ARYNews.tv | Urdu – Har Lamha Bakhabar

Tag: کرکٹ

  • پاکستان: اسٹریٹ کرکٹ میں کھلاڑی کا انوکھا آؤٹ، آئی سی سی نے فیصلہ سنادیا

    پاکستان: اسٹریٹ کرکٹ میں کھلاڑی کا انوکھا آؤٹ، آئی سی سی نے فیصلہ سنادیا

    کراچی: پاکستان میں کرکٹ کی دیوانگی کوئی نئی بات نہیں اس بات کا عملی مظاہرہ اُس وقت دیکھنے میں آیا کہ جب مقامی گراؤنڈ میں کھیلے جانے میچ کے دوران بلے باز انوکھے طریقے سے آؤٹ ہوا تو کھلاڑی سے آئی سی سی سے رولنگ مانگ لی۔

    تفصیلات کے مطابق پاکستانیوں کا کرکٹ کے ساتھ چولی دامن کا ساتھ ہے، کوئی آفیشل ہو یا گلی محلے میں کھیلنے والے کھلاڑی کو انٹرنیشنل کرکٹ کونسل کے قوانین کے تحت میچز کا انعقاد کرتے ہیں۔

    گزشتہ دنوں سندھ کے کسی علاقے میں ایک میچ کھیلا گیا جس میں بلے باز بالکل انوکھے طریقے سے آؤٹ ہوا یعنی بیٹسمین نے جب اسٹروک کھیلا تو گیند بریک ہوکر دوبارہ وکٹ پر آکر لگی۔ میچ کھیلنے والے کھلاڑی نے انٹرنیشنل کرکٹ کونسل سے اس ضمن میں قوانین کے تحت فیصلہ مانگا۔

    یہ بھی دیکھیں: کراچی: انٹرنیشنل کھلاڑی کی بچوں کے ساتھ گلی میں کرکٹ، ویڈیو وائرل

    آئی سی سی نے مذکورہ گزشتہ روز اپنے ٹویٹر اکاؤنٹ پر ویڈیو شیئر کرتے ہوئے لکھا کہ حمزہ نامی کرکٹ مداح نے ہمیں صبح مذکورہ ویڈیو شیئر کرتے ہوئے رولنگ مانگی۔ انٹرنیشنل کرکٹ کونسل نے رولنگ دیتے ہوئے کہا کہ ’بدقسمتی سے کرکٹ قانون 32.1 کے تحت کھلاڑی کو آؤٹ قرار دیا جاتا ہے‘۔

    میچ کے حوالے سے مزید کوئی اطلاعات سامنے نہیں آئیں تاہم یہ بات واضح ہے کہ مذکورہ مقابلہ سندھ کے کسی علاقے میں مقامی ٹیموں کے مابین ہوا جس میں ہونے والے دلچسپ واقعے پر آئی سی سی نے رولنگ بھی دے ڈالی۔

    آئی سی سی کی جانب سے ویڈیو پر آفیشل اکاؤنٹ سے رولنگ آنا تاریخی اور حیران کن واقعہ قرار دیا جارہا ہے کیونکہ ایسا پہلی بار ہوا ہے کہ کسی مداح نے آؤٹ کے حوالے سے کرکٹ قانون کے بارے میں آگاہی اور فیصلہ حاصل کیا۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • پاکستان بہ مقابلہ لسیٹرشائر، انگلینڈ‌ کی مشکل سیریز سے قبل پریکٹس کا آخری موقع

    پاکستان بہ مقابلہ لسیٹرشائر، انگلینڈ‌ کی مشکل سیریز سے قبل پریکٹس کا آخری موقع

    لیسٹر: قومی ٹیم انگلینڈ کے خلاف دو ٹیسٹ میچز کی سیریز سے قبل آج لیسٹرشائر کے مدمقابل ہیں، پاکستان نے ٹاس جیت کر پہلے بیٹنگ کا فیصلہ کیا ہے.

