ARYNews.tv | Urdu – Har Lamha Bakhabar

Tag: کرکٹ کی خبریں

  • بھارتی میڈیا نے بیان توڑ مروڑ کر پیش کیا، کشمیریوں کو ان کا حق ملنا چاہیے: شاہد آفریدی

    بھارتی میڈیا نے بیان توڑ مروڑ کر پیش کیا، کشمیریوں کو ان کا حق ملنا چاہیے: شاہد آفریدی

    کراچی: پاکستان کرکٹ ٹیم کے سابق کپتان شاہد آفریدی کا کشمیر سے متعلق بیان پر مؤقف آ گیا، آفریدی نے ٹویٹ میں لکھا کہ بھارتی میڈیا نے بیان توڑ مروڑ کر پیش کیا۔

    تفصیلات کے مطابق پاکستان ٹیم کے سابق آل راؤنڈر شاہد خان آفریدی نے کشمیر سے متعلق اپنے بیان پر کہا ہے کہ بھارتی میڈیا نے ان کا بیان توڑ مروڑ کر پیش کیا ہے۔

    [bs-quote quote=”انسانیت کے ناطے کشمیر کو اس کا حق ملنا چاہیے۔” style=”style-7″ align=”left” color=”#dd3333″ author_name=”شاہد خان آفریدی” author_job=”سابق کپتان”][/bs-quote]

    شاہد آفریدی نے کہا کہ انھیں پاکستان سے محبت ہے اور وہ کشمیریوں کی جدوجہد کا احترام کرتے ہیں، انسانیت کے ناطے کشمیر کو اس کا حق ملنا چاہیے۔

    جارحانہ بیٹنگ کے لیے مشہور بلے باز شاہد آفریدی نے ایک اور ٹویٹ میں لکھا کہ منظرِ عام پر آنے والی ان کی ویڈیو نا مکمل اور سیاق و سباق سے ہٹ کر ہے۔

    انھوں نے لکھا کہ جو باتیں انھوں نے پہلے کہیں وہ اس ویڈیو میں موجود نہیں ہیں، کشمیر ایک متنازع مسئلہ ہے جس پر بھارت کا قبضہ ہے۔

    یہ بھی پڑھیں:  ابھرتی ہوئی نوجوان خاتون کھلاڑی ’آفریدی‘ بننے کی خواہش مند

    بوم بوم نےمزید لکھا کہ کشمیر کو اقوامِ متحدہ کی قراردادوں کے مطابق حل ہونا چاہیے۔ مجھ سمیت تمام پاکستانی آزادیٔ کشمیر کی جدوجہد کی حمایت کرتے ہیں۔ کشمیر پاکستان سے ہے۔

    واضح رہے کہ  شاہد آفریدی کی ایک نا مکمل ویڈیو میں کشمیر سے متعلق ان کا ایک بیان متنازع صورت اختیار کر گیا تھا جس پر انھوں نے اپنا مؤقف جاری کیا۔

  • سرفراز احمد ورلڈ کپ تک ٹیم کے کپتان ہوں گے: چیئرمین پی سی بی

    سرفراز احمد ورلڈ کپ تک ٹیم کے کپتان ہوں گے: چیئرمین پی سی بی

    کراچی: پاکستان کرکٹ بورڈ کے چیئرمین احسان مانی کا کہنا ہے کہ سرفراز احمد ورلڈ کپ تک ٹیم کے کپتان ہوں گے، آئندہ پی ایس ایل کے تمام میچز پاکستان میں کروانے کی کوشش کریں گے۔

    تفصیلات کے مطابق چیئرمین پاکستان کرکٹ بورڈ احسان مانی نے نیوز کانفرنس کرتے ہوئے کہا کہ بورڈ کے معاملات شفاف ہوں گے، پی سی بی میں تبدیلیاں آئیں گی۔ ہمیں بہت کچھ ٹھیک کرنا ہے۔

    احسان مانی کا کہنا تھا کہ نجم سیٹھی نے لیگل نوٹس دیا جس کا انہیں جواب دے چکے ہیں، گزشتہ پیٹرن ان چیف نے 2 لوگوں کو فائز کیا تھا وہ مستعفی ہوچکے۔ جسٹس قیوم رپورٹ پر لاہور میں سوال اٹھایا گیا تھا، بہت کم لوگ ہیں جنہوں نے یہ رپورٹ پڑھی ہے۔

