ARYNews.tv | Urdu – Har Lamha Bakhabar

Tag: کرپشن

  • سعودی عرب میں کرپشن کےالزام میں 11 شہزادے اور4 وزیرگرفتار

    سعودی عرب میں کرپشن کےالزام میں 11 شہزادے اور4 وزیرگرفتار

    ریاض : سعودی عرب میں کرپشن کے الزام میں گیارہ شہزادے، چارموجودہ اور سابق وزرا کوحراست میں لے لیا گیا ہے۔

    تفصیلات کے مطابق سعودی عرب میں نئی اینٹی کرپشن کمیٹی نے گیارہ شہزادوں، 4 موجودہ اورسابق وزرا کو کرپشن کے الزام میں گرفتار کرلیا۔

    عرب میڈیا کے مطابق یہ گرفتاریاں اس اینٹی کرپشن کمیٹی کی تشکیل کے چند گھنٹوں بعد ہی کی گئی ہیں جس کے سربراہ ولی عہد محمد بن سلمان ہیں۔

    سعودی عرب میں بڑے پیمانے پر گرفتاریاں ولی عہد محمد بن سلمان کی زیر صدارت سعودی عرب کی اینٹی کرپشن کمیٹی کے فیصلے کے بعد کی گئیں۔

    سعودی عرب: کرپشن پر وزرا کو 10 سال قید کا حکم

    اینٹی کرپشن کمیٹی نے یہ بھی اعلان کیا ہے کہ وہ 2009 میں جدہ میں آنے والے سیلاب کی فائل بھی دوبارہ کھول رہی ہے جبکہ کورونا وائرس کی بھی تحقیقات کی جائیں گی۔

    سعودی گزٹ کے مطابق اس نئی کمیٹی کے پاس کرپشن کرنے والے افراد کے خلاف تحقیقات، گرفتار کرنے اور سفری پابندیاں لگانے کے ساتھ ساتھ اثاثے منجمد کرنے کا اختیار بھی ہے۔

    دوسری جانب سعودی عرب کے فرمانروا شاہ سلمان نے وزیر نیشنل گارڈ اور نیول چیف کو ان کے عہدوں سے برطرف کردیا۔

    ریاض، حوثی باغیوں کا ایئرپورٹ پر میزائل حملہ

    سعودی فرما نروا شاہ سلمان کے رات گئے جاری کردہ شاہی فرمان کے تحت نیشنل گاڑدز کے وزیر شہزادہ متعب بن عبداللہ کو ان کے عہدے سے ہٹاکر خالد بن عبدالعزیزکو نیشنل گارڈز کا نیا وزیرمقررکردیا گیا۔

    وزیراقتصادیات ومنصوبہ بندی عادل فقہی کو ان کے عہدے سے برطرف کرکے ان کی جگہ محمد بن مزیاد التویجری کو وزیرمالیات اور پلاننگ کا قلمدان سونپ دیا گیا ہے۔

    شاہی فرمان کے تحت نیول چیف ایڈمرل عبداللہ بن سلطان کو ان کے عہدے سے سکبدوش کرکے وا ئس ایڈمرل فہد بن عبداللہ الغفیلی کو بحریہ کا سربراہ بنا دیا گیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • وزیراعظم ایسےشخص کوکیسےپروٹوکول دےسکتےہیں جوکرپٹ ہو‘عمران خان

    وزیراعظم ایسےشخص کوکیسےپروٹوکول دےسکتےہیں جوکرپٹ ہو‘عمران خان

    اسلام آباد: پاکستان تحریک انصاف کے سربراہ عمران خان کا کہنا ہے کہ وزیراعظم شاہد خاقان عباسی ناجائز طریقے سے کمائی دولت بچانےمیں مدد دے رہے ہیں۔

    تفصیلات کے مطابق چیئرمین پاکستان تحریک انصاف عمران خان نے سماجی رابطے کی ویب سائٹ ٹویٹرپراپنے پیغام میں کہا کہ وزیراعظم ایسےشخص کوکیسے پروٹوکول دےسکتے ہیں جوکرپٹ ہو۔