    تفصیلات کے مطابق پاکستان اور انگلش کاؤنٹی لیسٹر شائرکی ٹیمیں دو روزہ پریکٹس میچ میں آمنے سامنے ہیں، یہ انگلینڈ کی مشکل سیریز سے قبل ٹیم کمبی نیشن بنانے کا آخری موقع ہے۔ اس سے قبل پاکستان اور کینٹ کاؤنٹی کا میچ ڈرا ہوا تھا، جب کہ نارتھ ہیمٹن شائر کو پاکستان نے شکست دی تھی.

    پاکستان نے اننگز کا پراعتماد انداز میں آغاز کیا۔ قومی ٹیم 8 وکٹوں کے نقصان پر 313 رنز بنا چکی ہے، اظہر علی نے 73 اور فخرزمان 71 رنز بنا کر نمایاں رہے۔ پاکستان نے اس میچ میں نوجوان کھلاڑیوں کو موقع دینے کا فیصلہ کیا ہے، نوجوان بیٹسمین عثمان صلاح الدین اور سعد علی کو صلاحیتیں آزمانے کا موقع ملا ہے۔ 

    یاد رہے کہ آئرلینڈ کے خلاف تاریخی ٹیسٹ میچ میں‌ پاکستان نے فتح اپنے نام کی تھی، اب شاہین انگلینڈ سے بائیس سال بعد سیریز جیتنے کے لئے پرعزم ہیں.انگلینڈ سے دو ٹیسٹ میچز کی سیریز 24 مئی سے شروع ہوگی.

    پہلا ٹیسٹ میچ لارڈز، جب کہ دوسر ہیڈنگلے میں کھیلا جائے گا۔ یار رہے کہ آخری بار پاکستان نے مصباح الحق کی قیادت میں انگلینڈ کا دورہ کیا تھا، سیریز دو دو سے برابر رہی تھی۔

    ڈبلن ٹیسٹ: پاکستان نے آئرلینڈ کو 5 وکٹوں سے شکست دے دی

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ڈبلن ٹیسٹ: پاکستان ٹیم کی میچ میں واپسی، پہلی اننگز 310 رنز پر ڈکلیئر کردی

    ڈبلن ٹیسٹ: پاکستان ٹیم کی میچ میں واپسی، پہلی اننگز 310 رنز پر ڈکلیئر کردی

    ڈبلن: آئرلینڈ ٹیم کے ساتھ اپنے پہلے ٹیسٹ میچ میں پاکستان الیون نے ایک خراب آغاز کے بعد کم بیک کرلیا ہے، تیسرے دن پاکستان ٹیم نے پہلی اننگز 310 رنز پر ڈکلیئر کردی۔

    تفصیلات کے مطابق تیسرے دن کھیل کے آغاز پر پاکستان کی نویں وکٹ 306 رنز پر گری۔ ٹیسٹ میں ڈیبو کرنے والے فہیم اشرف ٹاپ اسکورر رہے اور شان دار 83 رنز بنا کر میچ کو یاد گار بنایا۔

    اسد شفیق اور شاداب خان نے ناقابل شکست نصف سینچریاں اسکور کیں، بلے بازوں نے بالترتیب 62 اور 55 رنز بنائے۔ اظہر علی اور امام الحق دوہرے ہندسے کو بھی عبور نہیں کرسکے۔

    آئرلینڈ کے بولر ٹم مرتاک نے چار کھلاڑیوں کو آؤٹ کیا، قبل ازیں ڈبلن میں کھیلے جانے والے اس تاریخی ٹیسٹ میچ میں آئرلینڈ نے ٹاس جیت کر پاکستان کو پہلے بیٹنگ کھیلنے کی دعوت دی۔

    آئرلینڈ کے خلاف پاکستان کی بیٹنگ جاری

    آئرلینڈ ٹیم نے اپنی پہلی اننگز کا آغاز کرتے ہوئے پاکستان کے بولرز کی جوڑی محمد عامر اور محمد عباس کے آگے گھٹنے ٹیک دیے۔ دونوں بولرز نے آئرلینڈ ٹیم کے ٹاپ آرڈر کو لنچ سے قبل ہی پویلین بھیج دیا، آئرلینڈ نے 17 اوورز میں پانچ وکٹوں کے نقصان پر 43 رنز بنالیے ہیں۔