    انہوں نے کہا کہ محسن حسن خان اچھے کرکٹر تھے، کپتان پر تنقید محسن حسن خان نے سال پہلے کی تھی۔

    چیئرمین پی سی بی نے کہا کہ سرفراز احمد ٹیم کے کپتان ہیں، سرفراز کا تنازعہ میڈیا نے کھڑا کیا۔ وہ ورلڈ کپ تک ٹیم کے کپتان ہوں گے۔

    پاکستان سپر لیگ کے بارے میں گفتگو کرتے ہوئے ان کا کہنا تھا کہ پی ایس ایل کا فائنل انشا اللہ کراچی میں ہوگا۔ آئندہ پی ایس ایل کے تمام میچز پاکستان میں کروانے کی کوشش کریں گے۔ باہر کے پلیئرز کے یہاں آکر کھیلنے سے دیگر کھلاڑیوں کو سپورٹ ملتی ہے، نامور کھلاڑی پاکستان آئیں گے اور بہت اچھی خبریں ملیں گی۔

    احسان مانی نے کہا کہ پی ایس ایل، پی سی بی کے تحت ہوگا کوئی اپنا بزنس نہیں کرے گا۔ بھارت سے کرکٹ سے متعلق بات چیت چل رہی ہے۔ بھارت میں انتخابات ہو رہے ہیں اس لیے سرد مہری ہے۔ ’انتخابات کی وجہ سے کرکٹ کے معاملات بھی سیاسی ہوجاتے ہیں‘۔

    انہوں نے کہا کہ نیشنل اسٹیڈیم پر بہت پیسہ خرچ ہو رہا ہے بڑے میچز یہاں ہوں گے، جو کرکٹرز کراچی سے آئے ان کا متبادل نہیں ہے۔ کراچی کرکٹ کی نرسری ہے یہاں سے بہترین پلیئرز دیے گئے۔

    چیئرمین کا مزید کہنا تھا کہ پاکستان کرکٹ بورڈ 8 اسٹیڈیم چلا رہا ہے، دنیا میں کوئی ایک بورڈ بتا دیں جو 8 اسٹیڈیم چلا رہا ہو۔

  • اس بار ٹی 10 لیگ کا حصہ نہیں بن سکتا، شعیب ملک کا اعلان

    اس بار ٹی 10 لیگ کا حصہ نہیں بن سکتا، شعیب ملک کا اعلان

    لاہور: پاکستان کرکٹ ٹیم کے سابق کپتان شعیب ملک نے اعلان کیا ہے کہ وہ اس بار ٹی 10 لیگ کا حصہ نہیں بن سکتے۔

    تفصیلات کے مطابق آل راؤنڈر کرکٹر شعیب ملک نے کہا ہے کہ وہ اس بار پنجاب لیجنڈز کی جانب سے ٹی 10 لیگ نہیں کھیلیں گے کیوں کہ وہ اپنی بیوی اور بچے کے ساتھ وقت گزارنا چاہتے ہیں۔

    شعیب ملک نے سماجی رابطوں کی ویب سائٹ ٹویٹر پر کہا کہ بیوی اور بچے کے ساتھ وقت گزارنا ان کے لیے سب سے بڑھ کر ہے۔

    کرکٹر شعیب ملک نے لکھا ’میں ملے جلے جذبات کے ساتھ اعلان کرتا ہوں کہ ٹی 10 لیگ کا حصہ نہیں ہوں گا اور اپنی فیملی کے ساتھ وقت گزاروں گا، یہ ایک مشکل فیصلہ تھا کیوں کہ میری بیوی چاہتی ہیں کہ مجھے کھیلنا چاہیے، لیکن میں بیوی اور بچے کے ساتھ وقت گزارنا چاہتا ہوں اور یہ میرے لیے سب سے بڑھ کر ہے۔‘

    خیال رہے کہ پاکستانی اسٹار کرکٹر شعیب ملک اور ان کی بھارتی ٹینس اسٹار بیوی ثانیہ مرزا 29 اکتوبر کو ایک بیٹے کے والدین بن گئے ہیں جس کا نام انھوں نے اذہان رکھا ہے۔ شعیب اور ثانیہ کی شادی 12 اپریل 2010 کو ہوئی تھی۔

