ARYNews.tv | Urdu – Har Lamha Bakhabar

Tag: کرپشن

  • کرپشن کا الزام: برازیل کےسابق صدرکوساڑھےنوسال قید کی سزا

    کرپشن کا الزام: برازیل کےسابق صدرکوساڑھےنوسال قید کی سزا

    برازیلیا: برازیل کے سابق صدرکو کرپشن کے الزامات پر مجرم قرار دیتے ہوئے ساڑھے نو سال قید کی سزا سنادی گئی۔

    تفصیلات کےمطابق برازیل کے سابق صدرلوئیز لولا ڈی سلوا پرالزام ہےکہ انہوں نےآئل کمپنی پیٹروبراس میں بدعنوانی کےحوالے سے رشوت کےطورپرایک اپارٹمنٹ لیا تھا۔

    برازیل کے سابق صدر نے ان دعووں کو مسترد کر دیا ہے۔ ان کا کہنا ہے کہ ان کے خلاف یہ مقدمہ سیاسی بنیادوں پر قائم کیا گیا ہے۔

    خیال رہےکہ لوئیز لولا ڈی سلوا دو مرتبہ برازیل کے صدر منتخب ہوئے تھے اور انیوں نے یہ عہدہ سنہ 2011 میں چھوڑا تھا۔

    برازیل کے سابق صدر کے وکلا کاکہناہے کہ ان کے موکل بے قصور ہیں اور وہ اس کے خلاف ایپل کریں گے۔

    برازیل کی سابق صدرعہدے سے برطرف

    یاد رہےکہ گزشتہ سال ستمبر2016 کوبرازیل کی سابق صدر جلما روسیف کو سینیٹ نےان کے عہدے سے برطرف کر دیاتھا۔روسیف پر ملک کے بجٹ کے اعداد وشمار میں ہیرا پھیری کا الزام تھا۔

    واضح رہے کہ جلما روسیف سنہ 2011 میں برازیل کی پہلی خاتون صدر بنیں اور 2014 میں دوبارہ صدارتی انتخابات جیت کر صدر منتخب ہوئی تھیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

  • نوازشریف کوبچانےکےلیےن لیگ اداروں کوتباہ کررہی ہے‘عمران خان

    نوازشریف کوبچانےکےلیےن لیگ اداروں کوتباہ کررہی ہے‘عمران خان

    اسلام آباد : پاکستان تحریک انصاف کےسربراہ عمران خان کا کہناہےکہ مسلم لیگ ن ایک بار پھرسپریم کورٹ کو نشانہ بنارہی ہے۔

    تفصیلات کےمطابق چیئرمین پاکستان تحریک انصاف نے سماجی رابطے کی ویب سائٹ ٹویٹرپراپنے پیغام میں کہاکہ نوازشریف کو بچانے کےلیےن لیگ اداروں کوتباہ کررہی ہے۔

    عمران خان نےایک اور ٹویٹ میں کہاکہ قطری شہزادنوازشریف کےسہارےکاآخری تنکاتھا۔قطریوں کےبغیرنوازشریف کےپاس کوئی منی ٹریل نہیں ہے۔

    پاکستان تحریک انصاف کےسربراہ عمران خان نےکہاکہ فلیٹس کیسےخریدےگئے واحدٹریل کرپشن کےپیسےکی ہے۔

    ہارجیت کھیل کاحصہ ہےلیکن مقابلہ کیےبغیرہارسےدکھ ہوا‘عمران خان

    واضح رہےکہ گزشتہ روزچیئرمین تحریک انصاف کےسربراہ عمران خان کا کہنا تھا کہ بھارت کے خلاف قومی ٹیم کی مایوس کن کارکردگی سے دکھ ہوا ہے۔

    اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

  • پاکستان تحریک انصاف آج سیالکوٹ میں عوامی طاقت کا مظاہرہ کرے گی

    پاکستان تحریک انصاف آج سیالکوٹ میں عوامی طاقت کا مظاہرہ کرے گی

    سیالکوٹ:پاکستان تحریک انصاف آج شہراقبال سیالکوٹ میں عوامی طاقت کا مظاہرہ کرے گی۔تحریک انصاف کےچیئرمین عمران خان جلسےسے خطاب کریں گے۔

