ARYNews.tv | Urdu – Har Lamha Bakhabar

Tag: کرکٹ

  • زمبابوے کے کون سے کھلاڑی مشکلات پیدا کر سکتے ہیں؟

    زمبابوے کے کون سے کھلاڑی مشکلات پیدا کر سکتے ہیں؟

    پرتھ: ٹی 20 ورلڈ کپ کے دوسرے میچ میں آج جمعرات کو قومی ٹیم زمبابوے سے آمنا سامنا کرے گی، یہ میچ پاکستانی وقت کے مطابق شام 4 بجے شروع ہوگا۔

    پاکستان اور زمبابوے کے درمیان اب تک 17 ٹی 20 میچز کھیلے جا چکے ہیں، جن میں پاکستان 16 اور زمبابوے صرف ایک میچ جیتنے میں کامیاب رہا ہے۔

    اس ریکارڈ کو دیکھتے ہوئے یہ اطمینان کیا جا سکتا ہے کہ میچ کا نتیجہ پاکستان کے حق میں نکلے گا، اور ماہرین نے پاکستان کے جیتنے کا امکان بھی 86 فی صد قرار دیا ہے۔

    تاہم زمبابوے کی ٹیم میں ایسے کئی کھلاڑی موجود ہیں، جو پاکستان کے لیے خطرہ بننے کی صلاحیت رکھتے ہیں۔

    پاکستان اور زمبابوے آج آمنے سامنے، ٹیم میں تبدیلی کا امکان

    ان میں دراز قد بلیسنگ مُزاربانی ایسے بولر ہیں جو پاکستانی بلے بازوں کو اپنی بولنگ سے ماضی میں بھی مشکلات سے دو چار کر چکے ہیں، دراز قد ہونے کی وجہ سے پرتھ کی کنڈیشنز ان کو سپورٹ کریں گی۔

    دوسرے کھلاڑی ہیں پاکستان کے شہر سیالکوٹ میں پیدا ہونے والے دائیں ہاتھ کے بیٹسمین سکندر رضا، جو اپنی ٹیم کے لیے اہم کھلاڑی ثابت ہو سکتے ہیں۔ وہ اب تک ٹورنامنٹ میں تین میچز کھیل کر 136 رنز بنا چکے ہیں، اور کسی بھی ٹیم کے لیے خطرناک ثابت ہو سکتے ہیں۔

    پاکستان کے پاس ٹورنامنٹ میں اپنی پہلی جیت رقم کرنے کے ساتھ ساتھ انڈیا کے خلاف شکست کی یادیں دور کرنے کا موقع ہوگا۔

  • پاکستان جونیئر لیگ کے میچز فیصلہ کن مرحلے میں داخل

    پاکستان جونیئر لیگ کے میچز فیصلہ کن مرحلے میں داخل

    لاہور: پاکستان جونئیر لیگ کے میچز فیصلہ کن مرحلے میں داخل ہو گئے ہیں۔

    پی جے ایل کے پہلے الیمینیٹر میں مردان واریئرز نے راولپنڈی ریڈرز کو 6 وکٹوں سے شکست دے کر ٹورنامنٹ سے باہر کر دیا ہے، جب کہ آج کوالیفائر کی شکست خوردہ بہاولپور رائلز کوالیفائر ٹو میں مردان واریئرز سے پنجہ آزمائی کرے گی۔

    قذافی اسٹیڈیم لاہور میں پاکستان جونیئر لیگ کے سنسنی خیر میچز جاری ہیں، پی جے ایل کے پہلے الیمینیٹر میں راولپنڈی ریڈرز نے ٹاس جیت کر پہلے بیٹنگ کا فیصلہ کیا، جو سود مند ثابت نہ ہو سکا، مردان واریئرز کی شان دار باؤلنگ کے سامنے راولپنڈی ریڈرز کی ٹیم 19.3 اوورز میں 121 رنز پر آل آؤٹ ہو گئی۔

