ARYNews.tv | Urdu – Har Lamha Bakhabar

Tag: کرپشن

  • معاشی استحکام کے لئے فنڈز کی نگرانی ضروری ہے: گورنر سندھ

    معاشی استحکام کے لئے فنڈز کی نگرانی ضروری ہے: گورنر سندھ

    اسلام آباد: گورنر سندھ عمران اسماعیل نے کہا ہے کہ فنڈز کے ضیاع، خرابیوں کی نشان دہی سے ہی کرپشن ختم کی جا سکتی ہے.

    ان خیالات کا اظہار گورنرسندھ نے آڈیٹر جنرل آف پاکستان، جاوید جہانگیر سے ملاقات کے موقع پر کیا.

    [bs-quote quote=”فنڈز کے ضیاع، خرابیوں کی نشان دہی سے ہی کرپشن ختم کی جا سکتی ہے” style=”style-8″ align=”left” author_name=”گورنر سندھ عمران اسماعیل”][/bs-quote]

    ان کا کہنا تھا کہ منصوبوں میں شفافیت کے لئے آڈٹ کا مؤثر انتظام ناگزیر ہے، معاشی استحکام کے لئے فنڈز کے استعمال کی نگرانی ضروری ہے.

    گورنر سندھ نے کہا کہ اس ضمن میں آڈیٹر جنرل کا کردار خصوصی اہمیت کا حامل ہے، کرپشن ختم کرنا وقت کی ضرورت ہے.

    اس موقع پر آڈیٹر جنرل آف پاکستان، جاوید جہانگیر نے کہا کہ آڈٹ،احتساب پرجلدکراچی میں سیمینار منعقد کیا جائے گا، جو عوام میں شعور اجاگر کرے گا.

    اس ملاقات میں‌ سرکاری اداروں کے مالی انتظام، ملازمین کو سہولت سمیت دیگر امورپر بھی تفصیلی گفتگو ہوئی.

    خیال رہے کہ 9 جولائی 2019 کو گورنر سندھ عمران اسماعیل کی کوششوں سے کراچی ٹرانسپورٹ اتحاد نے ہڑتال موخر کر دی تھی.

    گورنر سندھ سے مذاکرات کے بعد ٹرانسپوٹرز نے ہڑتال کی کال واپس لی، ہڑتال 10دن کے لیے مؤخر کی گئی ہے۔

  • نوازلیگ نے کرپشن بچانے کے لیے جھوٹ کا طوفان کھڑا کر دیا، صمصام بخاری

    نوازلیگ نے کرپشن بچانے کے لیے جھوٹ کا طوفان کھڑا کر دیا، صمصام بخاری

    لاہور: پنجاب کے وزیر اطلاعات صمصام بخاری کا کہنا ہے کہ عوام کسی کی کرپشن کے تحفظ کے لیے سڑکوں پر نہیں آئیں گے۔

    تفصیلات کے مطابق وزیر اطلاعات پنجاب صمصام بخاری نے کہا کہ چیخوں کی اصل وجہ 10برسوں کا حساب مانگنا ہے، اپوزیشن میں آنے کے بعد ورکرز کنونشن کیوں یاد آگئے؟۔

    صمصام بخاری نے کہا کہ سیاسی انارکی کے لیے نوازلیگ نے منصوبہ بندی کررکھی ہے، عوام کسی کی کرپشن کے تحفظ کے لیے سڑکوں پر نہیں آئیں گے۔

    انہوں نے کہا کہ اداروں کے خلاف ایجنڈے کےعلاوہ نوازلیگ کے پاس کچھ نہیں ہے، اداروں کی بدنامی کے لیے عالمی فرموں کی خدمات مستعارلی گئیں۔

    وزیر اطلاعات پنجاب کہا کہ نوازلیگ نے کرپشن بچانے کے لیے جھوٹ کا طوفان کھڑا کر دیا، 10سال کا کچا چٹھا سامنے آیا تو سابقہ کرپشن ماند پڑجائے گی۔