    تفصیلات کےمطابق پاکستان تحریک انصاف سیالکوٹ کےجناح اسٹیڈیم میں سیاسی قوت کا مظاہرہ کرے گی۔چیئرمین پی ٹی آئی عمران خان کے علاوہ پارٹی کےدیگر مرکزی قائدین خطاب کریں گے۔

    جلسہ گاہ میں تیاریاں مکمل کرلی گئی ہیں جبکہ ڈی جے ولی سنزمیوزک کے ذریعے پی ٹی آئی کے کھلاڑیوں کا لہو گرمائیں گے۔

    ذرائع کےمطابق تحریک انصاف کےآج کےجلسے میں مختلف سیاسی شخصیات کی جانب سے تحریک انصاف میں شمولیت کا امکان ہے۔

    تحریک انصاف کا جلسہ شام 5 بجے جناح اسٹیڈیم میں ہو گا جس میں پارٹی کے مرکزی قائدین اور سیالکوٹ کےرہنما عثمان ڈار خطاب کریں گے۔

    سیالکوٹ جناح اسٹیڈیم میں7 مئی کو تاریخی جلسہ ہوگا ،عمران خان

    یاد رہےکہ4 مئی کو عمران خان نے کارکنوں کو سیالکوٹ جلسے میں شرکت کی دعوت دیتے ہوئے کہا ہے کہاتھا کہ عوام کرپٹ وزیر اعظم اور کرپشن کے خلاف کھڑے ہوگئےتو ملک کی تقدیر بدل جائے گی۔

    واضح رہےکہ تحریک انصاف کےسربراہ عمران خان نےاپنےویڈیو پیغام میں کہاتھا کہ ملک نازک دور سے گزرہا ہے7مئی کو کارکنان جناح اسٹیڈیم پہنچ کرجلسے کو تاریخی بنائیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • جنوبی کوریا:عوام کابرطرف صدر کی گرفتاری کےلیےاحتجاج

    جنوبی کوریا:عوام کابرطرف صدر کی گرفتاری کےلیےاحتجاج

    سیول : جنوبی کوریا کی صدر پارک گن کی برطرفی کے عدالتی فیصلے کے بعد عوام کی جانب سے ان کی گرفتاری کےلیے مظاہرے کیے جارہے ہیں۔

    تفصیلات کےمطابق جمعے کےروز جنوبی کوریا کی آئینی عدالت کی نے پارک گن کےپارلیمنٹ کی جانب سے کیے جانے والے مواخذے کےحق میں فیصلہ سناتے ہوئے انہیں صدر کے عہدے سے فارغ کردیاتھا۔

    عدالتی فیصلے کے بعد جنوبی کوریا کے دارالحکومت میں ہزاروں افراد نےاحتجاجی ریلی نکالی اور پارک گن کی گرفتاری کامطالبہ کیا۔پارک گن جنوبی کوریا کی جمہوری طور پر منتخب پہلی رہنما ہیں جنہیں ان کے عہدے سے برطرف کیاگیا۔

    پارک گن کو اب صدارتی استثنیٰ حاصل نہیں ہے اور وہ فوجداری قوانین کے تحت مقدمات کا سامنا کر سکتی ہیں۔

    مزید پڑھیں:جنوبی کوریا کی صدر عہدے سے برطرف

    دوسری جانب ملک کے الیکشن کمیشن نے آزاد و شفاف انتخابات کے انعقاد کا اعلان کیا ہے۔جس کےلیے ووٹنگ رواں سال نو مئی کوہوگی۔

    جنوبی کوریا میں کیےجانے والے سروے کےمطابق اس وقت ڈومیسٹک پارٹی کے مون جائے اِن اس وقت قائم مقام صدر وانگ یو آن جو کہ پارگ گن کے وفادار ہیں سے 22 فیصد آگے ہیں۔

    واضح رہےکہ پارک گن کی سہیلی چوئی سون سل دھوکہ دہی اور طاقت کے ناجائز استعمال کےالزامات میں زیر حراست ہیں۔ان پر جنوبی کوریا کی کمپنیوں سے بھی بھاری رقم بٹورنے کے الزامات ہیں۔