    آئرلینڈ ٹیم کا فیصلہ اس وقت درست ثابت ہوا جب پاکستانی ٹیم کی وکٹیں یکے بعد دیگرے گرنے لگیں۔ اظہر علی چار رنز اور امام الحق سات رنز بناکر آؤٹ ہوئے۔

    خیال رہے کہ دوسرے دن کے کھیل میں حارث سہیل اور اسد شفیق نے ٹیم کو سہارا دیا لیکن حارث کی وکٹ بھی اکتیس رنز پر گری، ان کے بعد آنے والے بابر اعظم بھی صرف چودہ رنز بناسکے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • آئرلینڈ کی ٹیم اپنا پہلا انٹرنیشنل ٹیسٹ میچ آج ڈبلن میں پاکستان کے خلاف کھیلے گی

    آئرلینڈ کی ٹیم اپنا پہلا انٹرنیشنل ٹیسٹ میچ آج ڈبلن میں پاکستان کے خلاف کھیلے گی

    ڈبلن: آئرلینڈ کی ٹیم اپنا پہلا انٹرنیشنل ٹیسٹ میچ  آج ڈبلن میں پاکستان کے خلاف کھیلے گی، انگلش ٹیم اس میچ میں اپ سیٹ کا پلان بنا رہی ہے۔

    آج سے شروع ہونے والا ٹیسٹ میچ مالاہائیڈ‘ ڈبلن میں کھیلا جائے گا، پاکستان ٹیم نسبتاً نوجوان اسکواڈ پر مشتمل ہے جب کہ آئرلینڈ کی ٹیم اپنے پہلے میچ میں ہوم ایڈوانٹیج حاصل کرنے کی کوشش کرے گی۔

    آئرلینڈ کے پیس بولر ناتھن اسمتھ زخمی ہونے کے باعث ٹیم سے خارج ہوگئے ہیں، ان کی جگہ کریگ ینگ کو بلا لیا گیا ہے، اٹھائیس سالہ ینگ نے 2013 میں قومی ٹیم کو جوائن کیا تھا۔

    واضح رہے کہ آئرلینڈ اور افغانستان کو گزشتہ برس جون میں انٹرنیشنل کرکٹ کونسل نے فل ممبر ممالک کی ٹیموں کے خلاف قابل ذکر کام یابیاں حاصل کرنے کے بعد ٹیسٹ اسٹیٹس دیا تھا۔

    خیال رہے کہ آئرلینڈ کی ٹیم ون ڈے میں اپ سیٹ کرنے کی ماہر ٹیم سمجھی جاتی ہے، 2007 میں اس نے کرکٹ کا سب سے بڑا اپ سیٹ کردیا تھا جب ورلڈ کپ میں اس نے پاکستان کو زیر کیا اور دنیائے کرکٹ میں الگ پہچان بنالی۔

    شعیب ملک کا ون ڈے کرکٹ سے ریٹائرمنٹ کا فیصلہ، 2019 ورلڈ کپ کیرئیر کا آخری ایونٹ ہوگا

    آئرلینڈ نے ون ڈے میں انگلینڈ سمیت کئی بڑی ٹیموں کوشکست دی جس نے ٹیسٹ اسٹیٹس کے حصول کی منزل آسان بنائی۔ تاہم اپنا پہلا ٹیسٹ میچ جیتنا اتنا بھی کبھی آسان نہیں رہا، نیوزی لینڈ کو چھبیس سال اور پینتالیس ٹیسٹ کھیلنے پڑے جب کہ بنگلہ دیش کو زمبابوے کے خلاف اپنا پہلا ٹیسٹ جیتنے کے لیے چونتیس ٹیسٹ کھیلنے پڑے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • یونس خان نے اپنے بارہ سالہ غیر ملکی مداح کا دل جیت لیا

    یونس خان نے اپنے بارہ سالہ غیر ملکی مداح کا دل جیت لیا

    لاہور: قومی کرکٹ ٹیم کے سابق کپتان یونس خان نے نیوزی لینڈ سے تعلق رکھنے والے اپنے بارہ سالہ مداح کو کرکٹ کے گر بتانے کا وعدہ پورا کرکے اس کا دل جیت لیا۔

