Tag: کرکٹ

کراچی: فاسٹ بولر صدف حسین نےفرسٹ کلاس کیریئرمیں400 وکٹیں مکمل کرلیں،ان کا کہنا ہے کہ ہرسیزن میں پرفارم کررہاہوں، امیدہےقومی ٹیم میں چانس ملے گا۔

صدف حسین نے فرسٹ کلاس کرکٹ میں کامیابی کے جھنڈے گاڑتے ہوئے 400 وکٹیں حاصل کرنے کا اعزاز حاصل کرلیا۔

اپنی اس کامیابی کو صدف حسین نے کیریئر میں سنگ میل قرار دیتے ہوئے کہا ہے کہ ہرکنڈیشن میں بولنگ کر سکتا ہوں، ہرسیزن میں پرفارم کررہاہوں، امیدہےقومی ٹیم میں چانس ملے گا۔

دوسری جانب فرسٹ کلاس کرکٹ میں ڈبل سنچری بنانے والے شہزورمحمد کا کہنا ہے کہ فخرہےمحمدفیملی کاحصہ ہوں۔

انہوں نے کہا کہ دادا اور والدکی طرح ڈبل سنچری اسکورکی، میری بھی خواہش ہے داداورالدکی طرح پاکستان کیلئےکھیلوں۔

کراچی: قائد اعظم ٹرافی ٹورنامنٹ میں سندھ اورسینٹرل پنجاب کےمیچ کےدوران بیٹسمین احسن علی گیندلگنے سے زخمی ہوگئے۔

تفصیلات کے مطابق قائداعظم ٹرافی میں کن کشن کاایک اورواقعہ پیش آیا ہے، کن کشن قانون کے تحت گردن یا سر پر چوٹ لگنے کی وجہ سے اگرکسی کھلاڑی پر غنودگی کی کیفیت طاری ہوتی ہے یا تکلیف محسوس ہوتی ہے تو اس کا متبادل لیا جاسکتا ہے۔

ایشیز سیریزمیں آسٹریلوی بیٹسمین اسٹیو اسمتھ کے سر پر چوٹ لگی تھی تو اسی قانون کے تحت ان کا متبادل لیا گیا تھا۔

احسن علی سینٹرل پنجاب کے بولر بلاول اقبال کی گیند لگنے سے زخمی ہوئے،احسن علی 2 روز تک ڈاکٹرز کی زیر نگرانی رہیں گے۔

احسن علی کی جگہ سید فراز علی کو سندھ کی 11 رکنی ٹیم میں شامل کرلیاگیا،احسن علی کے متبادل کھلاڑی کی شمولیت کن کشن قانون کےتحت ہوئی ہے۔

قائد اعظم ٹرافی کے پہلے میچ میں بھی کن کشن کےقانون پر عمل ہوا تھا، جس میں سر پر چوٹ لگنے سے بیٹسمین صلاح الدین میچ سے دستبردار ہوگئے تھےاورمحمد سعد کو متبادل کے طور پر ٹیم میں شامل کیا گیا تھا۔

سڈنی: سری لنکا اور پاکستان کو ٹوئنٹی سیریز میں کلین سوئپ کرنے کے بعد آسٹریلیا نے گرین شرٹس کی ٹوئنٹی رینکنگ خطرے میں ڈال دی ہے۔

سری لنکا سے ہوم سیریز اور آسٹریلیا سے سیریز میں مسلسل ناکامیوں کے بعد قومی ٹیم کو رینکنگ بچانے کے لالے پڑ گئے ہیں۔

مسلسل 5 میچوں میں شکست کے باوجود قومی ٹیم ٹی ٹوئنٹی رینکنگ میں سرفہرست ضرور ہے مگر آسٹریلیا صرف ایک پوائنٹ کی کمی سے دوسرے نمبر پیچھا کررہا ہے۔

آئی سی سی ٹی ٹوئنٹی رینکنگ میں پاکستان 270 پوائنٹس کے ساتھ پہلی پوزیشن سنبھالے ہوئے ہے جب کہ آسٹریلیا 269 پوائنٹس کے ساتھ دوسرے نمبر پر ہے۔

یہ بھی پڑھیں: پاکستانی بیٹسمین گیند کھیلنے سے کترانے لگے

پاکستان کی خوش قسمتی ہے کہ کینگروز کے خلاف پہلا ٹی ٹوئنٹی بارش کے باعث بے نتیجہ ثابت ہوا اور جیتی بازی ہاتھ سے نکلنے کی وجہ سے آسٹریلیا ایک پوائنٹ سے محروم ہوگیا۔

اس قیمتی پوائنٹ کی وجہ سے آسٹریلیا پہلی پوزیشن حاصل نہ کرسکا جس پر کپتان ایرون فنچ نے آئی سی سی قوانین پر اعتراض بھی اٹھایا۔

آئی سی سی رینکنگ میں انگلینڈ تیسرے،جنوبی افریقا چوتھے، بھارت پانچویں،نیوزی لینڈ چھٹے،سری لنکا ساتویں، افغانستان آٹھویں، بنگلادیش نویں اور ویسٹ انڈیز دسویں نمبر پر ہے۔