ARYNews.tv | Urdu – Har Lamha Bakhabar

Tag: کرپشن فری پاکستان

  • نیب کا ایمان کرپشن فری پاکستان ہے، چیئرمین نیب

    نیب کا ایمان کرپشن فری پاکستان ہے، چیئرمین نیب

    اسلام آباد: چیئرمین نیب جسٹس(ر) جاوید اقبال نے کہا ہے کہ نیب کا ایمان کرپشن فری پاکستان ہے۔

    تفصیلات چیئرمین نیب جاوید اقبال کا کہنا ہے کہ بدعنوانی تمام برائیوں کی جڑ ہے،نیب وائٹ کالر کرائم،میگا کرپشن کیسز کو منطقی انجام تک پہنچائےگی،نیب کا ایمان کرپشن فری پاکستان ہے۔

    جسٹس(ر) جاوید اقبال کا کہنا تھا کہ نیب کو 2019 میں 53 ہزار سے زائد شکایات موصول ہوئیں جن میں سے 42 ہزار 760 کو نمٹا دیا گیا۔

    چیئرمین نیب نے کہا کہ اقتصادی فورم، ٹرانسپیرنسی انٹرنیشنل پاکستان نے نیب کی تعریف کی ،پلڈاٹ،مشال پاکستان نے بھی بدعنوانی کے خاتمے کے لیے نیب کی تعریف کی۔

    انہوں نے بتایا کہ نیب کی کارکرگی کو مزید بہتر بنانے کے لیے پراسیکیوشن کو فعال کیاگیا،ہیومن ریسورس ڈیویلپمنٹ،ٹریننگ ریسرچ کو بھی فعال بنایا گیا۔

    جسٹس(ر) جاوید اقبال کے مطابق نیب کی بدعنوانی، منی لانڈرنگ، اختیارات کے ناجائز استعمال اور دھوکہ دہی،بینک فراڈ،سرکاری فنڈز میں خورد برد روکنے پر توجہ ہے۔

    انہوں نے کہا کہ نیب نے 2019 کے دوران 1308 شکایات کی جانچ پڑتال کی، نیب نے 1686انکوائری،609 انویسٹی گیشن کو نمٹایا، 2019 میں بدعنوان عناصر سے141.542ارب روپے لے کرخزانے میں جمع کرائے،نیب نے قیام سےاب تک466.069ارب روپے قومی خزانے میں جمع کرائے۔

  • نیب کرپشن فری پاکستان پالیسی پر فرض سمجھ کرعمل کر رہی ہے،چیئرمین نیب

    نیب کرپشن فری پاکستان پالیسی پر فرض سمجھ کرعمل کر رہی ہے،چیئرمین نیب

    لاہور: چیئرمین نیب جسٹس (ر ) جاوید اقبال نے کہا ہے کہ عدالتوں میں نیب مقدمات میں سزا کی شرح 68.87 فیصد ہے۔

    تفصیلات کے مطابق چیئرمین نیب جسٹس (ر ) جاوید اقبال کا کہنا ہے کہ نیب کرپشن فری پاکستان پالیسی پر فرض سمجھ کر عمل کر رہی ہے۔

    چیئرمین نیب کا کہنا تھا کہ نیب فرانزک سائنس لیبارٹری سے انکوائریوں میں بہتری آئی،عدالتوں میں نیب مقدمات میں سزا کی شرح 68.87 فیصد ہے۔

    اس سے قبل گزشتہ ہفتے چیئرمین نیب کی زیر صدارت کرونا اقدامات پر اجلاس ہوا تھا جس میں جسٹس (ر) جاوید اقبال کا کہنا تھا کہ عدالتوں میں نیب کیسز کی پیروی کے لیے پراسیکیوٹرز حاضری کو یقینی بنائیں۔

    جسٹس (ر) جاوید اقبال کا کہنا تھا کہ عدالتوں میں پراسیکیوٹرز کی عدم حاضری پر کیسز خارج نہیں ہونے چاہئیں۔

