سری نگر : مودی سرکار کا مقبوضہ کشمیرکےعوام کواباؤاجدادکےعلاقےسےبیدخل کرنےکامنصوبہ بے نقاب ہوگیا، قابض بھارتی فوج نے مقبوضہ وادی کی چھ ہزار ایکڑاراضی ہتھیالی، جو ہندوپنڈتوں اورآر ایس ایس کے ورکرز کو دی جائے گی۔
تفصیلات کے مطابق مودی سرکار مقبوضہ کشمیر میں آبادی کا تناسب تبدیل کرنے پر گامزن ہیں اور کشمیریوں پر زمین تنگ کرنے بعد کشمیریوں سے زمینیں چھیننے لگی ہے۔
انتظامیہ نے چال بازی سے چھ ہزارایکڑاراضی قبضےمیں لی، یہ زمین ہندوپنڈتوں اورآر ایس ایس کے ورکرزکو دی جائے گی، اس سلسلے میں بینکوں نےکشمیری تاجروں کی 2 ہزار اراضیاں یکم مارچ سے قبضےمیں لینےکاعمل شروع کردیا ہے۔
بھارت نے مقبوضہ کشمیر میں سرمایہ کاری کے نام پرکانفرنس کرانےکی تیاریاں کرلی ہے ، مقبوضہ کشمیر میں گلوبل انویسٹرز کانفرنس مارچ یااپریل میں کرائی جائے گی۔
دوسری جانب سری نگر میں بیس ہزارکنال اراضی ہندوسرمایہ کاروں کوایک روپیہ فی کینال دینے کی تیاری کی جارہی ہے۔
مزید پڑھیں : چھ ہزارایکڑزمین بھارتی اورعالمی سرمایہ کاروں کو دینےکافیصلہ
مقبوضہ کشمیر کے نائب گورنرجی سی مرمو کے مطابق صنعتی اور آئی ٹی پارکس بنیں گے اور فلم انڈسٹری،سیاحت،زراعت ودیگرصنعتوں کےنام پرزمینیں ہندوؤں کو دی جائیں گی۔
خیال رہے کشمیرکی زمینی حیثیت میں تبدیلی عالمی قوانین اوراقوام متحدہ کی قرادادوں کیخلاف ہے ، سات دہائیوں میں مقبوضہ کشمیرکی 42 ہزارکنال اراضی صنعتکاروں کودی گئی۔
یاد رہے گذشتہ ماہ مودی سرکار نے متعصبانہ اقدام کےتحت کشمیریوں کی زمین ہتھیاناشروع کردی تھی اور چھ ہزارایکڑزمین بھارتی اورعالمی سرمایہ کاروں کو دینےکافیصلہ کیا تھا۔