    تفصیلات کے مطابق مایہ ناز بلے باز کو نیوزی لینڈ کے ایک بچے فیلکس اینڈرسن کا خط موصول ہوا جو دو سال قبل لکھا گیا تھا، جس میں اس نے یونس خان سے کرکٹ کے گر سکھانے کی درخواست کی تھی۔

    خط موصول ہوتے ہی پاکستانی تاریخ کے کام یاب ترین بلے باز نے پچیس اپریل کو ٹوئٹ کرتے ہوئے لکھا کہ ’پیارے فیلکس، اس خوب صورت خط کے لیے شکریہ، یہ دو سال پرانا خط ہے جو مجھے ابھی ملا ہے، میں آپ کو چند ٹپس دینے کے لیے ایک مختصر ویڈیو بناؤں گا۔‘

    یونس خان نے اپنے ٹوئٹ میں خط کا عکس لگایا جس میں فیلکس نے لکھا تھا کہ میں دس سال کا ہوں اور آپ کو خط اس لیے لکھ رہا ہوں کیوں کہ آپ میرے بڑے ہیروز میں سے ایک ہیں۔

    فیلکس نے لکھا کہ آپ کی تیکنیک دیکھ کر بہت اچھا لگتا ہے، آپ کور ڈرائیو پرفیکٹ اور کٹ بھرپور انداز میں کھیلتے ہیں۔ مداح کا کہنا تھا کہ 2009 میں یونس خان کی سری لنکا کے خلاف بنائی گئی ٹرپل سنچری ان کے لیے بہت یادگار تھی جس کی وجہ سے وہ کرکٹر بننے کا خواب دیکھنے لگا۔

    رواں ماہ کی سات تاریخ کو یونس خان نے ٹوئٹ کرتے ہوئے فیلکس کے لیے پیغام دیا کہ وعدے کے مطابق انھوں نے اپنے ننھے مداح کے لیے کرکٹ ٹپس پر مشتمل کوچنگ کی ویڈیو بنالی ہے۔

    فواد عالم کو ٹیم میں شامل ہونا چاہئے تھا، یونس خان

    مایہ ناز بلے باز نے ویڈیو میں فیلکس کو مخاطب کر کے نیک خواہشات کا اظہار کیا اور کور شاٹ اور کٹ شاٹ کھیلنے کے طریقے بتائے، انھوں نے امید ظاہر کرتے ہوئے کہا کہ فیلکس اس ویڈیو سے استفادہ کریں گے اور مستقبل میں اپنے ملک کی نمائندگی کریں گے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • واہگہ بارڈر کا دورہ یادگار رہا: حسن علی

    واہگہ بارڈر کا دورہ یادگار رہا: حسن علی

    لاہور: اسٹار فاسٹ بولر حسن علی نے کہا ہے کہ واہگہ بارڈر کا دورہ یادگار رہا، جو لطف آیا، وہ زندگی بھر نہیں بھلا پاؤں گا۔

    تفصیلات کے مطابق پاکستانی کرکٹر حسن علی نے اے آر وائی سے بات چیت کرتے ہوئے اپنے دورہ واہگہ بارڈر کو یادگار قرار دیا.

    یادر رہے کہ آج واہگہ بارڈر پر قومی پرچم اتارنے کی پروقار تقریب کا انعقاد کیا گیا تھا، جس میں عوام قومی کرکٹ ٹیم کے کھلاڑیوں اور عوام کی بڑی تعداد نے ملی جوش و جذبے کے ساتھ شرکت کی، فاسٹ باؤلر حسن علی نے فوجی جوان کے انداز میں دشمن کو للکار کر حاضرین سے خوب داد سمیٹی.

    اس ضمن میں‌ حسن علی کا کہنا تھا کہ میں نے خود کہا تھا کہ میں اپنا اسٹائل یہاں کرنا چاہتا ہوں، بھارت کو للکار کر ہمیشہ سے اچھا لگا.

    انھوں نے کہا کہ مجھے فخر ہے کہ میں پاکستانی ہوں، پاک رینجرزکا شکریہ کہ انہوں نے پوری ٹیم کو دعوت دی، جو جوش و جذبہ یہاں ملا، اسی کے ساتھ انگلینڈ جا کر کھیلیں گے.

