Tag: کرکٹ

لاہور: پاکستان کرکٹ بورڈ نے ملک میں ٹیسٹ کرکٹ کی واپسی پر ماضی کی خوشگوار یادوں کو تازہ کرنے کے لیے پاک سری لنکا پہلا ٹیسٹ کھیلنے والے کپتانوں کو مدعو کرلیا۔

تفصیلات کے مطابق پاکستان اور سری لنکا کے خلاف 11 دسمبر کو شیڈول پہلے ٹیسٹ میچ میں جاویدمیانداد اور بندولاورناپورا مہمان خصوصی ہوں گے۔

پی سی بی نے سابق کپتانوں کو11دسمبرسے ٹیسٹ میں شرکت کی دعوت دی ہے،پاکستان اور سری لنکاکی ٹیموں میں پہلی بارمیچ مارچ1982کو ہوا تھا۔

کراچی کے نیشنل اسٹیڈیم میں کھیلے گئے اس تاریخی میچ میں پاکستان کی قیادت جاویدمیانداد اورسری لنکاکی کپتانی بندولاورناپورانےکی تھی اوراس مقابلے میں پاکستان نے فتح حاصل کی تھی۔

https://twitter.com/TheRealPCB/status/1203634808477360128

سابق کپتان10دسمبرکوسیریز کی ٹرافی کےفوٹوشوٹ میں شرکت بھی کریں گے جب کہ ٹیسٹ کے پہلے روز کھانے کے وقفے کے دوران ایک خصوصی یادگاری تقریب بھی منعقد کی جائے گی۔

چیئرمین پاکستان کرکٹ بورڈ احسان مانی نے کہا ہے کہ پی سی بی کادعوت نامہ قبول کرنےپرکپتانوں کا مشکور ہوں، پی سی بی سابق کرکٹرزکی خدمات کامعترف ہے۔

انہوں نے کہا کہ 11دسمبرقومی کرکٹ کی تاریخ کااہم دن ہے، اس روز جاوید میانداد اوربندولاورناپورابھی ہمارےساتھ موجودہوں گے۔

کیپ ٹاؤن: مزانسی سپر لیگ ٹی ٹوئنٹی کے ایک میچ کے دوران ڈیل اسٹین نے مذاق مذاق میں اے بی ڈیویلیئرز کو آؤٹ کرنے کے انداز پر کئی سوالات کھڑے ہوگئے۔

ویڈیو میں دیکھا جاسکتا ہے کی ڈیویلیئرز نے بولرز بیک ڈرائیو کھیلی تو گیند اسٹین کے پاؤں پر لگ کر رک گئی اور ڈیویلیئرز خود آگے بڑھے اور گیند بولرز کو تھمائی۔

اسٹین نے حاضر دماغی کا مظاہرہ کرتے ہوئے گیند وکٹ کی جانب اچھال دی جو کہ بیلز کو جالگی اور اس دوران بیٹسمین کریز سے باہر تھے۔

بولر نے ہلکی سے آؤٹ کی اپیل کی لیکن کسی نے اسے سنجیدہ نہیں لیا اور خود ڈیویلیئرز گلیاں صحیح کرنے میں لگ گئے۔

اس پورے واقعے کے بعد شائقین رن آؤٹ کے اس منفرد انداز پر سوال اٹھا رہے ہیں کہ کہ کیا یہ آؤٹ ہوا یا نہیں؟

لاہور: قومی ٹیم کے مایہ ناز آل راؤنڈر عبدالرزاق نے دنیا کے نمبر ون بولر جیسیرت بھمرا کو ’بے بی‘ بولر قرار دے دیتے ہوئے کہا ہے کہ اگر بھارتی بولر میرے سامنے ہوتا تو میں اس پرغلبہ حاصل کرلیتا۔