    راولپنڈی کے حبیب اللہ کے علاوہ کوئی کھلاڑی خاطر خواہ کارکردگی کا مظاہرہ نہ کر سکا، حبیب اللہ 51 گیندوں پر 6 چوکوں اور 2 چھکوں کی مدد سے 65 رنز بنا کر نمایاں رہے، جب کہ ان کے علاوہ صرف تین بیٹر ڈبل فگرز میں داخل ہو سکے، علی اسحاق نے 14، ہارون ارشد نے 13 جب کہ وہاب ریاض 11 رنز بنا کر آوٹ ہوئے۔

    مردان واریئرز کی جانب سے عابداللہ نے بہترین باؤلنگ کا مظاہرہ کرتے ہوئے 17 رنز کے عوض 3 کھلاڑیوں کو پولین کی راہ دکھائی، آرچی لینہم، محمد نبیل اور محمد عرفان نے بالترتیب 20، 25 اور 39 رنز کے عوض 2،2 وکیٹں حاصل کیں۔

    دوسری جانب مردان واریئرز نے مطلوبہ ہدف کے تعاقب میں جارحانہ اننگرز کھیلتے ہوئے 18.4 اوورز میں 4 وکٹوں کے نقصان پر ہدف پورا کر کے راولپنڈی ریڈرز کا آگے کا سفر ختم کر دیا، شاہ زیب خان 32 گیندوں میں 4 چوکوں اور 1 چھکے کی مدد سے 35 رنز بنا کر نمایاں رہے، محمد فاروق 32 اسکور بنا کر آؤٹ ہوئے، اولی کاکس 21 اور حسیب خان 12 رنز بنا کر ناٹ آؤٹ رہے۔

    راولپنڈی ریڈرز کے عامر حسن، عفنان خان اور حسن عیسیٰ خیل نے ایک ایک کھلاڑیوں کو آؤٹ کیا، مردان واریئرز کے عابداللہ کو 17 رنز کے عوض 3 وکیٹں حاصل کرنے پر پلیئر آف دی میچ قرار دیا گیا۔

    آج پاکستان جونئیر لیگ میں دوسرا کوالیفائر میچ بہاولپور رائلز اور مردان واریئرز کے مابین شام 6 بجے کھلا جائے گا۔

  • ’اس سیریز سے ورلڈ کپ کی تیاری میں مدد ملے گی‘

    ’اس سیریز سے ورلڈ کپ کی تیاری میں مدد ملے گی‘

    کرائسٹ چرچ: قومی ٹیم کے کپتان بابر اعظم نے کہا ہے کہ نیوزی لینڈ اور بنگلا دیش کے خلاف میچز ٹی ٹوئنٹی ورلڈ کپ کی تیاری میں معاونت کریں گے۔

    تفصیلات کے مطابق کیویز کے دیس میں سہ ملکی ٹی ٹوئنٹی سیریز کے سلسلے میں قومی اسکواڈ نے کرائسٹ چرچ کے سرد موسم میں پریکٹس کی، کپتان بابر اعظم نے کہا کہ نیوزی لینڈ میں سہ ملکی سیریز سے پاکستان کو بہت فائدہ ہوگا۔

    انھوں ںے کہا نیوزی لینڈ اور بنگلا دیش کے خلاف یہ میچز ٹی ٹوئنٹی ورلڈ کپ کی تیاری میں معاونت کریں گے، یہاں کی کنڈیشنز آسٹریلیا سے ملتی جلتی ہیں، باؤنسی پچز پر کھیلنے سے ورلڈ کپ کی تیاری ہوگی۔

    کپتان نے کہا ٹی ٹوئنٹی انٹرنیشنل کرکٹ میں کوئی بھی ٹیم آسان نہیں ہوتی، نیوزی لینڈ کی ٹیم اپنی ہوم کنڈیشنز میں سخت حریف ثابت ہوتی ہے۔

    ان کا کہنا تھا کہ نیوزی لینڈ کے پاس کین ولیمسین، ٹم ساؤدی اور ٹرینٹ بولٹ جیسے تجربہ کار کھلاڑی موجود ہیں۔ بابر اعظم نے کہا انگلینڈ کے خلاف ہم نے مختلف کمبینیشن آزمائے، جس سے اپنی خامیوں اور خوبیوں کا اندازہ ہوا۔