    خیال رہے کہ لاہور کے قذافی اسٹیڈیم میں دورہ آئرلینڈ اور انگلینڈ کے لیے منتخب ہونے والے کھلاڑیوں کا تربیت کیمپ جاری ہے، پاکستان کرکٹ بورڈ نے کھلاڑیوں کو تفریح کا موقع فراہم کرنے کے لیے واہگہ بارڈر کا دورہ کیا۔

    واہگہ پریڈ، قومی کرکٹ ٹیم کے کھلاڑیوں کی شرکت، حسن علی کی دشمن کو للکار

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • شاہد آفریدی کی اولمپین منصوراحمد کی عیادت، قومی ہیرو کی بھرپور سپورٹ کا اعلان

    شاہد آفریدی کی اولمپین منصوراحمد کی عیادت، قومی ہیرو کی بھرپور سپورٹ کا اعلان

    کراچی: سپراسٹار شاہد خان آفرہدی ہاکی کے لینجڈ کھلاڑی منصوراحمد کی عیادت کے لیے ان کی رہایش گاہ پہنچ گئے.

    تفصیلات کے مطابق شاہد آفریدی نے آج اولمپین منصوراحمد کی عیادت کی، اس موقع پر انھوں نے کہا کہ انھیں بے حد خوشی ہے منصور احمد تیزی سے صحت یاب ہورہے ہیں.

    شاہد خان کا آفریدی کا کہنا تھا کہ منصور احمد ہمارے ہیرو ہیں، میں‌ اپنے قومی ہیروز کی سپورٹ کے لئے ہر وقت حاضرہوں.

    اس موقع پر منصور احمد کا کہنا تھا کہ شاہد آفریدی نے میرے گھر آکر میرا دل جیت لیا، علاج معالجے میں ان کے تعاون پر میں تہ دل سے شکریہ ادا کرتا ہوں.

    واضح  رہے کہ منصور احمد گذشتہ دنوں شدید علیل اور معاشی مسائل کا شکار تھے، انھیں‌ ہارٹ اٹیک کی وجہ سے جناح‌ اسپتال میں داخل کیا گیا تھا.

    1994 کے ہاکی ورلڈ کپ فائنل میں پینلٹی اسٹروک روک کر پاکستان کو ورلڈ چیمپیئن بنانے والے قومی ہیرو منصور احمد کا سال 2016 جون میں بھی آپریشن ہوا تھا، جس کے بعد وہ صحت یاب ہوگئے تھے، البتہ پھر انھیں امراض نے گھیر لیا۔

    ایسے میں معروف آل راؤنڈر اور کراچی کنگز کے صدر شاہد خان آفریدی زیر علاج سابق اولمپین کی مدد کے لیے سامنے آئے اور اعلان کیا کہ کراچی آتے ہی وہ سابق اولمپین منصوراحمد کی عیادت کریں گے اور ان کے علاج کا تمام خرچہ اٹھائیں گے۔

    اب شاہد آفریدی نے منصور احمد کی عیادت کی ہے اور ان کی صحت یابی کے لیے نیک تمنائوں کا اظہار کیا ہے۔

    شاہد آفریدی نے اولمپئن منصور احمد کے علاج کا خرچہ اٹھانے کا اعلان کردیا

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • اسٹار کرکٹر محمد حفیظ کا پسندیدہ کھلاڑی کون؟ مستقبل کے کیا منصوبے ہیں؟ تفصیلات سامنے آگئیں

    اسٹار کرکٹر محمد حفیظ کا پسندیدہ کھلاڑی کون؟ مستقبل کے کیا منصوبے ہیں؟ تفصیلات سامنے آگئیں

    پاکستان کے اسٹار آل راﺅنڈر محمد حفیظ لارڈز، ایڈیلیڈ اور لاہور کے قذافی اسٹیڈیم میں کھیل کر لطف اندوز ہوتے ہیں، چائے اور کافی دونوں ہی انھیں پسند ہیں۔ اینکرز میں انھیں نعیم بخاری کی بے ساختگی اچھی لگتی ہے۔

    ان خیالات کا اظہار پاکستان کے سابق کپتان نے ٹویٹر پر اپنے مداحوں کے سوالات کا جواب دیتے ہوئے کیا۔ اس موقع پر انھوں نے اپنے فالوز کے چٹ پٹے سوالوں کے دل چسپ جواب دیے۔

