لاہور: فاسٹ بولر سہیل خان بنگلادیش کیخلاف ون ڈے سیریز سے باہر ہوگئے،جنید خان کو متبادل کے طور پر اسکواڈ میں شامل کرلیا گیا۔
دورہ بنگلادیش سے قبل پاکستان کرکٹ ٹیم کو ایک اور دھچکا، فاسٹ بولر سہیل خان کمر کی تکلیف کے باعث بنگلادیش کیخلاف ون ڈے سیریز سے باہر ہوگئے۔
پریکٹس میچ میں فاسٹ بولر کمر کی تکلیف کا شکار ہوئے تھے اور میچ میں صرف چھ اوورز ہی کراسکے تھے۔
زرائع کے مطابق سہیل خان کے متبادل کے طور پر جنید خان کو ون ڈے اسکواڈ میں شامل کرلیا گیا ہے۔
لاہور: دورہ بنگلہ دیش کے لئے لاہور میں لگایا گیا قومی ٹیم کا تربیتی کیمپ ختم ہوگیا،ٹیم پیر کو ڈھاکہ روانہ ہوگی۔
دورہ بنگلہ دیش کی تیاریوں کے لئے منگل سے شروع ہونے والا قومی کرکٹرز کا مختصر تربیتی کیمپ آج ختم ہوگیا۔
کیمپ میں کھلاڑیوں نے مختلف سیشنز میں بھرپور پریکٹس کی جس میں بولنگ ، فیلڈنگ اور فزیکل فٹنس پر خاص توجہ دی گئی۔
کیمپ کے چوتھے روز دو ٹیمیں تشکیل دے کر پریکٹس میچ بھی کرایا گیا، کیمپ ختم ہونے کے بعد کھلاڑی اپنے اپنے گھروں کو روانہ ہوگئے ہیں۔
اسکواڈ پیر کی صبح ڈھاکہ روانہ ہوگا، پاکستان اور بنگلہ دیش کے درمیان ون ڈے سیریز کا آغاز سترہ اپریل کو ہوگا۔
واضح رہے کہ یہ دوہزار گیارہ کے بعد گرین شرٹس کا پہلا دورہ بنگلہ دیش ہوگا۔ سیریز تین ون ڈے، دو ٹیسٹ اور ایک ٹی ٹوئنٹی پر مشتمل ہے، دونوں ٹیموں کے درمیان پہلا ون ڈے سترہ اپریل کو میرپور کے شیر بنگلہ اسٹیڈیم میں کھیلا جائے گا۔ ٹیسٹ سیریز کا آغاز اٹھائیس اپریل سے ہوگا۔
اسلام آباد : سری لنکن صدر میتھری پالاسری سینا کا کہنا ہے کہ سری لنکن کرکٹ ٹیم جلد پاکستان کا دورہ کرےگی۔
تفصیلات کے مطابق صدر مملکت ممنون حسین سے ملاقات کے موقع پرسری لنکن صدر میتھری پالاسری سینا نے کہا کہ سری لنکن کرکٹ ٹیم جلد پاکستان کا دورہ کرےگی۔
صدر پاکستان ممنون حسین سے سری لنکن صدر میتھری پالاسری سینا نے اسلام آباد میں ملاقات کی، اس موقع پر صدرممنون حسین نے کہا کہ لاہورمیں سری لنکن ٹیم پرحملہ افسوسناک واقعہ تھا، ہماری کوشش ہوگی کہ آئندہ اس طرح کا کوئی واقعہ رونما نہ ہو ۔
سری لنکا کی کرکٹ ٹیم کے پاکستان کے دورے کا خیر مقدم کرتے، آئندہ اس قسم کا واقعہ نہیں ہونے دیا جائے گا۔
اس موقع پر سری لنکن صدر نے کہا کہ سری لنکن کرکٹ ٹیم جلد پاکستان کا دورہ کرےگی۔
واضح رہے کہ 2009 میں لاہور کے ایک مقامی ہوٹل سے قذافی اسٹیڈیم جاتے ہوئے سری لنکن ٹیم پر قاتلانہ حملہ کیا گیا تھا۔
سانحے میں آٹھ افراد جاں بحق ہوئے، جبکہ خوش قسمتی سے سری لنکن کرکٹ ٹیم محفوظ رہی، جس کے بعد سے اب تک سیکیورٹی خدشات کے باعث کسی بیرونی کرکٹ ٹیم نے پاکستان کا دورہ نہیں کیا۔
