Tag: کرکٹ

ویلنگٹن: بھارتی بیٹنگ لائن کی ریڑھ کی ہڈی ٹوٹ گئی، بیک بورن کہلانے والے بیٹسمین روہت شرما انجرڈ ہو کر ٹیم سے باہر ہوگئے۔

تفصیلات کے مطابق بھارتی بیٹنگ لائن میں ریڈھ کی حیثیت رکھنے والے بیٹسمین و نائب کپتان روہت شرما انجری کے باعث نیوزی لینڈ کے خلاف ون ڈے اور ٹیسٹ سیریز سے باہر ہوگئے ہیں۔

کیویز کے خلاف پانچویں ٹی ٹوئنٹی میں 60 رنز کی باری کھیلنے والے روہت شرما ریٹائر ہرٹ ہو کر اننگز ادھوری چھوڑ کر پویلین لوٹ گئے تھے، اس میچ میں مستقل کپتان ویرات کوہلی کو آرام دیا گیا تھا اور کپتانی کے فرائض روہت شرما انجام دے رہے تھے۔

شرما کے ریٹائر ہرٹ ہونے پر قیادت کی ذمہ داری راہل کے کاندھوں پر آئی تھی اور بقیہ میچ میں بھارتی ٹیم نے نوجوان بلے باز کی کپتانی میں پورا کیا۔

بھارتی کرکٹ بورڈ کے آفیشلز کا کہنا ہے کہ روہت شرما کی انجری سنجیدہ نوعیت کی ہے جس کے باعث وہ نیوزی لینڈ کے خلاف 3 ون ڈے اور دو ٹیسٹ میچوں کی سیریز کے لیے دستیاب نہیں ہوں گے۔

حکام کا کہنا ہے کہ انجرڈ شرما کو وطن واپس بلایا جارہا ہے اور ان کے متبادل کھلاڑی کے نام کا اعلان جلد کر دیا جائے گا۔
واضح رہے کہ نیوزی لینڈ اور بھارت کے درمیان 3 ون ڈے میچوں کی سیریز کا پہلا میچ بدھ سے کھیلا جائے گا۔ ٹی ٹوئنٹی سیریز میں بھارت نے کلین سوئپ کرتے ہوئے میزبان ٹیم کو وائٹ واش کیا تھا۔

ڈھاکا:بنگلا دیش نےپاکستان کیخلاف پہلےٹیسٹ میچ کیلئے اسکواڈ کا اعلان کر دیا۔

تفصیلات کے مطابق بنگلادیش کرکٹ بورڈ نے پاکستان کے خلاف پہلے ٹیسٹ کے لیے اسکواڈ کا اعلان کرتے ہوئے بتایا کہ مومن الحق کو ٹیم کی قیادت سونپی گئی ہے، پہلے ٹیسٹ کے لیے تجربہ کار بیٹسمین مومن الحق کپتان ہوں گے۔

جارحانہ مزاج بیٹسمین تمیم اقبال ،سیف حسن ،نجم الحسین شنٹو،محمود اللہ، محمد متھن ،لٹن داس،تیجل اسلام ،نعیم حسن ،عبادت حسین ابو جائید، الامین حسین ،روبیل حسین اور سومیا سرکار بنگلا دیشی ٹیم کاحصہ ہوں گا۔

یہ بھی پڑھیں: بنگلا دیش سے ٹیسٹ سیریز : مصباح الحق نے سولہ رکنی قومی اسکواڈ کا اعلان کردیا

قبل ازیں پاکستان نے بنگلادیش کیخلاف پہلے ٹیسٹ کے لیے 16 رکنی اسکواڈ کا اعلان کیا، چیف سلیکٹر و ہیڈ کوچ مصباح الحق نے بتایا کہ اظہرعلی قومی ٹیم کے کپتان مقرر کیے گئے ہیں، فہیم اشرف اور بلال آصف کی ٹیم میں واپسی ہوئی ہے۔

لاہور میں پریس کانفرنس کرتے ہوئے انہوں نے بتایا کہ اسکواڈ میں اظہر علی کپتان ہوں گے جبکہ عابد علی ،اسد شفیق، بابر اعظم، بلال آصف، فہیم اشرف، فواد عالم، حارث سہیل، امام الحق، عمران خان، محمد عباس، محمد رضوان، نسیم شاہ، شاہین شاہ، شان مسعود، یاسر شاہ ٹیم میں شامل ہیں۔

مصباح الحق نے کہا کہ بنگلادیش کیخلاف پوری تیاری کے ساتھ جائیں گے، ٹیسٹ چیمپئن شپ کیلیےمیچزجیتنا لازمی ہیں، قومی ٹیسٹ ٹیم میں بہت زیادہ تبدیلیاں نہیں کی گئیں صرف دو کی گئیں ہیں۔

ویلنگٹن: نیوزی لینڈ کے خلاف چوتھے ٹی ٹوئنٹی میچ میں سلو اوور ریٹ پر بھارتی ٹیم کو جرمانہ کر دیا گیا۔

ویلنگٹن میں کھیلے گئے سیریز کے چوتھے میچ میں بھارتی ٹیم نے مقررہ وقت میں دو اوورز کم کیے، الاؤنس کے باوجود بھارتی ٹیم 20 اوورز مکمل نہ کر سکی جس پر اسے جرمانہ کیا گیا۔

میچ ریفری کرس بروڈ نے ویرات کوہلی کی ٹیم پر میچ فیس کا 40 فیصد جرمانہ عائد کیا،آئی سی سی ضابطہ کار کے تحت مقررہ وقت میں اوور مکمل نہ کرنے پر بولنگ سائیڈ کے کھلاڑیوں کو جرمانہ کیا جاتا ہے۔

