Tag: کسٹم ہاؤس

  • نیوی کی معائنہ ٹیم نے کسٹم ہاؤس کو کلیئر قرار دے دیا، علی زیدی

    نیوی کی معائنہ ٹیم نے کسٹم ہاؤس کو کلیئر قرار دے دیا، علی زیدی

    کراچی : وفاقی وزیر برائے پورٹ اینڈ شپنگ علی زیدی کا کہنا ہے کہ نیوی کی معائنہ ٹیم نے کسٹم ہاؤس کو کلیئر قرار دے دیا۔

    تفصیلات کے مطابق کراچی میں وفاقی وزیر علی زیدی نے کے پی ٹی اور کسٹم ہاؤس کے دورے کے موقع پر گفتگو کرتے ہوئے کہا کہ کسٹم ہاؤس میں آکسیجن لیول معمول کے مطابق ہے۔

    وفاقی وزیر برائے پورٹ اینڈ شپنگ نے کہا کہ نیوی کی معائنہ ٹیم نے کسٹم ہاؤس کو کلیئر قرار دے دیا۔ انہوں نے کہا کہ رپورٹ پر کمیشن یا جوڈیشنل انکوائری کا فیصلہ کیا جائےگا۔

    علی زیدی کا کہنا تھا کہ واقعے سے متعلق سندھ حکومت نے ابھی تک رابطہ نہیں کیا، سعید غنی الٹے سیدھے بیان دے رہے ہیں ، ضیا الدین انتظامیہ نے کے پی ٹی سےمکمل تعاون کیا ہے۔

    کے پی ٹی کی حدود میں کوئی گیس لیکیج نہیں ہے، جمیل اختر

    اس سے قبل کراچی میں چیئرمین کے پی ٹی جمیل اختر نے پریس کانفرنس کے دوران بتایا تھا کہ تمام ٹرمینلز کو چیک کیا ہے کہیں گیس کا اخراج نہیں ہے انہوں نے کہا کہ پاک بحریہ کی ٹیم نے سیمپل لیے ہیں، جلد رپورٹ پیش ہوگی۔

    یاد رہے کہ گزشتہ روز  کراچی کے علاقے کیماڑی میں پراسرار زہریلی گیس کے اخراج سے جاں بحق افراد کی تعداد 6 ہوگئی ہے۔

  • اسمگلنگ کی روک تھام میں کسٹم کا بہت اہم کردار ہے‘ عارف علوی

    اسمگلنگ کی روک تھام میں کسٹم کا بہت اہم کردار ہے‘ عارف علوی

    کراچی : صدر مملکت ڈاکٹرعارف علوی کا کہنا ہے کہ منشیات اسمگلنگ روکنے کے لیے کسٹم کو سیسہ پلائی دیوارکا کردار ادا کرنا ہوگا۔

    تفصیلات کے مطابق صدرپاکستان ڈاکٹرعارف علوی نے کسٹم ہاؤس میں تقریب سے خطاب کرتے ہوئے کہا کہ کسٹم ہاؤس میوزیم کا دورہ کرنے پر تاریخ سے روشناس ہوا۔

    انہوں نے کہا کہ اسمگلنگ کی روک تھام میں کسٹم کا بہت اہم کردار ہے، منشیات کی اسمگلنگ کا خاتمہ بہت ضروری ہے۔

    ڈاکٹرعارف علوی نے کہا کہ منشیات اسمگلنگ روکنے کے لیےکسٹم کو سیسہ پلائی دیوارکا کردار ادا کرنا ہوگا، معاملات بہترکرنے کے لیے جدید ٹیکنالوجی ضروری ہے۔

    کراچی: کسٹم حکام کی کارروائی، لاکھوں روپے مالیت کی منشیات برآمد

    یاد رہے کہ گزشتہ ماہ 10 ویلر ٹرک میں 65 ہزار لیٹر ایرانی ڈیزل کوئٹہ سے کراچی اسمگل کیا جا رہا تھا کہ کسٹم حکام نے انڈس ہائی وے جیکب آباد چیک پوسٹ کے قریب کارروائی کی جس کے دوران ملزمان فرار ہوگئے تھے جبکہ حکام نے ایرانی ڈیزل اورٹرک تحویل میں لے کر مقدمہ درج کرلیا تھا۔

    واضح رہے کہ 6 دسمبر2018 کو کراچی میں کسٹم حکام نے کارروائی کرتے ہوئے تین ملزمان کو گرفتار کرکے ان کے قبضے سے لاکھوں روپے مالیت کی منشیات برآمد کی تھی۔