لاہور : دورہ بنگلہ دیش کے لئے پاکستان کرکٹ ٹیم کا تربیتی کیمپ کل سے لاہور میں لگے گا۔ باہمی سیریز کے شیڈول کا بھی باقاعدہ اعلان کردیا گیا ہے۔
دورہ بنگلہ دیش کے لئے کھلاڑیوں کی کل سے دوڑیں لگیں گی۔ قذافی اسٹیڈیم لاہور میں ہیڈ کوچ وقار یونس کی نگرانی کھلاڑی پریکٹس کریں گے۔
پلئیرز کی فٹنس کا بھی جائزہ لیا جائے گا۔ صبح اور شام کے سیشنز میں ٹریننگ ہوگی۔ جس کے لئے پانچ پچز پہلے ہی تیار کرلی گئی ہیں۔
کھلاڑی آج ٹیم مینجر نوید اکرم چیمہ کو رپورٹ کریں گے۔ باقاعدہ کیمپ منگل سے شروع ہوگا۔ ٹیم تیرہ اپریل کو دورہ بنگلہ دیش کیلئے روانہ ہوگی۔
یہ دوہزار گیارہ کے بعد گرین شرٹس کا پہلا دورہ بنگلہ دیش ہوگا۔ سیریز تین ون ڈے، دو ٹیسٹ اور ایک ٹی ٹوئنٹی پر مشتمل ہے۔دونوں ٹیموں کے درمیان پہلا ون ڈے سترہ اپریل کو میرپور کے شیر بنگلہ اسٹیڈیم میں کھیلا جائے گا۔ ٹیسٹ سیریز کا آغاز اٹھائیس اپریل سے ہوگا۔
لاہور : پاکستان کرکٹ ٹیم اپریل کی وسط میں بنگلہ دیش کا دورہ کرے گی۔ بنگلہ دیش بورڈ نے تصدیق کردی۔
تفصیلات کے مطابق قومی کرکٹ ٹیم رواں ماہ اپریل میں بنگلہ دیش کا دورہ کرے گی ،بنگلہ دیش کرکٹ بورڈ کے صدر نے دوررے کی تصدیق کرتے ہوئے کہا ہے کہ پی سی بی کو دوہزار بارہ میں ملتوی ہونے والی دو سیریز کا ہرجانہ بھی ادا کیا جائے گا۔
بنگلہ دیش کرکٹ بورڈ کے صدر نظم الحسن کا کہنا ہے کہ پی سی بی نے دورے کیلئے کچھ شرائط پیش کیں تھیں۔ بورڈ دوہزار بارہ میں دو مرتبہ دورہ پاکستان ملتوی ہونے پر پی سی بی کو ہونے والا مالی خسارہ ادا کرے گا،جو ایک لاکھ سے تین لاکھ ڈالرز تک بنتا ہے۔
نظم الحسن کا کہنا ہے کہ وہ اب اس معاملے کو ختم کرنا چاہتے ہیں۔ پی سی بی کے ساتھ اب اور کوئی شرائط نہیں ہیں۔ اب یہ سیریز پاکستان کی نہیں ہماری ہوم سیریز ہوگی۔ پی سی بی کے ساتھ دیگر معاملات جلد طے کرلئے جائیں گے۔
کراچی : پاکستان کرکٹ ٹیم ایک بار پھر اگر مگر کے گھن چکر میں چکرانے لگی۔ کوارٹرفائنل تک رسائی یقینی بنانے کے لئے گرین شرٹس کو آئرلینڈ کو ہر حال میں ہراناہوگا۔
پاکستان کرکٹ ٹیم اور اگر مگر کوئی نئی بات نہیں، بھارت اور ویسٹ انڈیز سے ہارنے کے بعد دعاؤں کے سلسلے نے زور پکڑا تو گورکھ دھندے کو دیکھتے ہوئے حساب کتاب کیلئے کیلکولیٹر بھی نکل آئے۔
شائقین اس چکر میں گھن چکر ہوگئے کہ پاکستان کیسے کوارٹرفائنل میں پہنچے گا؟ گروپ بی میں بھارت کوارٹرفائنل میں اپنی انٹری دے چکا ہے جبکہ بقیہ تین ٹیموں کا فیصلہ ہونا باقی ہے۔
شاہینوں کو اگر مگر کا چکر ہٹانا ہے تو آئرلینڈ کو ہرانا ہوگا۔ پاکستان کے گروپ میں چھ پوائنٹس ہیں۔ ایک اور جیت کوارٹرفائنل کا دورازہ کھول دے گی۔ ورنہ ہار واپسی کا پروانہ بھی تھماسکتی ہے۔