    عمران خان نے کہا کہ وزیراعظم شاہد خاقان عباسی ناجائز طریقے سے کمائی دولت بچانےمیں مدد دے رہے ہیں۔ انہوں نے کہا کہ ٹیکس دہندگان کےخرچے پرپنجاب ہاؤس میں رہنے کی اجازت دی جا رہی ہے۔

    پاکستان تحریک انصاف کے سربراہ نے کہا کہ نوازشریف نے300 بلین روپے کی دولت بیرون ملک چھپائی اور وہ منی لانڈرنگ پرعدالت کا سامنا کررہے ہیں۔

    لندن گیم پلان ظاہرہوگیا ہے‘عمران خان

    یاد رہے کہ تین روز قبل عمران خان کا کہنا تھا لندن گیم پلان ظاہر ہوگیا ہے، نواز شریف پارٹی پر کنٹرول برقراررکھ کراسے نیب عدلیہ اور فوج کو بدنام کرنے کے لیے استعمال کریں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • پیپلزپارٹی نے ہمیشہ عدالتوں کا احترام کیا‘ راجہ پرویز اشرف

    پیپلزپارٹی نے ہمیشہ عدالتوں کا احترام کیا‘ راجہ پرویز اشرف

    لاہور: سابق وزیراعظم اور پیپلزپارٹی کے رہنما راجہ پرویز اشرف کا کہنا ہے کہ پاکستان پیپلزپارٹی نے ہمیشہ عدالتوں کا احترام کیا۔

    تفصیلات کے مطابق لاہور میں میڈیا سے گفتگو کرتے ہوئے پیپلزپارٹی کے رہنما راجہ پرویز اشرف نے کہا کہ چار سو لوگوں کو نوکری دینے کے الزام میں میرا نام ای سی ایل میں شامل ہے۔

    انہوں نے کہا کہ اربوں روپے کی کرپشن کرنے والوں کا نام ای سی ایل میں نہیں ڈالا گیا، یہ دہرامعیار ہے۔

    راجہ پرویز اشرف نے کہا کہ جن پر کرپشن کے بڑے بڑے الزامات ہیں وہ آزاد ہیں، انصاف سب کےلیے ایک جیسا ہونا چاہیے۔

    پیپلزپارٹی کے رہنما راجہ پرویزاشرف نے کہا کہ مجھ پر بنائے جانے والے تمام مقدمات بے بنیاد ہیں اور ان مقدمات کی بنا پر میرا نام ای سی ایل میں ڈالا گیا۔

    احتساب کا نظام پنجاب میں کچھ اورسندھ میں کچھ اورہے‘ منظوروسان

    خیال رہے کہ چارروز قبل صوبائی وزیرتجارت منظور وسان کا کہنا تھا کہ احتساب صرف سیاست دانوں کا ہی نہیں سب کا ہونا چاہیے۔

    منظور وسان کا کہنا تھا کہ ہم کیسز سے نہیں ڈرتے لیکن نیب کا پنجاب میں الگ اور سندھ میں الگ نظام ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • ہمارا دامن کرپشن سے پاک ہے‘ وزیراعلیٰ پنجاب

    ہمارا دامن کرپشن سے پاک ہے‘ وزیراعلیٰ پنجاب

    لاہور: وزیراعلیٰ پنجاب شہبازشریف کا کہنا ہے کہ عوام کی خدمت کھوکھلے نعروں سے نہیں ہوتی،عوام کی خدمت کے لیے مٹی کے ساتھ مٹی ہونا پڑتا ہے۔

    تفصیلات کے مطابق وزیراعلیٰ پنجاب شہبازشریف کا کہنا ہے کہ ہمارا دامن کرپشن سے پاک ہے، بے بنیاد الزامات لگانے والے ملک وقوم کی خدمت نہیں کررہے۔

