Tag: کرپشن

اسلام آباد: چوہدری نثارعلی خان نے ترانوے میگا کرپشن کیسز کے ملزمان کو گرفتارکرنے کا حکم دیدیا ہے۔ اس کے علاوہ بیرون ملک فرارہونے والے ملزموں کے ریڈ وارنٹ جاری کرنے اور ضمانتوں پررہا افراد کی ضمانتیں منسوخ کرانےکی بھی ہدایت دی ہے۔

چودھری نثارعلی خان کی سربراہی میں ہونیوالے اجلاس میں ایف آئی اے کی دس ماہ کی کارکردگی رپورٹ پیش کی گئی۔ اجلاس سے خطاب کرتے ہوئے وزیرداخلہ کا کہنا تھا کہ ایف آئی اے کی جانب سے عدالتوں میں مقدمات کی پیروی کیلئے لیگل ٹیم کی استعداد کار بڑھائی جائے۔

ایف آئی اے کی رپورٹ کے مطابق ترانوے میگا کیسز پر تحقیقات چل رہی ہیں۔ تہتر مقدمات زیرسماعت ہیں، بائیس ملزمان گرفتار ہیں، بیس افراد کیخلاف تحقیقات جاری ہیں، دو سو چالیس ملزمان ضمانتوں پر ہیں، ان میگا کیسز میں کل تین سو اکیاون ملزمان ہیں۔

لندن : وزیرداخلہ چوہدری نثار نے ٹین ڈاوننگ اسٹریٹ میں برطانوی نیشنل سیکیورٹی ایڈوائزر کم ڈراچ سےملاقات کی ۔

وزیرداخلہ چوہدری نثارعلی خان اور برطانوی نیشنل سیکیورٹی ایڈوائزر کی ملاقات میں پاک برطانیہ تعلقات،دوطرفہ تعاون اورخطے کی صورتحال پرتبادلہ خیال کیا گیا۔

 چوہدری نثار کا کہنا تھا آپریشن ضرب عضب اور نیشنل ایکشن پلان پر عملدرآمد سے پاکستان میں سیکیورٹی صورتحال میں بہتری آئی ہے۔پاکستان امن کے لیے ہر قدم اٹھانے کےلیے تیار ہے۔

کم ڈراچ نے پاکستانی عوام کو دہشتگردی کے خلاف جاری جنگ میں بےپناہ قربانیاں پیش کرنے پر خراج تحسین پیش کیا۔

لندن: وفاقی وزیرداخلہ چوہدری نثار نے برطانوی ہم منصب سے ملاقات کی ، دونوں رہنماؤں نے الطاف حسین کی تقاریر ، عمران فاروق قتل کیس سمیت دیگر امور پر تبادلہ خیال کیا۔

وفاقی وزیرداخلہ چوہدری نثار علی خان لندن میں اپنے برطانوی ہم منصب سے اہم ملاقات کی،ملاقات میں پاک برطانیہ تعلقات اور سیکیورٹی کے شعبے میں دو طرفہ تعاون پر گفتگو کی گئی۔

 چوہدری نثار نے ایم کیو ایم کے قائد الطاف حسین کی تقاریر پر حکومت کے موقف سے آگاہ کیا، دنوں رہنماؤں کے درمیان ایم کیو ایم کے مقتول رہنما عمران فاروق کے کیس پر ہونے والی پیشرفت پر بھی تبادلہ خیال ہوا ۔

چوہدری نثار اور برطانوی وزیر داخلہ میں مفرور ملزمان کو انصاف کے کٹہرے میں لانے اور پاک برطانیہ کے درمیان سزا یافتہ قیدیوں کے تبادے کے معاہدے پر بھی بات چیت ہوئی ۔

اسلام آباد: وزیر داخلہ چوہدری نثار علی خان کا کہنا ہے کہ پاکستان سے تمام دہشتگرد نیٹ ورکس کو ختم کردیا، کوئی کچھ بھی کہے سول ملٹری تعلقات مثالی ہیں ۔

اسلام آباد میں کابینہ اجلاس کے بعد پریس بریفنگ میں چوہدری نثار علی خان کا کہنا تھا کہ پاکستان کی زمین سے کوئی دہشتگرد نیٹ ورک آپریٹ نہیں کررہا، وزیر داخلہ نے کہ ماضی کے دو فوجی آپریشنز میں حکومتی نااہلی کے باعث دہشتگردی میں اضافہ ہوا۔

 وزیر داخلہ نے بتایا کہ سالوں بعد بلوچستان میں بات چیت شروع کردی گئی ہے،چوہدری نثار کا کہنا تھا کہ مدارس محب وطن ہیں،کسی کو کافر یا واجب القتل کہنے کی اجازت نہیں دیں گے۔

چوہدری نثار نے کہا کہ کہ کراچی میں جرائم اور دہشتگردی پر ستر فیصد قابو پالیا، وزیر داخلہ کا کہنا تھا کہ کچھ معاملات ایسے ہیں جن کو عوامی سطح پر شیئر نہیں کرسکتے۔

چوہدری علی خان کا کہنا تھا میں نےآرمی چیف سے کہا کہ شہروں کی سیکیورٹی کے لیے فوج دیں، تعداد نہیں بتاؤں گا لیکن آج چاروں صوبوں میں فوج موجود ہے اور چاروں صوبوں میں کاؤنٹرٹیررازم فورس ایک ایک ہزار کی تعداد میں بھی موجود ہے، چاروں صوبوں میں پاک فوج تھرڈ لائن آف ڈیفنس ہے،اس وقت 9 ملٹری کورٹس فنکشنل ہیں،دہشت گردی کے تمام نیٹ ورکس توڑ دیے ہیں۔

چوہدری نثار نے کہا ہے کہ دہشتگردی کے خلاف نیشنل ایکشن پلان پر عملدر آمد سے کامیابیاں حاصل ہوئی ہیں۔ نو ماہ میں ایک ہزار دہشتگرد مار گرائے جبکہ کراچی میں ستر فیصد امن قائم ہوا۔