    صمصام بخاری نے کہا کہ پنجاب کرپشن اورگھوسٹ منصوبوں کا گڑھ بنا ہوا تھا، آشیانہ، لیپ ٹاپ، میٹروجیسے منصوبوں کا جواب دینا ہوگا، 56 کمپنیوں کے ان داتا نے کرپشن کا بازارگرم کیے رکھا۔

    وزیر اطلاعات پنجاب صمصام بخاری نے مزید کہا کہ کرپشن کرنے والا کوئی بھی ہو اسے جواب دینا ہوگا۔

    کرپشن کے لیے واویلا کرنے والے تبدیلی کا راستہ نہیں روک سکتے، صمصام بخاری

    یاد رہے کہ 30 جون کو صمصام بخاری کا کہنا تھا کہ کرپشن کے لیے واویلا کرنے والے تبدیلی کا راستہ نہیں روک سکتے، فرسودہ نظام کو ابھی نہیں تو کبھی نہیں کی بنیاد پربدلنا ہوگا، نظام کی تبدیلی ہی ملکی معیشت میں بہتری کی ضامن ہے۔

  • نیب نے سابق صوبائی وزیررانا مشہود کو آج طلب کرلیا

    نیب نے سابق صوبائی وزیررانا مشہود کو آج طلب کرلیا

    لاہور: نیب لاہور نے پنجاب اسپورٹس فیسٹیول تحقیقات میں مسلم لیگ ن کے رہنما اور سابق وزیر تعلیم رانا مشہود کو آج طلب کرلیا۔

    تفصیلات کے مطابق قومی احتساب بیورو ( نیب ) نے پنجاب اسپورٹس فیسٹیول تحقیقات میں سابق صوبائی وزیر رانا مشہود کو ذاتی حیثیت میں آج طلب کرلیا ۔

    سابق صوبائی وزیر نے نیب تحقیقات سے بچنے کے لیے 29 جون کو لاہور ایئر پورٹ سے بیرون ملک فرار کی کوشش تھی لیکن نیب کی جانب سے سابق صوبائی وزیر کا نام بلیک لسٹ میں ہونے کی وجہ سے ایئر پورٹ حکام نے فرار کی کوشش ناکام بنا دی تھی۔

    رانامشہود کی بیرون ملک فرار ہونے کی کوشش ناکام

    ذرائع کا کہنا تھا ایف آئی اے امیگریشن نے نیب کو رات دو بجے ہی رانا مشہود کی ملک سے فرار ہونے کی ناکام کوشش کے بارے میں مطلع کردیا تھا لیکن بار بار رابطہ کر نے کے باوجود نیب کا کوئی بھی افسر رانا مشہود کو لینے ایئرپورٹ نہیں آیا۔ جس پر امیگریشن حکام نے انہیں گھر جانے کی اجازت دے دی تھی۔

    واضح رہے کہ نیب رانا مشہود کے خلاف پنجاب یوتھ فیسٹیول میں کروڑوں روپے کے کرپشن اسیکنڈل کی تحقیقات کر رہا ہے اور رانا مشہود اس سلسلے میں نیب میں پیش بھی ہوچکے ہیں اور نیب کی ہی درخواست پر وزارت داخلہ نے ان کا نام بلیک لسٹ میں شامل کیا تھا۔

  • قومی دولت لوٹنے والے عناصر کو معاف نہیں کیا جائے گا، شہریار آفریدی

    قومی دولت لوٹنے والے عناصر کو معاف نہیں کیا جائے گا، شہریار آفریدی

    اسلام آباد: وزیر مملکت برائے سیفران شہریار آفرید ی کا کہنا ہے کہ پیپلزپارٹی اور مسلم لیگ ن نے گزشتہ 35 سال کے دوران قومی خزانے کو بے دردی سے لوٹا۔

