Tag: کرکٹ ٹورنامنٹ

دبئی: سہ ملکی سیریز کھیلنے کے لیے آئندہ برس جنوری میں نیوزی لینڈ اور جنوبی افریقہ کی ٹیمیں پاکستان آئیں گی۔

چئیرمین پی سی بی محسن نقوی کی دئبی میں جنوبی افریقہ اور نیوزی لینڈ کے کرکٹ بورڈ کے چیرمین سے ملاقات کی، ملاقات میں پاکستان میں فروری میں تین ملکی کرکٹ ٹورنامنٹ کو حتمی شکل دی گئی۔

 ٹرائی سیریز کرکٹ ٹورنامنٹ کھیلنے جنوبی افریقہ اور نیوزی لینڈ کی کرکٹ ٹیمز جنوری 2024 کے آخر میں پاکستان آئیں گی جبکہ فروری میں یہ سیریز کھیلی جائے گی۔

چئیرمین پی سی بی محسن نقوی نے جنوبی افریقہ اور نیوزی لینڈ کرکٹ بورڈز کے چیئرمینز کو بھی پاکستان کے دورے کی دعوت دی۔

 پی سی بی کی کاوشوں سے چیمپئنز ٹرافی بھی آئی سی سی کے ایجنڈے میں شامل ہے، اس موقعے پر پی سی بی چیئرمین محسن نقوی نے کہا کہ ٹرائی سیریز کرکٹ ٹورنامنٹ پاکستان میں کئی برس بعد ہوگی۔

چیئرمین پاکستان کرکٹ بورڈ محسن نقوی نے مزید کہا کہ ٹرائی سیریز کھیلنے پر جنوبی افریقہ، نیوزی لینڈ بورڈ کا شکریہ ادا کرتے ہیں۔

باجوڑ میں تین روزہ بین الاضلاعی سپیشل پرسنزامن وہیل چیئر کرکٹ کپ ٹورنامنٹ کا انعقاد ہوا جس میں خصوصی کرکٹرز کی ٹیموں نے شرکت کی۔

اے آر وائی نیوز کے مطابق تین روزہ بین الاضلاعی اسپیشل پرسنز امن وہیل چیئر کرکٹ کپ ٹورنامنٹ کا فائنل میچ اور اختتامی تقریب باجوڑ اسپورٹس کمپلیکس میں منعقد ہوئی۔

اختتامی تقریب میں ضلعی انتظامیہ اور سیکیورٹی فورسز کے اعلی حکام، خصوصی افراد، آفیشلز اور اسپورٹس ایسوسی ایشن کے عہدیداران اور بڑی تعداد میں علاقہ کے نوجوانوں نے شرکت کی۔

تین روزہ ٹورنامنٹ میں دیر، باجوڑ، مردان، بنوں، سوات اور تخت بھائی کی خصوصی پرسنز کی ٹیموں نے حصہ لیا، ٹیموں کے مابین وہیل چیئر ریس اور ہینڈ ریسلنگ کے مقابلے بھی منعقد ہوئے۔

مہمان خصوصی نے اعلی کارکردگی دکھانے والے کھلاڑیوں اور رنراپ اور فاتح ٹیموں میں ٹرافیاں اور نقد انعامات تقسیم کیے، خصوصی افراد کیلئے میوزیکل نائٹ کا بھی اہتمام کیا گیا، میوزیکل نائٹ میں علاقائی فنکاروں نے فن کا مظاہرہ کیا۔

خصوصی افراد نے ٹورنامنٹ کے انعقاد پر فرنٹیئر کور نارتھ کا شکریہ ادا کرتے ہوئے کہا کہ اس طرح کے ٹورنامنٹ مستقبل میں بھی منعقد کئے جائیں تاکہ خصوصی افراد کی حوصلہ افزائی کی جا سکے۔