ARYNews.tv | Urdu – Har Lamha Bakhabar

Tag: کشمیری

  • بھارت مقبوضہ کشمیر میں سوشل میڈیا پر پابندی ختم کرے‘اقوام متحدہ

    بھارت مقبوضہ کشمیر میں سوشل میڈیا پر پابندی ختم کرے‘اقوام متحدہ

    جنیوا: اقوام متحدہ نے بھارتی حکومت پر زور دیا ہے کہ وہ مقبوضہ کشمیر میں موبائل انٹرنیٹ سروس اورسوشل میڈیا پرلگائی گئی پابندی کو فوری ختم کرے۔

    تفصیلات کےمطابق اقوام متحدہ کےخصوصی نمائندےبرائے آزادی اظہاررائےاورخصوصی نمائندے انسانی حقوق نےجنیوا سے جاری بیان میں کہا ہے کہ سوشل میڈیا پر بھارتی حکومت کی پابندی کشمیریوں کو اجتماعی سزا دے رہی ہےجسےختم کیا جائے۔

    مقبوضہ کشمیر میں’سوشل میڈیا‘ پرپابندی

    خیال رہے کہ بھارتی حکام نے گذشتہ ماہ کشمیر میں 22 سوشل میڈیا سائٹس پرایک ماہ کےلیے پابندی لگا دی تھی،ان میں فیس بک، ٹویٹر اور موبائل انٹرنیٹ سروسز جیسا کہ واٹس اپ بھی شامل ہے۔

    مقبوضہ کشمیر میں پاکستانی چینلز پرپابندی

    یاد رہےکہ تین روزقبل وزیراعلیٰ محبوبہ مفتی نےمقبوضہ کشمیر میں تمام ڈپٹی کمشنرزکو پاکستانی چینلوں کی نشریات پرپابندی لگانے کے احکامات جاری کیےتھے۔

    واضح رہےکہ مقبوضہ کشمیر کی وزیراعلیٰ محبوبہ مفتی کاکہناتھاکہ کیبل ٹیلی ویژن آپریٹرز کے قانون کی دفعہ11 کے تحت ڈسٹرکٹ مجسٹریٹ قانون کی خلاف ورزی کرنے والے کیبل آپریٹرز کا سامان ضبط کرنے کا اختیاررکھتے ہیں۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • مقبوضہ کشمیر میں پاکستانی کٹ پہننے والے کشمیری کھلاڑی گرفتار

    مقبوضہ کشمیر میں پاکستانی کٹ پہننے والے کشمیری کھلاڑی گرفتار

    سرینگر: مقبوضہ کشمیر میں پاکستانی کرکٹ ٹیم کی کٹ پہن کر پاکستان کا قومی ترانہ گانے والے کھلاڑیوں کو گرفتار کر لیا گیا۔

    بھارتی میڈیا کے مطابق سرینگر کے ضلع گاندر بل میں ایک میچ سے قبل دو ٹیمیں آمنے سامنے ہوئیں تو ایک ٹیم نے پاکستان سے محبت کے اظہار کے طور پر سبز کٹ زیب تن کر رکھی تھی۔

    میچ شروع ہونے سے قبل پاکستان کا قومی ترانہ پڑھایا گیا جسے دونوں ٹیموں کے کھلاڑیوں نے عقیدت و احترام سے سنا۔

    ویڈیو سامنے آنے کے بعد کٹھ پتلی انتظامیہ غم و غصے سے پاگل ہوگئی۔ بھارتی فوج نے مختلف علاقوں میں چھاپے مار کر پاکستانی کٹ پہننے والی ٹیم کے کھلاڑیوں کو گرفتار کر لیا۔ میچ کا انعقاد کرنے والے افراد کو بھی تلاش کیا جا رہا ہے۔

    اس سے قبل صوفی بزرگ بابا دریا الدین کے نام سے منسوب مذکورہ ٹیم کے کھلاڑیوں نے بھارتی خبر رساں ادارے سے بات کرتے ہوئے کہا تھا کہ ہم مسئلہ کشمیر کے مسئلے کو مختلف انداز میں اجاگر کرتے رہیں گے۔

