Tag: کشمیری عوام

آزاد کشمیر: دنیا بھر میں مقیم کشمیری عوام آج یوم شہدا جموں منارہے ہیں، شہداء جموں کے موقعے پر دعائیہ تقریبات کا سلسلہ جاری ہے ۔

چھ نومبر انیس سو سینتالیس کو سانحہ جموں و کشمیر کی یاد میں کشمیری عوام آج یوم شہدا جموں منارہے ہیں، یہ کا دن ریاست جموں کے پاکستان کے ساتھ الحاق کے حوالے سے بہت اہمیت و افادیت کا حامل ہے۔ یہ دن پورے آزاد جموں کشمیر پاکستان اور پوری دنیا میں ان شہیدوں کی یاد میں منایا جاتا ہے۔

جموں و کشمیر کی ریاست برصغیر کی اہم ترین ریاستوں میں سے ایک ہے قیام پاکستان کے بعد ستائیس اکتوبر1947 کو انڈیا نے کشمیر پر لشکر کشی کر کے جموں و کشمیر پر اپنا تسلط جمالیا تھا، مقبوضہ کشمیر میں بھارتی افواج کی جانب سے کشمیریوں کے قتلِ عام کا سلسلہ اب تک جاری ہے۔

چھ نومبر 1947 کا دن جب ڈوگرہ فوج اور ہندو بلوائیوں نے ایک سازش کے تحت جموں کے لاکھوں مسلمانوں کا قتل عام کیا تھا، جو ہجرت کر کے پاکستان جارہے تھے پھر پانچ نومبر کواعلان کیا گیا کہ پاکستان جانے کیلئے مسلمان پولیس لائنز میں اکٹھے ہوجائیں، اگلے دن خواتین اور بچوں سمیت مسلمانوں کو ٹرکوں میں بھر کر پاکستان کیلئے روانہ کیا گیا۔

تاہم منزل پر پہنچے سے قبل ہی بھارتی اور ڈوگرہ فوج اور ہندو بلوائیوں نے ان کو قتل کردیا، پاکستان لانے کے بہانے لاکھوں مسلمانوں کو بلاامتیاز جس سفاکی سے قتل کیا گیا اس سے انسانی روح کانپ اٹھتی ہے۔

بھارت نے قیام پاکستان کے بعد سے ہی کشمیریوں کے جذبہ کو کچلنے کی کوشش کی مگر اس میں کامیاب نہیں ہو سکا، بھارتی فوج نے لاکھوں مسلمانوں کو شہید کیا ، ہزاروں کشمیری مائوں بہنوں اور بیٹیوں کی عصمت دری کی گئی، بچوں و بوڑھوں کو وحشیانہ تشدد کا نشانہ بنایا گیا، ہزاروں کشمیری نوجوان ابھی تک بھارتی جیلوں میں پڑ ے ہیں۔

آزاد کشمیر میں شہداء جموں کے موقعے پر دعائیہ تقریبات کا سلسلہ جاری ہے جبکہ تحریک آزادی کشمیر کے زیرِ اہتمام آج قائد اعظم اسٹیڈیم میں یوم شہدا جموں کانفرنس منعقد ہوگی ۔ کانفرنس سے امیر جماعت اسلامی سراج الحق ، جنرل ریٹائرڈ حمید گل سمیت اہم شخصیات خطاب کریں گی۔ یہ دن تحریکِ آزادی کشمیر کے شہداء کے مشن کی تکمیل تک جدوجہد آزادی جاری رکھنے کے عزم کو تازہ کرتا ہے ۔