Tag: کشمیری نوجوان شہید

سری نگر: مقبوضہ کشمیرمیں بھارتی فوج کی ریاستی دہشت گردی کا سلسلہ جاری ہے، رمضان المبارک کے آغاز سے اب تک 12 نوجوانوں کو شہید کردیا۔

کشمیر میڈیا سروس کی رپورٹ کے مطابق بھارتی فوج نے رمضان المبارک کے ابتدائی 2 ہفتوں کے دوران مختلف علاقوں میں کارروائی کرتے ہوئے 12 کشمیری نوجوانوں کو ریاستی دہشت گردی کا نشانہ بنایا۔

بھارتی فوج نے بھی کشمیر کے جنوبی اور شمالی علاقوں میں کیے جانے والے سرچ آپریشن اور نوجوانوں کی شہادت کی تصدیق کی۔ سرکاری اعداد وشمارکے مطابق ان نوجوانوں کو10 سے 18 مئی کے دوران محاصرے اور سرچ آپریشن کے نام پر 6 نام نہاد کارروائیاں کر کے شہید کیا گیا۔

مزید پڑھیں: مقبوضہ کشمیرمیں بھارتی فورسز کی فائرنگ‘ 4 کشمیری شہید

سری نگر سے شائع ہونے والے انگریزی روزنامے کو اعلیٰ بھارتی پولیس افسر نے بتایا کہ گزشتہ 2 ہفتوں کے دوران محاصرے اور سرچ آپریشن کی کارروائی میں تیزی آئی، انہوں نے یہ بھی دعویٰ کیا کہ رواں سال کنٹرول لائن پر بھارت کی جانب سے کوئی دراندازی نہیں کی گئی۔

دوسری جانب کشمیر میں جاری بھارتی فوج کی دہشت گردی پر عالمی برادری اور انسانی حقوق کی تنظیموں نے خاموشی اختیار کی ہوئی ہے، حریت رہنماؤں نے عالمی دنیا سے مطالبہ کیا ہے کہ وہ بھارتی مظالم کے خلاف آواز بلند کر کے اقوامِ متحدہ کی قرارداد کے مطابق کشمیر کی آزادی کا مسئلہ حل کرے۔

سری نگر: قابض بھارتی فورسز نے مقبوضہ کشمیر کے علاقے پلواما میں فائرنگ کرکے کشمیری نوجوان کو شہید کردیا۔

تفصیلات کے مطابق قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے پلواما میں کشمیری نوجوان کو فائرنگ کرکے شہید کردیا۔

بھارتی فورسز کی گولیوں کا نشانہ بننے والا کشمیری نوجوان نے ایم بی اے کی ڈگری حاصل کی ہوئی تھی۔

کشمیری میڈیا کا کہنا ہے کہ ظالم بھارتی فوج کی جانب سے کشمیری نوجوان کی شہادت کے بعد علاقے میں غیراعلانیہ کرفیو نافذ کردیا گیا ہے، جبکہ انٹرنیٹ اور موبائل فون سروس بھی بند کردی گئی ہے۔

اس سے قبل گزشتہ ہفتے قابض بھارتی فورسز نے مقبوضہ کشمیر میں ظلم و بربریت جاری رکھتے ہوئے ترال میں 6 کشمیری نوجوانوں کو فائرنگ کرکے شہید کردیا تھا۔

مقبوضہ کشمیرمیں بھارتی فورسز کی فائرنگ‘ 6 کشمیری شہید

یاد رہے کہ گزشتہ ماہ کشمیری رہنما میرحفیظ اللہ بھارتی قید سے آزاد ہو کرپہنچے تھے اورانہیں مسلسل نامعلوم نمبرز سے دھمکی آمیز کالز موصول ہو رہی تھیں۔

کشمیری میڈیا کے مطابق 20 نومبر کو میرحفیظ اللہ کو ان کے گھر میں گھس کر فائرنگ کرکے قتل کردیا گیا تھا۔

واضح رہے کہ مقبوضہ کشمیر میں بھارتی فوج آزادی کی آواز کو دبانے کے لیے مختلف ہتھکنڈے استعمال کررہی ہے اور اب تک ہزاروں کشمیری شہید اور زخمی ہوچکے ہیں۔