کراچی (25 اگست 2025): آئی سی سی ویمنز کرکٹ ورلڈ کپ 2025 کے لیے 15 رکنی پاکستان اسکواڈ کا اعلان ہو گیا۔
تفصیلات کے مطابق خواتین کے کرکٹ ورلڈ کپ میں پاکستانی اسکواڈ کی قیادت فاطمہ ثنا کو سونپ دی گئی ہے، وہ پہلی مرتبہ ون ڈے ورلڈ کپ میں کپتانی کریں گی۔
ایمان فاطمہ کو پہلی بار پاکستان ورلڈ کپ اسکواڈ میں شامل کیا گیا ہے، جب کہ نتالیہ پرویز، رامین شمیم، صدف شمس، سعدیہ اقبال، شوال ذوالفقار، سیدہ عروب شاہ بھی پہلی بار ون ڈے ورلڈ کپ کھیلیں گی۔
آئی سی سی ورلڈ کپ کوالیفائر اسکواڈ میں 2 تبدیلیاں کی گئی ہیں، گل فیروزہ اور نجيحہ علوی آؤٹ ہو گئی ہیں۔
پاکستان شاہینز کا سفر تمام، سیمی فائنل میں پرتھ اسکارچرز سے شکست
یہ 15 رکنی اسکواڈ جنوبی افریقہ سے 3 ون ڈے انٹرنیشنل بھی کھیلے گا، ون ڈے سیریز لاہور میں 16 سے 22 ستمبر تک ہوگی، جس کے لیے جنوبی افریقہ وویمنز ٹیم 12 ستمبر کو لاہور پہنچے گی۔
Presenting Pakistan’s squad for the ICC Women’s World Cup 2025
More details ➡️ https://t.co/rStsdE2K43#BackOurGirls pic.twitter.com/MKAjLs5wx5
— Pakistan Cricket (@TheRealPCB) August 25, 2025
وویمنز کرکٹ ورلڈ کپ بھارت اور سری لنکا میں 30 ستمبر سے 2 نومبر تک شیڈول ہے، پاکستان کے تمام ورلڈ کپ میچز کولمبو، سری لنکا میں ہوں گے۔
پاکستانی اسکواڈ میں فاطمہ ثنا (کپتان)، منیبہ علی صدیقی، عالیہ ریاض، ڈیانا بیگ شامل ہیں، ایمان فاطمہ، نشرا سندھو، نتالیہ پرویز، عمائمہ سہیل، رامین شمیم بھی اسکواڈ کا حصہ ہیں، صدف شمس، سعدیہ اقبال، شوال ذوالفقار، سدرہ امین، سدرہ نواز اور سیدہ عروب شاہ کو بھی شامل کیا گیا ہے۔
نان ٹریولنگ ریزروز میں گل فیروزہ، نجيحہ علوی، طوبہ حسن، امِ ہانی اور وحیدہ اختر شامل ہیں۔
