Tag: کرونا وائرس سندھ

کراچی: صوبہ پنجاب کی طرح صوبہ سندھ میں بھی کرونا وائرس پر قابو پا لیا گیا، گزشتہ 24 گھنٹوں کے دوران صوبے بھر میں کرونا انفیکشن سے کوئی موت واقع نہیں ہوئی۔

اے آر وائی نیوز کے مطابق وزیر اعلیٰ سندھ مراد علی شاہ نے صوبے میں کرونا وائرس صورت حال پر بیان میں کہا صوبے میں گزشتہ 24 گھنٹوں میں کرونا سے کوئی موت نہیں ہوئی، اب تک سندھ بھر میں 2422 کرونا مریض انتقال کر چکے ہیں۔

مراد علی شاہ کے بیان کے مطابق سندھ میں گزشتہ 24 گھنٹوں میں 9738 کرونا ٹیسٹ کیے گئے، جب کہ 230 نئے کرونا کیسز رپورٹ ہوئے، صوبے میں اب تک 10 لاکھ 36 ہزار 313 کرونا ٹیسٹ کیے جا چکے ہیں، جب کہ سندھ بھر میں تاحال ایک لاکھ 30 ہزار 483 کیسز رپورٹ ہو چکے ہیں۔

ملک میں کرونا وائرس کے 513 نئے کیسز کی تصدیق

گزشتہ 24 گھنٹوں میں صوبے میں 2152 کرونا مریض صحت یاب ہوئے، جب کہ سندھ میں اب تک ایک لاکھ 26 ہزار 164 کرونا مریض صحت یاب ہو چکے ہیں۔ دوسری طرف صوبے بھر میں 1897 کرونا مریض زیر علاج ہیں۔

وزیر اعلیٰ سندھ نے بتایا کہ گزشتہ 24 گھنٹوں میں کراچی میں 230 کرونا ٹیسٹ میں سے 120 مثبت آئے ہیں۔

واضح رہے کہ نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 513 نئے کیسز سامنے آئے جب کہ 5 مریض جاں بحق ہوئے، جس کے بعد کرونا وائرس سے اموات کی تعداد 6 ہزار 340 ہو گئی ہے۔

کراچی: صوبہ سندھ میں کرونا وائرس سے اموات کا سلسلہ بدستور جاری ہے، گزشتہ چوبیس گھنٹوں کے دوران سندھ میں کرونا وائرس انفیکشن سے مزید 6 مریض جاں بحق ہو گئے۔

وزیر اعلیٰ سندھ کے کرونا وائرس سے متعلق بیان کے مطابق مزید چھ مریضوں کے انتقال کے بعد صوبے میں کرونا وائرس سے انتقال کرنے والے مریضوں کی تعداد 2 ہزار 373 ہو گئی ہے۔

وزیر اعلیٰ مراد علی شاہ نے بتایا کہ گزشتہ 24 گھنٹوں کے دوران 7 ہزار 426 نمونے ٹیسٹ کیے گئے، جن میں سے 172 نئے کرونا کیسز سامنے آئے، اب تک 9 لاکھ 62 ہزار 453 کرونا ٹیسٹ کیے جا چکے ہیں، جب کہ صوبے بھر میں مصدقہ کرونا کیسز کی تعداد ایک لاکھ 28 ہزار 456 ہو گئی ہے۔

سندھ میں کرونا وائرس موجود، ملک کے بقیہ حصوں میں کوئی موت نہیں ہوئی

گزشتہ 24 گھنٹوں کے دوران 266 مریض صحت یاب ہوئے، اب تک سندھ میں کرونا کے ایک لاکھ 22 ہزار 181 مریض صحت یاب ہو چکے ہیں۔

وزیر اعلیٰ سندھ کے مطابق اس وقت 3902 مریض زیر علاج ہیں، جب کہ وینٹی لیٹر پر رکھے گئے مریضوں کی تعداد 37 ہے۔

