Tag: کشمیری

اسلام آباد: وزیراعظم آزاد کشمیر راجہ فاروق حیدر نے کہا ہے کہ کشمیریوں نے اپنا مستقبل پاکستان سے وابستہ کر رکھا ہے۔

تفصیلات کے مطابق اسلام آباد میں تقریب سے خطاب میں وزیراعظم آزاد کشمیر فاروق حیدر کا کہنا تھا کہ کشمیریوں نے اپنا مستقبل پاکستان سے وابستہ کر رکھا ہے،حکومت کو مسئلہ کشمیر بارے تجاویز ارسال کر دی ہیں۔

راجہ فاروق حیدر کا کہنا تھا کہ کشمیری عالمی سطح پر اپنا مقدمہ پیش کر سکتے ہیں، آزاد کشمیر حکومت، حریت کانفرنس کو اپنا مقدمہ لڑنے کی اجازت دی جائے۔

وزیراعظم آزاد کشمیر نے کہا کہ کشمیر سے آنے والے دریاوں کا پانی پاکستان کے لیے لائف لائن ہے، بھارت سوچے سمجھے منصوبے کے تحت پاکستان کی لائف لائن پر وار کر رہا ہے۔

انہوں نے کہا کہ مظلوم کشمیری پاکستان اور مسلم امہ کی جانب دیکھ رہے ہیں، مسلم امہ کشمیریوں کو مایوس نہ کرے۔

تقریب سے خطاب میں سابق صدر آزاد کشمیر سردار یعقوب خان کا کہنا تھا کہ بھارتی فورسز کشمیری نوجوانوں کو ماورائے عدالت قتل اور املاک کو تباہ کر رہی ہیں۔

انہوں نے کہا کہ اقوام متحدہ اور عالمی برادری انسانی حقوق کی خلاف ورزیاں رکوانے اور کشمیریوں کو حق خودارادیت دلوانے کے لیے اپنا کردار ادا کرے۔

اسلام آباد: وزیر خارجہ شاہ محمود قریشی نے کہا ہے کہ مقبوضہ کشمیر کے80 لاکھ شہری 10 ماہ سے بھارتی استبداد کا سامنا کر رہے ہیں۔

تفصیلات کے مطابق وزیر خارجہ کی زیر صدارت سابق خارجہ سیکریٹریز کا مشاورتی اجلاس ہوا جس میں کرونا صورتحال،معاشی مضمرات، مقبوضہ کشمیر میں بھارتی جارحیت پر تبادلہ خیال کیا گیا۔

اجلاس سے خطاب کرتے ہوئے شاہ محمود قریشی نے کہا کہ کرونا ایک عالمی وبائی چیلنج ہے،پاکستان جیسی ترقی معیشتوں پر وبا کےاثرات شدید نوعیت کے ہیں،وزیر اعظم کی ڈیٹ ایلیف تجویز کو عالمی پذیرائی مل رہی ہے۔

وزیر خارجہ کا کہنا تھا کہ مقبوضہ کشمیر کے80 لاکھ شہری 10 ماہ سے بھارتی استبداد کا سامنا کر رہے ہیں،کرونا وبا کے بعد مظلوم کشمیری دہرا لاک ڈاؤن بھگت رہے ہیں۔

انہوں نے کہا کہ بھارت کی جانب سے ایل اوسی کی خلاف ورزیوں کا سلسلہ جاری ہے،بھارت دانستہ طور پر خطے کا امن و امان تہہ و بالا کرنا چاہتا ہے،عالمی برادری کوبھارت کے جارحانہ رویے کا فوری نوٹس لینا چاہیے،بھارتی اقدامات عالمی قوانین کی صریحاً خلاف ورزی ہیں۔

بھارتی فوج کے جعلی مقابلوں میں کشمیریوں کے قتل پر پاکستان کی شدید مذمت

یاد رہے کہ دو جون کو ترجمان دفتر خارجہ عائشہ فاروقی کا کہنا تھا کہ پاکستان کو مقبوضہ کشمیر میں جعلی مقابلوں میں کشمیری نوجوانوں کے قتل پر شدید تشویش ہے۔

