Tag: کسان تحریک

نئی دہلی: غازی پور بارڈر پر پولیس کے لیے پھول اُگانے کی نیت سے ڈالی گئی کسانوں کی مٹی پر ہی دہلی پولیس نے قبضہ جما لیا۔

تفصیلات کے مطابق دہلی کی سرحد کے قریب غازی پور بارڈر پر کسانوں نے مٹی گرا دی تھی تاکہ وہ پولیس کے لیے پھول اُگا سکیں، لیکن احتجاج پر مجبور کسانوں سے خوف زدہ ریاستی پولیس نے اس پر قبضہ کر لیا۔

میڈیا رپورٹس میں کہا گیا ہے کہ جس علاقے میں گلاب کے پھول کی کھیتی کے لیے مٹی لائی گئی تھی، دہلی پولیس نے اس زمین کو اپنے قبضے میں لے کر اسے سیل کر دیا ہے، پولیس کی جانب سے اس کارروائی سے قبل ایک میٹنگ بھی بلائی گئی تھی۔

غازی پور بارڈر پر کسانوں نے جس زمین پر مٹی ڈالی تھی اس جگہ اب نیم فوجی دستے تعینات کر دیے گئے ہیں۔

بتایا جا رہا ہے کہ غازی پور بارڈر پر پولیس کی مورچہ بندی اس سے قبل اس مقام سے کچھ فاصلے پر تھی جہاں گلاب اُگانے کے لیے مٹی ڈالی گئی تھی، لیکن اب مٹی والے مقام پر رکاوٹیں کھڑی کر دی گئی ہیں تاکہ کسان مٹی پر کوئی سرگرمی نہ کر سکیں۔

اس واقعے نے کاشت کاروں میں غم و غصے کی لہر دوڑا دی ہے، ان کا کہنا ہے کہ حکومت نے ابھی مٹی لی ہے، اس کے بعد وہ کھیتوں کو لینے کی کوشش کرے گی۔

کسان تحریک، مظاہرین کا بچوں کی شادیوں کے سلسلے میں انوکھا قدم

واضح رہے کہ متنازعہ زرعی قوانین کے خلاف دہلی کی سرحدوں پر کسانوں کی تحریک کو تقریباً ڈھائی مہینے ہو گئے ہیں، آج بھارتیہ کسان یونین کے ترجمان نے مرکز کی مودی حکومت کو 2 اکتوبر تک کا وقت دیا ہے اور کہا ہے کہ اگر اس تاریخ تک تینوں قوانین واپس نہیں لیے جاتے تو آگے کی حکمت عملی تیار کی جائے گی۔

نئی دہلی: بھارت میں کسان تحریک زوروں پر ہے، مظاہرین نے اب اپنے بچوں کی شادیوں کے سلسلے میں بھی انوکھا قدم اٹھا لیا۔

تفصیلات کے مطابق بھارت کی کسان تحریک اب شادی کے کارڈز پر بھی نظر آنے لگی ہے، متنازعہ زرعی قوانین کے خلاف دہلی کی سرحدوں پر کسانوں کی تحریک کو تقریباً ڈھائی مہینے ہو گئے ہیں۔

بھارت کے کسانوں کی یہ تحریک فی الحال ختم ہوتی ہوئی نظر نہیں آ رہی، دوسری طرف مودی حکومت بھی ٹس سے مس نہیں ہو رہی، مودی حکومت کے ذریعے پاس کردہ زرعی قوانین کے خلاف کسان تحریک کا عکس اب شادی کے کارڈز پر بھی نظر آنے لگا ہے۔

ہریانہ کے کچھ کسانوں نے حکومت کے خلاف اپنی ناراضگی ظاہر کرنے کا ایک نیا طریقہ اختیار کیا ہے، وہ اپنے بچوں کی شادی کے کارڈز پر ایسے نعرے شائع کر رہے ہیں جو کسانوں کی آواز بلند کرتے ہوئے نظر آ رہے ہیں۔

ایک شادی کارڈ پر’کسان نہیں، تو اَن (فصل) نہیں‘ نعرہ لکھا دیکھا گیا، شادی کارڈز پر کسانوں کے حق میں نعرے لکھے جانے کے ساتھ ساتھ کسان لیڈر سر چھوٹو رام کی تصویر بھی چھپوائی جا رہی ہے۔

یاد رہے کہ کسانوں کے مسیحا مانے جانے والے سر چھوٹو رام کی پیدائش 24 نومبر 1881 کو ہوئی تھی اور برطانوی دور میں انھوں نے کسانوں کے حق میں آواز بلند کی تھی۔

اپنے بیٹے کی شادی کے کارڈ پر نعرہ اور تصویر شائع کرنے والے کسان پریم سنگھ گویت نے کہا کہ ان قوانین کے خلاف ہزاروں کسان مظاہرہ کر رہے ہیں، ہم لوگ ان کی حمایت میں کھڑے ہیں، میرے بیٹے کی 20 فروری کو شادی ہونے والی ہے، مجھے لگا کہ کیوں نہ ہم دعوت نامے پر سر چھوٹو رام اور بھگت سنگھ کی تصویر چھپوائیں۔

نئی دہلی: کسانوں کے احتجاج پر بھارتی وزیر اعظم نریندر مودی کا پہلا عوامی ردِ عمل سامنے آ گیا ہے۔

تفصیلات کے مطابق مودی سرکار کو آخر کار ہوش آ گیا ہے کہ ملک کے کسان ان کی پالیسیوں کے خلاف سراپا احتجاج ہیں، یہ ہوش انھیں تب آیا ہے جب مظاہرین نے دارالحکومت دہلی کے لال قلعے پر دھاوا بول کر پرچم لہرایا۔

مودی کا کہنا تھا کہ دہلی میں مظاہرین نے لال قلعے پر دھاوا بول کر ملک کی ’توہین‘ کی ہے، اتوار کو ریڈیو خطاب میں انھیں نہ صرف ترنگے کی توہین نظر آئی بلکہ غم زدہ ملک بھی دکھائی دے گیا۔

واضح رہے کہ بھارت میں کسان گزشتہ تقریباً 2 ماہ سے ظالمانہ زرعی قوانین کے خلاف احتجاج کر رہے ہیں لیکن مودی سرکار کے کانوں پر جوں بھی نہ رینگی تھی، کئی مظاہرین اس دوران دارالحکومت کی سرحد پر خود کشی بھی کر چکے ہیں۔

کسان احتجاج سے خوفزدہ مودی نے پارٹی رہنماؤں کو بڑی تجویز دے دی

مودی نے کہا 26 جنوری کو دہلی میں ترنگے کی توہین سے ملک غم زدہ ہوا، حکومت زراعت کو جدید بنانے کے لیے پُر عزم ہے اور اس سمت میں بہت سے اقدامات اٹھا رہی ہے۔

کسانوں کا کہنا ہے کہ نئے قوانین سے کاشت کار خسارے میں رہیں گے جب کہ نجی شعبے کو اس سے فائدہ ہوگا۔انڈیا کی ایک ارب 30 کروڑ کی آبادی میں سے نصف تعداد زراعت کے پیشے سے منسلک ہے۔

خیال رہے کہ منگل کو یوم جمہوریہ پر ہونے والی ٹریکٹر پریڈ کے موقع پر مظاہرین نے تاریخی لال قلعے پر دھاوا بول دیا تھا، ریاستی پولیس اور مظاہرین کے درمیان تصادم میں ایک شخص ہلاک اور سینکڑوں افراد زخمی ہوئے تھے۔