    جب ان کے ایک مداح نے پوچھا، شعیب ملک اور عبدالرزاق میں انھیں کون زیادہ پسند ہے؟ تو انھوں نے جواب میں کہا کہ دونوں شان دار آل راﺅنڈ ز اور بہترین انسان ہیں۔

    جب ایک صارف نے حفیظ سے اُن کی اکیڈمی کی بابت پوچھا، تو انھوں نے کہا کہ وہ مستقبل میں بین الاقوامی معیار کی ایک کرکٹ اکیڈمی بنانے کا ارادہ رکھتے ہیں، تاکہ نئی نسل کی اسپورٹس کے میدان میں درست اور موثر رہنمائی کر سکیں۔ انھوں نے کہا کہ وہ بہت جلد اکیڈمی کا اعلان کریں گے۔

    جب ایک صارف نے فواد عالم کی سیلیکشن سے متعلق پوچھا، تو انھوں نے جواب میں کہا کہ جو بھی ڈومیسٹک میں پرفارم اور فٹنس کی شرائط پوری کرے گا، اسے ٹیم میں کھیل کر خود کو منوانے کا موقع ملنا چاہیے۔

    جب ایک صارف نے حفیظ سے دریافت کیا کہ کرکٹ کی تاریخ میں ان کا پسند کھلاڑی کون ہے؟ تو انھوں نے مختصراً جواب دیا: عمران خان۔

    چند صارفین نے تنقیدی سوالات بھی کیے، ایک شخص نے پوچھا، آپ کو ہمیشہ گھومتی ہوئی گیندوں پر دقت کیوں ہوتی ہے؟ اس کے جواب میں حفیظ نے لکھا: ہم انسان ہیں، سب میں کوئی نہ کوئی کمی ہوتی ہے، الحمدللہ میں نے انٹرنیشنل کرکٹ میں 11 ہزار کے قریب رنز اسکور کیے اور مستقبل میں مزید رنز بناﺅں گا۔

    ایک صارف نے پاک آرمی سے متعلق سوال کیا، تو محمد حفیظ نے ماشا اللہ لکھ کر پاک فوج پر اپنے فخر کا اظہار کیا۔ انھوں نے مستقبل میں کشمیر جانے اور وہاں کی وادی اور کھانوں کا تجربہ کرنے کی خواہش بھی ظاہر کی۔

    آئی سی سی کے فیصلے پر شکست تسلیم نہیں کروں گا، محمد حفیظ

     خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
  • ویرات کوہلی جیسا بیٹسمین بننا چاہتا ہوں، بابر اعظم

    ویرات کوہلی جیسا بیٹسمین بننا چاہتا ہوں، بابر اعظم

    لاہور: قومی کرکٹ ٹیم کے مڈل آرڈر بلے باز اور کراچی کنگز کے کھلاڑی بابر اعظم نے کہا ہے کہ ویرات کوہلی ایک بڑے اور تجربے کار کھلاڑی ہیں، ہمیشہ سے انہیں فالو کرتا آیا ہوں، کوہلی جیسا کرکٹر بننے کی خواہش ہے۔

    ان خیالات کا اظہار انہوں نے اے آر وائی کے پروگرام اسپورٹس راؤنڈ اپ میں خصوصی گفتگو کرتے ہوئے کیا، بابر اعظم کا کہنا تھا کہ ویرات کوہلی بہترین کرکٹر ہیں، ان جیسا کھلاڑی بن نہیں سکتا لیکن کوشش کرتا ہوں، لوگوں کی تنقید اپنی جگہ میری پوری توجہ کرکٹ پر ہے۔

    نئی ٹی 20 رینکنگ جاری، بابر اعظم نمبرون بیٹسمین قرار

    انہوں نے کہا کہ بہترین پرفارمنس دینے کے لیے محنت کر رہا ہوں، پی ایس ایل میں عمدہ کارکردگی پیش کرنے کی کوشش کریں گے، اہم بات فٹنس کی ہے آپ جتنا فٹ رہیں گے اتنی اچھی فیلڈنگ اور بیٹنگ رہے گی۔