    واضح رہے کہ کرائسٹ چرچ میں لنکن یونیورسٹی کے اِن ڈور ہال میں تمام کھلاڑیوں نے پریکٹس کے دوران لہو گرمایا، تین گھنٹے تک جاری رہنے والے سیشن میں ٹیم نے بیٹنگ، بولنگ اور فیلڈنگ کی مشقیں کیں۔

    اس سیریز میں گرین شرٹس اپنا پہلا میچ کل بنگلا دیش کے خلاف کھیلیں گے۔

  • حارث روؤف نے بھارتی بلے بازوں کو خبردار کردیا

    حارث روؤف نے بھارتی بلے بازوں کو خبردار کردیا

    پاکستانی فاسٹ بولر حارث روؤف کا کہنا ہے کہ اگر میں اپنا بیسٹ دوں تو بھارتی بیٹرز مجھے آسانی سے نہیں کھیل سکیں گے، ان کا کہنا ہے کہ میں نے ابھی سے بھارت کے خلاف بولنگ کی منصوبہ بندی کرنا شروع کردی ہے۔

    پاکستان کرکٹ ٹیم کے فاسٹ بولر حارث روؤف نے اگلے ماہ آسٹریلیا میں ٹی 20 ورلڈ کپ میں ہونے والے پاک بھارت ٹاکرے کے حوالے سے بات کرتے ہوئے کہا کہ اگر میں اپنا بیسٹ دوں تو بھارتی بیٹرز مجھے آسانی سے نہیں کھیل سکیں گے۔

    انگلینڈ کے خلاف پانچویں ٹی 20 میں 6 رنز سے کامیابی کے بعد حارث روؤف نے گفتگو کرتے ہوئے کہا کہ اگلے ماہ ہونے والے ٹی 20 ورلڈ کپ میں پاک بھارت ٹاکرے کے لیے کافی خوش ہوں کیوں کہ وہ میلبرن میں کھیلا جائے گا۔

    انہوں نے کہا کہ میلبرن میرا ہوم گراؤنڈ ہے کیوں کہ بگ بیش میں میلبرن اسٹار کی نمائندگی کرتا ہوں، مجھے وہاں کی کنڈیشنز کا اندازہ ہے۔

    حارث روؤف کا کہنا تھا کہ میں نے ابھی سے بھارت کے خلاف بولنگ کی منصوبہ بندی کرنا شروع کردی ہے۔

    پاکستانی فاسٹ بولر نے حال ہی میں ایشیا کپ میں بھی بھارت کے خلاف 2 میچز کھیلے اور اب وہ 23 اکتوبر کو آسٹریلیا کے شہر میلبرن میں ہونے والے پاک بھارت ٹاکرے کے لیے پرعزم ہیں۔

    انہوں نے کہا کہ پاک بھارت میچز ہمیشہ ہائی پریشرہوتے ہیں، گزشتہ سال ہونے والے ورلڈ کپ میں بھارت کے خلاف میچ میں کافی دباؤ میں تھا لیکن ایشیا کپ میں 2 میچز میں مجھ پر کوئی پریشر نہیں تھا کیوں کہ مجھے معلوم تھا کہ مجھے اپنا بیسٹ دینا ہے۔

  • بھارتی فاسٹ بولر ٹرولز کی زد میں، اہلیہ نے ناقدین کو کھری کھری سنا دی

    بھارتی فاسٹ بولر ٹرولز کی زد میں، اہلیہ نے ناقدین کو کھری کھری سنا دی

    نئی دہلی: آسٹریلیا کے خلاف میچ میں بری کارکردگی دکھانے والے بھارتی فاسٹ بولر بھونیشور کمار پر ٹرولز نے زبانی حملے شروع کردیے جس کے بعد کھلاڑی کی اہلیہ نے ناقدین کو کھری کھری سنا دیں۔

    بھارتی کرکٹ ٹیم کے فاسٹ بولر بھونیشور کمار نے آسٹریلیا کے خلاف موہالی ٹی 20 میں اپنے 4 اوورز میں 52 رنز دیے اور اس دوران وہ کوئی بھی وکٹ نہ لے سکے، میچ کے 19 ویں اوور میں وہ کافی مہنگے ثابت ہوئے۔

