Tag: کشمیری

اسلام آباد: معاون خصوصی برائے اطلاعات ڈاکٹرفردوس عاشق اعوان کا کہنا ہے کہ وزیراعظم عالمی برادری کو نریندر مودی کا اصل چہرہ دکھا رہے ہیں۔

تفصیلات کے مطابق معاون خصوصی فردوس عاشق اعوان نے کشمیر کانفرنس سے خطاب کرتے ہوئے کہا کہ پاکستان اور کشمیر کا ایک جسم اور روح کا رشتہ ہے۔

انہوں نے کہا کہ وزیراعظم کے دورہ امریکا میں مسئلہ کشمیر سرفہرست ہے، وزیراعظم عمران خان عالمی رہنماؤں کو مقبوضہ کشمیر کی صورت حال سے آگاہ کر رہے ہیں

فردوس عاشق اعوان نے کہا کہ وزیراعظم عالمی برادری کو نریندر مودی کا اصل چہرہ دکھا رہے ہیں، وزیراعظم عمران خان عالمی رہنماؤں کو مقبوضہ کشمیر کی صورت حال سے آگاہ کر رہے ہیں۔

معاون خصوصی برائے اطلاعات نے کہا کہ وزیراعظم عمران خان کشمیریوں کا مؤقف ڈٹ کر بیان کریں گے، وزیراعظم کا مؤقف ہے ہرصورت کشمیریوں کے ساتھ کھڑے ہوں گے۔

مقبوضہ کشمیرمیں 50ویں روز بھی کرفیو

واضح رہے کہ مقبوضہ کشمیر میں آج مسلسل 50ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

کشمیرمیڈیا سروس کے مطابق مواصلاتی نظام کی معطلی، مسلسل کرفیو اور سخت پابندیوں کے باعث لوگوں کو بچوں کے لیے دودھ، زندگی بچانے والی ادویات اور دیگر اشیائے ضروریہ کی شدید قلت کا سامنا ہے۔

لاہور: صوبائی وزیر جیل خانہ جات چوہدری زوار حسین وڑائچ کا کہنا ہے کہ مقبوضہ کشمیر میں ڈھائے جانے والے انسانیت سوز مظالم پرعالمی برادری کی خاموشی لمحہ فکریہ ہے۔

تفصیلات کے مطابق صوبائی وزیر جیل خانہ جات چوہدری زوار حسین وڑائچ نے کہا کہ موجودہ حکومت نے ہر فورم پر مسئلہ کشمیر کو اجاگر کرنے میں کردار ادا کیا ہے۔

انہوں نے کہا کہ پرامن معاشرہ ترقی کی ضمانت ہوتا ہے، اقوام متحدہ کو چاہیے کہ وہ کشمیریوں کو آزادی دلانے میں اپنے حصے کا کردار ادا کرکے پوری دنیا کے امن کو یقینی بنائے۔

صوبائی وزیر نے کہا کہ نہتے کشمیریوں پر ہونے والے مظالم کی بھرپور مذ مت کرتے ہیں، بھارت کشمیر میں خون کی ہولی کھیلنا بند کرے۔

انہوں نے کہا کہ مقبوضہ کشمیر میں ڈھائے جانے والے انسانیت سوز مظالم پرعالمی برادری کی خاموشی لمحہ فکریہ ہے، مسئلہ کشمیر پوری دنیا کے لیے ٹیسٹ کیس ہے، کشمیر پر کسی قسم کی مہم جوئی کی کوشش ہوئی تو پورا خطہ متاثر ہو۔

مقبوضہ کشمیرمیں 48ویں روز بھی کرفیو

واضح رہے کہ آرٹیکل 370 اے ختم کرنے کے بعد مقبوضہ کشمیر میں 48ویں روز بھی کرفیو جاری ہے، موبائل فون، انٹرنیٹ سروس بند اور ٹی وی نشریات معطل ہیں۔

مظفرآباد: کشمیری حریت رہنما یاسین ملک کی اہلیہ مشعال ملک کا کہنا ہے کہ اقوام متحدہ کا سب سے پرانا مسئلہ کشمیر کا مسئلہ ہے۔

تفصیلات کے مطابق عالمی یوم امن کے دن کشمیری رہنما مشعال ملک نے اپنے پیغام میں کہا کہ آج امن کا دن ہے، دنیا کئی سال سے اس دن کو مناتی ہے، اقوام متحدہ پوری دنیا کوامن کا پیغام دیتا ہے۔

مشعال ملک نے کہا کہ اقوام متحدہ کا سب سے پرانا مسئلہ کشمیرکا مسئلہ ہے، اب بھی آس ہے اقوام متحدہ کب کشمیرکے مسئلے پرایکشن لے گا۔

انہوں نے کہا کہ امن اس وقت تک قائم نہیں ہوسکتاجب تک کشمیرکا مسئلہ حل نہیں ہوتا، کشمیرایک نیوکلیئرٹائم بم ہے۔ کشمیری رہنما نے کہا کہ ایک پوری انسانیت پوری قوم کو بھارت ختم کرنا چاہتا ہے۔

مشعال ملک نے کہا کہ یاسین ملک اس وقت تہاڑجیل کے ڈیتھ سیل میں قید ہیں۔ انہوں نے اپیل کی کہ اقوام متحدہ آج کا دن کشمیری عوام کے نام کرے۔