    کرپشن کے خلاف آگاہی مہم کے عالمی ادارے بھی معترف ہوگئے: چیئرمین نیب

    یاد رہے کہ 16 جون کو چیئرمین نیب جسٹس(ر) جاوید اقبال کا کہنا تھا کہ کرپشن کے خلاف آگاہی مہم کی ٹرانسپرنسی انٹرنیشنل سمیت دیگر عالمی اداروں نے بھی تعریف کی ہے۔

    چیئرمین نیب کا کہنا تھا کہ سرکاری و غیر سرکاری اداروں کے تعاون سے آگاہی مہم کو مزید مؤثر بنا رہے ہیں، تمام بینکوں کی اے ٹی ایم مشینوں پر کرپشن سے آگاہی کے پیغامات دیے جا رہے ہیں۔

  • کرپشن فری پاکستان کیلئے دگنی محنت کررہے ہیں، چیئرمین نیب جاویداقبال

    کرپشن فری پاکستان کیلئے دگنی محنت کررہے ہیں، چیئرمین نیب جاویداقبال

    لاہور : چیئرمین نیب جسٹس (ر) جاویداقبال نے کہا ہے کہ کرپشن فری پاکستان کیلئے دگنی محنت کررہے ہیں، کرپشن کے میگا مقدمات کو جلد نمٹانے  کے لئے پرامید ہیں ، قانون اورشواہدپروائٹ کالرمقدمات کومنطقی انجام تک پہنچائیں گے۔

    تفصیلات کے مطابق چیئرمین نیب جسٹس (ر) جاویداقبال کی زیرصدارت اجلاس ہوا ، جس میں چیئرمین نیب نے کہا نیب کاایمان کرپشن فری پاکستان ہے، کرپشن فری پاکستان کیلئےدگنی محنت کررہے ہیں۔

    جسٹس (ر) جاویداقبال کا کہنا تھا کہ کرپشن کے میگا مقدمات کو جلد نمٹانے کیلئے پرامید ہیں، نیب کو ایک لاکھ 56ہزار 858شکایات موصول ہوئی ، 1249 ریفرنسز دائر جبکہ 326ارب واپس قومی خزانے میں جمع کرائے۔

    مزید پڑھیں : کرپشن فری پاکستان بنانے کے لیے میگا وائٹ کالر کرائمز کو انجام تک پہنچائیں گے: چیئرمین نیب

    انھوں نے کہا قانون اورشواہدپروائٹ کالرمقدمات کومنطقی انجام تک پہنچائیں گے، نیب احتساب سب کی پالیسی پرسختی سےعمل پیراہے، شکایات کے اندراج کی شرح میں اضافہ عوام کانیب پراعتمادہے، نیب نے مقدمات کو نمٹانے کے لئے 10 ماہ کاعرصہ مقرر کر رکھا ہے۔

    یاد رہے چند روز قبل چیئرمین نیب کا کہنا تھا کہ اگر آپ لوگ محنت کریں گے، تو وہ وقت ضرور آئے گا، جب ملک کی باگ ڈور نوجوانوں کے ہاتھ میں ہوگی، میری دعاہے، ریاست مدینہ کا تصور اپنانے کاعمل کامیاب ہو، حکمرانی میں ریاست مدینہ کا تصورخوش آئند ہے، دعاہے کہ یہ نظام آئے، کامیاب ہو، ملک ترقی کرے۔

    خیال رہے کہ 26 جولائی 2019 کو ایک تقریب سے خطاب کرتے ہوئے چیئرمین نیب نے کہا تھا کہ کرپشن فری پاکستان بنانے کے لیے میگا وائٹ کالر کرائمز کو انجام تک پہنچائیں گے۔

  • کرپشن فری پاکستان بنانے کے لیے میگا وائٹ کالر کرائمز کو انجام تک پہنچائیں گے: چیئرمین نیب

    کرپشن فری پاکستان بنانے کے لیے میگا وائٹ کالر کرائمز کو انجام تک پہنچائیں گے: چیئرمین نیب

    اسلام آباد: چیئرمین نیب جسٹس (ر) جاوید اقبال نے کہا ہے کہ کرپشن فری پاکستان بنانے کے لیے میگا وائٹ کالر کرائمز کو انجام تک پہنچائیں گے.