    تفصیلات کے مطابق اے آروائی نیوز کے پروگرام میں گفتگو کرتے ہوئے وزیر مملکت برائے سفیران شہریار آفریدی نے کہا قانون وآئین کی خلاف ورزی کے مرتکب افراد اور قومی دولت لوٹنے والے عناصر کو ہرگز معاف نہیں کیا جائے گا۔

    انہوں نے کہا بلا امتیاز کارروائی کی جائے گی اور بدعنوانی میں ملوث کسی بھی رکن پارلیمنٹ کو ملکی قوانین کے مطابق سزا دی جائے گی۔

    شہریار آفریدی نے کہا کہ پیپلزپارٹی اور مسلم لیگ ن نے گزشتہ 35 سال کے دوران قومی خزانے کو بے دردی سے لوٹا۔

    یاد رہے کہ گزشتہ روز وزیراعظم عمران خان کا کہنا تھا کہ جنہوں نے ملک کو کنگال کیا اور لوگوں پرمشکلات ڈالیں ان سے جواب لوں گا، اس لیے یہ جس بادشاہ سے سفارش کرائیں، ان کے گھٹنے دبائیں مجھے کوئی فرق نہیں پڑے گا، دباؤ میں آؤں کا نہ این آر او دوں گا۔

    وزیراعظم پاکستان کا کہنا تھا کہ جیل میں بڑے اور چھوٹے ڈاکو سے ایک جیسا سلوک ہوگا، ہم نے کسی کو انتقامی کارروائی کا نشانہ نہیں بنایا۔

  • کرپشن سے پاک اور خوشحال ملک کی بنیاد رکھ دی گئی ہے، وزیراعلیٰ پنجاب

    کرپشن سے پاک اور خوشحال ملک کی بنیاد رکھ دی گئی ہے، وزیراعلیٰ پنجاب

    لاہور: وزیراعلیٰ پنجاب سردار عثمان بزدار کا کہنا ہے کہ ماضی میں اقتدار میں رہنے والے مکافات عمل کا شکار ہیں، سابق حکمرانوں نے جو بویا، آج وہی کاٹ رہے ہیں۔

    تفصیلات کے مطابق وزیراعلیٰ پنجاب سردار عثمان بزدار نے اپنے بیان میں کہا کہ کرپشن سے پاک اور خوشحال ملک کی بنیاد رکھ دی گئی ہے۔

    وزیراعلیٰ‌ پنجاب نے کہا کہ ماضی کے حکمرانوں نےغلط پالیسیوں سے معیشت کو تباہ کیا، ذاتی مفادات کی سیاست کرکے قومی مفادات کو قربان کیا گیا۔

    سردار عثمان بزدار نے کہا کہ ماضی میں اقتدار میں رہنے والے مکافات عمل کا شکار ہیں، سابق حکمرانوں نے جو بویا، آج وہی کاٹ رہے ہیں، شور مچانے والوں کا کوئی مستقبل نہیں ہے۔

    وزیراعظم عمران خان کرپشن کے خلاف جنگ کررہے ہیں، عثمان بزدار

    یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ 22 کروڑعوام نے اپوزیشن کےغیرجمہوری طرزعمل کومسترد کر دیا، اپوزیشن کو منفی سیاست سے توبہ کرلینی چاہیے۔

    سردار عثمان بزدار کا کہنا تھا کہ وزیراعظم عمران خان کرپشن کے خلاف جنگ کررہے ہیں، کرپٹ عناصر کے کڑے احتساب سے ہی پاکستان آگے بڑھے گا۔

  • کرپشن کے لیے واویلا کرنے والے تبدیلی کا راستہ نہیں روک سکتے، صمصام بخاری

    کرپشن کے لیے واویلا کرنے والے تبدیلی کا راستہ نہیں روک سکتے، صمصام بخاری

    لاہور: وزیر اطلاعات پنجاب صمصام بخاری کا کہنا ہے کہ فرسودہ نظام کو ابھی نہیں تو کبھی نہیں کی بنیاد پربدلنا ہوگا، نظام کی تبدیلی ہی ملکی معیشت میں بہتری کی ضامن ہے۔