    مزید پڑھیں: ترانے کے دوران چیونگم چبانے پر ہندو سراپا احتجاج

    انہوں نے کہا کہ ہمیں امید ہے کہ اللہ ہمارے ساتھ ہے اس لیے ہم کسی سے خوفزدہ نہیں ہوتے۔ پاکستان سے عقیدت کا اظہار کر کے مادر وطن سے محبت کا اظہار کیا ہے۔

    کھلاڑیوں کا کہنا تھا کہ ہم نے اس عمل سے کسی کو تکلیف نہیں دی اور نہ ہی ایسا کوئی مقصد تھا۔

  • کشمیر میں بھارتی مظالم کے خلاف مذمتی قرارداد منظور

    کشمیر میں بھارتی مظالم کے خلاف مذمتی قرارداد منظور

    اسلام آباد: پارلیمنٹ کے مشترکہ اجلاس میں مقبوضہ کشمیر میں بھارتی مظالم کے خلاف مذمتی قرارداد متفقہ طور پر منظور کرلی گئی۔

    تفصیلات کےمطابق پارلیمنٹ کے مشترکہ اجلاس میں مشیر خارجہ سرتاج عزیز نےکہا کہ مقبوضہ کشمیر میں بھارت نے بربریت کی انتہا کردی،جس میں 110کشمیری شہید ہوئے ہیں۔

    اس موقع پر سرتاج عزیز نے مقبوضہ کشمیر میں بھارتی مظالم کے خلاف مذمتی قرارداد پیش کی جس میں کہا گیا کہ یہ ایوان مقبوضہ کشمیر میں بھارتی مظالم کی شدید مذمت کرتا ہے،کشمیر کے معاملے پر پوری قوم یکجان ہے۔

    پارلیمنٹ میں پیش کی گئی قراردادمیں کہا گیا ہےکہ بھارت لائن آف کنٹرول پر جنگ بندی کی مسلسل خلاف ورزی کررہاہے،عالمی برداری بھارتی خلاف ورزیوں کا نوٹس لے۔

    بھارت کے خلاف مذمتی قرارداد میں ایوان نے اڑی حملےمیں پاکستان کوملوث کرنےکےالزام کی مذمت کی ہے۔

    قرارداد میں نہتےکشمیریوں کے خلاف ممنوعہ ہتھیاروں کے استعمال کی مذمت کرتے ہوئے کہا گیا ہے کہ کشمیرمیں ڈیڑھ سوسے زائد نوجوانوں کو بینائی سے محروم کردیا گیا،انسانی حقوق کی تنظیمیں کشمیریوں پر بھارتی مظالم کا نوٹس لیں۔

    واضح رہے کہ اس موقع پر قومی اسمبلی میں قائد حزب اختلاف خورشید شاہ نے کہا کہ خوشی ہوتی اگر قرارداد کی منظوری کے وقت وزیراعظم خود بھی ایوان کی کارروائی میں شریک ہوتے۔

  • نہ کشمیریوں نے اور نہ ہی پاکستانیوں نے ہمت ہاری ہے،صدرآزادکشمیر

    نہ کشمیریوں نے اور نہ ہی پاکستانیوں نے ہمت ہاری ہے،صدرآزادکشمیر

    اسلام آباد :آزاد کشمیر کے صدر مسعود خان نے لائن آف کنٹرول پر بھارتی جارحیت کی شدید الفاظ میں مذمت کرتے ہوئے کہا ہےکہ نہ کشمیریوں نے اور نہ ہی پاکستانیوں نے ہمت ہاری ہے۔

    تفصیلات کےمطابق دارالحکومت اسلام آباد میں آزاد کشمیر کے صدر مسعود خان نے کشمیر ہاوس میں پریس کانفرنس کرتے ہوئے کہنا تھاکہ اڑی حملے اور ایل او سی پر کراس بارڈر فائرنگ کا مقصد مقبوضہ کشمیر میں مظالم سے توجہ ہٹانا ہے۔

    صدر آزاد کشمیر نے کہا کہ مسئلہ کشمیر اقوام متحدہ کے ایجنڈے پر موجود ہے،مقبوضہ کشمیر کے عوام روزانہ ریفرنڈم کے ذریعے بھارتی قبضہ مسترد کرتے ہیں۔