کوڈ آف کنڈٹ کے تحت بولنگ ٹیم کے کپتان سمیت ہر کھلاڑی کو مقررہ وقت میں ایک اوور کم کرنے پر میچ فیس کی 20 فیصد کٹوتی کی جاتی ہے جب کہ بھارتی ٹیم نے میچ میں دو اوورز کم کیے جس پر 40 فیصد جرمانہ کیا گیا۔

بھارتی کپتان نے میچ ریفری کی جانب سے کیا گیا 40 فیصد میچ فیس کے جرمنے کو قبول کیا ہے۔

واضح رہے کہ سیریز میں مسلسل دوسرا میچ ٹائی ہوا تھا اور بھارت نے ایک بار پھر سپر اوور میں نیوزی لینڈ کو شکست دے کر پانچ میچوں کی سیریز میں 4-0 کی واضح برتری حاصل کر رکھی ہے۔

کراچی: پاکستان کے سابق اسٹار آل راؤنڈر شاہد خان آفریدی نے کہا ہے کہ پاکستان اپنی سرزمین پر ایشیا کپ کے لیے بھارت کو خوش آمدید کہنے کے لیے تیار ہے۔

اے آر وائی نیوز سے خصوصی گفتگو کرتے ہوئے سابق کپتان شاہد آفریدی نے کہا کہ اگر بھارت ایشیا کپ کھیلنے کے لیے پاکستان آتا ہے تو ہم ان کا استقبال کریں گے، بھارتی ٹیم کو خوش آمدید کہیں گے۔

شاہد آفریدی نے کہا کہ ہم نے ہمشیہ بھارت کا خیرمقدم کیا ہےاور ہم اب بھی بھارتی ٹیم کو پاکستانی سرزمین پر ایشیا کپ کھیلنے کے لیے خوش آمدید کہنے کے لیے تیار ہیں۔

ان کا کہنا تھا کہ کھیل ہی دونوں ممالک کے درمیان خلیج کو مٹانے کے لیے پل کا کردار ادا کر سکتا ہے، پاک بھارت دوریاں مٹانے کے لیے کرکٹ ہی دونوں ممالک کو جوڑنے کا واحد ذریعہ بن سکتا ہے۔

واضح رہے بھارتی کرکٹ بورڈ نے دو ٹوک انکار کرتے ہوئے کہا تھا کہ اگر ایشیا کپ پاکستان میں ہوا تو بھارتی ٹیم اس کا حصہ نہیں بنے گی تاہم بعدازاں ایک نیوز ایجنسی سے بات کرتے ہوئے بی سی سی آئی کے اعلیٰ افسر کا کہنا تھا کہ اگر ایشیا کپ نیوٹرل مقام پر ہوا تو بھارتی ٹیم شرکت کر سکتی ہے۔

خیال رہے کہ ایشیا کپ کی میزبانی پاکستان کو ملی ہے اور پی سی بی نے واضح کیا ہے کہ ایشیا کپ پاک سرزمین پر ہی ہوگا۔

میلبرن: بگ بیش لیگ میں شاندار بولنگ کی بدولت دھاک بٹھانے والے پاکستانی فاسٹ بولر حارث رؤف نے سرپرائز باؤنسر کے ساتھ وکٹ حاصل کر کے ایونٹ میں واپسی کی ہے۔

میلبرن اسٹارز کی جانب سے کھیلنے والے حارث رؤف نے سڈنی سکسرز کے خلاف خطرناک بیٹسمین جوش فلیپی کو باؤنسر کروا کر چکما دے دیا، سرپرائز باؤنسر کو بیٹسمین صحیح سے سمجھ نہ سکے اور اونچی شارٹ کھیلنے کی ناکام کوشش میں کیچ تھما بیٹھے۔

Amazing scenes. It appeared like Haris Rauf may have had Steve Smith hit wicket…

But it turns out it was a gust of wind which blew the bails off! 😅 #BBL09 pic.twitter.com/e8B68efKPC

— 7Cricket (@7Cricket) January 31, 2020

میچ میں 34 رنز بنا کر ٹاپ اسکورر جوش فلیپی میلبرنز کے لیے خطرہ بنتے جارہے تھے جسے ٹالنے کے لیے کپتان نے اپنے ٹرمپ کارڈ حارث رؤف پر بھرپور اعتماد کرتے ہوئے شکار کا موقع دیا اور پاکستانی پیسر نے وکٹ حاصل کر کے ٹیم کی امیدوں کو پورا کردیا۔

کوالیفائر میچ میں حارث رؤف نے نپی تلی بولنگ کی بدولت حریف بلے بازوں کو جکڑے رکھا اور انہیں کھل کر بڑے شارٹس کھیلنے کا موقع نہیں دیا، چار اوورز کے کوٹے میں پیسر نے 29 رنز دے کر قیمتی وکٹ حاصل کی۔

Haris Rauf gets the big wicket of Josh Philippe! #BBL09 pic.twitter.com/DsI1jDDppx

— 7Cricket (@7Cricket) January 31, 2020

واضح رہے کہ بگ بیش لیگ میں شاندار کارکردگی کی بدولت حارث رؤف کو بنگلادیش کے خلاف ہوم سیریز کا حصہ بنایا گیا تھا، ٹی ٹوئنٹی سیریز کے اختتام پر حارث رؤف نے میلبرن اسٹارز کو دوبارہ سے جوائن کیا۔