    اس کے بعد سوشل میڈیا پر انہیں بری طرح ٹرول کیا جانے لگا جس کے بعد ان کی اہلیہ نوپور ناگر شوہر کا ساتھ دینے کے لیے میدان میں آگئیں۔

    ٹرولز کو کھری کھری سناتے ہوئے انہوں نے اپنی انسٹاگرام اسٹوری میں لکھا کہ آج کل لوگ ناکارہ ہوگئے ہیں، ان کے پاس کوئی کام نہیں اور وہ اتنے فارغ ہیں کہ ان کے پاس نفرت پھیلانے کے لیے بہت سا وقت ہے۔

    نوپور نے لکھا کہ میرا ان سب کو مشورہ ہے کہ آپ کے کچھ بھی کہنے سے کسی کو کوئی فرق نہیں پڑتا، ایسے میں آپ اس وقت کو خود کو بہتر بنانے میں لگائیں، حالانکہ اس کا اسکوپ بہت کم ہے۔

    خیال رہے کہ آسٹریلیا اور بھارت کے درمیان 3 ٹی 20 میچز کی سیریز ہوئی تھی جو بھارت نے 1-2 سے اپنے نام کرلی۔

  • شاہنواز دھانی کی انجری، میڈیکل ٹیم 72 گھنٹے تک معائنہ کرے گی

    شاہنواز دھانی کی انجری، میڈیکل ٹیم 72 گھنٹے تک معائنہ کرے گی

    دبئی: قومی ٹیم کے سائیڈ‌ اسٹرین انجری کے شکار فاسٹ بولر شاہنواز دھانی آئندہ 48 سے 72 گھنٹوں تک ڈاکٹروں کی زیر نگرانی رہیں گے۔

    تفصیلات کے مطابق میڈیکل ٹیم کا کہنا ہے کہ شاہنواز دھانی ممکنہ طور پر سائیڈ اسٹرین انجری کے شکار ہیں، اس لیے ٹیم آئندہ 48 سے 72 گھنٹے تک شاہنواز دھانی کی انجری کا معائنہ کرے گی۔

    ٹیم کا کہنا ہے کہ معائنے کے بعد ہی شاہنواز دھانی کی انجری کے اسکین یا ان کی ٹورنامنٹ میں مزید شرکت سے متعلق کوئی فیصلہ کیا جائے گا۔

    پاک بھارت میچ سے قبل قومی ٹیم کو ایک اور دھچکا

    یاد رہے کہ شاہنواز دھانی اتوار کو بھارت کے خلاف میچ کی سلیکشن کے لیے دستیاب نہیں ہیں، وہ اے سی سی ٹی 20 ایشیا کپ میں ہانگ کانگ کے خلاف میچ کے دوران انجری کا شکار ہوئے تھے۔

  • سپر 4 تک رسائی کے لیے پاکستان آج ہانگ کانگ سے ٹکرائے گا

    سپر 4 تک رسائی کے لیے پاکستان آج ہانگ کانگ سے ٹکرائے گا

    شارجہ: ایشیا کپ 2022 کے سنسنی خیز مقابلے جاری ہیں، پاکستان اور ہانگ کانگ کی ٹیمیں آج مدِ مقابل ہوں گی۔

    تفصیلات کے مطابق ایشیا کپ کے ٹائٹل کے حصول کی جنگ میں پاکستان آج ہانگ کانگ سے ٹکرائے گا، سپر فور میں کوالیفائی کرنے کے لیے قومی ٹیم کو آج کا میچ جیتنا ضروری ہے، مقابلہ شام 7 بجے شارجہ میں کھیلا جائے گا۔

    شاہینوں کا ایشیا کپ میں آغاز شکست سے ہوا ہے تاہم ہانگ کانگ کے خلاف فتح ٹیم کو اگلے راؤنڈ میں پہنچا دے گی، دونوں ٹیمیں پہلی بار ٹی 20 میں ٹکرائیں گی۔ تاہم ایشیا کپ میں پاکستان ہانگ کانگ کے خلاف ناقابل شکست رہا ہے، 3 میچ کھیلے تینوں میں فتح سمیٹی۔