    تفصیلات کے مطابق آج چیئرمین نیب جسٹس جاوید اقبال کی زیرصدارت جائزہ سے متعلق خصوصی اجلاس ہوا.

    اجلاس میں تقریر کرتے ہوئے چیئرمین نیب نے کہا کہ کرپشن فری پاکستان ہمارا ٹارگیٹ ہے، گزشتہ ایک سال میں 600 ریفرنسزعدالتوں میں دائرکیے گئے.

    ان کا کہنا تھا کہ مقدمات کی پیروی کے لئے قانونی معاونت فراہم کر رہے ہیں، نیب نے تمام مقدمات کو نمٹانے کے لئے 10ماہ کاعرصہ مقررکر رکھا ہے.

    بریفنگ کے بعد چیئرمین نیب نے ہدایت کی کہ افسران ہر مقدمے کی کیس ڈائری تیار کریں، جو خاصی اہم ہے، افسران کی ریسرچ کے لیے نیب ہیڈ کواٹر میں لائبریری بھی قائم کی گئی ہے، جس سے  استفادہ کیا جائے.

    مزید پڑھیں: زرداری، فریال تالپور اور شاہدخاقان کوگرفتار کرنے والے نیب افیسر کو ہراساں کرنےکاانکشاف

    خیال رہے کہ آج اہم سیاسی شخصیات کو گرفتار کرنے والے نیب افیسر اسد جنجوعہ کو ہراساں کرنے کے لئے مشکوک گاڑی کے پیچھا کرنے کے انکشاف ہوا ہے۔

    اسد جنجوعہ نے آصف زرداری، فریال تالپور اور شاہدخاقان عباسی کوگرفتار کیا تھا، پولیس نے درخواست پر نامعلوم ملزمان کیخلاف مقدمہ درج کرلیا ہے۔

  • نیب پاکستان کو 100 فیصد کرپشن فری بنانے کے لیے پرعزم ہے، چیئرمین نیب

    نیب پاکستان کو 100 فیصد کرپشن فری بنانے کے لیے پرعزم ہے، چیئرمین نیب

    اسلام آباد: قومی احتساب بیورو (نیب) جسٹس (ر) جاوید اقبال نے کہا ہے کہ نیب پاکستان کو 100 فیصد کرپشن فری بنانے کے لیے پرعزم ہے۔

    تفصیلات کے مطابق چیئرمین نیب جسٹس (ر) جاوید اقبال نے کہا ہے کہ نیب شفافیت، پیشہ واریت پر عمل پیرا ہے، نیب کی کوششوں سے کرپشن کے خلاف تاثر میں بہتری آئی ہے۔

    انہوں نے کہا کہ درجہ بندی میں پاکستان 175 میں سے 116 ویں نمبر پر ہے، بدعنوانی کے اثرات سے آگاہی کے لیے کردار سازی انجمنیں قائم کی ہیں۔

    چیئرمین نیب کا کہنا تھا کہ بدعنوانی تمام برائیوں کی جڑ ہے، جس کے خاتمے کے لیے پرعزم ہیں، نیب کی کرپشن فری پاکستان پالیسی کامیابی سے جاری ہے۔

    مزید پڑھیں: کرپشن کے خلاف بڑے ناموں پر کبھی مکمل ہاتھ نہیں ڈالا گیا، چیئرمین نیب

    جسٹس (ر) جاوید اقبال کا کہنا تھا کہ نیب کی آگاہی، تدارک اور قانون پر عملدرآمد کی پالیسی جاری رہے گی، سیکشن 33 کے تحٹ آگاہی و تدارک پالیسی کا اختیار حاصل ہے۔