اسلام آباد: وفاقی وزیر اطلاعات شبلی فراز نے کہا ہے کہ بچوں کے عالمی دن کے موقع پر دنیا کشمیری بچوں پر ظلم کا نوٹس لے۔

تفصیلات کے مطابق سماجی رابطے کی ویب سائٹ ٹویٹر پر وفاقی وزیر شبلی فراز نے اپنے پیغام میں کہا کہ بھارتی جرائم میں کم سن بچوں کی قید،شہادتیں عالمی ضمیر پر سوالیہ ہے، پیلٹ گنز کے بے رحم استعمال نے بچوں کی بصارت چھین لی ہے۔

وفاقی وزیر اطلاعات نے کہا کہ وادی جنت نظیر میں غیرانسانی،تاریخ کا طویل لاک ڈاؤن جاری ہے،مقبوضہ وادی میں بچے بھی قیدوبندکی صعوبتیں برداشت کر رہے ہیں۔

Ruthless use of pallet guns has deprived innocent children of their sight.Inhuman lockdown still persists in IOJ&K where kids have been enduring rigours of imprisonment.They are being deprived of food&medicine. The occupation forces should be brought to the book for their crimes

— Senator Shibli Faraz (@shiblifaraz) June 4, 2020

شبلی فراز کا کہنا تھا کہ مقبوضہ وادی میں خوراک،ادویات،بچوں کے لیے دودھ تک نہیں پہنچ پا رہا،قابض افواج کے جرائم پر انہیں کٹہرے میں کھڑا کیا جائے۔

وفاقی وزیر اطلاعات کا مزید کہنا تھا کہ بچوں کے عالمی دن کے موقع پر دنیا کشمیری بچوں پر ظلم کا نوٹس لے۔

On Int’l Day of innocent children victims of aggression, the world must take notice of oppression suffered by Kashmiri children. Indian crimes against humanity including illegal detention and martyrdom of innocents is a question mark on world's conscience.

— Senator Shibli Faraz (@shiblifaraz) June 4, 2020

نیویارک: اقوام متحدہ میں پاکستانی مستقل مندوب منیر اکرم نے کہا ہے کہ بھارت مکاری سے کشمیر میں زمینی حقائق تبدیل کر رہا ہے۔

تفصیلات کے مطابق اقوام متحدہ میں پاکستانی سفیر منیر اکرم نے سلامتی کونسل کے ورچوئل مباحثے میں شرکت کی۔مباحثے کا موضوع تنازعات میں گھرے سولین کی حفاظت تھا۔پاکستانی مستقل مندوب نے مباحثے میں پاکستان کا موقف پیش کیا۔

پاکستانی سفیر نے مباحثے سے خطاب کرتے ہوئے کہا کہ سلامتی کونسل کو کشمیر میں بھارتی جنگی جرائم کا نوٹس لینا چاہیئے،بھارت کشمیر میں انسانی حقوق کی سنگین خلاف ورزیاں کر رہا ہے۔

منیر اکرم کا کہنا تھا کہ سلامتی کونسل کے موثر اقدامات نہ کرنے کی قیمت کشمیریوں کو ادا کرنی پڑتی ہے۔انہوں نے کہا کہ بھارت مکاری سے کشمیر میں زمینی حقائق تبدیل کر رہا ہے۔

انہوں نے مباحثے کے دوران بتایا کہ گزشتہ ماہ میں بھارت نے33 کشمیریوں کو شہید کیا،ایل او سی پر بھارتی فائرنگ سے رواں سال 989 کشمیری شہید ہوئے۔منیر اکرم کا مزید کہنا تھا کہ بھارت جنیوا کنونشن کی کھلی خلاف ورزی کر کے کشمیرمیں تسلط قائم کیے ہوئے۔

یاد رہے کہ تین روز قبل مقبوضہ کشمیر کے ضلع کلگام میں نام نہاد آپریشن کے دوران بھارتی فورسز نے 2 کشمیری نوجوانوں کو شہید کیا تھا۔

