Tag: کسٹم حکام

کراچی: ضبط شدہ اسمگل ٹیمپرڈ گاڑیوں کے سرکاری استعمال کی نئی پالیسی جاری کردی گئی، 10 سے زائد گاڑیاں استعمال نہیں کی جاسکیں گی۔

تفصیلات کے مطابق کسٹم حکام نے بتایا کہ صوبائی سطح پر کسٹم انٹیلی جنس دفتر 10 سے زائد گاڑیاں استعمال نہیں کرسکے گا، افسران کے زیراستعمال گاڑیوں کے تمام پرانے اجازت نامے منسوخ کردیے گئے ہیں۔

کسٹم حکام کا کہنا تھا کہ گاڑیوں کے بےدریغ استعمال پر کسٹم حکام نے نئی پالیسی جاری کی، ملک بھر میں کسٹم حکام نے ہزاروں گاڑیاں ضبط کررکھی ہیں۔

اسمگلنگ کی گاڑیاں ضبط ہوں گی، ایف بی آر

گاڑیوں کا غلط استعمال روکنے کیلئے پالیسی جاری کی گئی ہے، نئی پالیسی کے تحت اسلام آباد کسٹم انٹیلی جنس آفس 12 گاڑیاں استعمال کرسکےگا۔

کسٹم حکام کا مزید کہنا تھا کہ کراچی، لاہور، کوئٹہ اور پشاور کا کسٹم انٹیلی جنس آفس 10 گاڑیاں استعمال کر سکے گا۔

لاہور : دبئی سے ڈیڑھ کلو سے زائد سونا اور قیمتی آئی فونز پاکستان اسمگل کرنے کی کوشش ناکام بنادی گئی۔

تفصیلات کے مطابق کسٹم حکام  نے لاہور ایئرپورٹ پر کارروائی کرتے ہوئے دبئی سے ڈیڑھ کلو سے زائد سونا اور قیمتی آئی فونز پاکستان اسمگل کرنے کی کوشش ناکام بنادی۔

کسٹم حکام نے بتایا کہ مسافر آصف شہزاد نجی ایئر لائن کی پرواز پی اے 417 سے دبئی سے لاہور پہنچا تھا ، مسافر سے 1 کلو 628 گرام سونے کے زیورات، 6 ڈائمنڈ پیسز اور 5 قیمتی موبائل برآمد ہوئے۔

حکام کا کہنا تھا کہ مسافر نے کپڑوں میں زیورات چھپائے ہوئے تھے، کسٹم ایکٹ کےتحت مقدمہ درج کرلیا گیا ہے۔

مزید پڑھیں : ملکی تاریخ کی سب سے بڑی سونا اسمگلنگ کی کوشش ناکام

یاد رہے رواں سال اپریل میں ایف آئی اے امیگریشن نے ملتان ایئرپورٹ پر ملک کی تاریخ کی سب سے بڑی کارروائی کرتے ہوئے 34کروڑ روپے مالیت کا سونا دبئی اسمگل کرنے کی کوشش ناکام بنائی تھی۔

برآمد ہونے والے سونے میں مختلف وزن کی 10 اینٹیں شامل تھیں ، ملزم تمام سیکیورٹی چیک عبور کرتا ہوا ایئرلائن کے کاونٹر پر سامان جمع کرنے میں کامیاب ہوگیا تھا، ملزم محمد تنویر غیر ملکی ایئرلائن کی پرواز سے دبئی جا نا چاہتاتھا۔

کراچی : سولر پینل امپورٹ اسکینڈل کے مرکزی ملزم رب نواز کو ڈرامائی انداز میں گرفتار کر لیا گیا، ملزم کسٹم کورٹ کراچی میں ضمانت کیلئے کئی گھنٹے تک چھپا رہا۔

تفصیلات کے مطابق 73 ارب روپے کے سولر پینل امپورٹ اسکینڈل میں اہم پیش رفت سامنے آئی، کسٹم کورٹ کراچی سے مرکزی ملزم رب نواز کو ڈرامائی انداز میں گرفتار کر لیا گیا۔

کسٹم حکام نے بتایا کہ مرکزی ملزم رب نوازکسٹمز کورٹ کراچی میں کئی گھنٹے چھپا رہا اور گرفتاری سےبچنےکےلئے ضمانت حاصل کرنے کی کوششیں کرتا رہا جبکہ جج کے چلے جانے کے باوجود عدالت میں کئی گھنٹے موجود رہا۔

حکام کا کہنا تھا کہ ملزم کی گرفتاری سے سولر پینل امپورٹ اسکینڈل میں مزید تحقیقات ہوسکیں گی، ٹیکس چوری کا ملزم صرف تیس ہزار کی تنخواہ پر تھا اور ملزم نے سولر پینل کی آڑ میں تہتر ارب روپے کی ٹیکس چوری کی اور اثرورسوخ استعمال کرتا رہا۔

کسٹم حکام کے مطابق ملزم کی گرفتاری کیلئے کسٹم حکام سے چیئرمین ایف بی آر امجد زبیر ٹوانہ اور ممبر کسٹم نے بھی بھرپور تعاون کیا۔

سولر پینل کی امپورٹ میں تیس ارب سے زائد کی ٹیکس چوری میں بےنامی بھی ہے، کسٹم حکام نے ساڑھے چار سو کمپنیوں کے اکاونٹس کی چھان بین کی ۔ جس میں اسی امپورٹرز کو ہائی رسک قرار دیا گیا اور تریسٹھ کمپنیوں نے اوور انوسئسنگ کی۔

کراچی: اسلام آباد ایئرپورٹ پر کسٹم حکام نے کارروائی کرتے ہوئے چھ کروڑ مالیت کے قیمتی موبائل فونز برآمد کرلئے اور دو ملزمان کو گرفتار کرلیا۔

تفصیلات کے مطابق دبئی سے پشاورجانیوالا کھیپیے پرواز خراب ہونے پر اسلام آباد میں دھر لئے گئے، کسٹمزحکام نے کہا ہے کہ اسلام آباد ائیرپورٹ پر کارروائی کرتے ہوئے قیمتی موبائل کی بڑی کھیپ پکڑ لی۔

حکام کا کہنا تھا کہ کسٹمز حکام نے اسلام آباد ائیرپورٹ سے 2 ملزمان کو گرفتار کرکے 6 کروڑ مالیت کےموبائل برآمد کرلیا۔

پی آئی اے کی دبئی سےپشاورجانیوالی فلائٹ216خرابی موسم کی وجہ سے اسلام آباد میں اترگئی ، کسٹمز حکام کی جانب سے مشکوک مسافروں کی تلاشی کے دوران کوہاٹ کے محمد عباس سے ایک سو انتالیس قیمتی موبائل فونز برآمد کئے گئے ، دوسرے مسافر سے ایک سو گیارہ قیمتی فون برآمد ہوئے۔