آئرلینڈ سے میچ ڈرا ہوا تو بھی پاکستان کوارٹرفائنل کھیلنے کی پوزیشن میں ہوگا۔ اب پاکستان کے لئے آئرلینڈ سے میچ پری کوارٹرفائنل ہوگا۔
قوم کو اب سارے کام چھوڑ کر دعا اور درود پر لگ جانا چاہئیے کیونکہ کہیں بھی اورکبھی بھی کسی بھی ٹیم کو ہرانے والے شاہین کہیں بھی اور کبھی بھی کسی بھی ٹیم سے ہار بھی جاتے ہیں۔
لاہور : پاکستان کرکٹ ٹیم میں ایک بار پھر گروپ بندی کی خبروں نے زور پکڑ لیا ہے۔ آخرگروپ بندی کی وجہ کیا ہے. پاکستان ٹیم کو وہی پرانی بیماری گروپ بندی کی کیوں لگ گئی ہے؟
ذرائع کے مطابق قیادت کی جنگ ایک بار پھر لڑائی کی وجہ بن رہی ہے۔ جس کی وجہ سے پاکستانی ٹیم ایک بار پھر سے گروپ بندی کا شکار ہے۔
گتھیاں الجھنے کے بجائے اب سلجھتی جارہی ہیں۔ چیف سلیکٹر معین خان ورلڈ کپ میں شاہد آفریدی کو کپتان بنانا چاہتے تھے لیکن بورڈ نے مصباح الحق پر اعتماد کیا۔
ذرائع کے مطابق چیف سلیکٹر معین خان، شاہد آفریدی، احمد شہزاد اور کچھ کھلاڑیوں کا گٹھ جوڑ ہے۔ تو ٹیم میں دیگر کھلاڑی مصباح الحق کو سپورٹ کررہے ہیں۔
ہیڈ کوچ وقار یونس مصباح الحق کو کپتان برقرار رکھنے کے حق میں رہے۔ آفریدی کو کپتان بنانے کی انہوں نے مخالفت کی۔ ٹیم میں گروپ بندی کا منفی اثرٹیم کی کارکردگی پرپڑرہا ہے۔
جو ابتدائی دومیچزمیں سب نے دیکھ بھی لیا۔ دال تھوڑی نہیں پوری ہی کالی ہے۔ پاکستان کرکٹ بورڈ کے چئیرمین شہریار خان کہہ چکے ہیں ورلڈ کپ سے واپسی پر ٹیم کا محاسبہ کیا جائے گا۔
لیکن سوال یہ ہے کہ ہمیشہ ورلڈ کپ سے قبل ہی ٹیم میں گروپ بندی کیوں ہوتی ہے؟
سڈنی: سکیورٹی ماہر نے کہا ھے کہ عالمی کپ دو ہزار پندرہ کو عالمی دہشت گردی کا خطرہ ہے اور نیوزی لینڈ اور انگلینڈ کی ٹیمیں خصوصی ٹارگٹ ہو سکتی ہیں۔
سکیورٹی ماہر ریگ ڈیکاسن کا کہنا ہے فرانس میں گستاخانہ خاکوں کی اشاعت کے بعد عالمی کپ میں دہشت گردی کا خطرہ بڑھ گیا ہے۔
ڈیکا سن کے مطابق انگلینڈ اور نیوزی لینڈ کی ٹیموں کو میگا ایونٹ کے دوران سیکورٹی کے حوالے سے بریفنگ دے دی گئی ہے اور غیر متعلقہ علاقوں کی فہرست بھی کھلاڑیوں کو جاری کردی گئی ہے تاکہ ناخوشگوار واقعے سے بچا جاسکے۔
ریگ ڈیکاسن نے بتایا کہ عالمی کپ کے دوران میں سخت حفاظتی اقدامات کئے جائیں گے۔
کراچی: پاکستان کرکٹ بورڈ نے ورلڈ کپ میں پاکستان کی نمائندگی کرنے والے کھلاڑیوں کے عالمی ایونٹ کے دوران سوشل میڈیا کے استعمال پر پابندی عائد کردی ہے۔
قومی ٹیم کے منیجر نوید اکرم چیمہ نے اس خبر کی تصدیق کرتے ہوئے کہا کہ سینٹرل کنٹریکٹ میں درج شرائط کے مطابق دورہ نیوزی لینڈ اور ورلڈ کپ کے دوران کھلاڑیوں کو سوشل میڈیا استعمال کرنے کی اجازت نہیں ہو گی۔