بھارتی فوج نے مقبوضہ وادی کو 9 ماہ سے چھاؤنی بنا رکھا ہے، ان 9 ماہ کے دوران بھارتی فوج کی بربریت سے 100 سے زائد کشمیری شہید ہو چکے ہیں۔

اسلام آباد: وزیر خارجہ شاہ محمود قریشی کا کہنا ہے کہ ریاستی جبر سے کشمیریوں کی آواز کو دبایا نہیں جا سکتا۔

تفصیلات کے مطابق وزیرخارجہ شاہ محمود قریشی سے آل پارٹیزحریت کانفرنس کے رہنماؤں نے ملاقات کی۔ ملاقات میں عبداللہ گیلانی، فیض نقشبندی، یاسین ملک کے نمائندے سمیت دیگر شریک تھے۔ وفاقی وزیرعلی امین گنڈاپور بھی ملاقات میں موجود تھے۔

وزارت خارجہ آمد پر وزیرخارجہ نے حریت رہنماؤں کوخوش آمدید کہا۔ وفد نے مقبوضہ کشمیر میں بھارتی مظالم کو دنیا میں اجاگر کرنے پر شکریہ ادا کیا حریت وفد نے کشمیر سے متعلق وزیراعظم،وزیرخارجہ کی کاوشوں کو بھی سراہا۔

اس موقع پر شاہ محمود قریشی کا کہنا تھا کہ ریاستی جبر سے کشمیریوں کی آواز کو دبایا نہیں جا سکتا، ہندوتوا سوچ پرعمل پیرا مودی سرکار کا چہرہ دنیا کے سامنے بےنقاب ہوگیا۔

وزیر خارجہ کا کہنا تھا کہ پاکستان ہر سطح، ہر فورم پر کشمیریوں کی آواز بلند کرتا رہے گا، حق خودارادیت ملنے تک پاکستان کشمیریوں کی حمایت جاری رکھے گا۔ انہوں نے کہا کہ بھارتی ظلم کے شکارکشمیریوں کی سسکیاں عالمی ضمیرجھنجھوڑ رہی ہیں۔

آل پارٹیزحریت کانفرنس کے رہنماؤں کے وفد نے مسئلہ کشمیر کو دنیا میں مزید اجاگر کرنے کے حوالے سے تجاویز بھی پیش کیں، وفد نے کہا کہ پاکستان نے دنیا میں کشمیریوں کی جیسی وکالت کی وہ قابل تحسین ہے۔

اسلام آباد: ترجمان دفتر خارجہ عائشہ فاروقی کا کہنا ہے کہ کشمیریوں نے اپنے خون سے مسئلہ کشمیر کو زندہ رکھا ہوا ہے۔

تفصیلات کے مطابق ترجمان دفتر خارجہ عائشہ فاروقی نے کہا کہ کشمیری بھرپوراندازمیں تحریک حق خودارادیت چلا رہے ہیں، برہان وانی سمیت کشمیریوں کو سلام عقیدت پیش کرتی ہوں۔

عائشہ فاروقی نے کہا کہ مقبوضہ کشمیر میں بدترین صورت حال، ظلم وبربریت ہے، کشمیریوں نے اپنے خون سے مسئلہ کشمیرکو زندہ رکھا ہوا ہے۔

ترجمان دفتر خارجہ نے کہا کہ حکومت پاکستان کشمیر کی صورت حال کو بھرپور اجاگر کر رہی ہے، وزیراعظم، وزیرخارجہ مقبوضہ کشمیرکی صورت حال پرفعال ہیں، 5 ماہ میں یواین کی سلامتی کونسل کے 2 اجلاس ہوچکے ہیں۔

انہوں نے کہا کہ مقبوضہ کشمیرمیں کرفیو کو 5 ماہ سے زائد عرصہ گزر چکا ہے، عالمی طاقتیں مقبوضہ کشمیر کی صورت حال پر تشویش کا اظہار کر رہی ہیں۔

بھارتی فوج کی ریاستی دہشتگردی، دو روز میں 5 کشمیری شہید

واضح رہے کہ مقبوضہ کشمیر میں بھارتی جارحیت تھم نہ سکی، قابض فوج نے نام نہاد آپریشن کے دوران مزید 2 کشمیریوں کو شہید کر دیا جس کے بعد گزشتہ دو روز میں شہید ہونے والوں کی تعداد 5 ہوگئی ہے۔