تفصیلات کے مطابق ایک انٹرویو میں سابق آل راؤنڈر سے سوال کیا گیا کہ اگر بھمرا سے مقابلہ ہوتا توآپ کس طرح اس کا سامنا کرتے؟ جس پر عبدالرزاق کا کہنا تھا کہ میں ورلڈکلاس بولرز کو فیس کرچکاہوں اس لیے بھمرا جیسے بولرز کا سامنا ہوتا تو میرے لیے کوئی مشکل نہیں تھی۔

سابق آل راؤنڈر کا کہنا تھا کہ جب آپ اچھے بولرز کو کھیل کرآتے ہیں تو بھمرا جیسے بولرز کو کھیلنا آسان ہوتا ہے یہ اپنے اعتماد کی بات ہے، مثال کے طور میں میک گرا، وسیم اکرم اور شعیب اختر کو کھیل کر آرہاہوں تو بھمرا جیسے بولر تو میرے سامنے’بے بی‘ ہوگا ، میں اس پر سبقت حاصل کرسکتا ہوں ۔

انہوں نے کہا کہ بڑی بڑی ٹیموں کے ساتھ کھیل چکا ہوں، کوچنگ میرا پیشن ہے اس کو انجوائے کرتا ہوں، ہر بڑا کھلاڑی اچھا کوچ نہیں بن سکتا، لیکچر دینا الگ بات ہے لیکن عملی میدان میں پلیئرز کو بنیادی تکنیک سکھانا، ان کی خامیوں اور خوبیوں کا اندازہ لگانااور پھر اس پر کام کرکے نتیجہ حاصل کیا جاتا ہے۔

سابق کرکٹر نے کاہ کہ میری یہ خواہش ہے کہ جب کوچنگ میں آؤں تو کھلاڑیوں کے ساتھ فیلڈ میں کام کروں تب ہی کھلاڑی اچھے تیار کرہوں گے۔

انہوں نے بتایا کہ پاکستان میں نیچرل ٹیلنٹ موجود ہے جو کبھی ختم نہیں ہوسکتا، ابھی جو نوجوان کھلاڑی منتخب ہوئے ہیں وہ کیسے سلیکٹ ہوئے؟ ہمارے سینئر کھلاڑیوں کو نیٹ پریکٹس میں ان کے خلاف کھیلنے میں دشواری ہوئی تو ان کا انتخاب کرلیا گیا، یہ سلیکشن کا کوئی معیار نہیں کہ نیٹ میں جس بولر کو کھیلنے میں دشواری ہو تو اسے منتخب کرلیا جائے، محمد حسنین اور نسیم شاہ اچھے بولرز ہیں لیکن وقت سے پہلے ذمہ داریاں دینا ان کے کیریئر کے لیے نقصان دہ ہوسکتا ہے۔

دوسری جانب عبدالرزاق کے بھمرا سے متعلق بیان پر بھارتی میڈیا آگ بگولہ ہوگیا اور وہ طرح طرح کے تبصرے کرکے سابق آل راؤنڈر کو تنقید کا نشانہ بنانے لگ گیا۔

عبدالرزاق کا بیان بھارتی میڈیا کی شہ سرخیوں کی زینت بنا ہے اور سوشل میڈیا پربھی اس بیان پر زبردست بحث جاری ہے۔

ایڈیلیڈ: آسٹریلوی بیٹسمین ڈیوڈ وارنر نے سابق ویسٹ انڈین اسٹار برائن لارا کا ٹیسٹ کرکٹ کی ایک اننگز میں سب سے زیادہ 400 رنز کا انفرادی اسکور کا عالمی ریکارڈ نہ توڑنے کی وجہ بتادی۔

پاکستان کے خلاف ایڈیلیڈ ٹیسٹ کی پہلی اننگز میں آسٹریلوی اوپنر نے 335 رنز کی ناقابل شکست اننگز کھیلی، ان کے پاس برائن لارا کا ورلڈریکارڈ توڑنے کا اچھا موقع تھا تاہم کپتان نے 589 کے مجموعے پر اننگز ڈکلیئر کردی۔