واضح رہے کہ پاکستان میں کرونا وائرس کے کیسز اور اموات میں کمی کا رجحان جاری ہے، گزشتہ 24 گھنٹوں کے دوران سندھ کے علاوہ ملک کے دیگر حصوں میں کرونا وائرس سے کوئی موت نہیں ہوئی۔

کراچی: ایک طرف جہاں پاکستان بھر میں کرونا وائرس سے اموات میں نمایاں کمی آ چکی ہے وہاں سندھ میں ابھی تک کرونا سے اموات کا سلسلہ جاری ہے، گزشتہ چوبیس گھنٹوں کے دوران صوبے میں کرونا انفیکشن سے مزید 9 مریضوں کا انتقال ہو گیا۔

تفصیلات کے مطابق وزیر اعلیٰ سندھ مراد علی شاہ نے صوبے میں روزانہ کرونا کیسز کے سلسلے میں اپنے بیان میں کہا کہ سندھ میں کرونا سے مزید نو افراد کے انتقال کے بعد مجموعی تعداد 2367 ہو گئی ہے۔

صوبے میں 24 گھنٹوں میں کرونا کے 319 نئے کیسز بھی سامنے آئے ہیں، جس کے بعد سندھ میں مجموعی کرونا وائرس کیسز کی تعداد 1 لاکھ 28 ہزار 284 ہو گئی ہے۔

وزیر اعلیٰ سندھ نے بتایا کہ اب تک سندھ میں 9 لاکھ 53 ہزار 27 نمونوں کی جانچ کی جا چکی ہے، جب کہ گزشتہ 24 گھنٹوں کے دوران مزید 771 مریض صحت یاب ہوئے، جس کے بعد سندھ بھر میں صحت یاب مریضوں کی تعداد 1 لاکھ 21 ہزار 915 ہو گئی ہے۔

پنجاب میں کرونا وائرس کے 121 نئے کیسز

سندھ میں اس وقت 4002 مریض زیر علاج ہیں، جن میں سے 190 کی حالت تشویش ناک ہے، جب کہ 31 مریض وینٹی لیٹرز پر رکھے گئے ہیں۔

وزیر اعلیٰ سندھ کے مطابق گزشتہ چوبیس گھنٹوں کے دوران جو نئے کیسز سامنے آئے ہیں ان میں سے 160 کا تعلق کراچی سے ہے۔

خیال رہے کہ آج پنجاب میں کرونا وائرس کے 121 نئے کیسز رپورٹ ہوئے، جب کہ کوئی ہلاکت نہیں ہوئی، پنجاب میں کرونا مریضوں کی تعداد 96 ہزار 178 ہو گئی ہے، اور اموات کی تعداد 2 ہزار 188 ہے۔

کراچی: صوبہ سندھ میں بھی کرونا وائرس کا زور ٹوٹ گیا، گزشتہ چوبیس گھنٹوں میں ایک مریض کا انتقال ہوا۔

تفصیلات کے مطابق وزیر اعلیٰ سندھ مراد علی شاہ نے سندھ میں کرونا وائرس کی صورت حال پر بیان دیتے ہوئے کہا کہ گزشتہ 24 گھنٹوں میں صوبے میں کرونا کا ایک مریض انتقال کر گیا ہے۔

وزیر اعلیٰ سندھ نے بتایا کہ 24 گھنٹوں میں کرونا کے 9 ہزار 311 ٹیسٹ کیے گئے، جن میں سے 274 کیسز میں کرونا وائرس کی تصدیق ہوئی۔

وزیر اعلیٰ کے مطابق صوبے میں کرونا سے اموات کی تعداد 2 ہزار 358 ہو چکی ہے، صوبے میں کرونا کے ایک لاکھ 21 ہزار 144 مریض صحت یاب ہو چکے ہیں، جب کہ 4 ہزار 463 مریض زیر علاج ہیں۔