    گزشتہ سال سماجی رابطے کی ویب سائٹ ٹوئٹر پر مداحوں کے سوالات کے جوابات دیتے ہوئے بابر اعظم کا کہنا تھا کہ ویرات کوہلی ایک تجربہ کار کھلاڑی ہیں جبکہ میں نے اپنا کیریئر ابھی شروع کیا ہے میرا اور ویرات کوہلی کا کوئی موازنہ نہیں ہے۔

    ویرات کوہلی اور میرا کوئی موازانہ نہیں، بابر اعظم

    یاد رہے گزشتہ ماہ انٹرنیشنل کرکٹ کونسل کی جاری کردہ ٹی 20 بلے بازوں کی رینکنگ میں پاکستانی کھلاڑی بابر اعظم کی رینکنگ میں واضح بہتری آئی ہے اور وہ 11 ویں نمبر سے سیدھے مختصر فارمیٹ کرکٹ کے نمبر ون کھلاڑی بن گئے ہیں۔

    خیال رہے بابر اعظم پی ایس ایل کے تیسرے ایڈیشن میں کراچی کنگز کی نمائندگی کر رہے ہیں۔ بہت کم لوگ ہی جانتے ہوں گے کہ انہیں ٹیم میں ان کے نام بابر اعظم سے نہیں بلکہ ’’بوب سے‘‘ کہہ کر پکارا جاتا ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

  • کراچی میں پی ایس ایل کا فائنل کر کے دکھائیں گے، نجم سیٹھی

    کراچی میں پی ایس ایل کا فائنل کر کے دکھائیں گے، نجم سیٹھی

    لاہور: پاکستان کرکٹ بورڈ کے چیئرمین نجم سیٹھی نے کہا ہے کہ عوام کی دعائیں رنگ لے آئیں پی ایس ایل کامیاب ایونٹ بن گیا، کراچی میں پی ایس ایل کا فائنل کر کے دکھائیں گے۔

    ان خیالات کا اظہار انہوں نے میڈیا سے بات چیت کرتے ہوئے کیا، نجم سیٹھی کا کہنا تھا کہ پی ایس ایل کسی کے ذاتی فائدے کے لیے نہیں بلکہ پاکستان کے لیے ہے، کچھ لوگ ہیں جو ہمیشہ عوام کی خواہشات پر ٹھنڈا پانی ڈالتے ہیں۔

    چیئرمین پی سی بی نجم سیٹھی کی ڈی جی آئی ایس پی آر سے ملاقات

    انہوں نے کہا کہ ہمارا بیک اپ پروگرام بہت مضبوط ہے، نمبر 2 یا 3 کی بات نہیں بہترین کھلاڑی پاکستان آئیں گے، ہر انٹرنیشنل پلیئر سے مل کر انہیں مطمئن کریں گے، ہاتھ مضبوط کر کے آسٹریلیا، نیوزی لینڈ کی ٹیموں سے بھی بات کریں گے۔

    چیئرمین پی سی بی نجم سیٹھی کا کہنا تھا کہ نئے ڈرافٹ میں شامل ہر کھلاڑی نے کہا ہم پاکستان آئیں گے، ہم نے اپنی مضبوط حکمتِ عملی تیار کر رکھی ہے، پوری دنیا میں پی ایس ایل کامیاب ایونٹ بن کر ابھرا ہے۔

    پی ایس ایل ایک فیملی ہے جہاں کراچی و لاہور بڑے بھائی ہیں، نجم سیٹھی

    ان کا مزید کہنا تھا کہ انٹرنیشنل سیکیورٹی ٹیم کی رپورٹ کا انتظار ہے، رپورٹ آنے کے بعد پلیئرز کے دلوں سے خوف نکل جائے گا۔

    یاد رہے گذشتہ دنوں چیئرمین پاکستان کرکٹ بورڈ نجم سیٹھی نے کہا تھا کہ پی ایس ایل میں حصہ لینے والی تمام ٹیمیں بچوں کی طرح ہیں اور جیسے ماں کو بچے پیارے ہوتے ہیں ویسے ہی سب ٹیمیں پیاری ہیں جس میں کراچی اور لاہور کو بڑے بھائیوں سی حیثیت حاصل ہے۔

    خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