    یہ بھی پڑھیں:  شعیب ملک نے بیٹے کا نام رکھ دیا

    یہ بھی یاد رہے کہ ٹی ٹین لیگ ایک متنازع کرکٹ لیگ ہے، پاکستان کرکٹ بورڈ اس پر تحفظات کا اظہار کر چکا ہے، جب کہ اس کے لیے فنڈنگ کا معاملہ بھی متنازع ہے۔ چند دن قبل پی ایس ایل فرنچائز نے بھی اس پر تحفظات کا اظہار کر دیا ہے۔

  • نیوزی لینڈ کے خلاف ٹیسٹ سیریز کے لیے 15 رکنی اسکواڈ کا اعلان

    نیوزی لینڈ کے خلاف ٹیسٹ سیریز کے لیے 15 رکنی اسکواڈ کا اعلان

    اسلام آباد: نیوزی لینڈ کے خلاف ٹیسٹ سیریز کھیلنے کے لیے 15 رکنی قومی کرکٹ ٹیم کا اعلان کر دیا گیا، سرفراز احمد پاکستان ٹیم کی قیادت کریں گے۔

    تفصیلات کے مطابق نیوزی لینڈ کے خلاف ٹیسٹ سیریز کے لیے 15 رکنی قومی کرکٹ ٹیم کا اعلان کر دیا گیا، 2 ٹیسٹ میچوں کی سیریز کا آغاز 16 نومبر سے ابوظبی میں ہوگا۔

    [bs-quote quote=”شاہین آفریدی کو حالیہ پرفارمنس کی وجہ سے شامل کیا گیا” style=”style-7″ align=”left” color=”#dd3333″ author_name=”انضمام الحق” author_job=”چیف سلیکٹر”][/bs-quote]

    پندرہ رکنی اسکواڈ میں محمد حفیظ، امام الحق، اظہر علی، حارث سہیل، اسد شفیق، بابر اعظم، سعد علی، یاسر شاہ، بلال آصف، محمد عباس، حسن علی، شاہین شاہ آفریدی، فہیم اشرف اور میر حمزہ شامل ہیں۔

    چیف سلیکٹر انضمام الحق کا کہنا ہے کہ فخر زمان اور شاداب خان کو آرام دیا گیا ہے، یہ کھلاڑی آرام اور این سی اے میں ٹریننگ کریں گے۔

    انضمام الحق کا کہنا تھا کہ شاہین آفریدی کو حالیہ پرفارمنس کی وجہ سے شامل کیا گیا ہے۔ خیال رہے کہ شاہین آفریدی نے گزشتہ روز نیوزی لینڈ کے خلاف دوسرے وَن ڈے میچ میں چار کھلاڑیوں کو آؤٹ کر کے میچ کا پانسہ پلٹا۔

    یہ بھی پڑھیں:  دوسرا ون ڈے: پاکستان نے نیوزی لینڈ کو 6 وکٹوں سے شکست دے دی

    واضح رہے کہ پاکستان نیوزی لینڈ کے خلاف تین وَن ڈے میچز پر مشتمل سیریز کھیل رہا ہے، پہلے میچ میں نیوزی لینڈ نے پاکستان کو 47 رنز سے شکست دی، جب کہ گزشتہ روز کھیلے جانے والا میچ پاکستان بہ آسانی جیت گیا تھا۔

    اس سے قبل دونوں ممالک کے درمیان 3 میچز کی ٹی 20 سیریز میں پاکستان نے نیوزی لینڈ کو وائٹ واش کر دیا تھا۔

  • دوسرا ون ڈے: پاکستان نے نیوزی لینڈ کو 6 وکٹوں سے شکست دے دی

    دوسرا ون ڈے: پاکستان نے نیوزی لینڈ کو 6 وکٹوں سے شکست دے دی

    ابوظبی: پاکستان نے نیوزی لینڈ کو دوسرے ون ڈے میچ میں 6 وکٹوں سے شکست دے دی، تین میچوں کی سیریز 1-1 سے برابر ہوگئی، شاہین شاہ آفریدی کو میچ کا بہترین کھلاڑی قرار دیا گیا۔

