Tag: کرپشن

اسلام آباد: چئیرمین نیب قمر زمان چوہدری کا کہنا ہے کہ گزشتہ تین سالوں کے دوران ملک میں بدعنوانی کی شرح میں واضح کمی آئی ہے۔

تفصیلات کےمطابق اسلام آباد میں انسداد بدعنوانی کے عالمی دن کے موقع پرایوان صدر میں سیمینار منعقد کیاگیا جس میں چیئرمین نیب قمر زمان چوہدری نے تقریب سے خطاب کرتے ہوئے کہا کہ بدعنوانی اداروں کو کمزور کرتی ہے جس کے باعث ملک کی اقتصادی ترقی متاثر ہوتی ہے۔

قومی احتساب بیورو کے سربراہ قمرزمان چوہدری کا کہناتھا کہ گزشتہ تین سالوں میں بدعنوانی کی روک تھام میں واضح پیش رفت ہوئی ہے تاہم انہوں نے کہا کہ بدعنوانی کے خلاف ہماری جنگ جاری ہے۔

مزید پڑھیں:دہشت گردی اورکرپشن کا آپس میں گٹھ جوڑہے،چیئرمین نیب

یاد رہے کہ دوروز قبل چیئرمین نیب قمرزمان چوہدری کا کہناتھاکہ کرپشن اور دہشت گردی میں گٹھ جوڑ ہے،کرپشن کا پیسہ دہشت گردی میں استعمال ہوتا ہے۔

واضح رہے کہ چیئرمین نیب قمرزمان چوہدری کا کہناتھا کہ فوج دہشت گردی کے خلاف لڑ رہی ہے اور ہم کرپشن کے خلاف جنگ جاری رکھیں گے۔

اسلام آباد پاکستان تحریک انصاف کےسربراہ عمران خان کا کہنا ہے کہ وزیراعظم نوازشریف کرپشن چھپانے کے لیے سارے ادارے تباہ کررہے ہیں.

تفصیلات کےمطابق اسلام آباد میں تحریک انصاف کے چیئرمین عمران خان کا بنی گالہ پر میڈیا سے گفتگو کرتے ہوئے کہنا تھا کہ پارلیمنٹ میں بڑے بڑے ڈاکو بیٹھے ہوئے ہیں کوئی بھی طاقتور شخص جیل میں نہیں ہے.

عمران خان کا کہنا تھا کہ وزیراعظم نوازشریف نے سچ چھپانے کےلیے پارلمینٹ میں آکرجھوٹ بولا،آرٹیکل 90 کے مطابق وزیراعظم پارلیمنٹ کو جوابدہ ہیں.

تحریک انصاف کے سربراہ کا کہنا تھا کہ وزیراعظم کرپشن چھپانے کےلیے سارے ادارے تباہ کررہے ہیں.انہوں نے مزید کہا کہ 3ستمبر کو لاہور میں عوام کی طاقت نظر آئے گی.

*پی ٹی آئی نے سپریم کورٹ میں وزیراعظم کے خلاف پٹیشن دائرکردی

اس سے قبل آج تحریک انصاف کی جانب سے پانامالیکس پر سپریم کورٹ میں پٹیشن دائرکی گئی.جس میں وزیراعظم نوازشریف اور فیملی ممبران کودرخواست میں فریق بنایا گیا ہے.

پی ٹی آئی کی جانب سے دائر درخواست میں موقف اختیار کیا گیا ہےکہ پاناما لیکس کا معاملہ پوری قوم کے لیے باعث تشویش ہے،معاملے کی تحقیقات کےلیے سپریم کورٹ کی مداخلت ضروری ہے.

واضح رہے کہ اس سے قبل پاکستان تحریک انصاف ، پیپلزپارٹی اور پاکستان عوامی تحریک وزیر اعظم کےخلاف ریفرنس دائر کر چکی ہے. ریفرنس میں کہا گیا ہے کہ وزیراعظم آرٹیکل62 اور63 پر پورا نہیں اترتے اس لیے انہیں نا اہل قرار دیا جائے.

اسلام آباد: قومی احتساب بیورو کے چیئرمین قمر الزمان چوہدری نے کہا ہے کہ نیب بدعنوانی سے پاک پاکستان کےلیے قوم کی توقعات پر پورا اترنے کےلیے پرعزم ہے.

تفصیلات کے مطابق چیئرمین نیب نے کہا کہ نیب بنیادی طور پر شکایت پر کارروائی کرنے والا ادارہ ہے جسے بدعنوانی کے خاتمہ اور لوٹی ہوئی دولت کی واپسی کیلئے قائم کیا گیا.

انہوں نے کہا کہ نیب کے تفتیشی افسران کوڈ آف کنڈکٹ پر سختی سے عمل کرتے ہیں اور قانون کے مطابق شہادتوں کی بنیاد پر زیرو ٹالرنس پر عمل پیرا ہیں.

چیئرمین نیب کے مطابق نیب نے اپنے قیام سے لے کر اب تک 277.909 ارب روپے کی ریکوری کی ہے. نیب کو تین لاکھ 21 ہزار 318 شکایات موصول ہوئیں جنہیں قانون کے مطابق نمٹا دیا گیا.

قمر الزمان چوہدری نے کہا کہ 16 سال کے مختصر وقت میں نیب کی کارکردگی دنیا کی کسی بھی تفتیشی ایجنسی سے کہیں زیادہ بہتر ہے یہی وجہ ہے کہ ٹرانپرنسی انٹرنیشنل نے 2014ء میں پاکستان کو 175ویں سے 126 پر ریٹ کیا جبکہ 2015ء میں مزید کم ہوکر یہ 126سے 117پر آگیا.

انہوں نے کہاکہ انسداد بدعنوانی کی موثر حکمت عملی کی وجہ سے نیب کو پولیس اور ایف آئی اے کے مقابلے میں پلڈاٹ اور مشال پاکستان کے سروے میں 42 فیصد عوام کے اعتماد کا حامل ادارہ قرار دیا گیا ہے.

واضح رہےکہ چیئرمین نیب کا کہنا تھا کہ نوجوان پاکستان کا مستقبل ہیں اور نیب نے نوجوانوں کو بدعنوانی کی مضر اثرات سے متعلق اگاہی کےلیے نوجوانوں کی شمولیت کو خصوصی توجہ مرکوز کی ہے.