  • کرپشن نے پاکستان کوابترحالت میں پہنچا دیا‘ عمران خان

    کرپشن نے پاکستان کوابترحالت میں پہنچا دیا‘ عمران خان

    اسلام آباد : پاکستان تحریک انصاف کےسربراہ عمران خان کاکہناہےکہ انتہا درجے کی بدانتطامی اورکرپشن نے پاکستان کوابترحالت میں پہنچا دیا۔

    تفصیلات کےمطابق سماجی رابطے کی ویب سائٹ ٹویٹر پرچیئرمین تحریک انصاف عمران خان نے اپنے پیغام میں کہاکہ وفاقی وزیرخزانہ اسحاق ڈار وزیراعظم کے لیے منی لانڈرنگ کا اعتراف کرچکے ہیں۔حکومت منی لانڈرنگ پر کیسے قابو پائے گی؟۔

    پاکستان تحریک انصاف کے سربراہ عمران خان نے اپنی ایک اور ٹویٹ میں کہاکہ ملک بدانتظامی اور کرپشن کی وجہ سے ملک زیرگردش قرضوں کےجال میں پھنس گیا ہے۔

    یاد رہےکہ گزشتہ روز ’انٹرنیشنل نارکوٹکس کنٹرول اسٹریٹجی کے نام سے شائع ہونے والی امریکی محکمہ خارجہ کی رپورٹ میں ٹریڈ بیسڈ منی لانڈرنگ کو ایسے طریقہ کار کے طور پر ظاہر کیا گیا ہے جس کے ذریعے ملزمان قانونی کاروبار کو استعمال کرکے اپنے غیرقانونی ذرائع کو تحفظ دیتے ہیں۔

    واضح رہےکہ امریکی محمکہ خارجہ کی رپورٹ کےمطابق ایسے ہی طریقوں کے ذریعے پاکستان کو بھی سالانہ 10 ارب ڈالر سے زائد کا نقصان ہو رہا ہے۔

  • سرکاری ادارے صرف غریبوں کے احتساب کےلیے ہیں‘سراج الحق

    سرکاری ادارے صرف غریبوں کے احتساب کےلیے ہیں‘سراج الحق

    اسلام آباد : جماعت اسلامی کے امیرسراج الحق کا کہناہےکہ آٹھ ماہ گزر گئے نیب کی جانب سے کوئی کارروائی نہیں کی گئی،نیب اب بھی معلومات جمع کررہاہے۔

    تفصیلات کےمطابق سپریم کورٹ آف پاکستان میں پاناماکیس کی سماعت کے وقفے کےدوران سپریم کورٹ کےباہر میڈیا سے گفتگوکرتے ہوئےسراج الحق کا کہناتھاکہ آج عدالت نےچیئرمین نیب اورچیئرمین ایف بی آرکو طلب کیاتھا۔

    امیرجماعت اسلامی کا کہناتھاکہ چیئرمین ایف بی آر اور چیئرمین نیب کے بیانات سے ثابت ہوا ماضی میں فیصلےسیاسی بنیادوں پرکیےگئے۔انہوں نےکہاکہ ثابت ہورہاہےنیب،ایف بی آرنےپاناماکیس پرذمہ داری ادانہیں کی۔

    سراج الحق کاکہناتھاکہ سرکاری ادارے صرف غریبوں کے احتساب کے لیے ہیں،تمام ادارے فیصلے دیتے وقت حکومت کی طرف دیکھتے ہیں۔

    امیرجماعت اسلامی نےکہاکہ دہشت گرد اوران کے سہولت کار بھی مجرم ہیں، کرپشن کرنے والے لوگ اور ان کے سہولت کار بھی مجرم ہیں۔

    مزید پڑھیں: سرکاری وکیل کےپاس عدالت کےکسی سوال کاجواب نہیں‘سراج الحق

    واضح رہےکہ پاناماکیس کی گزشتہ سماعت پرجماعت اسلامی کےسربراہ سراج الحق نےکہاتھاکہ سرکاری وکیل کے پاس آج بھی عدالت کے کسی سوال کا کوئی جواب نہیں تھا۔

