Tag: کشمیری

اسلام آباد: وزیراعظم شاہد خاقان عباسی نے یوم سیاہ کے موقع پر اپنے پیغام میں کہا کہ کشمیریوں کی قربانیوں اور جدوجہد کوخراج تحسین پیش کرتے ہیں۔

تفصیلات کے مطابق صدرِ پاکستان ممنون حسین نے یوم سیاہ کے موقع پر اپنے پیغام میں بھارت پر زور دیا کہ مسئلہ کشمیر کے بارے میں اقوام متحدہ کی قراردادوں پر عمل درآمد کرے کیونکہ پورے خطے کا امن اور خوشحالی کشمیر کے دیرینہ تنازعے کے حل سے وابستہ ہے۔

دوسری جانب وزیراعظم شاہد خاقان عباسی نے اپنے پیغام میں کہا کہ بھارت کو اپنے بانیوں سے کیے گیے وعدوں کا احترام کرنا چاہیے اور مسئلہ کشمیر کے حل کے لیے اقوام متحدہ کی قراردادوں پرعمل درآمد یقینی بنانا چاہیے۔

وزیراعظم پاکستان نے کہا کہ نہتے کشمیریوں کو بدترین ریاستی دہشت گردی کا نشانہ بنایا جارہا ہے اور بھارت کی پوری ریاستی مشینری انسانیت کےخلاف جرائم میں ملوث ہے۔

شاہد خاقان عباسی نے اپنے پیغام میں اقوام متحدہ کی نگرانی میں مقبوضہ کشمیر میں انسانی حقوق کی خلاف ورزیوں کی آزادانہ شفاف اور منصفانہ تحقیقات پر زور دیا۔

وزیراعظم پاکستان نے کہا کہ 27 اکتوبر1947 کوبھارت نے جموں وکشمیرپرزبردستی قبضہ کیا، انہوں نے کہا کہ پاکستان کشمیریوں کی اخلاقی، سیاسی وسفارتی حمایت جاری رکھے گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

نیویارک: اقوام متحدہ میں پاکستان کی سفیر ملیحہ لودھی کا کہنا ہے کہ بھارت مقبوضہ کشمیرمیں مظاہرین پرپیلٹ گنزکا بے رحمانہ استعمال کر رہا ہے۔

تفصیلات کے مطابق پاکستان کی سفیر ملیحہ لودھی نے اقوام متحدہ کی خصوصی کمیٹی میں اظہار خیال کرتے ہوئے کہا کہ پیلٹ گن سے نابینا ہوکرکشمیری نوجوان نسل ہمیشہ کے لیےمعذورہورہی ہے۔

اقوام متحدہ میں پاکستانی مندوب ملیحہ لودھی نے کہا کہ بھارت نے طاقت اورجعلسازی سے کشمیریوں کو ان کے حق سےمحروم کررکھا ہے جبکہ جعلی انتخابات کا ہتھکنڈا کشمیریوں کی حقوق دبانےکی ایک اورکوشش ہے۔

مقبوضہ کشمیرکا مسئلہ بات چیت سے ہی ممکن ہے، سابق را چیف

ملیحہ لودھی نے کہا کہ بھارت نےمقبوضہ کشمیرمیں ظلم اوربربریت کا بازارگرم کررکھا ہےانہوں نے کہا کہ بھارتی دعوے کے برعکس کشمیر کبھی بھی بھارت کاحصہ نہیں رہا۔

پاکستانی سفیر نے کہا کہ بہادراورجرات مند کشمیری اپنے حق خودارادی کی جدوجہدجاری رکھیں گے، اقوام متحدہ کشمیریوں کا تسلیم شدہ حق دلانےکا وعدہ پورا کرے۔

اقوام متحدہ میں پاکستانی مندوب ملیحہ لودھی نے کہا کہ مسئلہ فلسطین کےحل کے بغیرمشرق وسطیٰ میں امن کاقیام ممکن نہیں ،پاکستان فلسطینیوں کی آزادی کے لیے جدوجہدکی حمایت جاری رکھےگا۔

پاکستان کوسرحد پارسے دہشت گردی کےخطرےکا سامنا ہے‘ ملیحہ لودھی

واضح رہے کہ تین روز قبل اقوام متحدہ میں پاکستان کی سفیر ملیحہ لودھی کا کہنا تھا کہ پاکستان کوسرحد پارسے دہشت گردی کےخطرے کا سامنا ہے ان دہشت گردی کرنے والی قوتوں کو پاکستان شکست دے گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

مظفرآباد : وزیراعظم آزاد کشمیر فاروق حیدر کا کہنا ہے کہ اقوام متحدہ میں کشمیریوں کی ترجمانی پروزیراعظم پاکستان کے شکر گزارہیں۔

تفصیلات کے مطابق وزیراعظم آزاد کشمیرفاروق نے وزیراعظم شاہد خاقان عباسی کے جنرل اسمبلی خطاب کا خیرمقدم کرتے ہوئے کہا کہ کشمیر میں انسانی حقوق کی خلاف ورزیوں کواجاگر کرناخوش آئند ہے۔

وزیراعظم آزاد کشمیر نے کہا کہ وزیراعظم پاکستان نے اقوام متحدہ میں کشمیریوں کی درست ترجمانی کی بطورکشمیری وزیراعظم پاکستان کے خطاب کا خیرمقدم کرتے ہیں۔ انہوں نے اقوام متحدہ میں کشمیریوں کی ترجمانی پروزیراعظم پاکستان کا شکریہ ادا کیا۔

وزیراعظم آزاد کشمیر فاروق حیدر نے کہا کہ مسئلہ کشمیرپراقوام متحدہ کے خصوصی نمائندےکا تقررضروری ہے۔

فاروق حیدر کا کہنا تھا کہ بھارت پاکستان میں تخریب کاریوں کی پشت پناہی کررہا ہے۔

بھارت نےمحدود جنگ کی پالیسی نہ بدلی تومنہ توڑ جواب ملےگا‘ وزیراعظم

خیال رہے کہ وزیراعظم شاہد خاقان عباسی نے اقوام متحدہ کی جنرل اسمبلی کے 72 ویں اجلاس سے خطاب کرتے ہوئے کہا کہ بھارت نے مقبوضہ کشمیر میں 7 لاکھ فوج تعینات کررکھی ہے جو کشمیریوں کی جدوجہد آزادی کو طاقت کے ذریعے کچل رہی ہے۔

واضح رہے کہ وزیراعظم پاکستان نے کہا کہ بھارت جرائم پر پردہ ڈالنے کے لیے ایل او سی پر سیزفائر کی خلاف ورزی کرتا ہے۔ انہوں نے عالمی برادری پر زور دیا کہ وہ بھارت کو مقبوضہ کشمیر میں بیلٹ گنوں کے استعمال اور دیگر جرائم سے روکے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