی طبی ماہرین کی خدمات لینے کے لیے ’یارانِ وطن‘ کے نام سے پروگرام متعارف کرایا گیا۔

وزیراعظم عمران خان نے سماجی رابطے کی ویب سائٹ‌ ٹوئٹر پر اپنے پیغام میں کہا تھا کہ دنیا میں پاکستانی ہیلتھ پروفیشنلز کرونا کے خلاف فرنٹ لائن پر ہیں، پاکستانی ہیلتھ پروفیشنلز کرونا کے خلاف جنگ میں ہماری مدد کرنا چاہتے ہیں، ہم نے اپنے ہیلتھ پروفیشنلز کے لیے یاران وطن لانچ کی۔

راولپنڈی: وزیرریلوے شیخ رشید نے کہا ہے کہ ٹرینیں چلانے کا فیصلہ منگل کو ہوگا، صرف عمران خان سے ملاقات کا انتظار ہے، اس کے بعد حکمت عملی وضع کریں گے۔

تفصیلات کے مطابق پریس کانفرنس کرتے ہوئے وزیرریلوے شیخ رشید کا کہنا تھا کہ ٹرینوں کی بکنگ کی مد میں 23.2کروڑ روپے ایڈوانس جمع ہیں، تمام ٹرینوں کو ایس اوپی کے تحت تیار کیا ہے، ریلوے وفاق اور وزیراعظم عمران خان کے ماتحت ہے، عید پر 50فیصد کاروبار ہوتا ہے۔

انہوں نے کہا کہ میں غریب کو تباہ بربادہ وتے نہیں دیکھ سکتا، وزارت ریلوے سے کہنا چاہتا ہوں کہ پرسوں تیاری رہیں، ایسا نہیں ہوسکتا آپ تمام سواریوں کو اجازت دیں اور ریلوے کو نہ دیں، ریلوے صرف پنجاب نہیں پورے پاکستان کی ہے، منگل تک ٹرینیں چلانے یا نہ چلانے کا اعلان کریں گے۔

ٹرینیں کھولنے سے متعلق پنجاب کی مخالفت سمجھ سے بالا تر ہے، شیخ رشید

شیخ رشید کا کہنا تھا کہ اجازت نہ ملنے پر بدھ کو مسافروں کو رقم واپس کرنا شروع کردیں گے، ہم نے انہی ڈبوں کو ٹھیک کیا کوئی بھی امپورٹ نہیں کیا، ایک جعفرایکسپریس چلانی ہے لوگ چیخ رہےہیں، اگر کراچی کا ٹریک کھلے گا تو ٹرینیں چلیں گی، میری آخری استدعا ہے کہ ٹرینیں کھولنے دیں۔

امید کرتا ہوں 25 اپریل یا یکم مئی سے محدود ٹرینیں چلادیں گے، شیخ رشید

ریلوے کے وزیر نے کہا کہ ہم خسارے میں بھی ٹرین چلانے جارہے ہیں، منگل کو عمران خان سے رابطے کے بعد فیصلہ کردوں گا، ریلوے چاروں صوبوں کی زنجیر ہے، ریلوے حکام کو مکمل تیاری کی ہدایت کی گئی ہے، کل تک مجھے اجازت مل جائے تو میں ایس اوپیز پر کام کرلوں گا، پرسوں کے بعد اجازت ملے گی تو میں ایس اوپی پر کام بھی نہیں کرسکتا۔

ان کا مزید کہنا تھا کہ عید کے دنوں میں بھی آن لائن بکنگ کا ترجح دیں گے، ہمارے ہاں90دن کی بکنگ ہوتی ہے60دن تو گزر ہی گئے، اس ماہ عید سے پہلے تنخواہیں اور پنشن دے دیں گے، بسوں اور جہازوں کو اجازت دے دی گئی ہم نے کسی کا کیا بگاڑا ہے، مرکز کی رہنمائی کررہا ہوں صوبے کی نہیں کررہا۔

کراچی: کروناوائرس کو شکست دینے والے گورنر سندھ عمران اسماعیل نے کہا ہے کہ اس بیماری میں جڑی بوٹیوں کا استعمال مفید ہوتا ہے، ثنا مکی اور ادرک کے پانی کے استعمال سے مجھے بہت فائدہ پہنچا۔

تفصیلات کے مطابق گورنر سندھ نے 17دن قرنطینہ میں گزارنے کے تجربے پر اظہار خیال کیا کہ کرونا کوئی ایسی بیماری نہیں جس کا انجام صرف موت ہی ہو، احتیاطی تدابیر اختیار کرکے وبا کو شکست دی جاسکتی ہے۔

ان کا کہنا تھا کہ کرونا کے مریضوں کو جڑی بوٹیوں کے استعمال سے فائدہ ہوگا، مذکورہ وبا کا کوئی مخصوص علاج نہیں، تاہم آپ کو معالج سے رابطہ میں رہنا پڑتا ہے۔