  • پانامااسکینڈل بددیانتی کی کہانی ہے، سراج الحق

    پانامااسکینڈل بددیانتی کی کہانی ہے، سراج الحق

    اسلام آباد : امیرِ جماعت اسلامی سینیٹرسراج الحق نے کہا ہے کہ پاناما اسکینڈل بدیانتی کی کہانی ہے ، بی بی سی کی گواہی کے بعد مزید دلائل کی ضرورت نہیں رہی۔

    یہ بات امیر جماعت اسلامی کے امیر نے میڈیا سے گفتگو کرتے ہوئے کہی انہوں نے کہا کہ جن لوگوں پر آف شور کمپنیاں بنانے کا الزام ہے کہ بارِ ثبوت پیش کرنا بھی ان کی ذمہ داری ہے۔

    انہوں نے کہا کہ پاناما کیس نے عالمی توجہ حاصل کر لی ہے ساری دنیا کا میڈیا ہماری جانب نگاہ کیے ہوئے ہیں جس سے اس کیس کی اہمیت کا اندازہ لگایا جا سکتا ہے۔

    امیرِ جماعت اسلامی کا کہنا تھا کہ ملک میں قانون سب کے لیے یکساں ہونا چاہیے اورکرپشن کا خاتمہ کیے گئے بغیر ملک میں کھوئے ہوئے وقار کی بحالی نا ممکن ہے۔

    انہوں نے کہا کہ جماعت اسلامی پورے پاکستان میں وہ واحد سیاسی جماعت ہے جس نے کرپشن سے پاک دیانتدار قیادت فراہم کی جس کی نظیر نہیں ملتی۔

    امیر جماعت اسلامی کا کہنا تھا کہ پوری قوم کی نگاہیں سپریم کورٹ پر لگی ہوئی ہیں اور ہمیں سپریم کورٹ سے انصاف کی پوری امید ہے۔

  • کرپشن کےالزامات کی تحقیقات :پولیس اسرائیلی وزیراعظم کےگھرپہنچ گئی

    کرپشن کےالزامات کی تحقیقات :پولیس اسرائیلی وزیراعظم کےگھرپہنچ گئی

    یروشلم : اسرائیلی وزیر اعظم بنیامن نیتن یاہو پر لگے کرپشن کے الزامات کی تفتیش کرنے کے لیے پولیس ان کے گھر پہنچ گئی۔

    تفصیلات کےمطابق اسرائیلی وزیراعظم نے ایک بار اپنے اوپر لگائے گئے بدعنوانی کے تمام ترالزامات کو مستردکرتے ہوئے کہاکہ مخالفین کو خوش ہونے کی ضرورت نہیں کیونکہ ایسا کچھ نہیں ہے جیسا وہ سوچ رہے ہیں۔’

    اسرائیلی وزارتِ انصاف کے مطابق ’وزیر اعظم سے کاروباری شخصیات سے فائدے حاصل کرنے کے حوالے سے پولیس سوالات کیے گئے۔‘

    اسرائیلی وزیراعظم سے یروشلم میں ان کی رہائش گاہ پر پولیس کے3افسران نے تین گھنٹے تک تفتیش کی۔

    خیال رہے کہ اسرائیلی وزیراعظم پر کاروباری شخصیات سےبڑے پیمانے پر تحائف وصول کرنے کے الزامات ہیں۔

    مزید پڑھیں:اسرائیلی وزیر اعظم نیتن یاہو کے خلاف تحقیقات کا حکم

    یاد رہےکہ نیتن یاہو کے حوالے سے حالیہ مہینوں میں سامنے آنے والے سکینڈلز پر ان کے مخالفین نے تحقیقات کا مطالبہ کیا تھا تاہم ان میں سے ایک پر بھی مقدمہ نہ چل سکا۔

    واضح رہےکہ اسرائیلی وزیراعظم پر1لاکھ 27 ہزار ڈالرزبرطانیہ کے ایک دورے کے دوران حسب ضرورت ذاتی بیڈ روم پرخرچ کرنے کا الزام ہے۔

