لاہور: صوبہ پنجاب میں کرونا وائرس کے مریضوں کی تعداد میں اضافہ ہوگیا، اب تک صوبے میں 570 مریض سامنے آچکے ہیں جنہیں قرنطینہ میں رکھا گیا ہے۔
تفصیلات کے مطابق صوبہ پنجاب میں کرونا وائرس کے تصدیق شدہ مریضوں کی تعداد میں اضافہ ہوگیا، محکمہ صحت کا کہنا ہے کہ پنجاب میں کرونا وائرس کے مریضوں کی تعداد 570 ہوگئی ہے۔
ترجمان محکمہ صحت پنجاب کے مطابق کرونا وائرس سے پنجاب میں 5 اموات ہوئیں، اب تک 5 مریض صحتیاب ہو کر ڈسچارج ہوئے۔
ترجمان کا کہنا ہے کہ ڈیرہ غازی خان سے 207 زائرین، ملتان سے 79 زائرین، لاہور میں 119 افراد اور رائیونڈ قرنطینہ میں 23 افراد میں کرونا وائرس کی تصدیق ہوئی ہے۔
اسی طرح گجرات میں 52، گوجرانوالہ میں 11، جہلم میں 21، راولپنڈی میں 19، ڈیرہ غازی خان میں 5، ملتان میں 3، فیصل آباد میں 9، منڈی بہاؤ الدین میں 4، وہاڑی، سرگودھا، ننکانہ صاحب، بہاولنگر اور میانوالی میں بھی 2، 2 مریضوں میں تصدیق ہوئی ہے۔
ترجمان کے مطابق خوشاب، اٹک، نارووال، رحیم یار خان میں 1، 1 مریض میں کرونا وائرس کی تصدیق ہوئی ہے۔
ترجمان پرائمری اور سیکنڈری ہیلتھ کیئر کا کہنا ہے کہ تمام تصدیق شدہ مریض آئسولیشن وارڈز میں داخل ہیں، مریضوں کو مکمل طبی سہولیات فراہم کی جا رہی ہیں۔