    شہبازشریف نے کہا کہ عوام کی خدمت کے لیے مٹی کے ساتھ مٹی ہونا پڑتا ہے۔

    پاکستان کواپنے پاؤں پرکھڑاکرنےاورکشکول توڑنےکا وقت آگیاہے‘ شہبازشریف

    یاد رہے کہ چار روز قبل وزیراعلیٰ پنجاب کا کہنا تھا ایک دوسرے کو چور، ڈاکو کہہ کرمعاشرے کو کھوکھلا کیا جا رہا ہے۔ ان کا کہنا تھا کہ جھوٹ بولنے والوں کومنفی سیاست ترک کر دینی چاہیے۔

    شہبازشریف کا کہنا تھا کہ چور، ڈاکو تو ان کے دائیں بائیں کھڑےہیں، وہ نوجوانوں کے ذہنوں میں زہر گھول رہے ہیں۔

    عوامی رہنماؤں کی تذلیل،سزاؤں سےماضی میں بھی ملک کانقصان ہوا‘ سعدرفیق

    واضح رہے کہ وفاقی وزیرریلوے خواجہ سعد رفیق نے کہا کہ عوامی رہنماؤں کی تذلیل، سزاؤں سے ماضی میں بھی ملک کا نقصان ہوا جبکہ آئین شکنی کرنے والوں کومحفوظ راستے دیے گئے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • عوامی رہنماؤں کی تذلیل،سزاؤں سےماضی میں بھی ملک کانقصان ہوا‘ سعدرفیق

    عوامی رہنماؤں کی تذلیل،سزاؤں سےماضی میں بھی ملک کانقصان ہوا‘ سعدرفیق

    لاہور : وفاقی وزیرریلوے خواجہ سعد رفیق کا کہنا ہے کہ نوازشریف پرکرپشن یا اختیارات سے تجاوز کا کوئی مقدمہ ہے نہ ثبوت ہے۔

    تفصیلات کے مطابق سماجی رابطے کی ویب سائٹ ٹویٹر پر اپنے پیغام میں کہا کہ عوامی رہنماؤں کی تذلیل، سزاؤں سے ماضی میں بھی ملک کا نقصان ہوا جبکہ آئین شکنی کرنے والوں کومحفوظ راستے دیے گئے۔

    سعد رفیق نے کہا کہ طاقتوردشمنوں میں گھرا پاکستان اندرونی خلفشارکا متحمل نہیں ہوسکتا، محاذ آرائی کے بجائے مل کرآگے بڑھنے کی بھرپور کوشش کی جائے۔

    وفاقی وزیر ریلوے نے کہا کہ نوازشریف پرکرپشن یااختیارات سےتجاوز کا کوئی مقدمہ ہے نہ ثبوت ہے۔ انہوں نے کہا کہ نوازشریف کو پھر بھی نااہل کردیا گیا۔

    خواجہ سعد رفیق نے کہا کہ نوازشریف کو سزا دینے کے لیے نت نئے تاویلیں گھڑی گئیں، نواز شریف کو احتسابی جال میں جکڑنے کی سازش کی گئی۔

    وزیرریلوے خواجہ سعد رفیق نے کہا کہ سیاست سے بےدخل کرنےکی سازش خوفناک اقدام ہے، مخالفین نوازشریف دشمنی میں ملک دشمنی پر اترآئے ہیں۔

    ن لیگ نے نہ کسی سےمحاذ آرائی کی اورنہ کرےگی‘ خواجہ سعدرفیق

    واضح رہے کہ وفاقی وزیرریلوے خواجہ سعد رفیق کا کہنا ہے کہ میاں محمد نوازشریف اور ان کے خاندان پر فرد جرم عائد کرنا سازش ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئرکریں۔

  • شریف فیملی ایسےعدالتوں میں آتی ہےجیسے پکنک پرآئی ہے‘ فوادچوہدری

    شریف فیملی ایسےعدالتوں میں آتی ہےجیسے پکنک پرآئی ہے‘ فوادچوہدری

    اسلام آباد : پاکستان تحریک انصاف کے رہنما فواد چودھری کا کہنا ہے کہ سازش کا سن سن کر ہمارے کان پک گئے ہیں لیکن پتہ نہیں چل رہا کہ سازش کس نے کی۔