    مزید پڑھیں: مقبوضہ کشمیر کبھی بھی بھارت کاحصہ نہ تھااورنہ ہوگا

    مسعود خان کا مزید کہنا تھا کہ دنیا مصلحت کا شکار ہے،اس لیے خاموش ہے لیکن نہ تو کشمیریوں نے اور نہ ہی پاکستان نےہمت ہاری ہے۔

    مزید پڑھیں: ہماری چوتھی نسل خونریزی کےماحول میں رہ رہی ہے،علی گیلانی

    یاد رہے کہ اس سے قبل گزشتہ دنوں حریت کانفرنس کے چیئرمین سید علی گیلانی کا کہنا تھا کہ ’’ہماری چوتھی نسل خونریزی،جبر اور سیاسی غیر یقینی کے ماحول میں رہ رہی ہے‘‘۔

    مزید پڑھیں: کشمیر کبھی بھارت کا حصہ تھا اور نہ رہے گا،فاروق حیدر

    واضح رہے کہ گزشتہ روز اسلام آباد میں پریس کانفرنس کے دوران وزیراعظم آزادکشمیرفاروق حیدرکا کہنا تھا کہ بھارت کبھی جنگ کی غلطی نہیں کرے گا کیونکہ جنگ کی قیمت کا بھارت کو بھی اندازہ ہے جبکہ کشمیرکبھی ہندوستان کا حصہ تھا اورنہ رہے گا۔

  • ایل او سی پر فائرنگ،حریت رہنماؤں کی مذمت

    ایل او سی پر فائرنگ،حریت رہنماؤں کی مذمت

    سری نگر: جموں اور کشمیر لائن آف کنٹرول پربھارتی فورسز کی بلا اشتعال فائرنگ کی شدید مذمت کرتے ہوئےحریت رہنماؤں نے اسے بھارت کی جانب سے کشمیریوں پر جاری مظالم سے توجہ ہٹانے کی کوشش قراردیا۔

    تفصیلات کےمطابق آل پارٹیز حریت کانفرنس کے ترجمان،سینئر رہنما شبیر احمد شاہ اور آغا سید حسن الموسوی نےعالمی برادری سے اپیل کی ہے کہ وہ بھارتی فورسز کی جانب سے کشمیریوں پر ڈھائے جانے والے مظالم کا نوٹس لیں۔

    دوسری جانب حریت رہنما میر واعظ عمر فاروق نے ایل او سی پر بھارتی فورسز کی بلا اشتعال فائرنگ پر اپنے تحفظات کا اظہار کرتے ہوئے کہا کہ فوجی جارحیت سے مسائل کا حل ممکن نہیں ہے۔

    میر واعظ عمر فاروق نے پاکستان اور بھارتی عوام کے درمیان جنگی جنون کے جذبات ابھارنے پر ہندوستانی میڈیا کے کردار کو تنقید کا نشانہ بنایا۔

    ادھرجموں اور کشمیر کے مختلف علاقوں میں کشمیریوں نے ایل او سی پر بھارتی کارروائی کا نشانہ بننے والے 2 پاکستانی فوجیوں کی غائبانہ نماز جنازہ ادا کی۔

    اس موقع پر ہزاروں کشمیری مظاہرین نے ہندوستانی جارحیت کے خلاف سری نگر کے لال چوک پر مظاہرہ کیا جنہیں منتشر کرنے کیلئے بھارتی فورسز نے آنسو گیس کا استعمال کیا، بھارتی فورسز کی فائرنگ سے سیکٹروں کشمیری زخمی ہوگئے۔

    مزید پڑھیں:بھارت 18فوجیوں کی ہلاکت نہیں بھولتا،ہم6لاکھ شہادتیں کیسے بھول جائیں،علی گیلانی

    یاد رہے کہ جموں اور کشمیر میں 84 روز سے کرفیو جاری ہے جبکہ وادی کی مساجد میں 12 ہفتے ہونے کو ہیں کہ مساجد میں نماز جمعہ کی ادائیگی ممکن نہ ہوسکی ہے۔

    مزید پڑھیں: ہماری چوتھی نسل خونریزی کےماحول میں رہ رہی ہے،علی گیلانی

    واضح رہے کہ دو روز قبل حریت کانفرنس کے چیئرمین سید علی گیلانی کا کہنا تھا کہ ’’ہماری چوتھی نسل خونریزی،جبر اور سیاسی غیر یقینی کے ماحول میں رہ رہی ہے‘‘۔