  • پلی بارگین ایک فراڈ ہے،وزیراعلیٰ شہباز شریف

    پلی بارگین ایک فراڈ ہے،وزیراعلیٰ شہباز شریف

    لاہور: وزیراعلیٰ پنجاب شہبازشریف نےپلی بارگین کرنے والوں کےحوالے سےکہا کہ پلی بارگین ایک فراڈ ہے۔

    تفصیلات کےمطابق پلی بارگین پر تحریک انصاف کےسربراہ عمران خان اوروفاقی وزیرداخلہ چوہدری نثارعلی خان کے بعد وزیراعلیٰ پنجاب شریف نےبھی پلی بارگین کرنےوالوں کوشدید تنقید کا نشانہ بنایا ہے۔

    وزیراعلیٰ پنجاب شہبازشریف نےپلی بارگین کرنے والوں کو آڑھےہاتھوں لیتےہوئےکہاکہ اربوں روپےکھاکرچند کوڑیوں کو واپس کردو۔

    خیال رہے کہ اس سے قبل وفاقی وزیرداخلہ چوہدری نثارعلی خان نے بھی عمران خان کے پلی بارگین سےمتعلق موقف کی حمایت کی تھی۔

    مزید پڑھیں:نیب کرپشن کوفروغ دے رہا ہے،عمران خان

    تحریک انصاف کے چیئرمین عمران خان نےگزشتہ ہفتےکہاتھاکہ نیب کرپشن کوفروغ دے رہا ہے،نیب یہی سکھا رہاہےکہ جرم کرو اورپیسہ دے دو۔

    مزید پڑھیں:مشتاق رئیسانی سے پلی بارگین کرکے 65کروڑ32لاکھ روپے واپس لےلیے، ڈی جی آپریشنز نیب

    واضح رہے کہ چندروز قبل کوئٹہ میگا کرپشن کیس میں نیب نے سیکرٹری وزیرخزانہ مشتاق رئیسانی اور ان کے فرنٹ مین سہیل مجید کو پلی بارگین کی آفردی تھی۔

  • اسلام آباد:ماضی میں اربوں روپےکی منی لانڈرنگ ہوئی،چوہدری نثار

    اسلام آباد:ماضی میں اربوں روپےکی منی لانڈرنگ ہوئی،چوہدری نثار

    اسلام آباد:وفاقی وزیرداخلہ چوہدری نثار علی خان کا کہناہے کہ آصف زرداری نے آج تک کبھی کرپشن کے خلاف بات تک نہیں کی۔

    تفصیلات کےمطابق اسلام آباد میں پاسنگ آؤٹ پریڈ تقریب سے خطاب کےبعد میڈیا سےگفتگو میں چوہدری نثار کا کہنا تھا کہ ہم نےدہشت گردی کےخلاف عملی اقدامات کیے ہیں۔

    وفاقی وزیر داخلہ کا کہناتھا کہ کرپشن کے اہم کردار آج کرپشن کے خلاف مہم چلائیں گے۔انہوں نے کہا کہ بچے کی اوٹ پٹانگ باتوں کا جواب نہیں دے سکتا۔

    ایبٹ آباد کمیشن رپورٹ سے متعلق چوہدری نثارعلی خان کا کہناتھاکہ میں کابینہ سے مطالبہ کروں گا کہ کمیشن کی رپورٹ سامنے لائی جائے۔

    مزید پڑھیں:دہشتگردی کےخلاف جنگ کاپہلادستہ اسلام آبادپولیس کا ہے،چوہدری نثار

    وزیرداخلہ کا کہناتھاکہ کرپشن کی بات کرنے والے بلاول سرے اوردبئی کے محل بھول گئے،جس شخص کی والدہ کانام پاناما میں ہےوہ دوسروں پربات کرتاہے۔

    واضح رہے کہ چوہدری نثار علی خان کاکہناتھا کہ پیپلز پارٹی کا کرپشن مخالف مہم چلانا ایسے ہےجیسے بھارت میں بی جے پی مسلمانوں کےحقوق کے لیے مہم چلائے۔