    جسٹس (ر) جاوید اقبال نے کہا کہ ملک بھر میں 60 پریونشن کمیٹیاں قائم کی ہیں، یہ کمیٹیاں سرکاری اداروں کے ساتھ مل کر عوام کے مسائل حل کررہی ہے۔

    چیئرمین نیب کا کہنا تھا کہ نیب کی کوششوں سے سرکاری اداروں کے ون ونڈو آپریشن میں نمایاں بہتری آئی ہے، کالجوں اور یونیورسٹیوں میں 50 سے زائد کردار سازی انجمنیں بنانے کا تجربہ بھی کامیاب رہا۔

  • میگا کرپشن مقدمات کو منطقی انجام تک پہنچانا اولین ترجیح ہے، چیئرمین نیب

    میگا کرپشن مقدمات کو منطقی انجام تک پہنچانا اولین ترجیح ہے، چیئرمین نیب

    اسلام آباد: قومی احتساب بیورو (نیب) کے چیئرمین جسٹس (ر) جاوید اقبال نے کہا کہ میگاکرپشن مقدمات کو منطقی انجام تک پہنچانا اولین ترجیح ہے۔

    تفصیلات کے مطابق چیئرمین نیب جسٹس (ر) جاوید اقبال کی زیر صدارت پراسیکیوشن اور آپریشن ڈویژن کی ماہانہ کارکردگی سے متعلق اجلاس ہوا جس میں علاقائی بیوروز کی کارکردگی کو موثر بنانے کے لیے نظام وضع کیا جائے۔

    [bs-quote quote=”نیب کی کوششوں سے سرکاری اداروں کے ون ونڈو آپریشن میں نمایاں بہتری آئی ہے” style=”style-8″ align=”left” author_name=”چیئرمین نیب” author_job=”جاوید اقبال”][/bs-quote]

    چیئرمین نیب نے کہا کہ بدعنوانی تمام برائیوں کی جڑ ہے جس کے خاتمے کے لیے پرعزم ہیں، نیب کی کرپشن فری پاکستان پالیسی کامیابی سے جاری ہے۔

    انہوں نے کہا کہ نیب کی آگاہی، تدارک اور قانون پر عملدرآمد کی پالیسی جاری رہے گی، سیکشن 33 کے تحت آگاہی و تدارک پالیسی کا اختیار حاصل ہے۔

    جسٹس (ر) جاوید اقبال نے کہا کہ ملک بھر میں 60 پریونشن کمیٹیاں قائم کی ہیں، یہ کمیٹیاں سرکاری اداروں کے ساتھ مل کر عوام کے مسائل حل کررہی ہے۔

    چیئرمین نیب کا کہنا تھا کہ نیب کی کوششوں سے سرکاری اداروں کے ون ونڈو آپریشن میں نمایاں بہتری آئی ہے، کالجوں اور یونیورسٹیوں میں 50 سے زائد کردار سازی انجمنیں بنانے کا تجربہ بھی کامیاب رہا۔

    انہوں نے کہا کہ مضاربہ اسکینڈل اور غیرقانونی ہاؤسنگ سوسائٹیز کے متاثرین کو رقوم واپس دلوانے کے لیے تمام وسائل بروئے کار لارہے ہیں۔

  • نیب اب فَیس کو نہیں کیس کو دیکھتا ہے: چیئرمین نیب

    نیب اب فَیس کو نہیں کیس کو دیکھتا ہے: چیئرمین نیب

    اسلام آباد: قومی احتساب بیورو (نیب) کے چیئرمین جاوید اقبال نے آغا سراج درانی کے کیس کے تناظر میں کہا ہے کہ نیب اب فَیس (چہرے) کو نہیں بلکہ کیس کو دیکھتا ہے۔