  • ہماری چوتھی نسل خونریزی کےماحول میں رہ رہی ہے،علی گیلانی

    ہماری چوتھی نسل خونریزی کےماحول میں رہ رہی ہے،علی گیلانی

    سری نگر:حریت کانفرنس کے چیئرمین سید علی گیلانی کا کہنا ہے کہ ’’ہماری چوتھی نسل خونریزی،جبر اور سیاسی غیر یقینی کے ماحول میں رہ رہی ہے‘‘۔

    تفصیلات کےمطابق سید علی گیلانی کا کہنا تھا کہ ہندوستان مقبوضہ کشمیرکی تاریخی سچائی کے حوالے سے دنیا سے غلط بیانی کررہا ہے اور ہم بھارت کی غیر حقیقی رٹ کو تسلیم نہیں کرتے۔

    بھارتی وزیراعظم نریندر مودی کے بیان کہ کشمیری امن چاہتے ہیں پر اپنے رد عمل کا اظہار کرتے ہوئے سیدعلی گیلانی کاکہنا تھا کہ ’’کشمیر کے عوام سے بڑھ کر کسی اور کو امن کی ضرورت نہیں‘‘۔

    سید علی گیلانی کا کہنا تھا کہ ہندوستان جموں اور کشمیر کی متنازع حالت کو تسلیم کرے گا اور اس سے نمٹنےکے لیے ٹھوس اقدامات کرے گا، اس وقت پاک بھارت تعلقات میں بہتری اور خطے میں امن و استحکام واپس لوٹ آئے گا۔

    دوسری جانب حریت رہنما میر واعظ عمر فاروق کا کہنا ہے کہ ’’جموں اور کشمیر ماضی اور مستقبل میں بھی ہندوستان کا حصہ نہیں رہا، کیونکہ یہ ایک متنازع علاقہ ہے‘‘۔

    مزید پڑھیں: بھارت 18فوجیوں کی ہلاکت نہیں بھولتا،ہم6لاکھ شہادتیں کیسے بھول جائیں،علی گیلانی

    یاد رہے کہ اس سے قبل حریت رہنما سیّد علی گیلانی کا کہنا تھا کہ ’’بھارت 18 فوجیوں کی ہلاکت نہیں بھول سکتا تو ہم 6لاکھ شہادتیں کیسے بھول جائیں‘‘۔

    واضح رہے کہ مقبوضہ کشمیر میں آج بھی کرفیو اور وادی میں مکمل شٹر ڈاؤن کےبعد وادی میں جاری کرفیو کو 81 روز ہوگئے ہیں۔

  • اوڑی حملہ بھارت کا اپنا پلان تھا،خواجہ آصف

    اوڑی حملہ بھارت کا اپنا پلان تھا،خواجہ آصف

    اسلام آباد : وفاقی وزیردفاع خواجہ آصف کا کہنا ہے کہ مقبوضہ کشمیر میں بھارتی فوجی مرکز پر حملہ بھارت کا اپنا منصوبہ تھاجو اسے بہت مہنگا پڑے گا۔

    تفصیلات کےمطابق وفاقی وزیر دفاع خواجہ آصف کا انٹرویو کے دوران کہنا تھا کہ بھارت گزشتہ کئی سالوں سے پاکستان میں دہشت گردی کے مختلف واقعات میں ملوث رہا ہے اور اوڑی حملہ بھی بھارت کا اپنا بنایا ہوا منصوبہ تھا۔

    وفاقی وزیر دفاع نے گزشتہ روز سماجی رابطے کی ویب سائٹ ٹوئٹر پر ٹویٹ کی جس میں انہوں نے اوڑی حملے کو تناؤ بڑھانے کے ساتھ کشمیر کے موضوع سے دھیان ہٹانے کا ہتکنڈہ قرار دیا۔

    وزیر دفاع کا کہنا تھا کہ ہندوستان ہر طرح سے پاکستان کے خلاف بات کررہا ہے، لیکن اس سب کے باوجود بھی کسی ملک نے اس کی تائید نہیں کی، جبکہ ہمارے مؤقف پر چین ساتھ کھڑا ہوا۔