انہوں نے کہا کہ موسمیاتی تبدیلی کی بات کی جائے تو وہ بھی اہم ہے، اگرنیوکلیئر وارشروع ہوئی تو دنیامیں موسمیاتی سسٹم تباہ ہو جائے گا۔ کشمیری رہنما نے مزید کہا کہ ہم نے پلانٹ اورانسانیت کو بچانا ہے تو کشمیرکا مسئلہ حل کرنا ہوگا

واضح رہے کہ آج پاکستان سمیت دنیا بھر میں امن کا عالمی دن منایا جا رہا ہے، عالمی یوم امن ہرسال 21 ستمبر کو منایا جاتا ہے اس کا مقصد لوگوں میں امن کی اہمیت اور امن کی ضرورت بتانا ہے۔

اسلام آباد: وفاقی وزیر برائے انسانی حقوق شیریں مزاری کا کہنا ہے کہ نوجوان کشمیریوں کو بھارت کی مختلف جیلوں میں منتقل کیا جا رہا ہے۔

تفصیلات کے مطابق سماجی رابطے کی ویب سائٹ ٹویٹر پر وفاقی وزیر برائے انسانی حقوق شیریں مزاری نے اپنے پیغام میں کہا کہ آج دنیا بھرمیں امن کا دن منایا جا رہا ہے۔

وفاقی وزیر نے کہا کہ 50 روز سے کشمیری بھارتی پابندیوں کے سائے تلے زندگی گزار رہے ہیں، نہتے بچوں اورخواتین پرپیلٹ گن سے فائرنگ کی جاتی ہے۔

شیریں مزاری نے مزید کہا کہ انسانی بنیادوں پرکوئی امداد مقبوضہ کشمیرمیں نہیں دی جا رہی، نوجوان کشمیریوں کوبھارت کی مختلف جیلوں میں منتقل کیا جا رہا ہے۔

International Peace Day today and Kashmiris nearing 50 days of siege & violence by Indian Occupation forces. Pellet guns continue to be fired on innocent civilians incl women & children. No humanitarian aid being allowed into IOJK – young men whisked away to prisons across India

— Shireen Mazari (@ShireenMazari1) September 21, 2019

وفاقی وزیر برائے انسانی حقوق نے کہا کہ مسئلہ کشمیر پراب تک دنیا خاموش تماشائی بنی ہوئی ہے۔

شیریں مزاری نے مزید کہا کہ ہٹلرکے اوتارمودی کو دنیا بھرمیں ایوارڈ دیے جا رہے ہیں۔ انہوں نے سوال کیا کہ بل گیٹس کیا آپ سمجھتے ہیں فاشست مودی کو ٹائلٹس بنانے پرایوارڈ دینا چاہیے۔؟

Yet the world watches in an appeasing silence & worse with applause thru awards bestowed on this reincarnation of Adolf Hitler – Narendra Modi. @BillGates do you really think as long as a fascist builds toilets he should be applauded regardless of his ethnic cleansing agenda?

— Shireen Mazari (@ShireenMazari1) September 21, 2019

واضح رہے کہ آج پاکستان سمیت دنیا بھر میں امن کا عالمی دن منایا جا رہا ہے، عالمی یوم امن ہرسال 21 ستمبر کو منایا جاتا ہے اس کا مقصد لوگوں میں امن کی اہمیت اور امن کی ضرورت بتانا ہے۔

نیویارک: اقوام متحدہ میں پاکستان کی مستقل مندوب ڈاکٹر ملیحہ لودھی کا کہنا ہے کہ وزیراعظم عمران خان جنرل اسمبلی سے خطاب اور عالمی رہنماؤں سے ملاقاتیں کریں گے۔

تفصیلات کے مطابق اقوام متحدہ میں پاکستانی سفیر ملیحہ لودھی نے کہا کہ وزیراعظم اقوام متحدہ میں مظلوم کشمیریوں کی آواز بنیں گے، وزیراعظم اجلاس میں شرکت کے لیے آج نیویارک پہنچیں گے۔

پاکستانی سفیر نے کہا کہ وزیر اعظم عمران خان کا اقوام متحدہ کا دورہ مشن کشمیر ہے۔

ڈاکٹرملیحہ لودھی نے کہا کہ وزیراعظم جنرل اسمبلی سے خطاب اور عالمی رہنماؤں سے ملاقاتیں کریں گے، مقبوضہ کشمیر میں بھارتی تسلط ، انسانی حقوق کی پامالیوں سے آگاہ کریں گے۔

پاکستانی سفیر نے مزید کہا کہ وزیراعظم عمران خان کی امریکی صدر ڈونلڈ ٹرمپ سمیت کئی عالمی رہنماؤں سے دو طرفہ ملاقاتیں ہوں گی۔

واضح رہے کہ وزیراعظم عمران خان سعودی عرب سے اقوام متحدہ کے اجلاس میں شرکت کے لیے نیویارک روانہ ہوگئے۔

وزیرخارجہ شاہ محمود قریشی، مشیر خزانہ ڈاکٹر حفیظ شیخ اور معاون خصوصی زلفی بخاری بھی وزیراعظم عمران خان کے ہمراہ ہیں۔