گورنر سندھ مکمل صحت یاب، کورونا کے مریض کیلئے پلازمہ عطیہ کرنے کا اعلان

خیال رہے کہ گورنر سندھ عمران اسماعیل میں 27 اپریل کو کرونا وائرس کی علامات ظاہر ہوئی تھیں، کرونا وائرس ٹیسٹ کروانے پر رپورٹ مثبت آگئی جس کے بعد گورنر سندھ نے خود کو قرنطینہ کرلیا تھا۔

بعد ازاں 8 مئی کو عمران اسماعیل کا دوسرا کرونا ٹیسٹ بھی مثبت آیا، جس پر عمران اسماعیل نے تمام چاہنے والوں سے دعاؤں کی درخواست کی تھی۔

خوش قسمتی سے 13 مئی کو گورنرسندھ کا ٹیسٹ منفی آگیا، صحت یابی پر انہوں نے اللہ تعالیٰ کو شکر ادا کرتے ہوئے کرونا کے مریض کے لیے پلازمہ عطیہ کرنے کا بھی اعلان کیا۔

اسلام آباد: ہیلتھ ورکرز کی حفاظت اور حوصلہ افزائی کے لیے نئے پروگرام ’’وی کیئر‘‘کا آغاز کردیا گیا، پروگرام کے تحت ایک لاکھ سے زیادہ ڈاکٹروں اور طبی عملے کو تربیت  دی جائے گی۔

تفصیلات کے مطابق وزیراعظم کے معاون خصوصی برائے صحت ڈاکٹر ظفر مرزا کا پروگرام  وی کیئر کی افتتاحی تقریب سے خطاب کرتے ہوئے کہنا تھا کہ پروگرام کے ذریعے ایک لاکھ سے زیادہ ڈاکٹروں اورطبی عملےکوتربیت  دی جائے گی، پی پی ای کے استعمال سے متعلق آن لائن تربیتی کورس ڈیزائن کیا گیا ہے، عالمی معیار کے تحت حفاظتی سامان کے استعمال پر معلومات دینا ہے۔

انہوں نے کہا کہ پروگرام کے تحت ڈاکٹرز کو خصوصی تربیت دی جائے گی، اس کا مقصد نگہداشت اور معاونت کا ایک مجموعی سماجی ماحول پیدا کرنا بھی ہے، حفاظتی تدابیر پر عمل سے خود کو  انفیکشن سے سے بچا سکتے ہیں جبکہ ہیلتھ ورکرز  کی صحت اور زندگی  کو خطرات کو بھی کم کر سکتے ہیں۔

 ڈاکٹر ظفر مرزا نے کہا ہے کہ کروناوائرس کے خلاف لڑنے والے ڈاکٹرز اور طبی عملے کے تحفظ کے لیے پروگرام شروع کیاگیا ہے، اسپتال عملے کو حفاظتی سامان کی فراہمی کے ساتھ اس کے استعمال کی آگاہی دی جارہی ہے۔

انہوں نے کہا کہ وفاقی اور صوبائی حکومت نے اس ضمن میں متعدد اقدامات کیے ہیں، ڈاکٹر اور طبی عملہ کرونا کے خلاف صف اول کے سپاہی ہیں، جو اپنی جان خطرے میں ڈال کر عوام کی خدمت کررہے ہیں۔

افتتاحی تقریب سے خطاب کرتے ہوئے ان کا کہنا تھا کہ این 95ماسک کی تیاری پاکستان میں شروع ہونے والی ہے، ٹریننگ کے حوالے سے نیشنل گائیڈ لائنز بھی جاری کردی ہیں، این ڈی ایم اے براہ راست اسپتالوں میں  پی پی ایز پہنچارہی ہے، پی پی ایز سے متعلق ہیلتھ پروفیشنلز کی ٹریننگ بھی جارہی ہے۔

معاون خصوصی نے مزید کہا کہ ایک لاکھ ہیلتھ پروفیشنلز کو ٹریننگ پہنچائیں گے، ہیلتھ پروفیشنلز کے لیے ایک گھنٹہ آن لائن ٹریننگ کا پروگرام بھی ہے، ملک کی 5بڑی میڈیکل یونیورسٹیز ہماری پارٹنر ہیں، اس طرح کا پروگرام شروع کرکے ہیلتھ ورکرز کو پیغام دینا چاہتے ہیں کہ ہم آپ کیلئے فکر مند ہیں۔

اسمارٹ لاک ڈاؤن کی پالیسی ہمیشہ کیلئے نہیں چل سکتی، ڈاکٹرظفر مرزا

ظفر مرزا نے ڈاکٹرز کی خدمات کو سراہا اور ان کی جانب سے ہرممکن کوششوں کی تعریف کی۔ خیال رہے کہ دنیا بھر میں کرونا کے خلاف لڑنے ڈاکٹرز اور طبی عملہ کمر بستہ ہیں۔

پاکستان سمیت دیگر ممالک میں کئی طبی ڈاکٹرز مریضوں کا علاج کرتے ہوئے خود وائرس کا شکار ہوئے۔ متعدد کی موت بھی واقع ہوئی، ہلاک ہونے والوں میں درجنوں نرس بھی شامل ہیں۔