    اُوڑی حملے کے حوالے سے خواجہ آصف نے کہا کہ بھارت اب تک ایک بھی ثبوت پاکستان کے خلاف سامنے نہیں آیا جس سے یہ بات ثابت ہورہی ہے کہ یہ سب کچھ خود ہندوستان کا مرتب کردہ ایک منصوبہ تھا۔

    یاد رہے کہ اس سے قبل وزیراعظم نوازشریف نے کہا  تھاکہ بھارت کی جانب سے اوڑی حملے کا الزام پاکستان پر لگایا گیا ہے انہوں نے کہا کہ یہ بھارت کی پرانی عادت ہے کہ ہر حملے کا الزام پاکستان پرلگاتا ہے۔

    مزید پڑھیں کشمیر کے بغیر بھارت سے بات چیت کا کوئی فائدہ نہیں،وزیراعظم نواز شریف

    واضح رہے کہ وزیراعظم نواز شریف نے اقوام متحدہ کی جنرل اسمبلی کے 71 ویں اجلاس سے خطاب کرتے ہوئے کہا تھا کہ پاکستان پڑوسی ملک ہندوستان کے ساتھ امن اور اچھے تعلقات کا خواہاں ہے لیکن دونوں ممالک کے درمیان امن مسئلہ کشمیر کے حل کے بغیر ممکن نہیں ہے۔

     

  • مقبوضہ کشمیر کبھی بھی بھارت کاحصہ نہ تھااورنہ ہوگا

    مقبوضہ کشمیر کبھی بھی بھارت کاحصہ نہ تھااورنہ ہوگا

    نیویارک: اقوام متحدہ میں پاکستان کی سفیرڈاکٹرملیحہ لودھی کا کہنا ہے کہ مقبوضہ کشمیر کبھی بھی بھارت کاحصہ نہیں تھااور نہ ہو گا۔

    تفصیلات کےمطابق بھارتی وزیر خارجہ سشما سوراج کی اقوام متحدہ کی جنرل اسمبلی میں تقریر کے جواب میں پاکستانی مستقل مندوب ملیحہ لودھی کا کہنا تھا کہ بھارت مقبوضہ کشمیر میں فیکٹ فائنڈنگ مشن کوتحقیقات کرنے دے۔

    اقوام متحدہ میں پاکستانی سفیر ملیحہ لودھی کا کہنا تھا کہ پچاس سال سے بھارت ہمسایہ ملکوں میں دہشت گردی کی معاونت کرتارہا ہے۔

    انہوں نے کہا کہ مقبوضہ کشمیر میں قتل عام ریاستی دہشت گردی کی بدترین مثال ہے،ڈھائی ماہ میں 100سے زائد کشمیری شہید،سیکڑوں بینائی سے محروم ہوگئے،بھارت کی جانب سے پاکستان پرالزامات کا مقصدکشمیری خواتین اور بچوں پر ظلم سے توجہ ہٹانا ہے۔

    اقوام متحدہ میں پاکستان کی سفیرملیحہ لودھی نے مزید کہاکہ بھارت کی پاکستان میں مداخلت ریکارڈ پرموجود ہے،بھارتی جاسوس کل بھوشن یادیو نےبھارتی تخریبی سرگرمیوں کااعتراف کیاہے۔

    واضح رہے کہ ڈاکٹر ملیحہ لودھی کا کہنا تھا کہ پاکستان مسئلہ کشمیر کو حل کرنے کے لیے مذاکرات کا حامی ہے،اقوام متحدہ کی جنرل اسمبلی سے خطاب میں وزیر اعظم نواز شریف نے بھی بھارت کو مذاکرات کی دعوت دی تھی۔

  • بھارت 18فوجیوں کی ہلاکت نہیں بھولتا،ہم6لاکھ شہادتیں کیسے بھول جائیں،علی گیلانی

    بھارت 18فوجیوں کی ہلاکت نہیں بھولتا،ہم6لاکھ شہادتیں کیسے بھول جائیں،علی گیلانی

    سری نگر: حریت رہنما سیّد علی گیلانی کا کہنا ہے کہ ’’بھارت 18 فوجیوں کی ہلاکت نہیں بھول سکتا تو ہم 6لاکھ شہادتیں کیسے بھول جائیں‘‘۔

