اسلام آباد : وفاقی وزیرسائنس اینڈ ٹیکنالوجی فواد چوہدری نے جہلم میں کرونا وائرس کے مزید 14 کیسز کی تصدیق کرتے ہوئے کہا ہے کہ باہر سے آنیوالے لوگ 14 دن سے پہلے میل جول نہ کریں اور خود کو سیلف کو آرینٹین کریں۔
تفصیلات کے مطابق وفاقی وزیرسائنس اینڈ ٹیکنالوجی فواد چوہدری نے سماجی رابطے کی ویب سائٹ پر جہلم میں کرونا کے چودہ مزید کیسز کی تصدیق کرتے ہوئے کہا ہے کہ تمام لوگ یا تو باہر سے آئے تھے یا ان کے قریبی رشتہ دار ہیں، پہلے بھی درخواست کی تھی کہ باہر سے آنیوالے لوگ 14 دن سے پہلے میل جول نہ کریں خود کو سیلف کو آرینٹین کریں اور اپنے اور دوسروں کیلئے خطرہ نہ بنیں۔
جہلم میں کرونا کے چودہ مزید کیسز کنفرم ہو گئے ہیں، تمام لوگ یا تو باہر سے آۓ تھے یا ان کے قریبی رشتہ دار ہیں۔ پہلے بھی درخواست کی ہے باہر سے آنیوالے لوگ 14 دن سے پہلے میل جول نہ کریں خود کو سیلف کو آرینٹین کریں، اپنے اور دوسروں کیلئے خطرہ نہ بنیں۔
— Ch Fawad Hussain (@fawadchaudhry) March 25, 2020
فواد چوہدری کا کہنا تھا کہ ضلع جہلم میں کرونا وائرس سے متعلق امور و معاملات کو باقاعدہ بنانے کیلئے یوننین کونسل کی سطح پر کمیٹیاں تشکیل دی ہیں،فوری طور پر لاک ڈاؤن سےمتاثر طبقے کی ضروریات کو پورا کیا جائے گا، راشن اور ضروری اشیا کی ترسیل کیلئے فوری فہرستوں کی تیاری شروع کر دی ہے۔
ضلع جہلم میں کرونا وائرس سے متعلق امور و معاملات کو باقاعدہ بنانے کیلئے یوننین کونسل کی سطح پر کمیٹیاں تشکیل دی ہیں،فوری طور پر لاک ڈاؤن سےمتاثر طبقے کی ضروریات کو پورا کیا جائے گا، راشن اور ضروری اشیا کی ترسیل اور ضروریات کو سامنے رکھتے ہوئے فوری فہرستوں کی تیاری شروع کر دی ہے
— Ch Fawad Hussain (@fawadchaudhry) March 25, 2020