Tag: کرک

کرک : سی ٹی ڈی اور پولیس کے انٹیلی جنس بیسڈ آپریشن میں 5 دہشت گرد ہلاک ہوگئے، مارے جانے والے دہشت گردوں میں ٹی ٹی پی کا اہم کمانڈر بھی بتایا جا رہا ہے۔

تفصیلات کے مطابق کرک کے علاقے میر کلام کے پہاڑی سلسلے میں پولیس اور کاؤنٹر ٹیررازم ڈیپارٹمنٹ (سی ٹی ڈی) نے مشترکہ کاروائی کی ہے جسکے نتیجے میں 5 دہشت گرد ہلاک ہوئے ہیں جبکہ پولیس اور سی ٹی ڈی کا کوئی جانی نقصان نہیں ہوا

تفصیلات کے مطابق کرک کے تحصیل بانڈہ داود شاہ کے علاقے میرکلام میں پولیس اور سی ٹی ڈی نے مشترکہ طور پر پہاڑی سلسلے میں انٹیلی جنس بیسڈ آپریشن کیا۔

جس میں دونوں جانب سے شدید فائرنگ کا تبادلہ ہوا اور فائرنگ کے تبادلے میں 5 دہشت گرد مارے گئے، جن کی موقع پر شناخت نہ ہوسکی۔

پولیس اور سی ٹی ڈی نے لاشوں کو ڈی ایچ کیو ہسپتال منتقل کر دیا ہے تاہم مارے جانے والے دہشت گردوں میں ٹی ٹی پی کا اہم کمانڈر بھی بتایا جا رہا ہے لیکن ابھی تک اس کی تصدیق یا تردید نہ ہو سکی۔

دوسری جانب سخت مقابلے کے بعد علاقے میں شدید خوف ہراس پھیل گیا پولیس زرائع کے مطابق سرچ آپریشن اب بھی جاری ہے جس میں پولیس کی بھاری نفری حصہ لے رہی ہے۔

کرک : بہادر خیل میں پولیس چوکی پر دہشت گردوں کے حملے میں 3 پولیس اہلکار شہید اور5 زخمی ہوگئے۔

تفصیلات کے مطابق خیبر پختوںخواہ کے ضلع کرک کے علاقہ بہادر خیل میں پولیس چوکی پر رات گئے دہشت گردوں نے بھاری ہتھیاروں سے حملہ کردیا۔

شرپسندوں کی جانب سے فائرنگ کے نتیجے میں تین پولیس اہلکار شہید اور پانچ زخمی ہوگئے۔

پولیس حکام نے بتایا کہ بہادر خیل شہید اہلکاروں میں عدنان اور نقیب اللہ شامل ہیں، شہید ایلیٹ فورس کے کمانڈوز کا تعلق مانسہرہ سے ہے۔

حکام کا کہنا تھا کہ زخمیوں میں صدام، تیمور، الیاس، جنید اور سعید شامل ہیں تاہم زخمی اہلکاروں کو ڈی ایچ کیو اور پشاور ریفر کردیا گیا، ایلیٹ فورس کی پلاٹون کرک میں تعینات تھی۔

آئی جی کے پی نے کرک میں حملے کی مذمت کرتے ہوئے کہا کہ دہشت گردوں کو کیفر کردار تک پہنچائیں گے، امن کے قیام کیلئےخیبرپختونخواپولیس قربانی کیلئےتیارہی اور شہدا کے لواحقین کے دکھ میں شریک ہیں۔

یاد رہے گذشتہ ہفتے بلوچستان کے ضلع قلعہ عبداللہ کے علاقے میں سیکیورٹی فورسز نے خوارجیوں کا چیک پوسٹ پر حملہ ناکام بنا دیا تھا۔

ترجمان کا بتانا تھا کہ خوارجیوں نے دھماکا خیز مواد سے بھری گاڑی چیک پوسٹ کی دیوار سے ٹکرائی، سیکیورٹی فورسز کی کارروائی میں دو خودکش بمباروں سمیت 5 خوارج مارے گئے تھے۔

کرک : امبیری کلہ میں تیز رفتار ٹرالر نے کئی گاڑیوں کو روند ڈالا، حادثے میں بارہ افراد جاں بحق اور 25 افراد زخمی ہوگئے تاہم اسپتالوں میں ایمرجنسی نافذ کردی گئی ہے۔