    تفصیلات کےمطابق حریت رہنما سیّد علی گیلانی نے مقبوضہ کشمیر کے معاملات پر بھارتی حکمرانوں کے دوہرے اور مشکوک معیارات پر تشویش کا اظہار کیا۔

    سید علی گیلانی نے کیرالہ میں بھارتی وزیرِاعظم نریندر مودی کی حالیہ تقریر پر ردِعمل ظاہر کرتے ہوئے کہا کہ’’ بھارت، کشمیریوں کے حقِ خودارادیت کےلیے جاری جائز اور برحق جدوجہد کوسرحد پار سے مداخلت کہہ کر بدنام کررہا ہے‘‘۔

    اُوڑی حملے میں 18 بھارتی فوجیوں کی ہلاکت پر مودی کے بیان پرتنقید کرتے ہوئے سیّد علی گیلانی نے سوال کیا کہ کیا ’’سقوطِ ڈھاکہ اور سری لنکا میں لوگوں کو ریاست کے خلاف تربیت دینا دہشت گردی کے زمرے میں نہیں آتا‘‘۔

    انہوں نے بلوچستان کے بارے میں نریندر مودی کے موقف اور پڑوسی ممالک میں مسلسل دخل اندازی اور انتشار پھیلانے کی پالیسی پر شدید تشویش کا اظہار بھی کیا۔

    علی گیلانی کا کہنا تھا کہ’’بھارت میں بھی اقلیتوں بالخصوص مسلمانوں کے خلاف دہشت گردی کے سینکڑوں واقعات،بابری مسجد کا انہدام،اندرا گاندھی کے قتل کے بعد ہزاروں نہتے سکھوں کا قتلِ عام،سمجھوتہ ایکسپریس پر حملہ،مالے گاؤں اور مکہ مسجد جیسے سانحات بھی بھارتی ریاستی دہشت گردی کی صرف چند بدنما مثالیں ہیں‘‘۔

    حریت رہنما نے مودی سرکار کوواضح پیغام دیاکہ مقبوضہ کشمیر میں آزادی کی جدوجہد جاری رہے گی چاہے اس دوران کشمیریوں پر کتنا ہی تشدد کیوں نہ کیا جائے اور چاہے انہیں کتنے ہی جبر و استبداد کا نشانہ بنایا جائے۔

  • پاکستان کا بھارت سے نہتے کشمیریوں کا قتل عام روکنے کا مطالبہ

    پاکستان کا بھارت سے نہتے کشمیریوں کا قتل عام روکنے کا مطالبہ

    اسلام آباد : پاکستان دفتر خارجہ نے مقبوضہ کشمیرمیں بڑھتی ہلاکتوں کے واقعات کی شدید مذمت کرتے ہوئے کہا ہے کہ بھارت کشمیریوں کا قتل عام فوری طور پر بند کرے۔

    پاکستان میں اقوام متحدہ کے نمائندے نے بھی مقبوضہ کشمیر میں بھارتی مظالم کی تصدیق کی ہے۔

    تفصیلات کے مطابق پاکستان نے بھارت سے مقبوضہ کشمیر میں نہتے کشمیریوں کا قتل عام فوری روکنے کا مطالبہ کردیا۔

    ترجمان دفتر خارجہ نفیس ذکریا کا کہنا ہے کہ نہتے کشمیریوں کا قتل عام غیر منصفانہ ہے، اسے فوری طور پر روکا جائے۔

    ترجمان دفتر خارجہ نے بتایا کہ وزیراعظم نواز شریف نے مقبوضہ کشمیر کے مظلوم عوام سے اظہار یکجہتی اور ان کے حق خود ارادیت کی کوششوں کیلئے عیدالاضحیٰ کو کشمیریوں کے نام کیا ہے۔

    ان کا کہنا تھا کہ پاکستان میں اقوام متحدہ کے نمائندے نے بھی بھارتی مظالم کی تصدیق کی ہے۔ انہوں نے کہا کہ پاکستان مقبوضہ کشمیر میں یو این مشن کے ساتھ کام کرنے پر رضامند ہے۔ اس حوالے سے بھارت کی جانب سے جواب کا انتظار ہے۔