انہوں نے کہا کہ میرا ذاتی طور پر ماننا ہے کہ ان ویب سائٹس پر صرف وہ لوگ موجود ہوتے ہیں جن کے پاس بہت فارغ وقت ہو اور میرا نہیں خیال کہ ہمارے کھلاڑیوں کے پاس کرکٹ پر توجہ اور ورلڈ کپ کپ میں بہتری کارکردگی کے بجائے دیگر چیزوں کے لیے اتنا فارغ وقت ہو گا۔
نوید چیمہ نے کہا کہ جس کسی نے بھی اس قانون کی خلاف ورزی کی اس سے سختی سے نمٹا جائے گا۔
’ان کھلاڑیوں کو کرکٹ کے سب سے بڑے مقابلے میں ملک کی نمائندگی کے لیے منتخب کیا گیا ہے اور اپنی 100 فیصد کارکردگی دکھانے اور کھیل پر توجہ دینے کی ضرورت ہے، یہی وجہ ہے کہ یہ پابندی لگائی گئی ہے تاکہ ان کی دھیان نہ بٹے۔
قومی ٹیم کے منیجر نے مزید کہا کہ کھلاڑیوں کو ورلڈ کپ میں اپنے اہلخانہ کو ساتھ لے جانے کی اجازت نہیں ہو گی، کھلاڑیوں کو نیوزی لینڈ اہلخانہ لے جانے کی اجازت دی گئی ہے لیکن انہیں ورلڈ کپ میں فیملیز کو ساتھ رکھنے اجازت نہیں۔
دوسری جانب انگلینڈ کے ہاتھوں عبرتناک شکست کے بعد بھارتی کرکٹ بورڈ حرکت میں آگیا، بی سی سی آئی نے کھلاڑیوں کو ورلڈ کپ کے دوران بیگمات اور گرل فرینڈزکوساتھ لیجانے پرپابندی لگادی۔
بھارتی خبررساں ادارے کے مطابق ورلڈ کپ سے قبل ٹیم کی پرفارمنس نے بورڈ کو جھٹکا دیا تو بورڈ نے بھی کھلاڑیوں کے ہوش ٹھکانے لگادیئے، انگلینڈ سے مایوس کن شکست نے بھارتی کرکٹ بورڈ کے اوسان خطا کردیئے۔ کھلاڑیوں کی توجہ کھیل پر برقرار رہے بورڈ نے اس کا حل ڈھونڈ لیا
بی سی سی آئی نے فیصلہ کیا ہے کہ ورلڈ کپ میں بھارتیوں کا حوصلہ بڑھانے کے لئے نہ تو بیگمات ساتھ ہوں گی اور نہ ہی گرل فرینڈز ساتھ ہونگی۔
بی سی سی آئیکے اس فیصلے پر سابق بھارتی کپتان راہول ڈریوڈ کہتے ہیں ٹیم گیارہ ماہ دورے پر رہتی ہے، بیگمات اور گرل فرینڈز کو ساتھ جانے کی اجازت ہونی چاہیے، خراب پرفارمنس سے ان کا کوئی تعلق نہیں۔
لاہور: ورلڈ کپ میں شرکت کیلئے قومی کرکٹ ٹیم براستہ دبئی نیوزی لینڈ کے لئے روانہ ہوگئی ہے، کپتان مصباح الحق کہتے ہیں کہ ہر میچ اہم ہے۔
ائیرپورٹ روانگی سے قبل سے نیشنل کرکٹ اکیڈمی میں میڈیا سے گفتگو کرتے ہوئے قومی ٹیم کے کپتان مصباح الحق نے کہا کہ جتنی تیاری کرنی تھی کرلی، نتیجے سے بے فکر ہوکر اچھی کرکٹ کھیلنا چاہتے ہے، بھارت کو شکست دیکر ریت بدلیں گے۔
اس موقع پر منیجر نوید اکرم چیمہ نے کہا کہ قومی ٹیم مکمل تیاری کے ساتھ میگا ایونٹ میں شرکت کررہی ہے،ہمیں قوم کی دعاؤں کی ضرورت ہے، اسکواڈ میں جونئیر اور سنیئر کھلاڑیوں کا بہترین کمبینشن موجود ہے۔
کرکٹ کاعالمی میلہ چودہ فروری سے آسٹریلیا اور نیوزی لینڈ میں سجے گا، پاکستانی شاہین ٹورنامنٹ کا آغازپندرہ فروری کوبھارت کیخلاف میچ کھیل کر کریں گے۔