ARYNews.tv | Urdu – Har Lamha Bakhabar

Tag: کرکٹ ٹیمیں

  • پاکستان و انگلینڈ کی ٹیمیں پی آئی اے کی خصوصی پرواز سے آج کراچی پہنچےگی

    پاکستان و انگلینڈ کی ٹیمیں پی آئی اے کی خصوصی پرواز سے آج کراچی پہنچےگی

     پاکستان اور انگلینڈ کی کرکٹ ٹیمیں آج پی آئی اے کی خصوصی پرواز سے ملتان سے کراچی پہنچے گی۔

    تفصیلات کے مطابق پی آئی اے کا خصوصی طیارہ دوپہر ایک بجے کراچی ایئرپورٹ پر لینڈ کرے گا، جس کے لیے کراچی میں سیکیورٹی کے سخت انتظامات کیے گئے ہیں۔

    ذرائع کے مطابق انگلینڈ اور پاکستان کرکٹ ٹیمیں اولڈ ٹرمینل سے سخت سیکیورٹی میں ہوٹل روانہ ہوگی۔

    واضح رہے کہ انگلینڈ نے 3 میچز پر مشتمل ٹیسٹ سیریز کے دوسرے میچ میں پاکستان کو شکست دےکر سیریز میں0-2 کی ناقابل شکست برتری حاصل کرلی ہے۔

    پہلا ٹیسٹ میچ پنڈی اسٹیڈیم میں ہوا، دوسرا ملتان جبکہ تیسرا میچ کراچی کی نیشنل اسٹیدیم میں شیڈول ہے۔

  • جلد آسٹریلیا، انگلینڈ، نیوزی لینڈ، جنوبی افریقا کی کرکٹ ٹیمیں بھی پاکستان آئیں گی: وسیم خان

    جلد آسٹریلیا، انگلینڈ، نیوزی لینڈ، جنوبی افریقا کی کرکٹ ٹیمیں بھی پاکستان آئیں گی: وسیم خان

    لاہور: چیف ایگزیکٹو پی سی بی وسیم خان نے امید ظاہر کی ہے کہ سری لنکا کے کامیاب دورے کے بعد آسٹریلیا، انگلینڈ، نیوزی لینڈ، جنوبی افریقہ کی ٹیمیں بھی پاکستان آئیں گی.

    ان خیالات کا اظہار انھوں نے پاکستان اور سری لنکا کے درمیان پہلے ٹی ٹوینٹی میچ کے بعد میڈیا سے گفتگو کرتے ہوئے کہا. انھوں نے کہا کہ تماشائیوں کا اسٹیڈیم آ نا خوش آئند ہے.

    وسیم خان نے کہا کہ شکر ہے کہ سری لنکا کی ٹیم پاکستان سیریز کھیلنے آئی ہے، پاکستان کے لئے ٹیسٹ کرکٹ بہت ضروری ہے.

     چیف ایگزیکٹو پی سی بی وسیم خان کا کہنا تھا کہ امید ہے کہ سری لنکن ٹیم دسمبرمیں ٹیسٹ سیریزکھیلنے پاکستان آئے گی.

    مزید پڑھیں: پہلا ٹی ٹوئنٹی، پاکستان کی بیٹنگ لائن بری طرح سے ناکام، سری لنکا نے میچ باآسانی جیت لیا

    انھوں نے سیکیورٹی کے معاملات سے متعلق کہا کہ ٹیموں کی حفاظت کےفول پروف انتظامات کئے ہیں.

    خیال رہے کہ آج انٹرنیشنل کرکٹ کونسل کے ڈپٹی چیئرمین عمران خواجہ نے احسان مانی کے ساتھ پریس کانفرنس کرتے ہوئے کہا  تھا کہ سری لنکا کے پاکستان آنے پر پی سی بی کو مبارک باد پیش کرتا ہوں۔

    انھوں نے کہا کہ پاکستان میں سیکیورٹی کے مسائل نہیں اور انتظامات پرفیکٹ ہیں۔

  • سنچورین ٹیسٹ : پاکستان اور جنوبی افریقہ کی کرکٹ ٹیمیں کل مد مقابل ہوں گی

    سنچورین ٹیسٹ : پاکستان اور جنوبی افریقہ کی کرکٹ ٹیمیں کل مد مقابل ہوں گی

    سنچورین : پاکستان اور جنوبی افریقہ کے درمیان پہلا ٹیسٹ باکسنگ ڈے یعنی26دسمبر سے سنچورین کے سپر اسپورٹس پارک میں کھیلا جائے گا، ایک بار پھر پاکستان کی بیٹنگ اور سرفراز احمد کی کپتانی کا امتحان ہے۔

    تفصیلات کے مطابق پاکستان اور جنوبی افریقہ کے درمیان سیزن کا پہلا سنچورین ٹیسٹ26دسمبر کو کھیلا جائے گا، پاکستان کا کڑا بلکہ سخت کڑا امتحان اب شروع ہونے جارہا ہے.۔

    دونوں ٹیموں کی بولنگ مضبوط اور بیٹنگ مشکوک ہے، ڈیل اسٹین جنوبی افریقی بولنگ کے سردار، ایک وکٹ لے کر422 پر پہنچیں گے۔ جو ملک کا نیا ریکارڈ ہوگا۔

    قومی ٹیم کے فاسٹ بالر محمد عامر ، شاہین شاہ آفریدی، حسن علی اور یاسر شاہ پاکستان کا اٹیک ہوگا، پچ ہری اور خطروں سے بھری ہوگی پر یہاں آخری تین ٹیسٹ پہلے بیٹنگ کرنے والی ٹیم نے جیتے ہیں۔

    تینوں بار جنوبی افریقہ نے فتح کا جھنڈا گاڑا جبکہ پاکستان جنوبی افریقہ سے دس میں سے صرف ایک سیریز جیتا۔ پاکستان نے اب تک بارہ میں سے صرف دو ٹیسٹ جیتے، سیریز کبھی نہیں جیتی۔

    پاکستان کو ٹاپ آرڈر سے اچھی کارکردگی کی امید ہے، اظہر علی اور اسد شفیق اہم کردار ادا کرسکتے ہیں اور جنوبی افریقہ کو ہاشم آملہ سے اچھے رنز مل سکتے ہیں تاہم اس ٹیسٹ میں جنوبی افریقہ فیورٹ ہے پر پاکستان بھی شائقین کرکٹ کو حیران کر سکتا ہے۔