    تفصیلات کے مطابق وزیراطلاعات پنجاب صمصام بخاری نے میڈیا سے گفتگو کرتے ہوئے کہا کہ ملک میں اسٹیٹس کواور تبدیلی کی قوتوں میں کشمکش جاری ہے، عمران خان کے خلاف وہی جماعتیں اکٹھی ہیں جو ماضی میں تھیں۔

    انہوں نے کہا کہ کرپشن کے لیے واویلا کرنے والے تبدیلی کا راستہ نہیں روک سکتے، فرسودہ نظام کو ابھی نہیں تو کبھی نہیں کی بنیاد پربدلنا ہوگا، نظام کی تبدیلی ہی ملکی معیشت میں بہتری کی ضامن ہے۔

    صمصام بخاری نے کہا کہ وزیراعظم نے ملکی ترقی و خوشحالی کا روڈ میپ دیا ہے، ملک کومعاشی لحاظ سے اپنے پاؤں پرکھڑا کررہے ہیں، عمران خان کا وژن ملکی ترقی واستحکام ہے۔

    وزیراطلاعات پنجاب نے کہا کہ اپوزیشن کا احتجاج کسی کام آیا اورنہ ہی آئے گا، بجٹ منظوری کی طرح حکومت آئندہ بھی کامیاب ہوگی، دن بدن حالات بہتری کی طرف جا رہے ہیں، منفی پراپیگنڈہ کرنے والوں کو ہرسطح پرناکامی ہوگی۔

    بجٹ کی آڑمیں اپوزیشن مفادات کا تحفظ چاہتی ہے، صمصام بخاری

    یاد رہے کہ 18 جون کو وزیر اطلاعات پنجاب صمصام بخاری کا کہنا تھا کہ گزشتہ 10 برسوں میں عوام سے کھلواڑکیا گیا، تجوریاں بھرنے والوں کوایک ایک پائی واپس کرنا ہوگی۔

  • کرپشن کے سدباب کے لیے قومی ایمرجنسی نافذ ہونی چاہیئے: پاکستان اکانومی واچ

    کرپشن کے سدباب کے لیے قومی ایمرجنسی نافذ ہونی چاہیئے: پاکستان اکانومی واچ

    لاہور: پاکستان اکانومی واچ کا کہنا ہے کہ کرپشن کے سدباب کے لیے قومی ایمرجنسی نافذ ہونی چاہیئے، پاکستان کا سب سے بڑا مسئلہ کرپشن ہے۔

    تفصیلات کے مطابق پاکستان اکانومی واچ کے چیئرمین بریگیڈئیر (ر) محمد اسلم خان کا کہنا ہے کہ ملکی خزانہ لوٹنے والوں کی جانب سے حکومت اور نیب پر الزامات کی بوچھاڑ قابل مذمت ہے۔ کرپشن کے خلاف قومی ایمرجنسی نافذ ہونی چاہیئے تاکہ چوروں کا سدباب کیا جا سکے۔

    چیئرمین کا کہنا تھا کہ حریف سیاسی جماعتیں جنہوں نے کبھی ملک و قوم کے لیے اختلافات نہیں بھلائے اب کرپشن بچانے کے لیے متحد ہوگئی ہیں اس لیے عوام ان کے دھوکے میں نہیں آئیں گے۔

    انہوں نے کہا کہ حکومت نیب کا بجٹ اور اختیارات بڑھا کر اسے وسعت دے تاکہ اس کی کارروائیوں میں تیزی لائی جا سکے اور کرپشن کا جن بوتل میں بند کرنا ممکن ہو جائے۔ کرپشن پاکستان کا سب سے بڑا مسئلہ ہے۔

