ویکسین بیماری کے ایجنٹس کی ہو بہو نقل کرتی ہے، اور ان کے خلاف دفاع قائم کرنے کے لیے مدافعتی نظام کو ابھارتی ہے۔
یہاں آپ کو ایسے اینی میشن دکھائی دیں گے جن میں یہ دکھایا گيا ہے کہ مدافعتی نظام کے مختلف حصے کیسے ویکسی نیشن کے ذریعے ردِ عمل کرتے ہیں اور یہ ردِ عمل کیسے مستقبل میں جسم کا کسی مخصوص بیماری سے تحفظ کرتا ہے۔
ویکسین کا ٹیکہ لگایا گیا
ویکسین ایک دھوکے کا کام کرتی ہے، ویکسین لگنے کے بعد جسم کا مدافعتی نظام سمجھتا ہے کہ کوئی مخصوص بیکٹیریا یا وائرس حملہ آور ہو گیا ہے، لیکن اس ویکسین سے جسم بیمار نہیں ہوتا۔
اینٹی جن پریزنٹنگ سیل (APC)
یہ خلیات (اے پی سی) جسم میں حملہ آوروں کے خلاف گھومتے رہتے ہیں، جب یہ کسی حملہ آور اینٹی جن (antigen) کو پاتے ہیں تو اسے اپنے اندر جذب کر لیتے ہیں اور انھیں توڑ کر اپنی سطح پر اس کے حصوں کو نمایاں کرتے ہیں۔
ٹی ہیلپر سیل ایکٹویشن
اے پی سیز اینٹی جن کو نمایاں کرتے ہوئے ان جگہوں سے گزرنے لگتے ہیں جہاں مدافعتی خلیات جمع ہوتے ہیں، جیسا کہ لمف نوڈز۔ اینٹی جن کا تدارک کرنے والے مخصوص ٹی سیلز (naive T cell) انھیں چوں کہ باہر سے آنے والے سمجھتے ہیں اس لیے فوری طور پر فعال ہو جاتے ہیں۔ ٹی ہیلپر سیلز (ایک قسم کے فعال ٹی سیلز) قریبی خلیات کو حملہ آور کی موجودگی سے خبردار کر دیتے ہیں۔
بی سیل ایکٹویشن
naive بی سیلز ویکسین اینٹی جن کے خلاف اس وقت رد عمل دکھاتے ہیں جب یہ جسم میں داخل ہوتے ہیں، جن اینٹی جن کو اے پی سیز نمایاں کرتے ہیں انھیں بی خلیات پہچان لیتے ہیں، ان اینٹی جنز کو بھی یہ پہچان لیتے ہیں جو جسم میں آزادانہ طور پر گھوم رہے ہوتے ہیں۔ پھر ایکٹیو بی سیلز تقسیم کے مرحلے سے گزرتے ہیں، اور ایسے مزید فعال سیلز پیدا کرتے ہیں جو ویکسین اینٹی جن سے مخصوص ہوتے ہیں۔ جیسے ہی یہ اینٹی جن پر ظاہر ہوتے ہیں ان میں سے کچھ پختہ ہو کر پلازمہ بی سیلز میں بدل جاتے ہیں اور کچھ میموری بی سیلز میں۔
پلازمہ بی سیلز
ویکسین اینٹی جن کے ذریعے فعال ہونے اور فعال شدہ ٹی ہیلپر سیلز سے سگنل موصول کرنے کے بعد، کچھ خلیات پلازمہ بی خلیات میں بدل جاتے ہیں، جو کہ مدافعتی نظام کی اینٹی باڈی فیکٹری ہیں۔ پلازمہ بی سیلز ویکسین اینٹی جن کے لیے اینٹی باڈیز پیدا کرتے ہیں۔
پلازمہ بی سیلز اینٹی باڈیز خارج کرتے ہیں
انگریزی حرف وائی ’Y‘ کی شکل کے پروٹین جن کو اینٹی باڈیز کہا جاتا ہے، ہر سیکنڈ بڑی تعداد میں خارج ہوتے ہیں، انسانی جسم میں لاکھوں کی تعداد میں متعدد قسم کی اینٹی باڈیز موجود ہیں، جو متعدد اقسام کے اینٹی جن کے ساتھ تعامل اور ملاپ کو ممکن بناتی ہیں۔
اینٹی باڈیز