    آسان حریف کے خلاف ٹیم میں ایک تبدیلی کا امکان ہے، حارث رؤف کی جگہ حسنین کھیل سکتے ہیں، نسیم شاہ بھی میچ کے لیے فٹ قرار دے دیے گئے ہیں۔

    قومی ٹیم کے فاسٹ بولرز بھارت کے بعد ہانگ کانگ کے بیٹرز اڑانے کے لیے تیار ہیں، تاہم بڑے مقابلوں سے قبل بیٹرز کو فارم میں آنا ہوگا، اور جیت کے ساتھ ٹیم کا حوصلہ بڑھانا ہوگا۔

    یاد رہے کہ گزشتہ روز آئی لینڈرز نے بنگال ٹائیگرز کی لنکا ڈھا دی تھی، میزبان سری لنکا نے بنگلا دیش کو ہرا کر ایشیا کپ سے باہر کر دیا ہے۔

  • کون کون سی ٹیمز کرکٹ کھیلنے پاکستان آئیں گی؟ اگلے 4 سال کی میچز سیریز کا اعلان

    کون کون سی ٹیمز کرکٹ کھیلنے پاکستان آئیں گی؟ اگلے 4 سال کی میچز سیریز کا اعلان

    لاہور: پاکستان کرکٹ ٹیم کے اگلے 4 سال کے فیوچر ٹورز پروگرام کا اعلان کردیا گیا، انگلینڈ اور آسٹریلیا سمیت متعدد ممالک کی ٹیمز پاکستان آئیں گی۔

    تفصیلات کے مطابق اگلے 4 سال کے لیے پاکستان کرکٹ ٹیم کے فیوچر ٹورز پروگرام کا اعلان کردیا گیا۔ آئی سی سی فل بورڈز کے 12 میں سے 10 ارکان ممالک کی ٹیمز پاکستان کا دورہ کریں گی۔

    جو ٹیمز پاکستان کا دورہ کریں گی ان میں انگلینڈ، نیوزی لینڈ، جنوبی افریقہ، سری لنکا، بنگلہ دیش اور ویسٹ انڈیز شامل ہیں جو ٹیسٹ سیریز کھیلنے پاکستان آئیں گی۔

    افغانستان، آسٹریلیا، آئر لینڈ اور زمبابوے کی ٹیمز محدود طرز کی کرکٹ کھیلنے کے لیے پاکستان کا دورہ کریں گی۔

    پاکستان کرکٹ ٹیم 2 سہ ملکی کرکٹ سیریز بھی کھیلے گی۔

    پاکستان، نیوزی لینڈ اور جنوبی افریقہ پر مشتمل پہلی سیریز فروری 2024 میں کھیلی جائے گی جبکہ دوسری سیریز میں انگلینڈ اور سری لنکا کی ٹیمیں پاکستان کے مدمقابل آئیں گی۔

  • پہلا ون ڈے: پاکستان کا نیدر لینڈز کے خلاف ٹاس جیت کر بیٹنگ کا فیصلہ

    پہلا ون ڈے: پاکستان کا نیدر لینڈز کے خلاف ٹاس جیت کر بیٹنگ کا فیصلہ

    روٹر ڈیم: پاکستان اور نیدر لینڈز کے درمیان ون ڈے سیریز کا پہلا میچ آج ہو رہا ہے، پاکستان نے نیدر لینڈز کے خلاف ٹاس جیت کر بیٹنگ کا فیصلہ کیا ہے۔

    تفصیلات کے مطابق پاکستان نے نیدر لینڈز کے خلاف ٹاس جیت کر بیٹنگ کا فیصلہ کیا ہے، پاکستانی ٹیم میں سلمان علی آغا اور نسیم شاہ ڈیبیو کریں گے۔

    ٹیم میں کپتان بابر اعظم، نائب کپتان شاداب خان، امام الحق، فخر زمان،محمد رضوان، محمد نواز، خوشدل شاہ، حارث روؤف اور محمد وسیم جونیئر شامل ہیں۔