    تفصیلات کے مطابق پاکستان نے نیوزی لینڈ کو دوسرے ون ڈے میچ میں باآسانی 6 وکٹوں سے شکست دے کر سیریز 1-1 سے برابر کردی، فخر زمان نے شاندار 88 رنز کی اننگز کھیلی، شاہین آفریدی میچ کے بہترین کھلاڑی قرار پائے۔

    نیوزی لینڈ کی جانب سے دئیے جانے والا 210 رنز کا ہدف قومی ٹیم نے 40.3 اوورز میں‌ پورا کرلیا، گرین شرٹس نے محتاط انداز میں بیٹنگ کی، اوپنر امام الحق13 ویں اوور مییں فرگیوسن کی پہلی باؤنسر کھیلنے کی کوشش میں زخمی ہوگئے انہیں نے 16 رنز بنائے تھے، ڈاکٹر نے اوپنر بلے باز کو 72 گھنٹے آرام کا مشورہ دیا ہے۔

    امام الحق کے جانے کے بعد بابر اعظم نے فخر زمان کے ساتھ ذمہ دارانہ بیٹنگ کی اور فخر زمان 88 رنز بنا کر آؤٹ ہوئے جبکہ بابر اعظم نے 46 رنز کی شاندار اننگز کھیلی، شعیب ملک 10 اور سرفراز احمد 13 رنز بنا کر آؤٹ ہوئے۔

    محمد حفیظ نے 27رنز کی ناقابل شکست اننگز کھیلی، شاداب خان نے 2رنز بنائے، نیوزی لینڈ کی جانب سے فاسٹ بولر فرگیوسن نے تین کھلاڑیوں کو پویلین کی راہ دکھائی، اسپنر سودھی نے ایک وکٹ حاصل کی۔

    ہدف کے تعاقب میں نیوزی لینڈ کے خلاف پاکستان کی بیٹنگ جاری ہے، اوپنر امام الحق کیوی بولر فرگوسن کا خطرناک باؤنسر ہیلمٹ پر لگا جس کے باعث وہ ریٹائر ہرٹ ہوکر گراؤنڈ سے باہر چلے گئے، بال ہیلمٹ پر لگتے ہی امام الحق وکٹ پر گر گئے تھے۔

     ابوظبی میں کھیلے جانے والے دوسرے ون ڈے میچ میں کیویز نے گرین شرٹس کو جیت کے لیے 210 رنز کا ہدف دے دیا، نیوزی لینڈ نے مقررہ اوورز میں 209 رنز نو وکٹوں کے نقصان پر بنائے، روس ٹیلر نے نصف سنچری اسکور کی، شاہین شاہ آفریدی نے چار کھلاڑیوں کو آؤٹ کیا۔

    نیوزی لینڈ کے کپتان کین ولیم سن نے ٹاس جیت کر پہلے بیٹنگ کا فیصلہ کیا تو 14 رنز کے مجموعی اسکور پر کولن منرو 13 رنز بنا کر پویلین لوٹ گئے، 25 رنز پر کیم ولیم سن بھی آؤٹ ہوگئے، نیوزی لینڈ کی تیسری وکٹ 74 رنز پر گری۔

    لیتھم 1 رنز بنا کر آؤٹ ہوئے، گرینڈ ہوم نے تین، ساؤتھی اور سودھی نے 13، 13 رنز کی اننگز کھیلی، نکولس نے راس ٹیلر کے ساتھ شراکت قائم کی اور ٹیم کے اسکور میں اضافہ کیا۔

    نکولس کو 33 رنز پر حسن علی نے کلین بولڈ کیا، ایک اینڈ پر راس ٹیلر ڈٹے رہے انہوں نے  86 رنز کی شاندار اننگز کھیلی۔

    پاکستان کی جانب سے شاہین شاہ آفریدی نے چار وکٹیں حاصل کیں، حسن علی نے دو کھلاڑیوں کو آؤٹ کیا جبکہ محمد حفیط اور شاداب خان کے حصے میں ایک، ایک وکٹ آئی۔

    قبل ازیں ابو ظہبی کے شیخ زید اسٹیڈیم میں جاری دوسرے ون ڈے میچ میں نیوزی لینڈ نے پاکستان کے خلاف ٹاس جیت کر بیٹنگ کا فیصلہ کیا ہے۔ پچھلے ون ڈے کی شکست خوردہ قومی ٹیم بھرپور تیاری کے ساتھ میدان میں اتری۔