اسلام آباد: وزیراعظم عمران خان کا کہنا ہے کہ مقبوضہ کشمیر پر72 سال سے غیرقانونی قبضہ بربریت کی داستان ہے، 9 لاکھ قابض فوج نے خطے کو دنیا کی سب سے بڑی جیل میں تبدیل کردیا ہے۔

تفصیلات کے مطابق وزیراعظم عمران خان نے مقبوضہ کشمیر سے متعلق اپنے پیغام میں کہا کہ 5 جنوری کشمیریوں کے بنیادی حقوق برقرار رکھنے کےعزم کو تقویت دیتا ہے، اسی دن 1949 میں یو این نے حق خودارادیت کے حصول کا عہد کیا۔

وزیراعظم نے کہا کہ 5 جنوری کا دن عالمی برادری کو کشمیریوں سے وعدوں کی تکمیل کا احساس دلاتا ہے، جنرل اسمبلی، سلامتی کونسل فیصلوں میں حق خودارادی کا اعتراف کیا گیا، بھارتی مداخلت کے باعث سلامتی کونسل وعدے پورے کرنے میں ناکام رہی۔

انہوں نے کہا کہ مقبوضہ کشمیر پر72 سال سے غیرقانونی قبضہ بربریت کی داستان ہے، 9 لاکھ قابض فوج نے خطے کو دنیا کی سب سے بڑی جیل میں تبدیل کردیا ہے۔

وزیراعظم پاکستان نے کہا کہ 5 اگست کے بعد بھارت نے مقبوضہ کشمیرمیں دہشت گردی کی نئی لہر کا آغاز کیا، بے گناہ افراد، خواتین ، بچوں اور بوڑھوں کے انسانی حقوق کی پامالی کی جا رہی ہے۔

دنیا بھر میں کشمیری آج حق خودارادیت منارہے ہیں

مقبوضہ کشمیر میں سخت کرفیو کے باوجود شہریوں کے حوصلے پست نہ ہوئے، دنیا بھر میں بھارتی درندگی اور ریاستی دہشت گردی کے خلاف آج کشمیری حق خودارادیت منا رہے ہیں۔

ملتان: وزیرخارجہ شاہ محمود قریشی کا کہنا ہے کہ گزشتہ5 ماہ سے کشمیری عوام محاصرے میں ہیں، کشمیری مذہبی آزادی سمیت بنیادی انسانی حقوق سے یکسر محروم ہیں۔

تفصیلات کے مطابق وزیرخارجہ شاہ محمود قریشی نے قاسم باغ اسٹیڈیم میں کانفرنس سے خطاب کرتے ہوئے کہا کہ اس وقت مختلف اطراف سے اسلام کے خلاف سازشیں کی جا رہی ہیں۔

شاہ محمود قریشی نے کہا کہ منظم منصوبے کے تحت دہشت گردی کو مسلمانوں کے ساتھ جوڑا جا رہا ہے، اسلام کا مثبت تشخص اجاگر کرنا دور حاضر کا بنیادی تقاضا ہے۔

وزیر خارجہ نے کہا کہ بھارت میں متنازع قانون مسلمانوں کے خلاف تعصب کی بدترین مثال ہے، قانون کو بھارت کی 11 ریاستوں نے تسلیم کرنے سے انکار کر دیا ہے، ہندوستان کےعوام متنازع قانون کے خلاف سراپا احتجاج ہیں۔

شاہ محمود قریشی نے کہا کہ مقبوضہ کشمیرمیں اکثریت کو اقلیت میں تبدیل کیا جا رہا ہے، گزشتہ 5 ماہ سے کشمیری عوام محاصرے میں ہیں، کشمیری مذہبی آزادی سمیت بنیادی انسانی حقوق سے یکسرمحروم ہیں۔

وزیر خارجہ نے مزید کہا کہ دنیا بھر کے مظلوموں کے حقوق دلانے کے لیے سفارتی کوششیں جاری رکھیں گے۔