تفصیلات کے مطابق خیبر پختونخواہ کے ضلع کرک میں افسوسناک حادثہ پیش آیا، جہاں تیز رفتار ٹرالر بریک فیل ہونے کے باعث گاڑیوں پر چڑھ دوڑا، جس کے نتیجے میں 12 افراد جاں بحق اور 25 افراد زخمی ہوگئے۔

ریسکیوترجمان کا کہنا ہے کہ ٹرالر پر رکھا کنٹینر مسافر کوچ پر گرا، کئی گاڑیاں زد میں آئیں، جس کے بعد ضلع بھر کے اسپتالوں میں ایمرجنسی نافذ کردی گئی۔

وزیراعلیٰ خیبرپختونخوا علی امین گنڈاپور نے کرک میں حادثے پر افسوس کا اظہار کرتے ہوئے حادثے میں جاں بحق مسافروں کے لواحقین سے تعزیت کا اظہار کیا اور حادثے کے زخمی مسافروں کو طبی سہولیات فراہم کرنے کی ہدایت کردی۔

گورنر کے پی فیصل کریم کنڈی نے بھی ٹریفک حادثے کی تفصیلات طلب کرلیں اور محکمہ صحت کے حکام کو زخمیوں کو ہر ممکن امداد کی فراہمی کی ہدایات جاری کردیں۔

فیصل کریم کنڈی نے ہلال احمر کی ٹیموں کو امدادی سرگرمیوں کی ہدایات جاری کرتے ہوئے پی پی کارکنوں کوامدادی سرگرمیوں میں حصہ لینے اور خون کے عطیات دینے کی بھی ہدایت کی۔

پشاور : کرک اور بنوں میں پولیو ٹیم پر حملہ ہوا، جس کے نتیجے میں ایک پولیس اہلکار شہید جبکہ ایک پولیو ورکر اور اہلکار زخمی ہوگیا۔

تفصیلات کے مطابق کرک، بنوں اور لکی مروت میں انسداد پولیو ٹیم پر حملہ کیا گیا، پولیس کا کہنا ہے کرک میں بانڈہ داؤد شاہ کے مقام پر نامعلوم افراد نے پولیو ٹیم پر حملہ کیا۔

حملے میں فائرنگ سے ایک پولیس اہلکار شہید اور پولیو ورکر زخمی ہوا اور حملہ آور فرار ہوگئے، پولیس کی اضافی نفری طلب کرلی گئی۔

بنوں میں تھانہ صدر کی حدود میں پولیو اہلکار پر فائرنگ کی گئی، جس سے اہلکار حیات اللہ خان زخمی ہوگیا۔

حیات اللہ کے خاندان کی پرانی دشمنی ہے تاہم مسلح حملہ آور جائے وقوع سے فرار ہوگئے۔

لکی مروت میں تھانہ ڈڈیوالہ کی حدود میں دہشت گردوں نے حملہ کرکے انسداد پولیو ٹیم سے سامان چھین لیا، پولیس کا کہنا ہے سامان چھیننے کے بعد دہشت گردوں نے انسداد پولیو ٹیم کو چھوڑ دیا، انسداد پولیو ٹیم ڈیوٹی کے بعد مقامی اسپتال واپس جا رہی تھی۔

گورنر خیبرپختونخوا نے کرک پولیو ٹیم پر حملے کی اعلی حکام سے رپورٹ طلب کرتے ہوئے کہا کہ ٹیم پر حملہ انتہائی افسوسناک ہے اور حملہ میں پولیس اہلکار کی شہادت پر دلی افسوس ہوا۔

فیصل کریم کا کہنا تھا کہ زخمی پولیو ورکر کو ہر ممکن علاج کی فراہمی یقینی بنائی جائے، پولیو ورکرز پر حملہ پاکستان اور انسانیت دشمن قوتوں کی سازش ہے۔

چئرمین پی پی بلاول بھٹو نے بنوں،کرک میں پولیوٹیموں پر حملوں کی مذمت کرتے ہوئے گورنر کے پی سے رپورٹ طلب کرلی۔

پیپلز پارٹی چیئرمین نے کہا کہ پولیو ورکرزاور ٹیم کی سکیورٹی پرمامور پولیس اہلکارکی شہادت پراظہارافسوس کرتے ہوئے کہا کہ انسداد پولیومہم کی کامیابی کیلئےپولیوورکرزکاتحفظ انتہائی ضروری ہے، خیبرپختونخواحکومت پولیوورکرز کے تحفظ اورمہم کی کامیابی کو یقینی بنائے۔