    تفصیلات کے مطابق قومی احتساب بیورو نے واضح کر دیا ہے کہ کرپشن کے خاتمے کے لیے اب اس بات کو نہیں دیکھا جائے گا کہ کون کتنا اہم ہے اور کتنے بڑے عہدے پر فائز ہے۔

    [bs-quote quote=”پاکستان سے فرار ملزموں کی گرفتاری کے لیے اقدامات کر رہے ہیں۔” style=”style-8″ align=”left” color=”#dd3333″ author_name=”جاوید اقبال”][/bs-quote]

    چیئرمین نیب جاوید اقبال نے کہا کہ نیب کا ایمان کرپشن فری پاکستان ہے، اب کسی کے فَیس کو نہیں بلکہ کیس کو دیکھا جائے گا۔

    انھوں نے کہا مزید کہا کہ اربوں روپے لوٹ کر فرار ہونے والے بد عنوانوں کو ملک واپس لانے کے لیے ادارہ سنجیدہ ہے، پاکستان سے فرار ملزموں کی گرفتاری کے لیے اقدامات کر رہے ہیں۔

    چیئرمین نیب کا کہنا تھا کہ کسی دباؤ کو خاطر میں لائے بغیر فرائض انجام دیے جا رہے ہیں، سب نے مل کر نیب کو ملک کا معتبر ادارہ بنا دیا ہے۔

    خیال رہے کہ وزیرِ اعلیٰ سندھ سید مراد علی شاہ نے آغا سراج درانی کے خلاف نیب کی کارروائی پر کہا ہے کہ نیب اہل کاروں نے آغا سراج کی فیملی سے بد تمیزی کی، انھوں نے چیئرمین نیب سے نوٹس لینے کا مطالبہ کیا۔

    یہ بھی پڑھیں:  چیئرمین نیب آغا سراج کی فیملی سے بدسلوکی کا نوٹس لیں: وزیر اعلیٰ سندھ

    وزیرِ اعلیٰ کا کہنا تھا کہ آغا سراج درانی دوسری مرتبہ اسپیکر سندھ اسمبلی منتخب ہوئے ہیں، وہ اسلام آباد میں ایک تقریب میں شرکت کے لیے گئے تھے، انھیں ایک ہوٹل سے گرفتار کیا گیا، راہ داری ریمانڈ کے بعد آغا سراج کو کل رات کراچی لایا گیا۔

    انھوں نے کہا کہ آغا سراج درانی کی گرفتاری کے بعد ان کے گھر پر دھاوا بولا گیا، گیٹ توڑ کر دیواریں پھلانگ کر گھر میں داخل ہوئے، فیملی کو گھر سے نکال کر لان میں کھڑا کر دیا گیا۔

    مراد علی شاہ نے کا کہنا تھا کہ وہ صوبے کا وزیرِ اعلیٰ ہوتے ہوئے بھی اسپیکر کو نیب کی دہشت گردی سے نہ بچا سکے، ان کی فیملی کو تحفظ نہ دے سکے۔

  • نیب کی کسی سیاسی جماعت کے لئے ہمدردیاں نہیں ، چیئرمین نیب

    نیب کی کسی سیاسی جماعت کے لئے ہمدردیاں نہیں ، چیئرمین نیب

    اسلام آباد: چیئرمین نیب جسٹس (ر) جاوید اقبال کا کہنا ہے کہ نیب ملک کو کرپشن سے پاک بنانے کی پالیسی پر عمل پیرا ہے، کرپشن فری پاکستان کے لیے کوشاں ہے، نیب کی کسی سیاسی جماعت کے لئے ہمدردیاں نہیں۔

    تفصیلات کے مطابق اسلام آباد میں چیئرمین نیب جسٹس (ر) جاوید اقبال کی زیر صدارت اجلاس ہوا، اجلاس میں نیب کی کارکردگی کا جائزہ لیا گیا اور ملک کو کرپشن سے پاک بنانے کے اقدامات پر غور کیا گیا۔