پنجاب میں کورونا کا زور ٹوٹنے لگا، مسلسل چوتھے روز کوئی ہلاکت رپورٹ نہیں ہوئی

4 ہزار 142 کرونا انفیکشن کے مریض گھروں میں، جب کہ 7 آئسولیشن مراکز میں زیر علاج ہیں۔

واضح رہے کہ پاکستان میں کرونا کا زور ٹوٹنے لگا ہے، پنجاب میں مسلسل چوتھے روز کرونا وائرس سے کوئی ہلاکت نہیں ہوئی جب کہ گزشتہ چوبیس گھنٹوں کے دوران صرف 99 نئے کیسز رپورٹ ہوئے، جس کے بعد اب تک صوبے میں کرونا وائرس کے مصدقہ مریضوں کی تعداد 96,057 ہو گئی ہے۔

پنجاب میں اموات کی تعداد 2188 ہو چکی ہے، جب کہ کرونا وائرس کو شکست دینے والوں کی تعداد 91,134 ہے، صوبے میں اب تک 857,216 ٹیسٹ کیے جا چکے ہیں۔

کراچی: سندھ حکومت نے لاڑکانہ میں کرونا وائرس کی تشخیص کے لیے لیبارٹری قائم کر دی ہے۔

اے آر وائی نیوز کے مطابق وزیر صحت سندھ ڈاکٹر عذرا پیچوہو کی ہدایت پر کرونا وائرس کے ٹیسٹ کے لیے لاڑکانہ میں لیبارٹری قائم کر دی گئی۔

محکمہ صحت سندھ کی طرف سے قائم کی گئی لیبارٹری نے گزشتہ روز سے سیمپلنگ کا کام بھی شروع کر دیا ہے، گزشتہ روز لیے گئے سیمپلز کے نتائج آج آنا شروع ہو جائیں گے۔

وزیر صحت کا کہنا تھا کہ لیبارٹری میں روزانہ 200 ٹیسٹ کیے جا سکیں گے جسے آنے والے ہفتے تک 350 تک بڑھایا جائے گا، اگلے مرحلے میں نواب شاہ میں بھی کرونا ٹیسٹنگ لیبارٹری قائم کی جائے گی۔

پیر کو لاک ڈاؤن ختم نہیں ہورہا، کچھ مزید سختیاں ہوں گی، وزیر اعلیٰ سندھ

واضح رہے کہ سندھ بھر میں کرونا وائرس کے کیسز اور اموات میں تشویش ناک حد تک اضافہ ہوا ہے، سندھ میں گزشتہ 24 گھنٹوں میں 598 کیسز سامنے آئے جس میں سے سب سے زیادہ نئے کیسز کراچی سے رپورٹ ہوئے، محکمہ صحت سندھ کے مطابق کراچی میں 24 گھنٹوں کے دوران 467 نئے کئسز رپورٹ ہوئے جب کہ اس دوران صوبے میں 5 ہلاکتیں ہوئیں، جن میں سے 4 ہلاکتیں کراچی سے اور 1 ہلاکت لاڑکانہ میں ہوئی۔

کراچی سے ہلاک ہونے والوں میں 4 مرد شامل ہیں جن کی عمریں 19،60،81، اور 62 تھیں، لاڑکانہ سے ہلاک ہونی والے شخص کی عمر 55 سال تھی۔

چوبیس گھنٹوں میں حیدرآباد سے 50 نئے کیسز، شہید بے نظیر آباد سے 20، جامشورو سے 1 نیا کیس، بدین سے 3، سانگھڑ سے 4، ٹنڈو محمد خان سے 2، گھوٹکی سے 6، سکھر سے 9، لاڑکانہ سے 10 نئے کیسز، دادو سے 3، مٹیاری سے 9، میر پور خاص سے 3، اور شکارپور سے 10 نئے کیسز رپورٹ ہوئے۔