ہر اینٹی باڈی ایک مخصوص اور ہدف شدہ اینٹی جن کے ساتھ سختی سے جڑی ہوتی ہے، ٹھیک اسی طرح جس طرح تالا اور چابی۔ یہ عمل اینٹی جن کو کسی خلیے میں داخل ہونے یا اینٹی جن کی تباہی سے روکتا ہے۔
کیلر ٹی سیل رسپانس
اگر ویکسین میں بہت ہی پتلے وائرس ہوں تو ویکسین وائرس سیلز میں داخل ہو جاتے ہیں۔ جب کہ کیلر ٹی سیلز حملہ آور سیلز کو تلاش کر کے ہلاک کر دیتے ہیں۔ naive کیلر ٹی سیلز کو فعال ہونے سے پہلے ایک اینٹی جن کو نمایاں کرنے کے لیے ایک اے پی سی کی ضرورت ہوتی ہے۔
ٹی سیلز متاثرہ خلیات کو تباہ کرتے ہیں
ویکسین اگر وائرس پر مشتمل ہے تو یہ ویکسین وائرس متاثرہ خلیات کو تلاش کرتے ہیں اور انھیں تباہ کر دیتے ہیں۔
میموری سیلز کی رکاوٹ
ویکسین اینٹی جن کے ذریعے بڑی تعداد میں میموری سیلز پیدا کیے جاتے ہیں، اگر حقیقی جراثیم مستقبل میں جسم میں داخل ہو جاتے ہیں تو یہ میموری سیلز ان کو پہچان لیتے ہیں۔ لہٰذا جسم کا رد عمل مستحکم اور تیز تر ہوگا، حالاں کہ اس سے قبل ان کا سامنا کسی حقیقی پیتھوجن سے نہیں ہوا ہوتا۔
ویکسی نیشن کے دوران تخلیق شدہ میموری ٹی سیلز، اے پی سی کا سامنا کرتے ہیں، اور ان اینٹی جن کی پہچان کرتے ہیں جن کو وہ نمایاں کر رہے ہیں۔ میموری ٹی ہیلپر سیلز ویکسی نیشن کے عمل میں دیگر مدافعتی سیلز کو خبردار کرنے کے لیے اشارے جاری کرتے ہیں، اور رد عمل پر آمادہ کرتے ہیں۔
مشق
ویکسی نیشن مدافعتی نظام کو پیتھوجن کے ایک کم زور یا ہلاک شدہ ورژن پر مشق کرا کر اس طرح تیار کرتا ہے کہ وہ کسی مخصوص ایجنٹ کو یاد رکھ سکے، اسے کسی پیتھوجن کے خلاف ابتدائی رد عمل کہا جاتا ہے۔
میموری بی سیلز فعال پلازمہ سیلز بن جاتے ہیں
میموری بی سیلز پلازمہ بی سییلز کو فعال کر کے اور ان میں تفریق پیدا کر کے ایک اینٹی کی موجودگی کے خلاف ردعمل کرتے ہیں۔ پلازمہ بی سیلز اس اینٹی جن کے خلاف مخصوص اینٹی باڈیز پیدا کرتا ہے اور خارج کرتا ہے جس نے انھیں دوبارہ فعال کیا۔تاہم ثانوی رد عمل میں پلازمہ سیلز مزید اینٹی باڈیز پیدا کرتے ہیں اور ابتدائی رد عمل سے تیز شرح پر پیدا کرتے ہیں۔
اینٹی باڈیز پیتھوجن پر حملہ کرتے ہیں
اینٹی باڈیز پیتھوجن کی سطح سے جا کر منسلک ہو جاتے ہیں، پیتھوجن اور اس کے خلاف پیدا ہونے والی اینٹی باڈیز کی اقسام کے لحاظ سے اس کے مختلف اثرات ہو سکتے ہیں، یہ پیتھوجن کو کسی سیل میں داخل ہونے سے روک سکتا ہے، یا مدافعتی نظام کے دیگر سیلز کے ذریعے خاتمہ اور ہلاک کرنے کے لیے اس کو نشان زد کر سکتا ہے۔
کیلر ٹی سیل رد عمل کرتے ہیں
اگر ویکسی نیشن کے عمل میں ایک کیلر ٹی سیل رد عمل شامل ہو تو پھر اس قسم کے میموری سیلز مزاحمت کریں گے اور اینٹی جن کی زد میں آنے سے فعال ہو جائیں گے۔
