Tag: کرکٹ

سڈنی: پاکستان نے روایتی حریف بھارت کو فائنل میں با آسانی شکست دے کر ہوم ورلڈ تھنڈر نیشن کپ جیت لیا۔

سڈنی کے شوگراؤنڈ میں کھیلے گئے ایونٹ کے فائنل میں گرین شرٹس نے مقابلہ یکطرفہ بنا دیا، بھارت کی جانب سے 6 اوورز میں ملنے والا ہدف قومی ٹیم نے بغیر کسی وکٹ کے نقصان پر با آسانی حاصل کر لیا۔

ٹاس جیت کر پہلے بیٹنگ کرتے ہوئے قومی بولرز کی نپی تلی بولنگ کی بدولت بھارتی بیٹسمین کھل کر نہ کھیل سکے اور مقررہ اوورز میں 49 تک ہی محدود رہے۔

ہدف کے تعاقب میں گرین شرٹس کے اوپنرز نے جارحانہ انداز اپنایا اور شاندار کارکردگی کی بدولت بغیر کسی وکٹ کے نقصان پر ہدف حاصل کر کے ٹرافی پر قبضہ جما لیا۔

پاکستان کی جانب سے اوپنر ولید جیل نے 21 اور ثوبان خان نے 18 رنز کی ناقابل شکست اننگز کھیلی۔

Congratulations to Pakistan 🇵🇰 on winning the @HomeWorldAus Thunder Nation Cup! 🏆 #ThunderNation https://t.co/3HYL8yNuyC

— Sydney Thunder (@ThunderBBL) January 7, 2020

واضح ہے کہ ہوم ورلڈ تھنڈر نیشن کپ کی فی اننگز 6 اوورز پر مشتمل ہوتی ہے اور ایک ٹیم میں 8 کھلاڑی ہوتے ہیں۔

کرائسٹ چرچ: نیوزی لینڈ میں ایک ڈومیسٹک میچ کے دوران لیوکارٹر نے ایک اوور میں لگاتار 6 چھکے مار کر نیا ریکارڈ بنا ڈالا۔

بائیں ہاتھ کے بیٹسمین لیوکارٹر 6 گیندوں پر لگاتار 6 چھکے مارنے والے پہلی کیوی بیٹسمین بن گئے ہیں، انہوں نے یہ کارنامہ سپر اسمیش ٹورنامنٹ میں انجام دیا جہاں اننگز کے 16 ویں اوورز میں لیوکار نے 6 بار گیند کو باؤنڈری کے پار اچھالا۔

حیران کن طور پر بیٹسمین نے تمام چھکے لیگ اسٹمپ پر جڑے، انہوں نے اسپنر اینٹون ڈیوکچ کی خوب درگت بنائی اور ٹیم کے مجموعے کو 220 تک پہنچایا۔

https://www.youtube.com/watch?v=X8XNfkgxus4

لیکارٹر نے 29 گیندوں پر 70 رنز کی ناقابل شکست اننگز کھیلی۔

وہ ٹی ٹوئنٹی میں لگاتار 6 چھکے جڑنے والے چوتھے کھلاڑی ہیں، اس سے قبل یوراج سنگھ، روزوائیٹلی اور حضرت اللہ زازئی بھی یہ کارنامہ انجام دے چکے ہیں۔

لاہور: پاکستان میں شیڈول ایشیا کپ میں بھارتی ٹیم کی شرکت کے حوالے سے غیر یقینی کی صورتحال برقرار ہے تاہم جون میں اس متعلق حتمی فیصلہ آنے کا امکان ہے۔

بھارتی میڈیا کے مطابق بی سی سی آئی نے رواں سال کے ایونٹس میں ایشیا کپ کو شامل کر رکھا ہے لیکن سرحدوں پر کشیدگی اور سیکورٹی خدشات پر ٹیم کو پاکستان بھیجنے کے امکانات معدوم دیکھائی دیتے ہیں۔

رواں سال جون میں ایشیا کپ کے حوالے سے بی سی سی آئی کا اہم اجلاس منعقد ہوگا جس میں پاکستان ٹیم بھیجنے یا نہ بھیجنے کے حوالے سے حتمی فیصلہ کیا جائے گا۔

دسمبر 2018 میں ہونے والے اے سی سی اجلاس میں ایشیا کپ کی میزبانی پاکستان کے حصے میں آئی تھی اور گزشتہ سال اکتوبر میں ہونے والی میٹنگ میں بھی اس فیصلے کی توثیق کی گئی تھی۔

پاکستان میں آخری بار ایشیا کپ 2008 میں منعقد ہوا تھا اور 2009 میں سری لنکن ٹیم پر حملہ کے بعد سے کوئی کثیر ملکی ٹورنامنٹ کا انعقاد نہیں ہو سکا۔

نئی دہلی: بھارت میں رانجی ٹرافی کے ٹیسٹ میچ میں مہاراشٹرا کی پوری ٹیم پہلی اننگز میں 44 رنز پر ڈھیر ہوگئی۔

بیٹنگ کے لیے مشہور بھارت میں بلے بازوں نے بیٹنگ کا جنازہ نکال دیا، بلے بازوں کی انتہائی ناقص کارکردگی نے بھارتی بیٹنگ کے مستقبل کو داؤ پر لگا دیا۔

نئی دہلی کے ایئرفورس کمپلیکس میں کھیلے جارہے میچ میں مہاراشٹرا کے کپتان نے سروسز کے خلاف ٹاس جیت کر بیٹنگ کا فیصلہ کیا جو بلے بازوں کی ناکامی کے باعث غلط ثابت ہوا۔

پہلے ہی اوورز میں اوپنرز پویلین لوٹ گئے، ابتدا سے وکٹیں گرنے کا شروع ہوا جو بے قابو ہوگیا اور پوری ٹیم 44 کے مجموعے پر ڈھیر ہوگئی، صرف دو بیٹسمین ڈبل فیگرز میں داخل ہو سکے۔

سروسز ٹیم کے پیسر پی ایس پونیا نے شاندار بولنگ کرتے ہوئے دس اوورز میں صرف 11 رنز کے عوض 5 کھلاڑیوں کو آؤٹ کیا جب کہ پانڈے 3 وکٹیں حاصل کر کے نمایاں رہے۔

پہلی اننگز میں سروسز نے کھیل کے اختتام پر 141 رنز بنا لیے تھے اور اس کے صرف 4 کھلاڑی آؤٹ ہوئے تھے، سروسز کو مہاراشٹرا کے خلاف پہلی اننگز میں 97 رنز کی برتری حاصل ہے۔

میلبرن: بگ بیش لیگ میں امپائر گریگ ڈیوڈسن کے مزاحیہ انداز پر انگلیاں اٹھنے لگیں۔

ایڈیلیڈ اسٹرائیکر اور میلبرن رینی گیڈز کے میچ میں راشد خان کی اپیل پرامپائر نے انگلی اٹھائی لیکن پھر فیصلہ تبدیل کر کےناک کھجانے لگ گئے۔

گریگ کےایکشن نےسب کوحیران کردیا اور ان کی اس حرکت پر کھلاڑی اور کامنٹیٹرز بھی ہنسے بغیر نہ رہ سکے۔

امپائر کی اس غیر معمولی حرکت پر کرکٹ مبصرین نے سوالات اٹھا دیے ہیں، شائقین اور کرکٹ حلقوں نے فیصلہ تبدیل کرنے پر قانون سازی کا مطالبہ کیا ہے۔