Tag: کرپٹ عناصر

پشاور: محکمہ اینٹی کرپشن خیبر پختون خوا نے بد عنوانی کے خلاف کارروائیاں کرتے ہوئے 5 ماہ میں کرپٹ عناصر سے 5 کروڑ وصول کر لیے۔

تفصیلات کے مطابق خیبر پختون خوا میں اینٹی کرپشن کا محکمہ گزشتہ پانچ ماہ کے دوران متحرک رہا، جنوری سے اب تک 15 ایف آئی آر درج جب کہ 36 ملزمان گرفتار کیے گئے۔

کرپٹ عناصر سے 5 ماہ میں 5 کروڑ روپے وصول کیے گئے، اس عرصے میں 3 افراد پر جرم ثابت ہوا جنھیں سزائیں سنائی گئیں۔

محکمہ اینٹی کرپشن کا کہنا ہے کہ گزشتہ پانچ ماہ کے دوران 27 کیس، 356 انکوائریاں اور 1052 شکایات نمٹائی گئیں، جب کہ 98 کیسز، 1634 انکوائریاں اور 1879 شکایات زیر تفتیش ہیں۔

اینٹی کرپشن حکام نے بتایا کہ سب سے زیادہ شکایات 504 محکمہ مال کے خلاف ہیں، دوسرے نمبر پر 311 شکایات محکمہ آب پاشی، 159 شکایات سی اینڈ بلیو کے خلاف ہیں۔

یہ بھی پڑھیں:  کرپشن اور ترقی کا سفر ایک ساتھ نہیں چل سکتا: وزیر اعظم

حکام نے مزید بتایا کہ احتساب کمیشن کے خاتمے کے بعد 547 شکایات اینٹی کرپشن کے حوالے کیے گئے، 146 شکایات پر کارروائی مکمل کی گئی جب کہ 401 پر کارروائی جاری ہے۔

واضح رہے کہ وزیر اعظم عمران خان کا کہنا ہے کہ کرپشن اور ترقی کا سفر ایک ساتھ نہیں چل سکتا، قومی اداروں کی تنظیم نو کا عمل ڈی ریل نہیں ہوگا، پاکستان تیزی سے معاشی استحکام کی طرف بڑھ رہا ہے، قوم کرپشن اور غربت سے نجات چاہتی ہے، مایوس نہیں کریں گے۔

اسلام آباد: وفاقی وزیراطلاعات ونشریات فواد چوہدری نے کہا کہ نیب کرپشن کے مقدمات میں ملوث افراد کے خلاف کارروائی کررہا ہے۔

تفصیلات کے مطابق وفاقی وزیرفواد چوہدری کا کہنا ہے کہ نیب بدعنوان عناصر کے خلاف آزادانہ طور پر کام کر رہا ہے۔

فواد چوہدری نے کہا کہ حکومت کو نیب کو کرپشن کے مقدمات میں ملوث افراد کی گرفتاری سے نہیں روکنا چاہیے۔

وفاقی وزیراطلاعات ونشریات نے کہا کہ مسلم لیگ ن کو احتجاجی مظاہروں کی بجائے آئینی راستہ اختیار کرنا چاہیے۔

فواد چوہدری نے کہا کہ اگر 90 افراد نے ریکوزیشن پردستخط کیے ہیں تو قومی اسمبلی کا اجلاس بلایا جا سکتا ہے۔

حکومت کرپشن ناقابل برداشت کی پالیسی پرعمل پیرا ہے‘ فواد چوہدری

یاد رہے کہ تین روز قبل وفاقی وزیر کا کہنا تھا کہ کرپشن سے متعلق حکومت کی پالیسی زیرو ٹالرنس کی پالیسی ہے۔

بڑے کرپٹ لوگوں کو گردنوں سے پکڑیں گے‘ فواد چوہدری

واضح رہے کہ گزشتہ ماہ وفاقی وزیراطلاعات ونشریات فواد چوہدری کا کہنا تھا کہ جن لوگوں نے پاکستان لوٹا ان کی جائیدادیں نیلام ہونی چاہئیں، بڑے کرپٹ لوگوں کو گردنوں سے پکڑیں گے۔