    تفصیلات کے مطابق سپریم کورٹ کے باہر میڈیا سے گفتگو کرتے ہوئے کہا کہ پاکستان میں تین وزرائے اعظم نیب کا سامنا کررہے ہیں جبکہ راجہ پرویزاشرف اور یوسف رضا گیلانی کا نام 6 سالوں سے ای سی ایل میں ہے انہیں ضمانتیں کرانی پڑرہی ہیں۔

    فواد چودھری نے کہا کہ شریف خاندان ایسے عدالتوں میں پیش ہوتا ہو رہا ہے جیسے یہ پکنک منانے آرہے ہیں۔

    پاکستان تحریک انصاف کے ترجمان نے کہا کہ یہ وہ مریم نوازہیں جوکہتی تھیں کہ ان کی لندن تو کیا پاکستان میں بھی جائیداد نہیں ہے۔

    فواد چودھری کا کہنا تھا کہ یہ کیسی سازش ہے کہ پاپا نے پیسے بیٹوں کو دیے اور وہ ارب پتی بن گئے۔ انہوں نے کہا کہ حسن نواز تو کہتے تھے میں اسٹوڈنٹ ہوں ایک اسٹوڈنٹ 600 کروڑ کے گھر میں کیسے رہ سکتا ہے۔

    ترجمان پاکستان تحریک انصاف نے کہا کہ فرد جرم عائد ہونے کے بعد ورلڈ بینک کے لوگوں نے اسحاق ڈار سے ملنے سے انکار کردیا جس کے بعد وزیرداخلہ کو معیشت پر مذاکرات کے لیے امریکہ بھیجا گیا ہے جو پاکستان کے ساتھ مذاق ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • شریف خاندان چوری چھپانےکےلیےادارےاورملک تباہ کررہاہے‘ عمران خان

    شریف خاندان چوری چھپانےکےلیےادارےاورملک تباہ کررہاہے‘ عمران خان

    بونیر: پاکستان تحریک انصاف کے سربراہ عمران خان کا کہنا ہے کہ 2018 میں پورے پاکستان میں تبدیلی کا انقلاب آئے گا۔

    تفصیلات کے مطابق چیئرمین پاکستان تحریک انصاف نے بونیر میں جلسے سے خطاب کرتے ہوئے کہا کہ عوام کو دیکھ کر لگتا ہے کہ 2018 کے الیکشن میں بونیرتحریک انصاف کا ہوگا۔

    عمران خان نے کہا کہ جس قوم کے لیڈرصادق اورامین ہوتے ہیں وہ ایک عظیم قوم بنتی ہے۔ انہوں نے کہا کہ قانون پاس کیا گیاجوعوام وعدالت سےجھوٹ بولے، چوری کرے وہ پارٹی صدربن سکتا ہے۔

    پاکستان تحریک انصاف کے سربراہ عمران خان نے کہا کہ نوازشریف نے قوم کا پیسہ چوری اور اداروں کوتباہ کیا اور اس کا سب سے بڑا ظلم قوم کی اخلاقی قدریں تباہ کرنا ہے۔

    چیئرمین تحریک انصاف نے کہا ایک خاندان اپنی چوری چھپانےکے لیےادارے اورملک تباہ کررہا ہے، نوازشریف سپریم کورٹ پرحملے کررہا ہے۔

    انہوں نے وزیراعظم شاہد خاقان عباسی کو تنقید کا نشانہ بناتے ہوئے کہا کہ شاہدخاقان عباسی کوشرم آنی چاہیے وہ نوازشریف کواپنا وزیراعظم مانتے ہیں۔

    عمران خان نے کہا کہ قومیں کبھی بمباری سے یا جنگ میں شکست سے تباہ نہیں ہوتیں جب اخلاقی طورپرقوم کوتباہ کرتےہیں اس وقت قوم تباہ ہوتی ہے۔

