لاہور : اینٹی کرپشن نے اپنے گاؤں میں ترقیاتی کاموں میں کرپشن کے الزامات پر چیئرمین پی ٹی آئی کی اہلیہ بشریٰ بی بی کو کل طلب کرلیا۔
تفصیلات کے مطابق اینٹی کرپشن نے چیئرمین پی ٹی آئی کی اہلیہ بشریٰ بی بی کو کل5 جولائی کو طلب کرلیا، ترجمان نے بتایا کہ بشریٰ بی بی پر اپنے گاؤں میں ترقیاتی کاموں میں کرپشن کےالزامات پرطلب کیا گیا ہے۔
ترجمان اینٹی کرپشن کا کہنا تھا کہ بشریٰ بی بی پر من پسند ٹھیکیداروں کو غیر قانونی طورپر ٹھیکے دلانےکاالزام ہے، اس لئے بشریٰ بی بی کو پابند کیا گیا ہے کہ وہ انکوائری کمیٹی کے سامنے پیش ہو کر مؤقف دیں۔
ترجمان نے کہا کہ اینٹی کرپشن نے طلبی کا نوٹس زمان پارک ،بنی گالا کی رہائشگاہوں پر چسپاں کیا ہے اور بشریٰ بی بی کی طلبی کا نوٹس وکلاعلی بھٹہ اور اویس کو بھی وصول کرایا گیا ہے۔
بشریٰ بی بی کو اینٹی کرپشن اوکاڑہ آفس میں کل طلب کیا گیا ہے تاہم عدم پیروی یاغیر حاضری پرقانون کے مطابق کارروائی کی جائے گی۔