    پاکستان اور نیوزی لینڈ کے درمیان 3 روزہ ون ڈے میچوں کی سیریز کے پہلے میچ میں پاکستان کو 47 رنز سے شکست ہوچکی ہے۔

    اس سے قبل دونوں ممالک کے درمیان 3 میچز کی ٹی 20 سیریز میں پاکستان نے آخری میچ میں نیوزی لینڈ کو 47 رنز سے شکست دے کر وائٹ واش کردیا تھا۔

    پاکستان سنہ 2011 سے نیوزی لینڈ کے خلاف کوئی ون ڈے سیریز نہیں جیت سکا۔ آخری بار گرین شرٹس نے 2014 میں نیوزی لینڈ کو ون ڈے میں ہرایا تھا۔

    دوسری جانب نیوزی لینڈ مسلسل 11 میچز جیت چکا ہے۔ سرفراز الیون ابو ظہبی ون ڈے جیت کر نیوزی لینڈ کی فتوحات کو بریک لگا سکتی ہے۔

    سیریز جیتنے کے لیے قومی ٹیم کو آج اور پرسوں بروز اتوار کو ہونے والے ون ڈے میچز میں فتح حاصل کرنی ہوگی۔

  • پہلا ون ڈے، نیوزی لینڈ نے پاکستان کو 47 رنز سے ہرادیا

    پہلا ون ڈے، نیوزی لینڈ نے پاکستان کو 47 رنز سے ہرادیا

    ابوظبی: پہلے ون ڈے میچ میں نیوزی لینڈ نے پاکستان کو 47 رنز سے شکست دے دی، عماد وسیم اور سرفراز احمد کی نصف سنچریاں بھی کام نہ آسکیں، ٹرینٹ بولٹ نے ہیٹ ٹرک کی۔

    تفصیلات کے مطابق ابوظبی کے شیخ زید اسٹیڈیم میں جاری پہلے ون ڈے میچ میں نیوزی لینڈ نے پاکستان کو 47 رنز سے شکست دے دی، قومی ٹیم 47.2 اوورز میں 219 رنز پر ڈھیر ہوگئی، سرفراز احمد اور عماد وسیم کی سنچریاں بھی کام نہ آسکیں۔

    نیوزی لینڈ کو تین میچوں کی سیریز میں ایک صفر کی برتری حاصل ہوگئی، نیوزی لینڈ کی جانب سے فاسٹ بولر ٹرینٹ بولٹ نے ہیٹ ٹرک کی، فرگیوسن نے تین کھلاڑیوں کی پویلین کی راہ دکھائی، گرینڈ ہوم کے دو وکٹیں حاصل کیں۔

    پاکستان نے 267 رنز ہدف کا تعاقب کیا تو 8 رنز پر تین کھلاڑی پویلین لوٹ گئے، فخر زمان ایک رن، محمد حفیظ اور بابر اعظم بغیر کوئی رن بنائے پویلین لوٹ گئے، شعیب ملک 30 رنز بنائے۔

    عماد وسیم اور کپتان سرفراز احمد نے ٹیم کو سہارا دیا دونوں کھلاڑیوں نے نصف سنچریاں اسکور کیں تاہم ان کی نصف سنچریاں بھی ٹیم کے کام نہ آسکیں اور پوری ٹیم 219 رنز پر ڈھیر ہوگئی۔

    قبل ازیں ابوظبی کے شیخ زید اسٹیڈیم میں کھیلے جانے پہلے ایک روزہ میچ میں نیوزی لینڈ نے قومی ٹیم کو جیت کے لیے 267 رنز کا ہدف دے دیا، روس ٹیلر نے 80 رنز کی شاندار اننگز کھیلی، شاداب خان نے تین وکٹیں حاصل کیں۔

    نیوزی لینڈ نے ٹاس جیت کر پہلے بیٹنگ کا آغاز کیا تو 13 رنز پر پہلا نقصان اُٹھانا پڑا جب جی ایچ ورکر 1 رنز بنا کر شاہین آفریدی کی گیند پر سرفراز احمد کو کیچ دے بیٹھے، کیویز کی دوسری وکٹ 36 رنز پر گری کولن منرو 29 رنز بنا کر شاہین آفریدی کی گیند پر ایل بی ڈبلیو ہوگئے۔