    چیئرمین نیب نے کہا نیب ملک کوکرپشن سےپاک بنانے کی پالیسی پر عمل پیرا ہے، نیب کرپشن فری پاکستان کےلیےکوشاں ہے، انسداد کرپشن کیلئے شروع کی گئی مہم بھی کامیابی سے جاری ہے۔

    جسٹس (ر) جاوید اقبال کا کہنا تھا کہ ملک کوکرپشن سے پاک کرنا نیب کی اولین ذمےداری ہے ، احتساب سب کاکی پالیسی پر عمل پیرا ہیں ، مختلف عالمی اداروں نےبھی نیب کی کارکردگی کو سراہا۔

    مزید پڑھیں : نیب کا ہر کیس میگا کرپشن کے زمرے میں آتا ہے، چیئرمین نیب جاوید اقبال

    انھوں نے مزید کہا نیب کی کسی سیاسی جماعت کیلئے ہمدردیاں نہیں ، نیب کسی کے خلاف انتقامی کارروائی نہیں کر رہا۔

    چند روز قبل بھی چیئرمین نیب جاوید اقبال کا کہنا تھا کہ نیب تمام صوبوں میں بلاامتیاز کارروائی کررہا ہے، میگا کرپشن کے مقدمات کو منطقی انجام تک پہنچانا اولین ترجیح ہے، بدعنوانی کا خاتمہ قومی فریضہ ہے، انتقامی کارروائی پر یقین نہیں رکھتے ہیں۔

    انھوں نے بتایا تھا کہ میگا کرپشن کے 179 میں سے 105 کیسز پر ریفرنس دائر ہوچکے ہیں، میگاکرپشن کے 15 کیسز انکوائری، 19 تفتیش کے مرحلے میں ہیں

  • کرپشن فری پاکستان کی تعمیر شروع ہو چکی ہے، گورنر سندھ

    کرپشن فری پاکستان کی تعمیر شروع ہو چکی ہے، گورنر سندھ

    کراچی: سندھ کے گورنر عمران اسماعیل نے کہا ہے کہ لوگ کہتے تھے تبدیلی نہیں آ سکتی، کرپشن کا نظام ختم نہیں ہو سکتا، کرپشن فری پاکستان کی تعمیر شروع ہو چکی ہے۔

    گورنر سندھ عمران اسماعیل شہرِ قائد میں ایک تقریب سے خطاب کر رہے تھے، انھوں نے کہا کہ لوگوں کا کہنا تھا کہ پاکستان سے کرپشن ختم نہیں ہوسکتی، آج کرپشن سے پاک پاکستان کی تعمیر کی ابتدا ہو گئی ہے۔

    [bs-quote quote=”شوکت خانم کینسر اسپتال کراچی زیرِ تعمیر ہے: عمران اسماعیل” style=”style-7″ align=”left” color=”#dd3333″][/bs-quote]

    عمران اسماعیل نے کہا کہ شوکت خانم کینسر اسپتال کراچی زیرِ تعمیر ہے۔ فلاحی کاموں کے سلسلے میں ان کا کہنا تھا کہ تمام فلاحی کاموں کے لیے گورنر ہاؤس اور اس کا لان حاضر ہے۔

    گورنر سندھ عمران اسماعیل نے کہا کہ کراچی شہر نے تحریکِ انصاف کو الیکشن میں بڑا مینڈیٹ دیا ہے، ہم کراچی کے عوام کو مایوس نہیں کریں گے۔

    یہ بھی پڑھیں:  کراچی میں سرکلر ریلوے اور لوکل ٹرین جلد چلے گی: گورنر سندھ

    ان کا کہنا تھا کہ ہرے پاسپورٹ کی عزت کا جو وعدہ کیا تھا اسے پورا کر کے دکھائیں گے، جلد دنیا بھر میں پاکستانی پاسپورٹ رکھنے والے فخر محسوس کریں گے۔

