Tag: کشتی ڈوبنے کا واقعہ

کراچی : کھلے سمندر میں کشتی ڈوبنے کے واقعے میں لاپتا 14 ماہی گیروں میں سے چار کی لاشیں مل گئیں تاہم باقی کی تلاش جاری ہے۔

تفصیلات کے مطابق کراچی کے قریب کھلے سمندر میں کشتی ڈوبنے کے واقعے میں لاپتا ماہی گیروں میں سے چار کی لاشیں مل گئیں، اسسٹنٹ کمشنرنے بتایا باقی لاپتا ماہی گیروں کی تلاش جاری ہے۔

چارماہی گیروں کی لاشیں کورنگی سر خانے منتقل کردی گئیں ہیں ، چودہ ماہی گیروں کی تلاش کےلیے کئے جانے والےآپریشن میں ملنےوالی چارلاشوں کی شناخت 21سالہ شکیل ولدثنااللہ ،50سالہ حسین بوڑھو ، 34 سالہ ہاشم ولد مٹھن وسایو اور 24 سالہ عالم ولدکلام بنگالی کے ناموں سے ہوئی۔

جی ایم فشریزاحمدیوسف بھٹی کا کہنا ہے کہ تمام ماہی گیرابراہیم حیدری اوراطراف کے رہائشی تھے تاہم دیگر لاشوں کی شناخت کاعمل جاری ہے۔

احمد یوسف بھٹی نے بتایا کہ ابتدائی طورپرمیتوں کی تدفین کیلئے50ہزارفی کس دیاجائےگا، فشرمین کوآپریٹو سوسائٹی ماہی گیروں کیساتھ ہے، ورثا کی مدد کا سلسلہ جاری رہے گا۔

ماہی گیروں کی تلاش کے لیے ضلعی انتظامیہ نے پاک نیوی ،میری ٹائم سکیورٹی اور ایدھی فاؤنڈیشن کے رضاکاروں کی مدد حاصل کی ہے۔

ماہی گیروں کے اہلخانہ کا کہنا ہے کہ لانچ کے مالک نے کشتی میں زیادہ لوگوں کوبٹھایا، جس کی وجہ سے لانچ الٹ گئی۔

ماہی گیروں کے لواحقین نے واقعہ کی تحقیقات کا مطالبہ کردیا ہے۔

خیرپور: دریائے سندھ میں کشتی ڈوبنے کے واقعے میں چھ لاپتہ افراد کیلئے آپریشن دوبارہ شروع کردیا گیا، گزشتہ روز کشتی ڈوبنے کے بعد پانچ افراد کو بچالیا گیا تھا اور آپریشن تاریکی کے باعث روک دیا تھا۔

تفصیلات کے مطابق نارا کینال کے قریب باراتیوں کی کشتی الٹ گئی ، جس سے 11 افراد ڈوب گئے ، جس میں سے 5افراد کو بچالیا گیا اور 6 کی تلاش جاری ہے۔

ریسکیو 1122 کے غوطہ خور اور ضلعی انتظامیہ کے اہلکاروں نے جائے وقوعہ پر پہنچ کر مقامی لوگوں کی مدد سے 5 مسافروں کو بچایا جبکہ بچوں سمیت 6 افراد ڈوب گئے ، نارہ کینال میں کشتی میں سوار 11 افراد شادی میں شرکت کیلئے جارہے تھے۔

ڈپٹی کمشنر نے بتایا کہ رات اندھیراہونے کے باعث ریسکیوٹیموں نے آپریشن روک دیاتھا تاہم امدادی ٹیمیں جلد ہی دوبارہ شروع کر دیں گی، پانی گہراہونےکےباعث ابھی تک کوئی لاش نہیں مل سکی۔

ڈوبنے والوں کا تعلق شر برادری سے ہے، کشتی میں سوار تمام افراد گوٹھ جمال الدین کے رہائشی تھے۔

اس سے قبل خیرپور میں 18 مسافروں سے بھری کشتی الٹنے سے دریائے سندھ سے کم از کم دو لاشیں نکالی گئی ہیں، واقعہ پیر گوٹھ میں پیش آیا تھا ، جہاں موڑ جھبر گاؤں کے 18 افراد دریائے سندھ میں طغیانی کے باعث محفوظ مقام کی طرف نقل مکانی کر رہے تھے۔