    کیویز کی تیسری وکٹ 78 رنز پر گری جب کپتان ولیم سن 27 رنز بنا کر آؤٹ ہوگئے، لیتھم اور راس ٹیلر کے درمیان 130 رنز کی شراکت قائم ہوئی، راس ٹیلر نے 80 اور لیتھم نے 68 رنز کی اننگز کھیلی۔

    لیگ اسپنر شاداب خان نے چار گیندوں پر تین وکٹیں حاصل کرکے نیوزی لینڈ کی شراکت کا خاتمہ کیا، اس کے بعد عماد وسیم نے راس ٹیلر کو 80 رنز پر پویلین پہنچایا، نیوزی لینڈ کے دو کھلاڑی گرینڈ ہوم اور نکولس کھاتا کھولے بغیر پویلین روانہ ہوئے۔

    پاکستان کی جانب سے شاداب خان نے چار کھلاڑیوں کی پویلین کی راہ دکھائی، فاسٹ بولر شاہین شاہ آفریدی نے چار وکٹیں حاصل کیں، عماد وسیم کے حصے میں ایک وکٹ آسکی، فاسٹ بولر حسن علی کے اوورز میں 62 رنز بنے اور وہ کوئی وکٹ حاصل نہ کرسکے۔

    قومی ٹیم کے کپتان سرفراز احمد کا کہناتھا کہ اگر ٹاس جیت جاتے تو پہلے بیٹنگ کرتے۔ ٹیم میں خاص تبدیلی نہیں، امام الحق کی واپسی ہوئی ہے۔

    دوسری جانب نیوزی لینڈ کے کپتان کین ولیمسن کا کہنا تھا کہ نیوزی لینڈ پاکستان کو بڑا ٹارگٹ دینے کی کوشش کرےگا۔

    اس سے قبل دونوں ممالک کے درمیان 3 میچز کی ٹی 20 سیریز میں پاکستان نے آخری میچ میں نیوزی لینڈ کو 47 رنز سے شکست دے کر وائٹ واش کردیا تھا۔

    پاکستان سنہ 2011 سے نیوزی لینڈ کے خلاف کوئی ون ڈے سیریز نہیں جیت سکا۔ آخری بار گرین شرٹس نے 2014 میں نیوزی لینڈ کو ون ڈے میں ہرایا تھا۔

    دوسری جانب نیوزی لینڈ مسلسل 11 میچز جیت چکا ہے۔ سرفراز الیون ابو ظہبی ون ڈے جیت کر نیوزی لینڈ کی فتوحات کو بریک لگا سکتی ہے۔

    اگر گرین شرٹس نے سیریز 0-3 سے جیت لی تو ون ڈے رینکنگ میں پاکستان کی پوزیشن پانچویں سے چوتھی ہوجائے گی۔

    اس سے قبل دبئی میں آسٹریلیا سے کھیلی جانے والی 3 میچز کی ٹی 20 سیریز بھی پاکستان نے 0-3 سے اپنے نام کرلی تھی۔

  • اظہر علی کا ون ڈے کرکٹ سے ریٹائرمنٹ کا اعلان

    اظہر علی کا ون ڈے کرکٹ سے ریٹائرمنٹ کا اعلان

    لاہور: قومی کرکٹ ٹیم کے سابق ون ڈے کپتان اظہر علی نے ون ڈے کرکٹ سے ریٹائرمنٹ کا اعلان کردیا۔ اظہر علی کا کہنا ہے کہ میری زیادہ پہچان ٹیسٹ کرکٹ ہے، وہاں ریکارڈ مزید بہتر کروں گا۔

    تفصیلات کے مطابق سابق ون ڈے کپتان اظہر علی نے ون ڈے کرکٹ سے ریٹائرمنٹ کا اعلان کردیا۔

    اپنی ریٹائرمنٹ کا اعلان کرتے ہوئے اظہر علی کا کہنا تھا کہ میری زیادہ پہچان ٹیسٹ کرکٹ ہے، وہاں ریکارڈ مزید بہتر کروں گا۔ سرفراز احمد ٹیم کو اچھے طریقے سے لیڈ کر رہے ہیں۔ ’میری پوری سپورٹ سرفراز احمد کے ساتھ ہے‘۔

