کرکٹ آسٹریلیا نے انٹرنیشنل کرکٹ کونسل (آئی سی سی) ورلڈ ٹیسٹ چیمپئن شپ کے فائنل کے لیے اسکواڈ کا اعلان کر دیا۔
ورلڈ ٹیسٹ چیمپئن شپ کا فائنل 11 سے 15 جون تک لارڈز میں کھیلا جائے گا جبکہ فائنل میں آسٹریلیا اور جنوبی افریقہ کی ٹیمیں آمنے سامنے ہوں گی۔
پیٹ کمنز آسٹریلوی ٹیم کی قیادت کریں گے، اسٹیو اسمتھ اور جوش ہیزل ووڈ بھی اسکواڈ میں شامل ہیں۔
ٹریوس ہیڈ، جوش انگلس، الیکس کیری، کیمرون گرین، عثمان خواجہ، سیم کونسٹاس، میٹ کوہنیمن اور مارنوس لبوشین بھی اسکواڈ میں شامل ہیں۔اس کے علاوہ نیتھن لیون، اسکاٹ بولینڈ، مچل اسٹارک اور بیو ویبسٹر بھی اسکواڈ کا حصہ ہیں۔
کرکٹ آسٹریلیا کے مطابق دورہ ویسٹ انڈیز کیلیے بھی یہی 15 رکنی اسکواڈ برقرار رہے گا، دونوں ٹیموں کے درمیان 3 ٹیسٹ میچز کی سیریز کا پہلا ٹیسٹ 25 جون سے برج ٹاؤن میں کھیلا جائے گا۔
دوسری جانب پی ایس ایل 10 کے بقیہ میچز کے لیے مجوزہ شیڈول تیار کرلیا گیا ہے۔
اے آر وائی نیوز کے مطابق پی ایس ایل 10 کے باقی 8 میچز 17 سے 25 مئی تک کروانے کی توقع ہے، مجوزہ شیڈول کے تحت میچز راولپنڈی اور لاہور میں کھیلے جائیں گے۔
بنگلادیش نے کس فاسٹ بولر کو بولنگ کوچ مقرر کیا؟
یاد رہے کہ پی ایس ایل 10 کے پلے آف مرحلے کی دوڑ سے ملتان سلطانز کی ٹیم باہر ہوچکی ہے، کراچی کنگز، پشاور زلمی، اسلام آباد یونائیٹڈ، اور لاہور قلندرز کی ٹیموں کے پلے آف میں پہنچنے کا فیصلہ بقیہ میچز کے دوران ہوگا۔
کوئٹہ گلیڈی ایٹرز کی ٹیم پہلے ہی پلے آف مرحلے کے لیے کوالیفائی کرچکی ہے۔