    پاکستان تحریک انصاف کے سربراہ نے کہا کہ فیصلہ کرلیں ظلم کامقابلہ کرناہے،کرپٹ آدمی کواقتدارمیں نہیں آنے دینا۔ انہوں نے کہا کہ اپنی چوری بچانےکے لیے یہ لوگ پاک فوج کوبدنام کررہے ہیں۔

    عمران خان نے کہا کہ نوازشریف اور آصف زرداری اس ملک کے بڑے ڈاکو ہیں جبکہ ڈیزل نوازشریف اورآصف زرداری دونوں میں فٹ ہوجاتا ہے۔

    چیئرمین پی ٹی آئی نے فضل الرحمان سیاست اسلام کے نام پرکرتا ہے،ضمیرکی قیمت ڈیزل کے پرمٹ پرلگا دیتے ہے انہوں نے کہا کہ اپنے ضمیر کا سودا کرنے والا اپنےخوف کے بت کی پوجا کرتا ہے۔

    عمران خان نے کہا کہ نبی ﷺ نےمدینہ کی ریاست کومثال بنایا،مسلمانوں کاعروج شروع ہوا۔ انہوں نے کہا کہ مسلمان ہمیشہ نبیﷺ کی مثال پرچلتا ہے۔

    واضح رہے کہ پاکستان تحریک انصاف کے سربراہ نے کہا کہ شریف خاندان کی ساری کوششیں منی لانڈرنگ کی سزا سے پچنے کے لیے ہیں اگر سزا ہوگئی تو تمام جائیداد اور بینک اکاؤنٹس منجمد ہوجائیں گے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • اپنے آپ کوعوام کا خادم کہلوانے پرفخرمحسوس کرتا ہوں‘ شہبازشریف

    اپنے آپ کوعوام کا خادم کہلوانے پرفخرمحسوس کرتا ہوں‘ شہبازشریف

    ڈیرہ غازی خان : وزیراعلیٰ پنجاب شہبازشریف کا کہنا ہے کہ میٹروملتان سے متعلق کرپشن کا بے بنیاد الزام لگایا گیا،میرےادوارمیں ایک دھیلے کی بھی کرپشن ملی تو سزاضروردینا۔

    تفصیلات کے مطابق وزیراعلیٰ پنجاب شہبازشریف نے ڈیرہ غازی خان میں جلسے سے خطاب کرتے ہوئے کہا کہ ہم عوام کی خدمت کا کوئی موقع ہاتھ سے جانے نہیں دیتے اگرہم نے9 سال میں عوام کا ایک دھیلا بھی کھایا ہو توعوام کا ہاتھ اورمیرا گریبان ہوگا۔

    وزیراعلیٰ پنجاب نے پاکستان تحریک انصاف کےسربراہ پر تنقید کرتے ہوئے کہا کہ جس شخص کو آدھے گھنٹے پہلے کے اپنے الفاظ کا پتہ نہ ہو اس سے کیا توقع کی جاسکتی ہے۔

    انہوں نے کہا کہ میں نے پریس کانفرنس میں بتایا کہ 48 گھنٹے میں ثبوت پیش کیے جائیں اور عمران خان کو عدالت لے کر گیا تو وہ پیش ہی نہیں ہوئے۔

    شہبازشریف کا کہنا تھا کہ ہمیں کہتےتھے نوازشریف اورشہبازشریف ڈینگی برادران ہیں، انہوں نے کہا کہ پشاورمیں ڈینگی پھیلا تو مجھےتکلیف اوردرد محسوس ہوا۔

    واضح رہے کہ وزیراعلیٰ پنجاب شہبازشریف نے کہا کہ پشاورمیں ڈینگی کی وباپھیلی توخان صاحب پہاڑوں کی سیرکررہے تھے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • شریف برادران سرسے پاؤں تک کرپشن میں ڈوبے ہوئے ہیں‘ طاہر القادری

    شریف برادران سرسے پاؤں تک کرپشن میں ڈوبے ہوئے ہیں‘ طاہر القادری

    لاہور: پاکستان عوامی تحریک کے سربراہ ڈاکٹر طاہرالقادری کا کہنا ہے کہ نیب کے پاس شاندار موقع ہے کہ وہ اپنی ساکھ کو بحال کرے۔