    اظہر علی کا کہنا تھا کہ ٹیسٹ کرکٹ میں میرا فوکس بیٹنگ پر ہے، ٹی 20 کرکٹ میں نے کھیلی ہی نہیں تو اس سے ریٹائرمنٹ کا اعلان کہاں سے کروں۔

    انہوں نے کہا کہ میں نے پوری کوشش کی اور پرفارمنس دی، چانس ملنا نہ ملنا اللہ کی طرف سے ہوتا ہے۔ میرے حساب سے یہ ریٹائرمنٹ کے لیے اچھا وقت ہے۔ اپنے فیصلے سے پہلے چیف سلیکٹر سمیت سب سے بات کی۔

    اظہر علی کا کہنا تھا کہ انجری سے ریکوری کے بعد فٹنس مزید بہتر ہوئی ہے۔ پاکستان کی کپتانی کرنا کبھی بھی آسان نہیں رہا۔ ریٹائرمنٹ لی تاکہ جو لڑکے کھیل رہے ہیں انہیں پورا موقع ملے۔

    سابق کپتان اظہر علی نے سنہ 2011 میں ون ڈے ڈیبیو کیا تھا۔ انہوں نے 53 ون ڈے میچز میں پاکستان کی نمائندگی کی۔

    اظہر علی نے 53 ون ڈے میچز میں 1 ہزار 8 سو 45 رنز بنائے۔ انہوں نے 3 سنچریز اور 12 نصف سنچریز اسکور کیں۔

  • ٹی 20 رینکنگ: بابر اعظم نمبر ون بیٹسمین بن گئے

    ٹی 20 رینکنگ: بابر اعظم نمبر ون بیٹسمین بن گئے

    انٹرنیشنل کرکٹ کونسل کی نئی ٹی 20 کی رینکنگ میں پاکستان کے بابر اعظم بیٹسمین رینکنگ میں پہلے نمبر پر آگئے۔

    تفصیلات کے مطابق انٹرنیشنل کرکٹ کونسل نے ٹی 20 کی نئی رینکنگ جاری کر دی۔ پاکستان کے بابر اعظم بیٹسمین رینکنگ میں پہلے نمبر پر آگئے۔

    آئی سی سی رینکنگ میں فخر زمان پانچویں نمبر پر موجود ہیں۔ بولرز رینکنگ میں پاکستان کے شاداب خان کی دوسری پوزیشن برقرار ہے۔

    آئی سی سی ریکنگ کے مطابق عماد وسیم بھی ٹاپ ٹین بولرز میں شامل ہیں۔ آل راؤنڈرز رینکنگ میں شعیب ملک کا بارہواں نمبر ہے۔

    خیال رہے کہ چند روز قبل بھی انٹرنیشل کرکٹ کونسل کی خواتین ون ڈے رینکنگ میں پاکستانی خواتین کرکٹ ٹیم کی سابق کپتان ثنا میر خواتین بولرز میں پہلے نمبر پر براجمان ہوئیں۔

    خواتین بولرز میں پہلی 3 میں سے 2 پوزیشن پاکستان کے پاس تھیں۔ ثنا میر رینکنگ میں 663 ریٹنگ پوائنٹس کے ساتھ سرفہرست رہیں۔

    ٹی 20 بولرز کی رینکنگ میں پاکستان ویمن ٹیم کی ایک اور کھلاڑی انعم امین بھی شامل تھیں جو تیسرے نمبر پر تھیں۔

  • آئی سی سی کے تنقیدی ٹویٹ پر پی سی بی کا کرارا جواب

    آئی سی سی کے تنقیدی ٹویٹ پر پی سی بی کا کرارا جواب

    پاکستان کرکٹ بورڈ نے انٹرنیشنل کرکٹ کاؤنسل کی جانب سے مذاق اڑائے جانے کے بعد کرارا جواب دے دیا جس کے بعد آئی سی سی کی بھی بولتی بند ہوگئی۔

    تفصیلات کے مطابق چند روز قبل انٹرنیشنل کرکٹ کاؤنسل (آئی سی سی) کے آفیشل ٹویٹر اکاؤنٹ سے پاکستان آسٹریلیا ٹی 20 سیریز کی ٹرافی کا مذاق اڑایا گیا۔