    میچز پاکستان کے پہلے ایچ ڈی اسپورٹس چینل اے اسپورٹس پر دکھائے جائیں گے۔

    دونوں ٹیموں کے درمیان 3 ون ڈے سیریز کے بقیہ دو میچز 18 اور 21 اگست کو کھیلے جائیں گے۔

  • پاکستان نیدرلینڈز پہلی دو طرفہ ون ڈے سیریز کا آغاز آج سے

    پاکستان نیدرلینڈز پہلی دو طرفہ ون ڈے سیریز کا آغاز آج سے

    روٹرڈیم: پاکستان اور نیدرلینڈز کے مابین پہلی دو طرفہ ون ڈے سیریز کا آغاز آج سے ہوگا۔

    اے آروائی نیوز براہِ راست دیکھیں live.arynews.tv پر

    تفصیلات کے مطابق پاکستان اور نیدرلینڈز کے مابین پہلی دو طرفہ ون ڈے کرکٹ سیریز آج (منگل) سے روٹرڈیم میں شروع ہوگی۔

    سیریز پاکستان کے پہلے ایچ ڈی اسپورٹس چینل اے اسپورٹس پر نشر ہوگی، کرکٹ سیریز اے آر وائی زیپ پر بھی دیکھی جا سکے گی، میچ پاکستانی وقت کے مطابق دوپہر 2 بجے شروع ہوگا۔

    آئی سی سی مینز ورلڈ کپ سپر لیگ میں شامل 3 ون ڈے انٹرنیشنل میچز کے بقیہ 2 میچز 18 اور 21 اگست کو اسی مقام پر کھیلے جائیں گے۔

    آئی سی سی ورلڈ ٹیم رینکنگ میں چوتھے نمبر پر موجود پاکستان کی ٹیم آئی سی سی مینز ورلڈ کپ سپر لیگ میں 90 پوائنٹس کے ساتھ پوائنٹس ٹیبل پر پانچویں پوزیشن پر موجود ہے۔

    پاکستان کے اہم فاسٹ بولر نیدرلینڈ کیخلاف دو میچز سے باہر

    بابر اعظم کی زیر قیادت قومی کرکٹ ٹیم اگر اس سیریز میں شامل تینوں میچز جیت جاتی ہے، تو وہ ورلڈ سپر لیگ کے پوائنٹس ٹیبل پر 120 پوائنٹس کے ساتھ دوسری پوزیشن پر پہنچ جائے گی۔

    دنیائے کرکٹ کے نمبر ون بیٹر بابر اعظم اس سیریز میں ایک بھی سنچری اسکور کر دیں تو وہ بین الاقوامی کرکٹ میں 10 سنچریاں بنانے والے پہلے پاکستانی کپتان بن جائیں گے۔

    اسی طرح وکٹ کیپر بیٹر محمد رضوان کو ون ڈے انٹرنیشنل کرکٹ میں ایک ہزار رنز مکمل کرنے کے لیے مزید 18 رنز درکار ہیں۔

    گو کہ اس سیریز کے ابتدائی 2 میچز میں پاکستان کو شاہین شاہ آفریدی کی خدمات دستیاب نہیں ہوں گی تاہم آئی سی سی ون ڈے انٹرنیشنل پلیئرز رینکنگ میں دوسرے بہترین بیٹر امام الحق میزبان ٹیم کے خلاف پاکستان کی جانب سے اوپننگ کریں گے۔

    روٹرڈیم میں موجود قومی اسکواڈ نے گزشتہ روز شیڈیم کرکٹ گراؤنڈ میں پریکٹس سیشن کیا، پیر کو بارش کے باعث قومی اسکواڈ میں شامل صرف بیٹرز نے انڈور پریکٹس کی۔

    قومی ون ڈے انٹرنیشنل اسکواڈ:

    بابر اعظم (کپتان)، شاداب خان (نائب کپتان)، عبداللہ شفیق، فخر زمان، حارث رؤف، امام الحق، خوشدل شاہ، محمد حارث، محمد نواز، محمد رضوان، محمد وسیم جونیئر، نسیم شاہ، سلمان علی آغا، شاہین شاہ آفریدی، شاہنواز دھانی اور زاہد محمود۔