    تفصیلات کے مطابق پاکستان عوامی تحریک کے سربراہ ڈاکٹرطاہرالقادری آج صبح لندن سے لاہور ایئرپورٹ پہنچے تو ان کے صاحبزادے حسین محی الدین سمیت کارکنان نے ان کا استقبال کیا۔

    لاہور ایئرپورٹ پر انہوں نے میڈیا سے بات کرتے ہوئے کہا کہ شریف خاندان سر سے پاؤں تک کرپشن میں ڈوبے ہوئے ہیں اور یہ اپنے اقتدار اور کرپشن کو بچانے کے لیے کوشاں ہیں۔

    ڈاکٹر طاہرالقادری کا کہنا تھا کہ شہدا سانحہ ماڈل ٹاؤن کے لواحقین کی جانب سے جسٹس باقر نجفی کی رپورٹ شائع کرنے کے لیے لاہور ہائی کورٹ میں ایک اور درخواست دائر کی ہے۔

    انہوں نے کہا کہ ادارے کمزور کو انصاف فراہم کرنے کی طاقت نہیں رکھتے اگر کوئی کمزور نیب میں پھنس جائے تو جان چھٹرانا مشکل ہوجاتا ہے۔

    ڈاکٹر طاہرالقادری نے کہا کہ شریف برادران کبھی بھی قانون کا سامنا نہیں کرسکتے یہ خون کی ہولی کھیلنے والے ہیں۔

    واضح رہے کہ پاکستان عوامی تحریک کے سربراہ کا کہنا تھا کہ یہ لوگ قانون کا سامنا نہیں کرسکتے اس لیے انصاف سے بھاگ رہے ہیں۔

  • غریب انسان کے خون کی کوئی قیمت نہیں‘ سراج الحق

    غریب انسان کے خون کی کوئی قیمت نہیں‘ سراج الحق

    لالہ موسیٰ: امیرجماعت اسلامی سراج الحق کا کہنا ہے کہ ہمارے معاشرے میں وی آئی پی کلچر فروغ پارہا ہے غریب انسان کی زندگی کی کوئی قیمت نہیں ہے۔

    تفصیلات کے مطابق گجرات میں سابق وزیراعظم نوازشریف کی پروٹوکول گاڑی تلے کچل کر جاں بحق ہونے والے بچے حامد کےگھر پرامیرجماعت اسلامی نےمیڈیا سے بات کرتے ہوئےکہا کہ وزیراعظم کے اسکواڈ میں شامل گاڑی نے پہلے بچے کو کچلا اور پھر بچے کو روندتے ہوئے تڑپتا چھوڑکر آگے نکل گئے کیا یہ بے حسی نہیں ہے۔

    سراج الحق کا کہنا تھا کہ نوازشریف کے قافلے میں بڑے بڑے چور بھی شامل تھے اور یہ لوگ اب آرٹیکل 62 اور 63 کو ختم کرنے کے درپے ہوگئے ہیں لیکن ہم ایسا نہیں ہونے دیں گے۔

    اب پیپلزپارٹی کا بھی احتساب ہونا چاہئیے، سراج الحق

    یاد رہے کہ گزشتہ روز امیر جماعت اسلامی سینیٹر سراج الحق کا کہنا تھا کہ پیپلزپارٹی کا بھی احتساب ہونا چاہئیے،ان کا کہنا تھا کہ 40 سال حکومت کی، مسلم لیگ ن اورپیپلزپارٹی نےکرپشن اور دہشت گردی کاتحفہ دیا۔

    واضح رہےکہ سراج الحق نے نواز شریف کو تنقید کا نشانہ بناتے ہوئے کہا تھا کہ نواز شریف بتاتے ہی نہیں ان کے خلاف کون سازش کررہاہے، آپ کہتے ہیں کہ فیصلہ سی پیک کے خلاف ہے، آپ کہتے ہیں کہ پانچ ججوں نے میرے خلاف فیصلہ دیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