    اس موقع پر کئی لوگوں نے آئی سی سی کو تنقید کا نشانہ بنایا کہ آئی سی سی ایک بڑے ٹورنامنٹ کے بارے میں اطلاعات دینے کے بجائے نان پروفیشل انداز میں ٹویٹ کر رہا ہے۔

    ایک ٹویٹ میں کہا گیا کہ آئی سی سی کو اپنے ارکان کا احترام کرنا چاہیئے اور اس طرح ٹویٹ کرنے سے گریز کرنا چاہیئے۔

    تاہم پاکستان کرکٹ بورڈ کے ٹویٹر اکاؤنٹ سے اسی انداز میں جواب دیتے ہوئے آئی سی سی کی بولتی بند کردی گئی۔

    آئی سی سی کی جانب سے کی جانے والی ٹویٹ میں پاک آسٹریلیا ٹی 20 سیریز اور چیمپیئنز ٹرافی 2017 کی ٹرافی کا مقابلہ کیا گیا تھا جس پر پی سی بی نے ٹویٹ کیا، ’کیا فرق پڑتا ہے، دونوں ٹرافیز اب ہماری ہیں‘۔

    جواباً آئی سی سی نے اپنے ٹویٹ میں حیرت کا اظہار کیا۔

    خیال رہے کہ گزشتہ روز پاکستان نے آسٹریلیا کے خلاف دوسرا ٹی 20 جیت کر سیریز اپنے نام کرلی تھی۔ آئی سی سی کے ٹویٹ میں دکھائی گئی چیمپیئنز ٹرافی کا فاتح بھی پاکستان تھا۔

  • متنازعہ ٹی 10 لیگ پر پی سی بی کے تحفظات برقرار، سخت شرائط عائد

    متنازعہ ٹی 10 لیگ پر پی سی بی کے تحفظات برقرار، سخت شرائط عائد

    اسلام آباد: متنازعہ ٹی 10 لیگ پر پاکستان کرکٹ بورڈ کے تحفظات برقرار ہیں، سخت شرائط عائد کر دی گئیں، متنازعہ لیگ کو خود مانیٹر کرنے کا فیصلہ کر لیا۔

    تفصیلات کے مطابق پی سی بی نے ٹی ٹین لیگ کے لیے سخت شرائط عائد کر دیں، کرکٹ بورڈ کے انٹیگریٹی افسر لیگ کی نگرانی کریں گے۔

    [bs-quote quote=”پی سی بی کے افسران ایونٹ کے دوران تمام صورتِ حال پر نظر رکھیں گے” style=”style-7″ align=”left” color=”#dd3333″][/bs-quote]

    متنازعہ ٹی ٹین لیگ ویٹرن لیگ میں تبدیل ہوگئی، پاکستان کے اسٹار کھلاڑی لیگ کا حصہ نہیں ہوں گے، پی سی بی نے ریٹائرڈ کھلاڑیوں کو کڑی شرائط کے بعد متنازع لیگ کے لیے این اوسی دینے کا فیصلہ کیا ہے۔

    پاکستان کرکٹ بورڈ کے اینٹگریٹی افسران ایونٹ کے دوران تمام صورتِ حال پر نظر رکھیں گے، کھلاڑیوں سے ملنے والوں اور ان کے آنے جانے پر بھی نگاہ رکھی جائے گی۔

    خیال رہے کہ گزشتہ روز سابق فاسٹ بولرز شعیب اختر اور عاقب جاوید نے بھی متنازع ٹی 10 لیگ کی مخالفت کر دی ہے، سابق فاسٹ بولر عاقب جاوید نے کہا کہ ٹی 10 لیگ کی شفافیت پر انھیں شبہات ہیں، شعیب اختر نے کہا کہ ٹی 10 جیسی لیگز کی بہتات سے عالمی کرکٹ ختم ہونے کا خدشہ ہے۔

    یہ بھی پڑھیں:  سابق کرکٹرز شعیب اختر اور عاقب جاوید نے بھی ٹی 10 لیگ کی مخالفت کردی

    دوسری جانب  پی سی بی کے چیف آپریٹنگ آفیسر سبحان احمد نے کہا ہے کہ ٹی ٹین انتظامیہ سے وضاحت مانگی گئی ہے، جواب ملنے پر کسی حتمی نتیجے پر پہنچیں گے۔