لاہور: پاکستان کرکٹ بورڈ نے ورلڈ کپ کے لئے تیس رکنی ممکنہ اسکواڈ کا اعلان کردیا۔ معطل آف اسپنر سعید اجمل کا نام بھی شامل ہے۔ پاکستان کرکٹ بورڈ کی سیلکشن کمیٹی نے دو ہزار پندرہ میں ہونے والے عالمی کپ کے لئے تیس ممکنہ کھلاڑیوں کا اعلان کردیا۔
چیف سلیکٹر معین خان کی سربراہی میں تیار کی گئی فہرست چیئرمین پی سی بی کو بھجوا دی گئی ہے۔ معطل آف اسپنر سعید اجمل کا نام بھی ورلڈ کپ کےاسکواڈ میں شامل ہے۔
آؤٹ آف فارم آل راؤنڈ شعیب ملک اور وکٹ کیپر کامران اکمل بھی ممکنہ تیس کھلاڑیوں میں جگہ بنانے میں کامیاب رہے۔ یونس خان، فواد عالم اور انجری سے نجات پانے والے فاسٹ بولر عمر گل بھی ابتدائی اسکواڈ کاحصہ ہونگے۔
دیگر کھلاڑیوں میں محمد حفیظ ،احمد شہزاد،ناصر جمشید ،شرجیل خان ، سمیع اسلم ،مصباح الحق،یونس خان اسد شفیق،اظہرعلی ،صہیب مقصود،فواد عالم،حا رث سہیل شعیب ملک ،عمر اکمل،محمد عرفان ،وہاب ریاض، جنید خان عمر گل،احسان عادل،محمد طلحہ،سعید اجمل،ذوالفقار بابر، رضا حسن، یاسر شاہ،شاہد آفریدی، انور علی، بلاول بھٹی، سہیل تنویر،سرفراز احمد،اور کامران اکمل شامل ہیں .
ورلڈ کپ کے لئے حتمی پندرہ کھلاڑیوں کا نام بھجوانے کی تاریخ سات دسمبر ہے۔