    محمد اسلم خان نے مزید کہا کہ کرپٹ عناصر کو اس وقت تک خوفزدہ نہیں کیا جا سکتا جب تک ان پر اسلامی سزائیں لاگو نہ کی جائیں یا چین کے ماڈل کی نقل کی جائے، پاکستان میں بھی سخت سزائیں اور جرمانے نافذ کیے جائیں اور کالے دھن کے خلاف ایمرجنسی نافذ کی جائے۔

  • وزیراعظم عمران خان کرپشن کے خلاف جنگ کررہے ہیں، عثمان بزدار

    وزیراعظم عمران خان کرپشن کے خلاف جنگ کررہے ہیں، عثمان بزدار

    لاہور: وزیراعلیٰ پنجاب سردار عثمان بزدار کا کہنا ہے کہ 22 کروڑعوام نے اپوزیشن کےغیرجمہوری طرزعمل کومسترد کر دیا، اپوزیشن کو منفی سیاست سے توبہ کرلینی چاہیے۔

    تفصیلات کے مطابق وزیراعلیٰ پنجاب نے کہا کہ اپوزیشن لوٹ مارسے جمع دولت بچانے کی ناکام کوشش کررہی ہے، اے پی سی کا حشر اپوزیشن جماعتوں کے لیے نوشتہ دیوارہے۔

    سردار عثمان بزدار کا کہنا ہے کہ وزیراعظم عمران خان کرپشن کے خلاف جنگ کررہے ہیں، کرپٹ عناصر کے کڑے احتساب سے ہی پاکستان آگے بڑھے گا۔

    انہوں نے کہا کہ اپوزیشن جماعتوں کو ناکام شو پرمنفی سیاست سے توبہ کرلینی چاہیے، 22کروڑعوام نے اپوزیشن کےغیرجمہوری طرزعمل کومسترد کر دیا۔

    اپوزیشن کو کوششوں کے باوجود اقتدار کا چاند نظر نہیں آیا، فردوس عاشق اعوان

    یاد رہے کہ گزشتہ روز وزیراعظم کی معاون خصوصی برائے اطلاعات فردوس عاشق اعوان کا کہنا تھا کہ اپوزیشن جماعتوں کو آل پارٹیز کانفرنس 10 گھنٹے جاری رہ کر ناکام ہوگئی، حکومت کو گرانے، ڈرانے، دھکمانے والے کسی بیانیے پر متفق نہیں ہوسکے۔

    فردوس عاشق اعوان کا کہنا تھا کہ مشترکہ اعلامیے میں کرپشن کے خلاف کوئی بات نہیں کی گئی، اپوزیشن کی بقا کرپشن سے جڑی ہے، اے پی سی میں کرپشن کے تدارک کے لیے کوئی بات نہیں کی گئی۔

  • 40 ہزار مالیت کے پرائز بانڈ اور مہنگی جائیدادیں رکھنے والے پریشان

    40 ہزار مالیت کے پرائز بانڈ اور مہنگی جائیدادیں رکھنے والے پریشان

    کراچی: حکومت کی جانب سے 40 ہزار کے پرائز بانڈ کی بغیر رجسٹریشن خرید و فروخت پر پابندی عاید ہونے کے بعد 40 ہزار مالیت کے پرائز بانڈ اور مہنگی جائیدادیں رکھنے والے پریشان ہو گئے ہیں۔

    تفصیلات کے مطابق کالے دھن پر مبنی چالیس ہزار مالیت کے پرائز بانڈ رکھنے والے اس بات پر پریشان ہو گئے ہیں کہ انھیں کیسے رجسٹرڈ کرائیں۔

    ذرایع کا کہنا ہے کہ سرکاری افسران نے پیسے 40 اور 25 ہزار والے پرائز بانڈ کی صورت میں رکھے ہیں، 40 ہزار والے پرائز بانڈ رجسٹرڈ نہ ہوئے تو صرف کاغذ کا ٹکڑا رہ جائیں گے۔