    یاد رہے کہ گزشتہ روز گورنر سندھ عمران اسماعیل نے کراچی میں سرکلر ریلوے اور لوکل ٹرین جلد چلنے کا مژدہ سنایا تھا، کہا تھا کہ 16 اکتوبر کو وزیرِ ریلوے شیخ رشید کراچی میں اعلان کریں گے۔

  • بدعنوانی کا خاتمہ اور عوام کی لوٹی گئی رقم واپس لانا اولین ترجیح ہے، چیئرمین نیب

    بدعنوانی کا خاتمہ اور عوام کی لوٹی گئی رقم واپس لانا اولین ترجیح ہے، چیئرمین نیب

    اسلام آباد : چیئرمین نیب جسٹس (ر) جاوید اقبال کا کہنا ہے کہ کرپشن فری پاکستان کیلئے ہمارے ارادے پختہ اور پرعزم ہیں، بدعنوانی کا خاتمہ،عوام کی لوٹی گئی رقم واپس لانا اولین ترجیح ہے۔

    تفصیلات کے مطابق لاہور میں چیئرمین نیب جسٹس(ر)جاویداقبال کی زیرصدارت اجلاس ہوا، اجلاس میں میگاکرپشن،56کمپنیوں کی تحقیقات میں پیشرفت ہاؤسنگ سوسائٹی، کوآپریٹو کمپنیز کے نام پر لوٹی گئی رقوم کی واپسی کاجائزہ لیا گیا۔

    اس موقع چیئرمین نیب جسٹس(ر)جاویداقبال نے کہا کہ میگا کرپشن کیسز کو منطقی انجام تک پہنچانا اولین ترجیح ہے، کرپشن فری پاکستان کیلئے ہمارے ارادے پختہ اور پرعزم ہیں۔

    چیئرمین نیب کا کہنا تھا کہ بدعنوانی کاخاتمہ،عوام کی لوٹی گئی رقم واپس لانااولین ترجیح ہے، نیب”احتساب سب کیلئے”کی پالیسی پرعمل کررہی ہے ، بدعنوان عناصرکیخلاف بلاتفریق کارروائی پر یقین رکھتے ہیں۔

    جسٹس(ر)جاویداقبال نے کہا بلا تفریق کارروائی کے دوران11ماہ میں476 افرادگرفتار کئے، 11 ماہ میں 216افراد کے خلاف شکایت کی جانچ پڑتال کی گئی اور 239افراد کے خلاف انکوائریاں کی گئیں۔

    ان کا کہنا تھا کہ 79 انویسٹی گیشنز، 340 افراد کیخلاف ریفرنس دائر کئے گئے، 2410 ملین روپے بدعنوان عناصر سے لیکر قومی خزانے میں جمع کرائے۔

    چیئرمین نیب نے جانچ پڑتال، انکوائریز اور انوسٹی گیشنز وقت پر مکمل کرنے کی ہدایت کرتے ہوئے کہا تفتیش مکمل نہ کرنیوالےافسران کیخلاف کارروائی کی جائے گی، ہاؤسنگ سوسائٹیزسےمتعلق شکایات پرعوام کورقم واپس لائیں گے، رقم واپسی اورذمہ داران کیخلاف قانون کےمطابق کارروائی ہوگی۔

    چئیرمین نیب نے ڈی جی نیب شہزادسلیم کی نگرانی میں نیب کارکردگی کو سراہا۔

    گذشتہ ہفتے چیئرمین نیب کا کہنا تھا کہ نیب نے 297 ارب کی لوٹی رقم قومی خزانے میں جمع کرائی، نیب نےجانچ پڑتال کےلیےفرانزک لیب قائم کرلی ہے، ادارے کی اعلیٰ کارکردگی کی بدولت پاکستان 175 ویں نمبر سے 116 ویں پرآ گیا، پاکستان میں تیزی سےکرپشن پرقابو پایاجارہا ہے۔