ٹم پین کے اس فیصلے پرشائقین اور مبصرین حیرت زدہ ہوگئے کہ وارنر کے ہاتھ آیا اچھا موقع گنوادیا گیا، آسٹریلوی کپتان کے فیصلے پر کرکٹ حلقوں کی جانب سے تنقید کی گئی تو ڈیوڈ وارنر وضاحت دینے میدان میں آگئے۔

اوپنر نے میڈیا کو بتایا کہ ان کی نظر میں کوئی عالمی ریکارڈ نہیں تھا اور وہ برائن لارا کا ریکارڈ توڑنے کا سوچ بھی نہیں رہے تھے، میرے ذہن میں ایسا کچھ نہیں تھا کہ میں جاؤں اور ریکارڈ پاش پاش کردوں۔

David Warner becomes the 7th Australian to score a triple century in Tests 💪 pic.twitter.com/3tup9XUnIX

— ICC (@ICC) November 30, 2019

انہوں نے کپتان کا دفاع کرتے ہوئے کہا کہ ہم صرف یہ سوچ رہے تھے کہ میچ جیتنے کی پوزیشن میں آجائیں، اس لیے ہم زیادہ سے زیادہ وقت وکٹ پر گزارنا چاہتے تھے۔

وارنر نے کہا کہ مجھےنہیں لگتا کہ میں نے کوئی موقع ضائع کردیا ہے،ہم تمام تر نظرین میچ میں کامیابی پر تھیں، مجھے موقع ضرور ملا جو کہ اچھا ہے لیکن میں بہت ڈسپلن تھا اور میں اس سے بہت خوش ہوں۔

ایڈیلیڈ: پاکستان اور آسٹریلیا کے درمیان کھیلے جانے والے دوسرے ٹیسٹ میچ کے دوسرے روز آسٹریلیا نے ایڈیلیڈ کے میدان میں پاکستانی بولرز کو رنز کے پہاڑ تلے دبا دیا۔

تفصیلات کے مطابق ایڈیلیڈ ٹیسٹ میں رنز کا سیلاب پاکستانی بولرز کو بہا لے گیا، آسٹریلیا نے پہلی اننگز 589 رنز پر ڈکلیئر کر دی، وارنر نے اپنے کیریئر کی پہلی اور ٹیسٹ کرکٹ کی چوتھی تیز ترین ٹرپل سنچری اسکور کی اور ناقابل شکست 335 بنائے۔ وارنر ایڈیلیڈ میں سب سے بڑی اننگز کھیلنے والے بلے باز بھی بن گئے۔

آسٹریلوی بلے باز لبوشین نے بھی مسلسل دوسری سنچری بنائی، اور اس دوران پاکستانی بولرز کی خوب پٹائی لگائی، قومی بولرز آسٹریلیا میں وکٹ لینا ہی بھول گئے، پاکستانی بولر عباس، یاسر اور موسیٰ بے بسی کی تصویر بنے رہے۔

یہ بھی پڑھیں:  ایڈیلیڈ ٹیسٹ، آسٹریلیا نے پہلے روز 1 وکٹ پر 302 رنز بنالیے

قومی بولرز نے رنز دینے میں سنچریاں بنائیں، یاسر نے 197، عباس نے 100، موسیٰ نے 118 رنز دیے، شاہین آفریدی کے علاوہ کوئی بھی بولر وکٹ نہ لے سکا۔ آسٹریلیا نے پہلی اننگز پانچ سو نواسی رنز تین وکٹ پر ڈکلیئر کر دی۔

دوسری طرف پاکستان نے اپنی پہلی اننگز کا آغاز ہی نقصان سے کر دیا ہے، پاکستان کی پہلی وکٹ 3 رنز پر گر گئی، امام الحق 2 رنز بنا کر آؤٹ ہو گئے ہیں۔