    سرکاری افسران کو پریشانی لاحق ہوگئی ہے کہ 40 ہزار کے پرائز بانڈ اور جائیدادیں کیسے لیگل ہوں گی، اس سلسلے میں فرنٹ مین کے ذریعے کالا دھن سفید کرنے کی کوششیں کی جا رہی ہیں۔

    یہ بھی پڑھیں:  غیر رجسٹرڈ پرائز بانڈ رکھنا غلط ہے،40 ہزار کے بانڈ رجسٹرڈ ہونے والے ہیں، شبر زیدی

    ایف بھی آر ذرایع کا کہنا ہے کہ فرنٹ مین کالا دھن سفید کر کے خود بھی پھنس جائیں گے، ادھر اربوں روپے مالیت کی پراپرٹی بھی تا حال بے نامی ہے، کس نے کتنا کالا دھن پراپرٹی میں لگایا، اس سلسلے میں 30 جون کے بعد اہم انکشافات متوقع ہیں۔

    یاد رہے کہ فیڈرل بورڈ آف ریونیو نے کہا تھا کہ 40 ہزار روپے مالیت کے پرائز بانڈ رجسٹر ہونے سے ایمنسٹی حاصل کرنے والوں کی تعداد میں اضافہ ہوگا۔

    چیئرمین ایف بی آر شبرزیدی نے کہا تھا کہ ہمیں پہلے یہ طے کرنا ہو گا کہ ٹیکس کہاں کہاں سے آ رہا ہے، جہاں جہاں سے ٹیکس نہیں آ رہا، ان اہداف کے پیچھے جائیں گے، فائلرز کی تعداد بڑھانا ہی کام یابی ہوگی، ایسیٹ ڈکلیریشن اسکیم کے نتائج آنا ابھی باقی ہیں۔

  • جس نے قومی خزانے کونقصان پہنچایا اس کے خلاف کارروائی کی جائے گی، راجا بشارت

    جس نے قومی خزانے کونقصان پہنچایا اس کے خلاف کارروائی کی جائے گی، راجا بشارت

    لاہور: پنجاب کے وزیرِ قانون راجا بشارت کا کہنا ہے کہ جس نے بھی قومی خزانہ لوٹا تھا ان کو لیگل نوٹس بھجوا رہے ہیں۔

    تفصیلات کے مطابق صوبائی وزیر قانون راجا بشارت نے کہا کہ صوبے کے خزانے کو جس بے دردی سے لوٹا تھا اب اجازت نہیں دی جائے گی، مالی بے ضابطگیوں پرقائم کمیشن میں اپوزیشن بھی شامل ہے۔

    راجا بشارت نے کہا کہ جس نے بھی قومی خزانہ لوٹا تھا ان کو لیگل نوٹس بھجوا رہے ہیں، نوٹس دینے کے لیے بھی قانونی ضابطے پورے کریں گے۔

    پنجاب کے وزیرِ قانون نے کہا کہ آصف زرداری عام آدمی کی نہیں اپنی بات کرے، عام آدمی نے پیسے نہیں لوٹے۔

    کوئی سوچے بھی نہ عوام کے پیسے پر عیاشی کرےگا، وزیراعظم عمران خان

    یاد رہے کہ گزشتہ روز وزیراعظم عمران خان نے وزیر اعلیٰ پنجاب عثمان بزدار سے ملاقات میں کہا تھا کسی بھی جگہ کرپشن برداشت نہیں کروں گا، سب کوواضح کردیں ، کوئی سوچے بھی نہ عوام کے پیسے پرعیاشی کرے گا۔

    عمران خان کا کہنا تھا گزشتہ دورمیں دونوں ہاتھوں سے خزانہ لوٹا گیا نتائج آج بھگت رہے ہیں، انشااللہ پاکستان بہترسمت میں ہے، جلد اثرات سامنے آئیں گے۔